لياۋنيڭ وزىق جاساۋ كاسىبى شوعىرىن جەدەل قالىپتاستىردى

دۇنيە جۇزىندەگى تۇڭعىش سۋتەگىنى جانار زات ەتكەن ىشتەن جاناتىن 4 ۇشاقتىڭ العاشقى ۇشاعى شىنياڭدا تۇڭعىش رەت ۇشىرىلدى، دۇنيە ءجۇزى بويىنشا تۇڭعىش رەت جاسالعان 7500 تەكشەمەترلىك سۇيىق كۇيدەگى كومىرتەگى قوس توتىعىن تاسىمالدايتىن كەمە دالياندا تاپسىرىلدى، جاڭا بۋىن كوزگە تۇسپەيتىن، كوپ ءتۇرلى قولدانىلاتىن جويعىش ۇشاق J-35A كورمەگە قويىلدى... عىلىم - تەحنيكادا جاڭالىق اشۋ ارقىلى كاسىپ سالاسىندا جاڭالىق اشۋعا جەتەكشىلىك ەتكەن لياۋنيڭ جوعارى دەڭگەيلى جابدىق، جاڭا ەنەرگيا، ينتەگرالدى تىزبەك جابدىعى سياقتى سالالاردا ءبىر توپ قول بايلاۋ بولعان قيىن ماسەلەلەردەن قامال الىپ، وزىق جاساۋ سالاسىنداعى كوپ ءتۇرلى تۇڭعىش ءونىمدى جاڭالىق اشۋ قولدانىسىنا ۇسىندى.

2023 - جىلى 9 - ايدا باس شۋجي شي جينپيڭ جاڭا داۋىردە شىعىس سولتۇستىكتى جاپپاي گۇلدەندىرۋدى ىلگەرىلەتۋ اڭگىمە ءماجىلىسىن باسقارىپ اشقاندا بىلاي دەپ باسا دارىپتەدى: ”جاڭا ەنەرگيا، جاڭا ماتەريال، وزىق جاساۋ، ەلەكتروندىق ينفورماتسيا سياقتى ستراتەگيالىق جاڭا وركەندەگەن كاسىپ سالالارىن بەلسەنە جەتىلدىرىپ، بولاشاق كاسىپ سالالارىن بەلسەنە جەتىلدىرىپ، جاڭاشا وندىرگىش كۇشتەردى جەدەل قالىپتاستىرىپ، دامۋدىڭ جاڭا قوزعالىس قۋاتىن كۇشەيتۋ كەرەك“. بيىل كوكتەم مەرەكەسى قارساڭىندا باس شۋجي شي جينپيڭ لياۋنيڭگە بارىپ، نەگىزگى ساتى كادر - جۇرتشىلىعىنان حال سۇراعاندا بىلاي دەپ اتاپ كورسەتتى: ”جاساۋ كاسىبىن جوعارى دەڭگەيلىلەندىرۋ، زەردەلىلەندىرۋ، جاسىلداندىرۋ بەتالىسىنا تاباندى بولىپ، ءونىمنىڭ عىلىم - تەحنيكالىق قۇرامى مەن قوسىمشا قۇنىن ۇزدىكسىز جوعارىلاتۋ كەرەك“.

باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرگەن لياۋنيڭ عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن ىلگەرىلەتىپ، كاسىپورىنداردىڭ تيبىن وزگەرتىپ، اۆياتسيا جابدىقتارى، ونەركاسىپ نەگىزگى ۇشاعى سياقتى وزىق جاساۋ كاسىبى شوعىرىن جەدەل قالىپتاستىردى.

2024 - جىلى 12 - ايدا ونەركاسىپ جانە ينفورماتسيالاندىرۋ مينيسترلىگى 2024 - جىلعى مەملەكەتتىك وزىق جاساۋ كاسىبى شوعىرىنىڭ تىزىمدىگىن جاريالادى، لياۋنيڭ شىنياڭ اۆياتسياسى، شىنياڭ داليان ونەركاسىپ نەگىزگى ۇشاعى، داليان پانجين جاسىل مۇناي - حيميا توبى سياقتى 3 توپ وسى توپقا قوسىلىپ، لياۋنيڭدەگى مەملەكەتتىك وزىق جاساۋ كاسىبى شوعىرى 4 كە جەتتى.

عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن ىلگەرىلەتىپ، شەشۋشى، وزەكتى تەحنيكالاردان قامال الۋ شايقاسىن ويداعىداي جۇرگىزۋ كەرەك.

لياۋنيڭ باستاماشى كاسىپورىنداردىڭ جاڭالىق اشۋ بىرلەستىگىن باستاماشىلدىقپەن قۇرىپ، كەلەلى تەحنيكالىق جابدىقتاردان قامال الۋىن قولدادى. ”ءبىز جۇڭگو عىلىم اكادەمياسى مەتال زەرتتەۋ ورنى سياقتى 40 تان استام عىلمي زەرتتەۋ ورنىمەن جانە جاساۋ كاسىپورنىمەن سەلبەسىپ، بىرلەسىپ قامال الدىق، جاڭادان زەرتتەلىپ جاسالعان سيرەك جەر ەلەمەنتتەرىنىڭ ساقيناسىنداعى بولات قىسىمىنىڭ جەمىرىلۋ عۇمىرى 40 ەسەدەن استام جوعارىلادى، دومالاپ جاناسۋدىڭ جەمىرىلۋ عۇمىرى %40 جوعارىلادى“. بەيفاڭ اۋىر ونەركاسىپ توبى شەكتى سەرىكتەستىگىنىڭ باس جوراسى جاڭ ي - في بىلاي دەدى: ءبىز نەگىزگى قالقاندى %100 ەل ىشىندە ءوندىرۋدى ءساتتى جۇزەگە اسىردىق.

”2024 - جىلدىڭ سوڭىنا دەيىن ءبىز 22 ءتۇيىندى كاسىپ سالاسى شوعىرىن ارقاۋ ەتىپ، لياۋنيڭ ولكەسىنىڭ 20 ءتۇيىندى تاجىريبەحانا توبىن قۇرىپ، 693 ءتۇيىندى كاسىپورىنمەن ءتۇيىلىسۋ سەلبەستىگىن ورناتتىق“ دەدى لياۋنيڭ ولكەلىك ونەركاسىپ جانە ينفورماتسيالاندىرۋ مەڭگەرمەسىنىڭ باستىعى حۋ ي - چۇڭ.

وزىق جاساۋ كاسىبىنىڭ قۋاتىن شوعىرلى جوعارىلاتىپ، كاسىپورىنداردىڭ تيبىن وزگەرتۋ اياق الىسىن جەدەلدەتتى.

انگاڭ توبىنىڭ القا باستىعى تان چىڭشۇي تانىستىرىپ بىلاي دەدى: 2021 - جىلدان باستاپ توبىمىز جيىنى 4 ميلليارد يۋاننان استام قارجى قوسىپ، 300 دەن استام وزگەرتۋ نىسانىن اتقارىپ، چيشان زەردەلى كەن اشۋى، ”5G + زەردەلى بولات قورىتۋ“ سياقتى ءبىر توپ ۇلگى كورسەتۋ نىسانىن قۇردى.

توپتاسىپ اۋقىم قالىپتاستىرىپ، تىرشىلىك قۋاتى تاسقىندادى. 2024 - جىلدىڭ سوڭىنا دەيىن لياۋنيڭ ولكەسىندەگى 22 ءتۇيىندى كاسىپ سالاسى شوعىرىنىڭ شارۋاشىلىق كىرىسى بۇكىل ولكەدەگى كولەمدەنگەن ونەركاسىپ ساۋدا جالپى سوماسىنىڭ شامامەن %61 ىن ۇستادى، ستراتەگيالىق جاڭادان گۇلدەنگەن كاسىپ سالاسى شوعىرىنداعى 22 توپتىڭ سالىستىرماسى تۇڭعىش رەت 3/1 ۇلەستەن استى، جوعارى تەحنيكالى جاساۋ كاسىبىنىڭ ارتقان قۇنى %11.3 ارتتى.

كەلۋ قاينارى: حالىق تورابى