فۋجيان قارجى قوسۋدىڭ، يگىلىك جاراتۋدىڭ ومىرشەڭدىك كۇشىن تاسقىنداتۋعا كۇش سالدى (سەنىمدى بەكەمدەپ، رەفورمانىڭ، دامۋدىڭ تىڭ ءورىسىن اشايىق)

بولات سورەلەر قابات – قابات قويىلعان، دانەكەرلەۋدەن وت ۇشقىنداۋدا، فۋجيان چۋانجوۋ بايحۇڭ حيميا شەكتى سەرىكتەستىگىنىڭ جاسىلداندىرۋ، زەردەلىلەندىرۋ نىسانىنىڭ جۇمىس باسىندا 1300 دەن استام قۇرىلىس قىزمەتكەرى قاربالاستىققا ءتۇستى. ”كاسىپ سالاسى ساياساتى شابىتتاندىرۋىپ، بازار بولاشاعى جاقسارۋدا، بيىل 4 ميلليارد يۋان قارجى قوسىپ جاڭارتۋدامىز“. سەرىكتەستىك باس ديرەكتورىنىڭ ورىنباسارى لۇي تاۋ تولىق سەنىممەن: ”زەردەلى سەزگى جابدىقتارىن جەدەل ورناتىپ، 5 - ايدا وندىرىسكە قوسۋعا كۇش سالۋدامىز“ دەدى.

لۇي تاۋدىڭ سەنىمى ساۋدا ورتاسىنىڭ ۇزدىكسىز جاقسارۋىنان كەلدى. ”نىسانعا ساۋداگەر شاقىرۋدان جۇمىس باستاۋعا، قۇرىلىس اياقتاتۋعا دەيىن، ءبىز باستان - اياق ’سوڭىنا دەيىن قىزمەت وتەدىك‘، جەردەن پايدالانۋ، جۇمىسشى ىستەتۋ، قارىز اقشا الۋ سياقتى ماسەلەلەردى سايكەستىرىپ شەشتىك“ دەپ تانىستىردى چۋانجوۋ قالاسى چۋانگاڭ رايونىنىڭ باستىعى ياڭ فىڭشياڭ.

2024 - جىلى 10 - ايدا باس شۋجي شي جينپيڭ فۋجياندا قىزمەت تەكسەرگەندە بىلاي دەپ باسا دارىپتەدى: ”ەكىدەن استە اۋىتقىماۋعا“ تاباندى بولىپ، جاڭالىق اشا دامۋدىڭ ”جينجياڭ تاجىريبەسىن“ دامىتىپ، تۇتاس قوعامنىڭ قارجى قوسۋ، يگىلىك جاراتۋ ومىرشەڭدىك كۇشىن تولىق قاۋلاتۋ كەرەك.

باس شۋجيدىڭ ىقىلاستى تاپسىرماسىن ەستە بەرىك ساقتاعان فۋجيان جاڭا داۋىردەگى حالىقتىق شارۋاشىلىقتى كۇشەيتۋ ستراتەگياسىن جەدەل اتقارىپ، حالىقتىق كاسىپورىنداردىڭ دامۋ ورتاسىن ۇزدىكسىز ساپالىلاندىرىپ، حالىقتىق شارۋاشىلىقتىڭ جوعارى ساپالى دامۋىن جەبەدى.

كەدەرگىلەردى الاستاپ، ءتۇرلى شارۋاشىلىق تۇلعالارىنىڭ تەڭ باسەكەلەسۋىنە مۇمكىندىك جاسادى.

”بيىل جىل باسىنان بەرى ءبىز جەر - جەردىڭ كەلەلى ساياسات - شارالاردا ءادىل باسەكەنى تەكسەرەتىن بىرلەسىپ تەكسەرۋ مەحانيزمىن ورناتۋىنا، كەمەلدەندىرۋىنە جەتەكشىلىك ەتتىك، سونداي - اق جىل سوڭىنان بۇرىن ءارقايسى رايونعا بولىنگەن قالالاردا ءادىل باسەكەنى ۇلگى الىپ تەكسەرۋمەن جاپپاي قامتۋدى جۇزەگە اسىرىپ، اكىمشىلىك سيپاتتى مونوپوليانى باقىلاۋ - باسقارۋ، زاڭ اتقارۋ قىزمەتىن ۇزدىكسىز كۇشەيتەمىز“ دەدى بازار باقىلاۋ - باسقارۋ مەكەمەسىنىڭ باستىعى حۋاڭ شۇيمۋ.

