بەيجيڭنەن ورتا ازياعا باراتىن تۇڭعىش كەزەكشى پويەز رەسمي قاتىنادى 

حالىق گازەتىنىڭ ءتىلشىسى شاۋ يۇيزى 3 – ايدىڭ 19 – كۇنى بەيجيڭنەن حابارلايدى. 3 - ايدىڭ 19 – كۇنى تۇستەن بۇرىن، ەكسپورت ەتىلەتىن زات تيەلگەن ولشەمدى 90 تيەۋىش قوراپتى حالىقارالىق جۇك پويەزى بەيجيڭ فاڭشان رايونىنان جولعا شىعىپ (سۋرەتتى جۋ شىجۇن تۇسىرگەن)، وزبەكستاننىڭ استاناسى تاشكەنتكە اتتاندى. بۇل بەيجيڭ قالاسىنان ورتا ازياعا باراتىن تۇڭعىش كەزەكشى پويەزدىڭ رەسمي ساپارعا اتتانعاندىعىن كورسەتەدى.

بۇل كەزەكشى پويەزدى بەيجيڭ شينلۋگاڭ قامداۋ تىزبەگى شەكتى سەرىكتەستىگى ىسكە قوسقان، جۇڭگو تەمىر جول تيەۋىش قوراپتى تاسىمال شەكتى جاۋاپكەرشىلىك سەرىكتەستىگى تاسىمال جاعىندا تۇتاس بارىس بويىنشا قىزمەت وتەيدى. كەزەكشى پويەز بەيجيڭ ـ تيانجين ـ حىبەي وڭىرىنەن جينالعان زاتتاردى تولتىرا تيەپ، فاڭشان رايونىنداعى ليۋليحى جينيۇي تەمىر جول ارناۋلى جەلىسى ارقىلى جولعا شىعىپ، شينجياڭداعى قورعاس وتكەلى ارقىلى شەكارادان شىعادى، مەجەمەن 10 كۇن اينالاسىندا تاشكەنتكە جەتەدى، جالپى 5000 كيلومەتردەن استام جول باسادى.

كەلۋ قاينارى: حالىق تورابى