مەكتەپتەردى سىرتتاي تاماقپەن قامدايتىن كاسىپورىنداردىڭ ازىق - تۇلىك حاۋىپسىزدىگىن باسقارۋعا سايادى! شينجياڭ اشىق پىكىر الدى 

انار بۇلت \ شينجياڭ گازەتىنىڭ ءتىلشىسى سو رۇڭجى حابارلايدى. جۋىردا شينجياڭ ۇيعۇر اۆتونوميالى رايوندىق بازاردى باقىلاۋ – باسقارۋ مەكەمەسى دايىنداعان «مەكتەپتەردى سىرتتاي تاماقپەن قامدايتىن كاسىپورىنداردىڭ ازىق ـ تۇلىك حاۋىپسىزدىگى باس باقىلاۋشىسىن باسقارۋ ءادىسى» (پىكىر الىناتىن نۇسقاسى) [تومەندە قىسقارتىلىپ «باسقارۋ ءادىسى» (پىكىر الىناتىن نۇسقاسى) دەپ اتالادى] جونىندە قوعامداعىلاردان اشىق پىكىر الدى، مۇنداعى ماقساتى — مەكتەپتەردى سىرتتاي تاماقپەن قامدايتىن ورىنداردى ازىق ـ تۇلىك حاۋىپسىزدىگى جاعىنداعى نەگىزگى تۇلعالىق جاۋاپكەرشىلىگىن تياناقتاندىرۋعا ونان ارى قۋزاۋ، كاسىپورىنداردىڭ نەگىزگى جاۋاپتىلارىنىڭ ازىق - تۇلىك حاۋىپسىزدىگى جاعىنداعى جاۋاپكەرشىلىگىن كۇشەيتىپ، ازىق - تۇلىك حاۋىپسىزدىگى باس باقىلاۋشىسىنىڭ مىندەتى مەن قىزمەت ءتارتىبىن ارناعا ءتۇسىرۋ. پىكىر الۋ مەرزىمى 3 – ايدىڭ 7 - كۇنىنە دەيىن.

«باسقارۋ ادىسىندە» (پىكىر الىناتىن نۇسقاسى) نەگىزىنەن مەكتەپتەردى سىرتتاي تاماقپەن قامدايتىن كاسىپورىنداردىڭ ازىق - تۇلىك حاۋىپسىزدىگى باس باقىلاۋشىسىنىڭ مىندەت وتەۋ تولىمدىلىعى، قىزمەت ورنىنداعى مىندەتى جانە بورىشى، قىزمەت ورنىنداعى ۇقىعى، ولاردى تاربيەلەۋ جانە باعالاۋ، سيلاۋ - جازالاۋ مەحانيزمى قاتارلى جاقتاردا ايقىن بەلگىلەمە جاسالدى. مىندەت وتەۋ تولىمدىلىعى جاعىندا مىناداي بەلگىلەمەلەر قامتىلعان: ازىق - تۇلىك حاۋىپسىزدىگى باس باقىلاۋشىسى قىزمەت ورنىنا قاتىستى ازىق - تۇلىك حاۋىپسىزدىگى جونىندەگى زاڭداردى، ەرەجەلەردى، ولشەمدەردى ءبىلۋى ءارى كاسىپتىك ءبىلىم ورەسى مەن باسقارۋ قابىلەتىن ازىرلەۋى، زاڭ - ەرەجە ولشەمىن، حاۋىپ - قاتەردەن ساقتانۋ جانە ونى تىزگىندەۋ بىلىمدەرىن يگەرۋى، ءوز ورنىنىڭ ءوندىرىس - تيجارات بارىسىن مەڭگەرۋ تالابىنا قانىق بولۋى، كۋرستان وتكىزۋ، باعالاۋ بارىسىندا تولىمدى بولۋى ءارى ازىق-تۇلىك حاۋىپسىزدىگىنە ساياتىن قىلمىستىق ىستەر قىلمىسىن وتكىزبەگەن، سونداي – اق، سوڭعى 5 جىل ىشىندە اكىمشىلىك زاڭ – ەرەجەلەرگە، تارتىپتەرگە قايشى ارەكەت وتكىزبەگەن بولۋى كەرەك.

ازىق - تۇلىك حاۋىپسىزدىگى باس باقىلاۋشىسىنىڭ قىزمەت ورنىنداعى مىندەتى مەن بورىشى جاعىندا، ازىق - تۇلىك حاۋىپسىزدىگىن باسقارۋ ءتۇزىمى مەن حاۋىپ - قاتەردەن ساقتانۋ جانە ونى تىزگىندەۋ شارالارىن بەلگىلەۋگە ۇيىمداستىرۋ، مەرزىم بويىنشا ءوزىن - ءوزى تەكسەرۋ، قىزمەتتەن مالىمەت بەرۋ ءارى جاقسارتۋ شارالارىن العا قويۋ، ازىق - تۇلىكتى ءبىر جايلى ەتۋ نەمەسە قايتا جيناپ الۋ؛ شىرعالاڭدى ءبىر جايلى ەتۋ جوباسىن جاساۋ ءارى شۇعىل جاعدايعا توتەپ بەرۋ جاعىنداعى جاتتىعۋدى ۇيىمداستىرۋ؛ ازىق - تۇلىك حاۋىپسىزدىگى جاعىنداعى قىزمەتكەرلەرىن باسقارۋ، ولارعا جەتەكشىلىك ەتۋ، جۇمىسشى - قىزمەتكەرلەردى تاربيەلەۋ، كۋرستان وتكىزۋ، باعالاۋ قىزمەتىن ورىستەتۋ؛ باقىلاۋ – باسقارۋ تاراۋلارىنىڭ تەكسەرۋىنە سايكەسۋ ءارى جاعدايدان قاز - قالپىندا مالىمەت بەرۋ قامتىلعان.

اشىق پىكىر بىلدىرۋشىلەردىڭ wuhaijiang2010@sina.com ەلەكتروندىق حات ساندىعى ارقىلى حات جولداۋىنا بولادى، شينجياڭ ءۇرىمجى قالاسى تيانشان رايونى شينحۋا وڭتۇستىك جولى 167 – ءنومىرلى اۋلاداعى اۆتونوميالى رايوندىق بازاردى باقىلاۋ – باسقارۋ مەكەمەسى 208 – ءنومىرلى بولمەسىنە حات جولداۋىنا بولادى، حاتتىڭ تاقىرىبىنا جانە كونۆەرتىنە ”مەكتەپتەردى سىرتتاي تاماقپەن قامدايتىن كاسىپورىنداردىڭ ازىق – تۇلىك حاۋىپسىزدىگى باس باقىلاۋشىسىن باسقارۋ ءادىسى تۋرالى اشىق پىكىر قابىلداۋ“ دەگەن ءسوزدى جازۋى قاجەت، 0991 – 2812708 نومىرىنە تەلەفون بەرۋىنە بولادى، وسى ءۇش ءتۇرلى جولمەن پىكىر جانە ۇسىنىستى اڭىس ەتۋگە بولادى.

كەلۋ قاينارى: حالىق تورابى