”ءبىز كاسىپتىك قىزمەتكەرلەردى بازاردى كەڭەيتۋگە ۇيىمداستىردىق، بيىلعى تيجارات كىرىسى بىلتىرعىدان دا جوعارى بولدى“. فۋجوۋ قالاسى مينچيڭ اۋدانىنداعى ءبىر حالىقتىق دەنساۋلىق تەكسەرۋ قۇرىلىمىنىڭ جاۋاپتىسى چىن يىڭ قىزمەت وتەۋ دەڭگەيىن قۇلشىنا جوعارىلاتىپ، ءتىپتى دە كوپ تۇتىنۋشىلاردىڭ مويىنداۋىنا يە بولاتىندىقتارىن ءبىلدىردى.

دالمە - ءدال سۇيەمەلدەپ، حالىق باسقارۋىنداعى كاسىپورىندارعا قىسىلعاندا قارايلاستى.

تاياۋدا فۋجيان فۋلان وپتيكالىق شەكتى جارنا سەرىكتەستىگى شيكىزات سياقتىلاردى ساتىپ الۋدا 30 ميلليون يۋان اقشانى شۇعىل قاجەت ەتتى. سۇرانىستى بىلگەننەن كەيىن جۇڭگو بانكەسى شىساڭشان تارماق بانكەسىنىڭ قاريدارلار مەڭگەرۋشىسى ەسىك الدىنا بارىپ قىزمەت وتەپ، كاسىپورىنعا ارناۋلى قارجى قارىز اقشاسىن دالمە - ءدال سايكەستىرىپ بەردى. ”3 كۇندە وسى قارىز اقشا ەسەپكە كىردى“ دەدى سەرىكتەستىكتىڭ باس جوراسى پان مينجۇڭ.

فۋجيان ولكەسى حالىق باسقارۋىنداعى شاعىن، ۇساق قارجى قۇراۋ حاۋىپ - قاتەرىن ءبولىپ ارقالاۋ مەحانيزمىن كەمەلدەندىردى، بيىل 2 – ايدا جۇڭگو حالىق بانكەسىنىڭ فۋجيان ولكەلىك تارماق بانكەسى، فۋجيان ولكەلىك قازىنا مەڭگەرمەسى قاتارلىلار جاڭادان 20 ميلليارد يۋان ارناۋلى قارجى قارىز اقشاسىن قۇرىپ، ارنايىلانعان، كەمەلدەنگەن، ەرەكشەلەنگەن، جاڭاشالانعان ورتا، شاعىن كاسىپورىنداردى قولداۋ تەبىنىن ارتتىرىپ، 300 دەن استام كاسىپورىنعا تيىمدىلىك جاسادى.

جۇمىس بولماسا مازالاماي، كاسىپورىنداردىڭ زەيىن - زەردەنى شوعىرلاندىرا وتىرىپ دامۋعا ۇمتىلۋىنا مۇمكىندىك جاسادى.

”قازىر ۇكىمەتتىڭ فۋنكتسيالىق تاراۋلارى بىرلەسىپ تەكسەرۋ جۇرگىزەدى، كاسىپورىنداردىڭ تەكسەرۋگە توتەپ بەرۋ قىسىمى ازايدى“. نيڭدى قالاسى گۋتيان اۋدانىندا فۋجيان ولكەسى تيانچىن اۋىل شارۋاشىلىعىن اشۋ شەكتى سەرىكتەستىگىنىڭ باس ديرەكتورى پىڭ رىنشيۋ ءوندىرىس تيجاراتى مەن قىزمەت وتەۋ قاريدارلارىنا ءتىپتى دە دەن قويدى.

فۋجيان ولكەسى كاسىپورىندارعا ساياتىن زاڭنىڭ اتقارىلۋىن تەكسەرۋدى قاتاڭ ارناعا ءتۇسىرىپ، 2025 - جىلدان باستاپ كاسىپورىندارعا ساياتىن اكىمشىلىك تەكسەرۋدى جاپپاي ”جالپىلىق ءبىر رەت تەكسەرىپ“، قايتالانبالى، بەتالدى زاڭ اتقارۋدى شىن مانىندە جويىپ، زاڭ اتقارۋدا حالىقتى، كاسىپورىنداردى مازالاۋ ماسەلەسىن تيدى.

