لي چياڭ 7 - كەزەكتى جۇڭگو حالىقارالىق يمپورت كورمەسىنە قاتىناسقان ساۋداگەرلەردىڭ، ساتىپ الۋشى ساۋداگەرلەردىڭ ۋاكىلدەرىمەن اڭگىمەلەستى

«حالىق گازەتى»، 11 - ايدىڭ 4 – كۇنى، شاڭحاي. 11 - ايدىڭ 4 - كۇنى مەملەكەتتىك كەڭەستىڭ زۇڭليى لي چياڭ شاڭحايدا 7 - كەزەكتى جۇڭگو حالىقارالىق يمپورت كورمەسىنە قاتىناسقان ساۋداگەرلەردىڭ، ساتىپ الۋشى ساۋداگەرلەردىڭ ۋاكىلدەرىمەن اڭگىمەلەستى، شينسى عىلىم - تەحنيكاسى، سايسى ەمدەۋى، حەكسون، امبەباپ ەلەكتر - گاز، SK توبى، مەرسەدون، جۇڭگو 1 - اۆتوموبيل توبى، شياۋمي سياقتى كاسىپورىنداردىڭ جاۋاپتىلارىمەن اڭگىمەلەستى.

اڭگىمە ماجىلىسىنە قاتىناسقان كاسىپورىن ۋاكىلدەرى مىنالاردى ءبىلدىردى: ءبىز جۇڭگونىڭ ەكونوميكالىق، قوعامدىق دامۋىنا تىكەلەي ات سالىستىق ءارى كۋا بولدىق، جۇڭگو ۇكىمەتىنىڭ بازارعا كىرۋ رۇقساتىن ۇزدىكسىز كەڭەيتۋ، شارۋاشىلىق - ساۋدا ورتاسىن جاقسارتۋ، كاسىپورىنداردىڭ دامۋىن قولداۋ جاعىنداعى قۇلشىنىستارىن القايمىز. جۇڭگو رەفورمانى ونان ارى جاپپاي تەرەڭدەتىپ، ەسىكتى ايقارا اشىپ، اسىرەسە، جاڭاشا وندىرگىش كۇشتەردى بار كۇشپەن دامىتىپ، جوعارى ساپالى دامۋدى ىلگەرىلەتىپ، جۇڭگوداعى شەتەل كاسىپورىندارىن قامتىعان ءتۇرلى كاسىپورىندارعا اناعۇرلىم كوپ دامۋ ورايىن اكەلەدى. شەتەل كاپيتالىمەن قۇرىلعان كاسىپورىنداردىڭ ۋاكىلدەرى مىنانى ءبىلدىردى: جۇڭگو بازارىنا قىزىعىپ وتىرمىز ءارى وعان ۇزدىكسىز ىشكەرىلەي اتسالىسىپ، جۇڭگودا قارجى قوسۋدى كەڭەيتىپ، جاڭالىق جاراتۋ مەن توعىسپالى دامۋدى جەدەلدەتىپ، دۇنيە ءجۇزىنىڭ باياندى دامۋىن جەبەۋگە اناعۇرلىم زور قۇلشىنىس جاسايمىز.

