جاۋ لىجي يتاليا كەڭەس پالاتاسىنىڭ باستىعى لارۋسامەن كەڭەس وتكىزدى 

شينحۋا اگەنتتىگى، 3 - ايدىڭ 24 – كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 3 - ايدىڭ 24 - كۇنى تۇستەن كەيىن حالىق سارايىندا يتاليا كەڭەس پالاتاسىنىڭ باستىعى لارۋسامەن كەڭەس وتكىزدى.

جاۋ لىجي بىلاي دەدى: بىلتىر − جۇڭگو مەن يتاليانىڭ جالپى بەتتىك ستراتەگيالىق سەرىكتەستىك قارىم - قاتىناس ورناتقاندىعىنىڭ 20 جىلدىعى، باس شۋجي شي جينپيڭ جۇڭگوعا ساپارلاي كەلگەن ماتتارەللا زۇڭتۇڭمەن، مەلوني زۇڭليمەن ىشكەرىلەي پىكىرلەسىپ، ەكى جاقتى قارىم - قاتىناس دامۋىنىڭ جاڭا جوباسىن بىرگە جاسادى. ەكى ەل باسشىلارىنىڭ ستراتەگيالىق جەتەكشىلىگى مەن جەبەۋىندە جۇڭگو مەن يتاليانىڭ ناقتى سەلبەستىگى ۇزدىكسىز كەڭەيىپ، گۋمانيتارلىق اۋىس - كۇيىس ۇزدىكسىز تەرەڭدەپ، ەكى ەل حالقىنا ناقتى باقىت اكەلدى.

جاۋ لىجي بىلاي دەپ اتاپ كورسەتتى: ديپلوماتيالىق قارىم - قاتىناس ورناتقان 55 جىلدان بەرى جۇڭگو - يتاليا قارىم - قاتىناسىنىڭ اقاۋسىز، ورنىقتى دامۋىن ساقتاي الۋىنىڭ تەتىگى ەكى جاقتىڭ باستان - اياق ءوزارا قۇرمەت ەتۋگە، ورتاقتىققا ۇمتىلىپ، پارىقتاردى ساقتاپ، سەلبەسىپ تەڭ يگىلىككە كەنەلۋگە تاباندى بولعاندىعىندا. جۇڭگو جاق يتاليا جاقتىڭ ءبىر جۇڭگو پرينسيبىنە تاباندى بولعاندىعىن القايدى، يتاليا جاقپەن ءداستۇرلى دوستىقتى ساۋلەلەندىرىپ، تۇسىنىستىكتى تەرەڭدەتىپ، ورتاق تانىمدى كەڭەيتىپ، ءوزارا قولدايتىن، ءوزارا تابىسقا جەتەتىن ستراتەگيالىق سەرىك بولۋدى؛ ستراتەگيالىق ۇشتاسۋدى كۇشەيتىپ، كەمە جاساۋ، اۆياتسيا، عارىش، جاڭا ەنەرگيا سياقتى سالالاردا سەلبەستىك كومەسكى كۇشىن اشۋدى؛ وركەنيەتتە اۋىس – كۇيىس جاساۋدى، ءوزارا ۇلگى الۋدى قول ۇستاسا دارىپتەپ، مادەنيەت - كوركەمونەر، ساياحات، وقۋ - اعارتۋ سياقتى سالالارداعى سەلبەستىكتى كۇشەيتىپ، ەكى ەلدىڭ ۇرپاقتان - ۇرپاققا جالعاسقان دوستىعىنىڭ جۇرت جۇرەگىنە تەرەڭ ۇيالاۋىن ىلگەرىلەتۋدى قالايدى.

