حان جىڭ شەتەل كاسىپورىندارىنىڭ جاۋاپتىلارىمەن كەزدەستى

شينحۋا اگەنتتىگى، 3 - ايدىڭ 24 – كۇنى، بەيجيڭ. 3 - ايدىڭ 24 - كۇنى مەملەكەت ءتوراعاسىنىڭ ورىنباسارى حان جىڭ بەيجيڭدە جۇڭگو دامۋ جوعارى جىكتەگىلەر تالقى مىنبەرىنىڭ 2025 - جىلعى جىلدىق ماجىلىسىنە قاتىناسۋ ءۇشىن جۇڭگوعا كەلگەن انگليا تايگۋ توبىنىڭ اكىمشىلىك باس القاسى شى ميڭلۇنمەن جانە شۆەتساريا نوحۋا سەرىكتەستىگىنىڭ باس اتقارۋشى ءمانساپتىسى ۋان سىحانمەن جەكە - جەكە كەزدەستى.

شى ميڭلۇنمەن كەزدەسكەندە حان جىڭ مىنالاردى ءبىلدىردى: قازىر دۇنيە ءجۇزى كۇردەلى سىن - سايىسقا ءدوپ كەلىپ وتىر، حالىقارالىق ەكونوميكالىق جاعداي ىشكەرىلەي رەتتەلدى. جۇڭگو ەكونوميكانىڭ جاھاندانۋىنىڭ دۇرىس بەتالىسىنا تاباندى بولىپ، دۇنيە جۇزىلىك ساۋدا ەرەجەسى جۇيەسىن قورعاپ، رەفورما جاساپ، ەسىك اشۋدى تاباندىلىقپەن ىلگەرىلەتىپ، دۇنيە ءجۇزى ەكونوميكاسىنىڭ دامۋىنا اناعۇرلىم كوپ ورنىقتىلىق جانە تۇراقتىلىق ۇستەيدى. تايگۋ توبى − دۇنيە جۇزىنە ايگىلى ەل ارالىق سەرىكتەستىك، جۇڭگونىڭ ىشكى ولكەلەرى مەن شياڭگاڭدا تاماشا دامۋعا قول جەتكىزدى. تايگۋ توبىنىڭ گۋاڭدۇڭ - شياڭگاڭ – اۋمىن ۇلكەن شىعاناق رايونى مەن حاينان ەركىن ساۋدا پورتى قۇرىلىسىنا بەلسەنە ات سالىسىپ، شياڭگاڭنىڭ حالىقارالىق اۆياتسيا تورابى ورنىن بەكەمدەۋدى قولداۋ سياقتى جاقتاردا تىڭ ۇلەس قوسۋىن ءۇمىت ەتەمىن.

ۋان سىحانمەن كەزدەسكەندە حان جىڭ مىنالاردى ءبىلدىردى: نوحۋا سەرىكتەستىگى − دۇنيە جۇزىندەگى ايگىلى جاڭالىق اشۋ ءدارى - دارمەك كاسىپورنى، ادامزاتتىڭ دەنساۋلىق ىستەرىنە ماڭىزدى ۇلەس قوستى. جۇڭگو ۇكىمەتى ءدارى - دارمەك زەرتتەپ اشۋعا دەم بەرىپ جانە قولداۋ كورسەتىپ، ءبىلىم مەنشىك ۇقىعىن قورعاۋدى زاڭ بويىنشا كۇشەيتىپ، نوحۋا سەرىكتەستىگىن قامتىعان شەتەل كاسىپورىندارىنا اناعۇرلىم جاقسى جاڭالىق اشۋ ورتاسىن ازىرلەيدى. نوحۋا سەرىكتەستىگىنىڭ ورايدى مىقتى يگەرىپ، ءوز ابزالدىعىن تولىق ساۋلەلەندىرىپ، ەكى جاقتىڭ ءوزارا ءتيىمدى سەلبەستىگىن تەرەڭدەتىپ، جۇڭگودا ءتىپتى دە زور دامۋدى جۇزەگە اسىرۋىن ءۇمىت ەتەمىن.

شى ميڭلۇن مەن ۋان سىحان تاياۋ جىلداردان بەرى جۇڭگونىڭ ەكونوميكالىق، قوعامدىق دامۋدا قول جەتكىزگەن تابىستارىن جوعارى باعالاپ، جۇڭگونىڭ دامۋ بولاشاعىنا قىزىعىپ، جۇڭگوعا قارجى قوسۋعا مىعىم سەنىم ارتتى. ەكى كاسىپورىن جۇڭگومەن ۇزاق ۋاقىتتىق سەلبەستىككە كۇش سالىپ، جۇڭگوعا ۇزدىكسىز تامىر تارتىپ، جۇڭگو بازارىنا ۇزدىكسىز ىشكەرىلەي ارالاسىپ، جۇڭگوعا قارجى قوسۋدى كەڭەيتىپ، جۇڭگومەن اۆياتسيا، ەمدەۋ، ءدارى - دارمەك، دەنساۋلىق ساقتاۋ سياقتى سالالارداعى سەلبەستىكتى تەرەڭدەتىپ، انگليا مەن جۇڭگونىڭ، شۆەتساريا مەن جۇڭگونىڭ ءوزارا ءتيىمدى سەلبەستىگىنىڭ تىڭ تابىستارعا قول جەتكىزۋىن ىلگەرىلەتەتىندىكتەرىن ءبىلدىردى.

كەلۋ قاينارى: حالىق تورابى