لي چياڭ كوپشىلىكتىڭ ءسوزىن مۇقيات تىڭداپ، كاسىپورىنداردىڭ جۇڭگو مەن شەتەلدىڭ ەكونوميكا - ساۋدا بارىس - كەلىسىن ىلگەرىلەتۋگە، جۇڭگو ەكونوميكاسىنىڭ دامۋىن جەبەۋگە بەلسەندى ۇلەس قوسقاندىعىن القادى. لي چياڭ مىنالاردى ءبىلدىردى: يمپورت كورمەسى دۇنيە ءجۇزى بويىنشا تەڭ يگىلىكتەنەتىن حالىقارالىق الەۋمەتتىك ونىمگە جانە جۇڭگو مەن دۇنيە ءجۇزىنىڭ قوس باعىتتا اتتانۋىن، سەلبەسىپ تەڭ يگىلىككە كەنەلۋىن جەبەيتىن ماڭىزدى تۇعىرعا اينالدى. حالىقارالىق جاعداي قالاي وزگەرسە دە، جۇڭگونىڭ اشىق ەسىگى بارعان سايىن ايقارا اشىلادى. قازىر دۇنيە ءجۇزى ەكونوميكاسىنىڭ قالپىنا كەلۋى دارمەنسىز، ارتۋ قوزعاۋشى كۇشى جەتكىلىكسىز بولىپ وتىرعان جاعدايدا، جۇڭگونىڭ ەكونوميكالىق اينالىمى جالپى جاقتان ورنىقتى بولىپ، ورنىقتىلىق بارىسىندا ىلگەرىلەۋدە، ءبىز ەكونوميكانىڭ ۇزدىكسىز قالپىنا كەلۋىن، جاقسارۋىن، بازاردىڭ ۇزدىكسىز كەڭەيۋىن، ساپاسىن جوعارىلاتۋدى ىلگەرىلەتىپ، ءار ەل كاسىپورىندارىنا اناعۇرلىم كەڭ ساۋدا ءورىسىن اشىپ، قارجى قوسىپ كاسىپتى گۇلدەندىرۋ، جاڭالىق اشا قولدانۋ سىندى دامۋدىڭ جاڭا ءورىسىن الا كەلدىك، جۇڭگو بازارى ءالى دە ءار ەل كاسىپورىندارىنىڭ ەڭ تاماشا تالعامىنىڭ ءبىرى. جۇڭگو بازارعا كىرۋ رۇقساتىن ونان ارى كەڭەيتىپ، تەلەگراف، وقۋ - اعارتۋ، مادەنيەت، ەمدەۋ سياقتى سالالاردىڭ ەسىك اشۋىن تارتىپپەن كەڭەيتەدى، سونىمەن بىرگە، شارۋاشىلىق - ساۋدا ورتاسىن ۇزدىكسىز ساپالىلاندىرىپ، كاسىپورىنداردىڭ كوڭىل ءبولىپ وتىرعان ماسەلەلەرىنە دەر كەزىندە جاۋاپ قايتارىپ، كاسىپورىنداردىڭ ءىس جۇزىندىك ماسەلەلەردى شەشۋىنە كومەكتەسىپ، فاكتورلارعا يە بولۋ، تولىمدىلىق رۇقساتى، ۇكىمەتتىك ساتىپ الۋعا قاتىناسۋ سياقتى جاقتاردا ءادىل وراي ازىرلەيدى.

لي چياڭ مىنالاردى ءبىلدىردى: شەتەل كاپيتالىمەن قۇرىلعان كاسىپورىنداردىڭ جۇڭگو بازارىنا ۇزدىكسىز تامىر تارتىپ، اناعۇرلىم كوپ ساپالى تاۋار مەن قىزمەت وتەۋدى جۇڭگوعا اكەلۋىن، سونىمەن بىرگە، جۇڭگونىڭ ساتىپ الۋشى ساۋداگەرلەرى سياقتى كاسىپورىندارمەن سەلبەستىكتى تەرەڭدەتىپ، جۇڭگونى ەكسپورت ەتەتىن جەر ەتىپ قانا قويماي، ماڭىزدى قارجى قوسۋ ورنى، شارۋاشىلىق قۇرۋ ورنى ەتىپ، جۇڭگو مەن دۇنيە ءجۇزى بازارىنىڭ اناعۇرلىم ويداعىداي ۇشتاسۋىن ىلگەرىلەتۋىن ءۇمىت ەتەمىن. جۇڭگو مەن شەتەل كاسىپورىنشىلارىنىڭ ەكونوميكانىڭ جاھاندانۋىن ۇزدىكسىز باتىل قولداپ، دۇنيە ءجۇزى كولەمىندە بايلىقتى بىرىكتىرىپ، كاسىپ سالاسىن ورنالاستىرىپ، بازاردى كەڭەيتىپ، ساۋدا، قارجى قوسۋ سەلبەستىگى مەن كاسىپ سالاسى جۇمىس ءبولىسى سەلبەستىگىن ۇزدىكسىز تەرەڭدەتىپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ ورنىقتى، ىركىلىسسىز بولۋىن جەبەپ، ەكونوميكانىڭ جاھاندانۋى مەن ەركىن ساۋدانى قورعاۋىن ءۇمىت ەتەمىن. كوپشىلىكتىڭ جاڭا كەزەكتى عىلىم - تەحنيكا توڭكەرىسى مەن كاسىپ وزگەرىسىنىڭ ۇلكەن بەتالىسىنا سايكەسىپ، بىرلەسىپ زەرتتەپ - اشۋدى كۇشەيتىپ، سەلبەسىپ قامال الىپ، تەحنيكالىق العاباسارلىق پەن كاسىپ سالاسى دارەجەسىن جوعارىلاتۋدى بىرگە ىلگەرىلەتىپ، دۇنيە ءجۇزى ەكونوميكاسى ارتۋىنىڭ جاڭا قوزعاۋشى كۇشىن جەتىلدىرۋىن، زورايتۋىن ءۇمىت ەتەمىن.

چىن جينيڭ، ۋ جىڭلۇڭ قاتارلىلار اڭگىمە ماجىلىسىنە قاتىناستى.

كەلۋ قاينارى: حالىق تورابى