حالىق ىستەرى مينيسترلىگى جەكەلەردىڭ كومەك سۇراۋىنا ينتەرنەت ارقىلى قىزمەت وتەيتىن تەكشەلەر دەپ بەلگىلەمەكشى بولعان تامشى جىلۋ جيناۋ تەكشەسى قاتارلى ءۇش تەكشەنىڭ تىزىمدىگىن اشىق جاريالادى 

حالىق ىستەرى مينيسترلىگى 12 – ايدىڭ 16 – كۇنى مينيسترلىكتىڭ تورابىندا جەكەلەردىڭ كومەك سۇراۋىنا ينتەرنەت ارقىلى قىزمەت وتەيتىن تەكشەلەر دەپ بەلگىلەمەكشى بولعان ءۇش تەكشەنىڭ تىزىمدىگىن اشىق جاريالاعان. بۇل ءۇش تەكشە مىنالار: بەيجيڭ تامشى ءوزارا كومەكتەسۋ عىلىم – تەحنيكالىق شەكتى سەرىكتەستىگى ىسكە قوسقان تامشى جىلۋ جيناۋ تەكشەسى (水滴筹)، بەيجيڭ جۇڭ – ي ينتەرنەت عىلىم – تەحنيكاسى شەكتى سەرىكتەستىگى ىسكە قوسقان وڭاي جىلۋ جيناۋ تەكشەسى (轻松筹)، بەيجيڭ مەيىرگە بولەۋ، حالىققا تيىمدىلىك جەتكىزۋ عىلىم – تەحنيكا شەكتى سەرىكتەستىگى ىسكە قوسقان مەيىرگە بولەۋ، حالىققا تيىمدىلىك جەتكىزۋ تەكشەسى.

حالىق ىستەرى مينيسترلىگى مىنانى ايقىن تۇراقتاندىردى: وسى رەتكى اشىق جاريالاۋ ۋاقىتى 2024 – جىلى 12 – ايدىڭ 17 – كۇنىنەن 2024 – جىلى 12 – ايدىڭ 23 – كۇنىنە دەيىن. اشىق جاريالاۋ مەزگىلىندە، بەلگىلەمەكشى بولعان تىزىمدىك تۋرالى بوتەن پىكىرىڭىز بولسا، تەلەفون نەمەسە فاكس قاتارلى جولدارمەن شىنايى اڭىس ەتۋىڭىزگە بولادى. (ءتىلشى: گاۋ لەي)

كەلۋ قاينارى: حالىق تورابى