وقۋ – اعارتۋ مينيسترلىگى جالپىعا ءتيىمدى مەكتەپكە دەيىنگى تاربيەنى جالپىلاستىراتىن ءبىر توپ اۋداندى تۇراقتاندىردى 

جۋىردا وقۋ – اعارتۋ مينيسترلىگى ۇقتىرۋ باسىپ تاراتىپ، اۋدان دارەجەلى ورىنداردىڭ ءوزىن - ءوزى باعالاۋى، قالا دارەجەلى ورىنداردىڭ العاشقى قادامدا تەكسەرۋى، ولكە دارەجەلى ورىنداردىڭ باعالاۋى، مەملەكەت دارەجەلى ورىنداردىڭ تۇراقتاندىرۋى سىندى ءتارتىپ ارقىلى 2024 - جىلى تيانجين قالاسى بينحاي جاڭا رايونى قاتارلى 301 اۋداندى (قالا، رايون) جالپىعا ءتيىمدى مەكتەپكە دەيىنگى تاربيەنى جالپىلاستىراتىن اۋداندار دەپ تۇراقتاندىرعان. مۇنىڭ ىشىندە جىجياڭ ولكەسىنىڭ حۋجوۋ قالاسى، چۇيجوۋ قالاسى، شاندۇڭ ولكەسىنىڭ چيڭداۋ قالاسى، دۇڭيىڭ قالاسى، فۋجيان ولكەسىنىڭ شيامىن قالاسى، شينجياڭ ۇيعۇر اۆتونوميالى رايونىنىڭ بۇراتالا موڭعۇل اۆتونوميالى وبلىسى قاتارلى 6 قالا (وبلىس) جالپى سالا بويىنشا مەملەكەتتىڭ باعالاۋىنان وتكەن.

ۇقتىرۋدا مىنالار تالاپ ەتىلدى: جەر – جەر الەۋمەتتىك يگىلىك، جالپىعا ءتيىمدى بولۋ نەگىزگى بەتالىسىن مىقتى يگەرىپ، ۇكىمەتتىڭ باسقارۋىندا بولۋدى نەگىز ەتۋ، جالپىعا ءتيىمدى مەكتەپكە دەيىنگى تاربيەنى زور كۇشپەن دامىتۋ سىندى زاڭدا بەلگىلەنگەن تالاپتى مۇقيات تياناقتاندىرىپ، مەكتەپكە دەيىنگى تاربيە جاعىنداعى جالپىعا ءتيىمدى بولۋدى قامتاماسىزداندىرۋ مەحانيزمىن اقاۋسىزداندىرۋى؛ جۋىرداعى مەرزىم مەن ورتاشا، ۇزاق مەرزىمدى ءبىرتۇتاس جوسپارلاۋى، قولدا بارىن جاقسارتۋ مەن وزگەرتۋگە بولاتىندارىن ۇيلەسىمدى وزگەرتۋدى ءبىرتۇتاس جوسپارلاۋى، مەكتەپكە دەيىنگى تاربيە جاسىنداعى جان سانىنىڭ وزگەرىسىمەن ءوزارا سايكەسەتىن نەگىزگى الەۋمەتتىك وقۋ – اعارتۋ جاعىنداعى قىزمەت وتەۋ مەحانيزمىن ورناتۋى؛ مەكتەپكە دەيىنگى تاربيەنىڭ ساپاسى جونىندەگى تانىمدى ونان ارى كۇشەيتىپ، ماندىك قۇرىلىستى كۇشەيتۋگە تاباندى بولىپ، بالالار باقشالارىن بالانى ماپەلەۋ مەن وقىتۋدى ۇشتاستىرۋعا تاباندى بولۋعا، ويىندى نەگىزگى قيمىل ەتىپ، باي مازمۇندى وقۋ ـ اعارتۋ ورتاسىن جاراتۋعا، بالالاردىڭ ىرىقتىلىقپەن ىزدەنۋىنە، ۇيرەنۋىنە قولداۋ كورسەتۋگە، بالالاردىڭ ويىن جانە تۇرمىس بارىسىندا اقاۋسىز، كوڭىلدى ەسەيىپ ـ ەرجەتۋىن جەبەۋگە جەتەلەپ، عىلمي تاربيەلەۋ ساپاسى مەن حالىق بۇقاراسىنىڭ رازىلىعىن ۇزدىكسىز جوعارىلاتۋى كەرەك. (ءتىلشى حۋ مىڭشۋە)

كەلۋ قاينارى: حالىق تورابى