جاۋ لىجي بىلاي دەپ باسا دارىپتەدى: جۇڭگو مەملەكەتتىك حالىق قۇرىلتايى يتاليا پارلامەنتىمەن بىرگە ەكى ەلدىڭ جان - جاقتى ستراتەگيالىق سەرىكتەستىك قارىم - قاتىناسىن كۇشەيتۋ جونىندەگى 3 جىلدىق ارەكەت جوسپارىن ويداعىداي تياناقتاندىرىپ، زاڭ شىعارۋ قۇرىلىمدارىنىڭ جوعارى جىكتەگىلەرى، ارناۋلى كوميتەتتەرى، ەكى جاقتى دوستىق گرۋپپالارى، حالىق قۇرىلتايى ۋاكىلدەرى جانە پارلامەنت مۇشەلەرى اراسىنداعى دوستىق بارىس - كەلىستى كۇشەيتىپ، اۋىس - كۇيىستى، ءوزارا سەنىمدىلىكتى تەرەڭدەتىپ، ەكى جاقتى ناقتى سەلبەستىكتى زاڭدىق كەپىلمەن قامداۋدى؛ كوپ جاقتى پارلامەنت مەحانيزمىندەگى سايكەستىكتى، بايلانىستى كۇشەيتىپ، دۇنيە جۇزىلىك سايىستارعا بىرگە توتەپ بەرۋدى قالايدى.

جاۋ لىجي مىنالاردى ءبىلدىردى: جۇڭگو جاق ەۆروپا جاقپەن ديپلوماتيالىق قارىم - قاتىناس ورناتقاندىعىنىڭ 50 جىلدىعىن وراي ەتىپ، جۇڭگو - ەۆروپا قارىم - قاتىناسىنىڭ باياندى، ورنىقتى، اقاۋسىز دامۋىن ىلگەرىلەتۋدى قالايدى، يتاليا جاقتىڭ وسى ءۇشىن ۇزدىكسىز بەلسەندى رول اتقارۋىن ءۇمىت ەتەدى.

جاۋ لىجي جۇڭگو ەكونوميكاسىنىڭ ۇزدىكسىز جاقسارۋ جاعدايىن جانە جوعارى دەڭگەيدە سىرتقا ەسىك اشۋدى كەڭەيتۋدىڭ ساياساتتىق شارالارىن تانىستىردى. ول مىنانى ءبىلدىردى: يتاليانى قامتىعان ءار ەل كاسىپورىندارىنىڭ سەلبەستىك ورايىن مىقتى يگەرىپ، جۇڭگو ەكونوميكاسىمەن بىرگە جەتىلۋىن قارسى الامىز.

لارۋسا مىنالاردى ءبىلدىردى: يتاليا مەن جۇڭگو ەكەۋى دە − وركەنيەتتى بايىرعى ەلدەر، قازىرگى كۇردەلى حالىقارالىق جاعدايدا يتاليا -جۇڭگو سەلبەستىگى دۇنيە ءجۇزىنىڭ بەيبىتشىلىگىنە، ورنىقتىلىعىنا تىڭ ۇلەس قوسا الادى. يتاليا ءبىر جۇڭگو پرينسيبىنە تاباندى بولادى، جۇڭگونىڭ حالىقاراداعى ورنى مەن رولىنا ايرىقشا ءمان بەرەدى، يتاليا مەن جۇڭگونىڭ جالپى بەتتىك ستراتەگيالىق سەرىكتەستىك قارىم - قاتىناستى كۇشەيتۋ جونىندەگى ارەكەت جوسپارىن بىرگە ىلگەرىلەتۋدى، ەكونوميكا - ساۋدا، عىلىم - تەحنيكا، مادەنيەت سياقتى سالالارداعى سەلبەستىكتى كەڭەيتۋدى، ەكى ەل قارىم - قاتىناسىنىڭ ۇزدىكسىز دامۋىن ىلگەرىلەتۋدى، ەۆروپا وداعىنىڭ جۇڭگومەن قارىم - قاتىناسىنىڭ اقاۋسىز، ورنىقتى دامۋىن جەبەۋدى ءۇمىت ەتەدى. يتاليانىڭ كەڭەس پالاتاسى جۇڭگو مەملەكەتتىك حالىق قۇرىلتايىمەن دوستىق بارىس - كەلىستى جيىلەتىپ، ەكى جاقتىڭ ناقتى سەلبەستىگى ءۇشىن زاڭ شىعارۋ قۇرىلىمدارىنىڭ بەلسەندى رولىن ساۋلەلەندىرىپ، ەكى ەل حالقى اراسىنداعى دوستىق سۇيىسپەنشىلىكتى ۇزدىكسىز نىعايتۋدى قالايدى.

ۋاڭ دۇڭميڭ كەڭەسكە قاتىناستى.