وقۋ – اعارتۋ مينيسترلىگى 758 ءتۇرلى جاڭا ۇلگىدەگى كاسىپتىك وقۋ – اعارتۋ كاسىپتىك وقىتۋ ولشەمىن جاريالادى

ءتىلشىنىڭ 2 – ايدىڭ 11 – كۇنى وقۋ – اعارتۋ مينيسترلىگىنەن ۇعىسۋىنشا، وقۋ – اعارتۋ مينيسترلىگى تاياۋدا 758 ءتۇرلى جاڭادان وزگەرتىلگەن (جاسالعان) كاسىپتىك وقۋ – اعارتۋدىڭ كاسىپتىك وقىتۋ ولشەمىن باسىپ تاراتتى، مۇندا «كاسىپتىك وقۋ – اعارتۋدىڭ كاسىپتىك تىزىمدىگىندەگى» 1434 كاسىپتىڭ %52.9 ىن قامتىپ، 19 ۇلكەن كاسىپ ءتۇرىن، 90 كاسىپتى قامتىدى. مۇنىڭ ىشىندە، ورتا دارەجەلى كاسىپتىك ولشەم 223 ءتۇرلى، جوعارى دارەجەلى كاسىپتىك ارناۋلى كۋرس ولشەمى 471 ءتۇرلى، كاسىپتىك تولىق كۋرس ولشەمى 64 ءتۇرلى.

جاڭا ولشەم قىسقاشا بايانداۋ، كاسىپ اتى (كاسىپتىڭ شارتتى تاڭباسى)، وقۋعا ءتۇسۋدىڭ نەگىزگى تالابى، نەگىزگى وقۋ جىل شەگى، كاسىپ بەتالىسى، تاربيەلەۋ نىساناسى، تاربيەلەۋ ولشەمى، ساباق ورنالاستىرۋ جانە وقۋ ۋاقىتىن ورنالاستىرۋ، وقىتۋشىلار قوسىنى، وقىتۋ شارت - جاعدايى، ساپانى قامتاماسىزداندىرۋ جانە مەكتەپ ءبىتىرۋ تالابى سياقتى 11 جاقتاعى فاكتوردى قامتيدى. بۇرىنعى ولشەممەن سالىستىرعاندا، ورتا دارەجەلى كاسىپتىك مەكتەپ، جوعارى دارەجەلى كاسىپتىك ارناۋلى كۋرس، كاسىپتىك تولىق كۋرس وقىتۋ تالابىن جۇيەلى جوبالاپ، كاسىپتىك جالپىلىق ساپا مەن ارەكەت قابىلەتىن جەتىلدىرۋدى اناعۇرلىم كۇشەيتىپ، كاسىپتىك وقىتۋدىڭ كاسىپ سالاسى مەن تەحنيكانىڭ دامۋىنا تىعىز ىلەسۋىن جەبەپ، سيفرلاندىرۋ جانە جاساندى زەردە ارقىلى وقىتۋدى ىلگەرىلەتتى. سونىمەن بىرگە، مەكتەپتەردىڭ دەربەس ساباق ورنالاستىرۋىنا، دارىندىلاردى تاربيەلەۋىنە كەڭىستىك قالدىردى.

كەلۋ قاينارى: حالىق تورابى