اۋىل شارۋاشىلىعى جانە اۋىل - قىستاق مينيسترلىگى: ”ەتتى قاراكەسەكتەندىرۋ“ سياقتى زاڭعا قايشى قوسپا قوسۋ جانە بەتالدى سويۋ ارەكەتتەرىنە قاتاڭ سوققى بەرۋ كەرەك

ءتىلشىنىڭ 2 - ايدىڭ 17 - كۇنى اۋىل شارۋاشىلىعى جانە اۋىل - قىستاق مينيسترلىگىنەن ۇعىسۋىنشا، اۋىل شارۋاشىلىعى جانە اۋىل - قىستاق مينيسترلىگى تاياۋدا 2025 - جىلعى مال شارۋاشىلىعى، مال شيپاگەرلىگى قىزمەتى جونىندە ورنالاستىرۋ جاساۋ بەينە ەكران ءماجىلىسىن اشىپ، ”ەتتى قاراكەسەكتەندىرۋ“ سياقتى زاڭعا قايشى قوسپا قوسۋ جانە بەتالدى سويۋ ارەكەتتەرىنە قاتاڭ سوققى بەرىپ، حاۋىپسىزدىكتىڭ تومەنگى شەگىن باتىل ساقتاۋدى تالاپ ەتكەن.

ماجىلىستە مىنالار اتاپ كورسەتىلدى: جەم – ءشوپ، مالعا ىستەتىلەتىن ءدارى – دارمەك، مال سويۋدىڭ تۇتاس تىزبەگىن باقىلاۋ ـ باسقارۋدى كۇشەيتىپ، ”ەتتى قاراكەسەكتەندىرۋ“ سياقتى زاڭعا قايشى قوسپا قوسۋ جانە مالدى بەتالدى سويۋ ارەكەتتەرىنە قاتاڭ سوققى بەرىپ، توراپتا ساتىلاتىن مال دارىلەرىنىڭ بىلىعۋىن قاتاڭ رەتتەپ ـ وڭالتىپ، ءوندىرىس حاۋىپسىزدىگىن قاتاڭ، ەگجەي ـ تەگجەيلى ويداعىداي يگەرىپ، مال شارۋاشىلىعىنىڭ اپاتتان ساقتانۋ، اپاتتىڭ زيانىن ازايتۋ قۋاتىن كۇش سالا جوعارىلاتۋ كەرەك.

ءماجىلىس مىنالاردى العا قويدى: مال شارۋاشىلىعى ءوندىرىسىن ءتۇرلى ءادىس ـ امالدارمەن ورنىقتىرىپ، ساياساتتىڭ تياناقتانۋىن جەدەلدەتىپ، باقىلاۋ ـ ولشەۋدى، ساقتاندىرۋدى كۇشەيتىپ، حاۋىپ ـ قاتەردەن ساقتانىپ جانە ونى جويىپ، شوشقا مەن سويىس سيىر، ساۋىن سيىر ءوندىرىسىنىڭ ۇيلەسىمدىلىگىن رەتتەۋگە كۇش سالا جەتەكشىلىك ەتىپ، نەگىزدىك ءوندىرىس قۋاتىن ورنىقتىرىپ، كەرى پەريودتىق رەتتەۋ ـ مەڭگەرۋدى ويداعىداي ىستەپ، ءوندىرىس پەن سۇرانىستىڭ تەپە ـ تەڭدىگىن ساقتاۋ جانە ونىمدىلىكتىڭ جوعارىلاۋىن جەبەۋ كەرەك.

ءماجىلىس مىنالاردى ايقىن تۇراقتاندىردى: تۇرگە ءبولىپ شارا قولدانىپ، حايۋاناتتاردا بولاتىن جۇقپالى اۋرۋلاردان دالمە – ءدال ساقتانىپ ـ تىزگىندەپ، تۋ باستان ساقتانۋ ـ تىزگىندەۋ شارالارىن ەگجەي ـ تەگجەيلى تياناقتاندىرىپ، جۇقپالى اۋرۋلار ۆيرۋسىن تىكە الىپ تەكسەرۋ، تىكە مالىمدەۋ مەحانيزمىن اقاۋسىزداندىرىپ، ٴماجبۇري يممۋنيتەتتەندىرۋ ءتۇزىمىن قاتاڭ تياناقتاندىرىپ، حايۋاناتتاردى كارەنتيندەۋدى شىنايى كۇشەيتىپ، وڭىرلىك اۋىر حايۋانات ىندەتىنىڭ تۋىلماۋىنا شىنايى كەپىلدىك ەتۋ كەرەك.

ماجىلىستە مىنالار اتاپ كورسەتىلدى: زور جاعدايدى كوزدە ۇستاي وتىرىپ، باعىمشىلىق كاسىبىندە استىق ۇنەمدەۋ قيمىلىن جاپپاي اتقارىپ، كەڭ كولەمدە اتتانىسقا كەلتىرىپ، بىرىككەن كۇش قالىپتاستىرىپ، نەگىزدىك تىرەك پەن تيپتىك ۇلگى كورسەتۋدى، جەتەكتەۋدى كۇشەيتىپ، بالاما بايلىقتى تولىق اشىپ، پايدالانىپ، جەم ـ شوپپەن قامداۋداعى ولقىلىقتاردى جەدەل تولىقتاپ، استىقتى ۇنەمدەپ، وزىندىك قۇندى تومەندەتىپ، ونىمدىلىكتى ارتتىرۋدى جۇزەگە اسىرۋ كەرەك.

كەلۋ قاينارى: حالىق تورابى