بەس جەر بىرلەسىپ ينتەرنەت ارقىلى ساتىلاتىن بۇيىمداردان ۇلگى الىپ تەكسەرۋ بارىسىندا 177 توپتاعى ءونىمنىڭ تولىمسىز ەكەنىن بايقاعان 

بەيجيڭ قالالىق بازاردى باقىلاۋ – باسقارۋ مەكەمەسىنىڭ 2 – ايدىڭ 11 –كۇنى جاريالانعان مالىمەتىنە قاراعاندا، ينتەرنەت ارقىلى ساتىلاتىن ونىمدەردىڭ ساپاسى مەن حاۋىپسىزدىگىن باقىلاۋ ـ باسقارۋ تەبىنىن ونان ارى ارتتىرۋ ءۇشىن، بەيجيڭ، شاڭحاي، جياڭسۋ، جىجياڭ، گۋاڭدۇڭ سىندى 5 ولكەدەگى (توتە قاراستى قالاداعى) بازاردى باقىلاۋ – باسقارۋ تاراۋلارى بىلتىر تۇڭعىش رەت ينتەرنەت ارقىلى ساتىلاتىن ونىمدەردىڭ ساپاسىنا ءوڭىر اتتاپ ۇلگى الىپ تەكسەرۋ جۇرگىزۋدى بىرلەسىپ ورىستەتىپ، جيىنى 960 كاسىپورىن ساتقان 1168 توپ ونىمنەن ۇلگى الىپ تەكسەرۋ جۇرگىزگەن، 177 توپتاعى ءونىمنىڭ تولىمسىز ەكەنىن بايقاعان ءارى زاڭ بويىنشا ءبىر جاقتى ەتكەن.

تانىستىرۋعا قاراعاندا، وسى رەتكى بىرلەسىپ ۇلگى الىپ تەكسەرۋ ەلەكترلى ۆەلوسيپەد بولشەكتەرى، جانار گاز بۇيىمدارى، ءورت ءوشىرۋ بۇيىمدارى، بالالار مەن وقۋشىلار پايدالاناتىن بۇيىمدار، اۆتوموبيلگە پايدالانىلاتىن حيميالىق ونىمدەر قاتارلى 5 تۇردەگى 19 ءتۇرلى ونىمگە سايادى ەكەن، بارلىعى تۇتىنۋشىلار بارىنشا نازار اۋداراتىن، قوعامدىق ىقپال كولەمى زور، بازاردى باقىلاۋ – باسقارۋ تاراۋلارى ءتۇيىندى باقىلاۋ ـ باسقارۋ تىزىمدىگىنە ەنگىزىلگەن ونەركاسىپ ونىمدەرى. ۇلگى الىپ تەكسەرۋ جۇرگىزۋ كولەمى تيانماۋ، جيڭدۇڭ، پيندودو، دوۋين ەلەكتروندىق ساۋدا تەكشەسى قاتارلى ينتەرنەت ارقىلى زات ساتاتىن 15 تەكشەدەگى ينتەرنەت ارقىلى زات ساتاتىن 960 كاسپورىندى قامتىعان، ۇلگى الىپ تەكسەرىلگەن ونىمدەر بۇكىل ەلىمىزدەگى 23 ولكە دارەجەلى اكىمشىلىك رايونداعى 889 ءوندىرىس كاسىپورنىن قامتىپ، تۇتىنۋشىلاردىڭ كۇندەلىكتى ينتەرنەت ارقىلى زات ساتىپ الۋىنا ساياتىن جاعدايلاردى تولىق قامتىعان.

كەلۋ قاينارى: حالىق تورابى