شي جينپيڭ فيجيدىڭ سايلانعان زۇڭتۇڭى راباللاۆقا قۇتتىقتاۋ تەلەگرامماسىن جولدادى

شينحۋا اگەنتتىگى، 11 - ايدىڭ 5 - كۇنى، بەيجيڭ. 11 - ايدىڭ 5 - كۇنى مەملەكەت ءتوراعاسى شي جينپيڭ راباللاۆقا تەلەگرامما جولداپ، ونىڭ فيجي رەسپۋبليكاسىنىڭ زۇڭتۇڭى بولىپ سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: فيجي − جاڭا جۇڭگومەن ەڭ ەرتە ديپلوماتيالىق قارىم - قاتىناس ورناتقان تىنىق مۇحيتتاعى ارال ەلى. ديپلوماتيالىق قارىم - قاتىناس ورناتقان 49 جىلدان بەرى جۇڭگو - فيجي قارىم - قاتىناسى باياندى دامىپ، ەكى ەل حالىقتارىنىڭ باقىتىن ارتتىرىپ، ءوڭىردىڭ، ءتىپتى دۇنيە ءجۇزىنىڭ بەيبىتشىلىگىن، ورنىقتىلىعىن، دامۋىن جەبەدى. مەن جۇڭگو - فيجي قارىم - قاتىناسىنىڭ دامۋىنا ايرىقشا ءمان بەرەمىن، سايلانعان زۇڭتۇڭ مىرزامەن بىرگە قۇلشىنىپ، ەكى ەلدىڭ جان - جاقتى ستراتەگيالىق سەرىكتەستىك قارىم - قاتىناسىنىڭ ۇزدىكسىز اقاۋسىز، ورنىقتى دامۋىن ىلگەرىلەتىپ، ەكى ەل حالىقتارىن اناعۇرلىم ويداعىداي باقىتقا كەنەلتۋدى قالايمىن.

كەلۋ قاينارى: حالىق تورابى