بۇكىل ەلىمىز بويىنشا ۇيلەنۋگە تىزىمدەلۋدە ”ولكە اتتاپ ءبىرتۇتاس ءبىتىرۋ“ بويىنشا 492 مىڭ جۇباي تىزىمدەلدى

شينحۋا اگەنتتىگىنىڭ 3 – ايدىڭ 22 – كۇنى بەيجيڭنەن بەرگەن حابارى. ءتىلشىنىڭ 3 – ايدىڭ 22 – كۇنى حالىق ىستەرى مينيسترلىگىنەن ۇعىسۋىنشا، 2025 – جىلدىڭ سوڭىنا دەيىن بۇكىل ەلىمىز بويىنشا ۇيلەنۋگە تىزىمدەلۋدە ”ولكە اتتاپ ءبىرتۇتاس ءبىتىرۋ“ بويىنشا 492 مىڭ جۇباي تىزىمدەلگەن.

ۇعىسۋعا قاراعاندا، حالىق بۇقاراسىنىڭ باسقا جەردە ۇيلەنۋگە تىزىمدەلۋ قاجەتىن قاناعاتتاندىرۋ ءۇشىن، مەملەكەتتىك كەڭەستىڭ بەكىتۋىمەن 2021 – جىلى 6 - ايدان باستاپ بۇكىل ەل بويىنشا 21 ولكەدە (اۆتونوميالى رايون، توتە قاراستى قالا) ۇيلەنۋگە تىزىمدەلۋدىڭ ”ولكە اتتاپ ءبىرتۇتاس ءبىتىرۋدىڭ“ ەكى رەتكى سىناق ءتۇيىنىن ورىستەتكەن.

تاياۋدا اشىلعان مەملەكەتتىك كەڭەستىڭ ۇنەمىلىك ىستەر ماجىلىسىندە «ۇيلەنۋگە تىزىمدەلۋ ەرەجەسىن (وزگەرىس ەنگىزىلگەن جوباسى)» قاراپ ماقۇلداندى. ەرەجەنى ويداعىداي دايەكتىلەندىرۋ، تياناقتاندىرۋ ءۇشىن، حالىق ىستەرى مينيسترلىگى ۇيلەنۋگە تىزىمدەلۋدە ”مەملەكەت بويىنشا ءبىرتۇتاس ءبىتىرۋدى“ اتقارماقشى. سول كەزدە ىسكە قاتىستى ادام ۇيلەنۋگە تىزىمدەلۋ رەسميەتىن وتەۋ ءۇشىن تۇراقتى نوپوسى تۇرعان جەرگە بارۋ دەگەن شەكتەمەگە ۇشىرامايدى.

ۇعىسۋعا قاراعاندا، حالىق ىستەرى مينيسترلىگى جەر – جەردىڭ ارناعا ءتۇسىرۋ قۇرىلىسىن ۇزدىكسىز كۇشەيتۋىنە جەتەكشىلىك ەتىپ، قابىلداۋ شارتىن، ءبىتىرۋ ءتارتىبىن جانە كۋالىك ماتەريالدارىنىڭ تالابىن ايقىندايدى. سونىمەن بىرگە، ينفورماتسيالاندىرۋ قۇرىلىسىن كۇشەيتۋگە جەتەكشىلىك ەتىپ، ۇيلەنۋگە تىزىمدەلۋگە الدىن الا كەلىسۋ قىزمەت وتەۋىمەن بەلسەنە قامداپ، ۇيلەنۋگە تىزىمدەلۋ ينفورماتسيا ساندى مالىمەتىن توراپتا سالىستىرىپ، ساندى مالىمەتتى كوبىرەك پايدالانۋ ارقىلى بۇقارانىڭ ازىراق جۇگىرۋىنە مۇمكىندىك جاساپ، بۇقاراعا اناعۇرلىم كوپ قولايلىلىق جاسايدى.

بۇدان سىرت، حالىق ىستەرى مينيسترلىگى كەلەسى قادامدا ۇيلەنۋ جانە وتباسى جەتەكشىلىگى، قىزمەت وتەۋدى ساپالىلاندىرۋ، ۇيلەنۋ سالتى رەفورماسىن ۇزدىكسىز تەرەڭدەتۋ، ۇيلەنۋدى باسقارۋدىڭ سەنىمدىلىك جۇيەسىن ورناتۋ جانە كەمەلدەندىرۋ قاتارلى ءتۇيىندى قىزمەتتەردى ويداعىداي ىستەيدى.

كەلۋ قاينارى: حالىق تورابى