جاڭالىق جاراتۋدى قورعاپ، ءبىلىم مەنشىك ۇقىعىن زاڭمەن باسقارۋدى قامتاماسىزداندىرۋدى كەمەلدەندىردى.

تىليحۇي ينفورماتسيا عىلىم - تەحنيكا شەكتى جارنا سەرىكتەستىگى دەربەس زەرتتەپ جاساعان ءبىر جۇمساق بولشەك باسەكە ارىپتەسىنىڭ ۇقىققا قول سۇعۋىنا ۇشىرادى. فۋجوۋ قالالىق ورتا حالىق سوتى مەكەمەسى تەحنيكالىق تەكسەرۋشىنى باعدارلامالىق قۇرال شارتتى ءنومىرىن تەكسەرۋگە كىرىستىرىپ، فاكتىنى انىقتاپ، سەرىكتەستىكتى 450 مىڭ يۋان ەكونوميكالىق زياننان ساقتاپ قالدى. ”تەحنيكالىق تەكسەرۋشىنىڭ ارقاسىندا ءادىليالىق ساراپتاۋدىڭ ۋاقىتى مەن قاراجاتى ۇنەمدەلىپ، ءتول جاسامپازدىق تابىستارىمىز ءونىمدى قورعالدى“ دەدى وسى سەرىكتەستىكتىڭ زاڭدىق ۋاكىلى لين شىفۋ.

”شىنايى جاڭالىق اشۋدىڭ شىنايى قورعاۋعا الىنۋىنا مۇمكىندىك جاسايمىز“. فۋجيان ولكەلىك جوعارى حالىق سوتى مەكەمەسى تەحنيكالىق تەكسەرۋشىلەردىڭ ءبىلىم مەنشىك ۇقىعى ارىز - شاعىم قيمىلىنا قاتىناسۋ قىزمەت ەرەجەسىن شىعارىپ، شەشۋشى، وزەكتى تەحنيكالاردى، ستراتەگيالىق جاڭادان گۇلدەنگەن شارۋاشىلىقتاردى قورعاۋ تەبىنىن ارتتىرىپ، تەحنيكالىق فاكتىلەردى انىقتاۋعا پارمەندى كاسىپتىك تىرەك ازىرلەدى.

شارۋاشىلىق - ساۋدا ورتاسى ۇزدىكسىز ساپالىلانىپ، بازاردىڭ ومىرشەڭدىك كۇشى ۇزدىكسىز تاسقىندادى. وتكەن 3 جىلدا فۋجياندا جىلىنا ورتا ەسەپپەن 225 مىڭ تيجارات تۇلعاسى تىڭنان قوسىلدى؛ 2024 - جىلى جاڭادان ەنگىزىلىپ، جالپى ءبىر ميلليارد يۋاننان استام قارجى قوسىلعان 102 نىسان تياناقتانىپ، شەتەل ساۋداگەرلەرى قارجى قوسقان كاسىپورىنداردىڭ سانى %9.7 ارتتى.

”باتىلدىقپەن الدا جۇرەتىن، قۇلشىنىس جاساپ، جەڭىسكە جەتەتىن ءورىس اشا جاڭالىق اشۋ رۋحىن ۇزدىكسىز ساۋلەلەندىرىپ، ۋاقىت كۇتىپ تۇرمايدى دەيتىن كوكەي تەستىلىك سەزىممەن جانە ەرلىكپەن العا ۇمتىلاتىن كۇرەسكەرلىك تەبىنمەن قارقىندى تەزدەتىپ، ۇزاق ۋاقىت ۇلەس قوسىپ، بىرەگەي شارۋاشىلىق - ساۋدا ورتاسىن جاراتىپ، فۋجياندى الىستان كەلگەن ساۋداگەرلەردىڭ باۋرامدى ورتاسىنا اينالدىرامىز“ دەدى فۋجيان ولكەلىك پارتكومنىڭ شۋجيى جوۋ زۋ - ي.

كەلۋ قاينارى: حالىق تورابى