شي جينپيڭ بوتسۆانانىڭ جاڭادان سايلانعان زۇڭتۇڭى بوكوعا قۇتتىقتاۋ تەلەگرامماسىن جولدادى

شينحۋا اگەنتتىگى، 11 - ايدىڭ 5 - كۇنى، بەيجيڭ. 11 - ايدىڭ 5 - كۇنى مەملەكەت ءتوراعاسى شي جينپيڭ دۋما بوكوعا تەلەگرامما جولداپ، ونىڭ بوتسۆانا رەسپۋبليكاسىنىڭ زۇڭتۇڭى بولىپ سايلانعاندىعىن قۇتتىقتادى.

شي جينپيڭ بىلايي دەپ اتاپ كورسەتتى: جۇڭگو مەن بوتسۆانا − ءداستۇرلى دوستار. تاياۋ جىلداردان بەرى ەكى ەل قارىم - قاتىناسىنىڭ دامۋ تەبىنى جاقسى بولدى، ەكى جاقتىڭ نەگىزدىك قۇرىلعى، تازا ەنەرگيا، ەمدەۋ - دەنساۋلىق ساقتاۋ سياقتى سالالارداعى سەلبەستىك ناتيجەسى كورنەكتى بولدى. مەن جۇڭگو - بوتسۆانا قارىم - قاتىناسىنىڭ دامۋىنا ايرىقشا ءمان بەرەمىن، سايلانعان زۇڭتۇڭ بوكومەن بىرگە قۇلشىنىپ، ەكى جاقتىڭ ستراتەگيالىق سەرىكتەستىك قارىم - قاتىناسىنىڭ اناعۇرلىم جوعارى دەڭگەيگە كوتەرىلۋىن ىلگەرىلەتىپ، ەكى ەل حالىقتارىنا اناعۇرلىم مول ىرىس - قۇت اكەلۋدى قالايمىن.

كەلۋ قاينارى: حالىق تورابى