تيانجين كەلەلى نىسان قۇرىلىستارىن مىقتى، ناقتى يگەردى (سەنىمدى بەكەمدەپ، رەفورمانىڭ، دامۋدىڭ تىڭ ءورىسىن اشايىق)

كران بولات شىبىقتى بەلگىلەنگەن ورىنعا ءدال جەتكىزىپ، جەر استى قۇرىلىمدىق قۇرىلىسىن جەدەل ىلگەرىلەتتى... سالىنىپ جاتقان بەيجيڭ - تيانجين - حىبەيدىڭ تۇڭچىڭ ساۋدا رايونى تيانجين باتىس ۆوكزالىنىڭ توراپتىق رولىن ساۋلەلەندىرىپ، ءوندىرىس پەن قالانى توعىستىرىپ، بەيجيڭ - تيانجين - حىبەيدىڭ سايكەستى دامۋىنا قىزمەت وتەيتىن جاڭا ستراتەگيالىق قاقپانى قالىپتاستىرادى.

2024 ـ جىلى 2 ـ ايدا باس شۋجي شي جينپيڭ تيانجينگە كەلىپ نەگىزگى ساتى كادرلارى مەن بۇقاراسىنان حال سۇراپ، تيانجيننەن ەكونوميكالىق قۇرىلىس سىندى وسى وزەكتى قىزمەت پەن جوعارى ساپالى دامۋ سىندى ماڭداي الدى مىندەتكە نازار اۋدارىپ، بەيجيڭ ـ تيانجين ـ حىبەيدىڭ سايكەستى دامۋىن ىلگەرىلەتۋدى ستراتەگيالىق جەتەكشى ەتىپ، بورىشتى باتىلدىقپەن ارقالاپ، ءورىس اشا العا ىلگەرىلەپ، جاپپاي سوتسياليستىك وسىزاماندانعان ءىرى قالا قۇرىپ، جۇڭگو ۇلگىسىندەگى وسىزاماندانعان تيانجين داستانىن قۇلشىنا جازۋدى ءۇمىت ەتتى.

ماڭىزدى تاپسىرمانى ەستە بەرىك ساقتاعان تيانجين قالاسى كەلەلى نىسانداردى قارجى قوسۋدى جەبەۋدىڭ، ىشكى سۇرانىمدى كەڭەيتۋدىڭ پارمەندى تۇتقاسى ەتىپ، مەملەكەتتىڭ ستراتەگيالىق ورنالاستىرۋى مەن ساياساتتىق بەتالىسىن مىقتاپ ارقاۋ ەتىپ، شەشۋشى سالالارداعى كەلەلى نىسانداردىڭ ەكونوميكانىڭ، قوعامنىڭ جوعارى ساپالى دامۋىنداعى تىرەكتىك رولىن تولىق ساۋلەلەندىردى.

تيانجين نىسانداردىڭ تياناقتانۋىن جەدەلدەتىپ، ساۋدا ورتاسىن اناعۇرلىم زور تەبىنمەن ساپالىلاندىردى.

جيننان رايونىنا ورنالاسقان تيانكاي زەردەلى شاعىن قالاشىعى كايۋيۋان باقشاسىندا بايدۋ سيفرلى كاسىپ سالاسىنىڭ جاڭالىق اشۋ بازاسى ” چيانفان ۇلكەن مودەل ەنەرگيا ورتالىعى“ قىزمەت اۋماعى بولمە ءىشىن بەزەندىرۋدە.

”4 ـ ايدىڭ سوڭىندا سالىنىپ بىتەتىندىگى مەجەلەنۋدە، 1 ـ توپتاعى كاسىپورىنداردى قارسى الدىق“. جيننان رايوندىق اكىمشىلىك قىزمەت وتەۋ كەڭسەسىنىڭ مەڭگەرۋشىسى شۋە ىنجۇن بىلاي دەپ تانىستىردى: ”ونەركاسىپ تۇرىندەگى قۇرىلىس نىساندارىن تەكسەرىپ ـ بەكىتۋ ۋاقىتىن قىسقارتىپ، نىسانداردىڭ جۇمىس باستاۋىن تەزدەتۋ ءۇشىن، ءبىز ’جەر الا سالعاندا جۇمىس باستاۋ‘ جوباسى نەگىزىندە، تەكسەرىپ ـ بەكىتۋ رەفورماسى بويىنشا قىزمەت وتەۋ شارالارىن العا قويدىق“.

قىزمەت وتەۋ نىساندارىنىڭ جەدەل تياناقتانۋى ءۇشىن، تيانجين ەكونوميكالىق ـ تەحنيكالىق اشۋ رايونى ”مامان + قوس باسقارۋشى“ قىزمەت وتەۋ مەحانيزمىن جاسامپازدىقپەن قۇردى. فۋنكتسيالىق تاراۋلار تەكسەرىپ بەكىتىپ، ماماندار تۇتاس بارىستا بىرلەسىپ قيمىلداپ، كاسىپورىندارعا ارناۋلى قىزمەت وتەپ، تەكسەرىپ بەكىتۋ ۋاقىتىن بارىنشا قىسقارتتى.

”ءبىر كاسىپورىنعا ءبىر شارا قولدانۋ“، ”كاسىپورىنعا قاراي شارا قولدانۋ“ ارقىلى تيانجين ءتۇرلى ءادىس ـ امالدارمەن نىساننىڭ اتقارىلۋىنداعى قيىن تۇيىندەردى، بوگەتتەردى اشتى.

جۇڭمەي عىلىم ـ تەحنيكا ونەركاسىپ توبى بەيجيڭ حۋايۇي ينجەنەريا شەكتى سەرىكتەستىگى حۇڭچياۋ رايونىنداعى ءبىر بوس تۇرعان مال ـ مۇلىكتى تاڭداپ، زەرتتەۋ ـ اشۋ بازاسىن قۇرۋعا دايىندالدى، ءبىراق نەگىزگى عيماراتتىڭ مال ـ مۇلىك ۇقىعى قاتىناسى قىم ـ قۋىت بولۋ، جەردى تىزىمدەۋ ينفورماتسياسى بولماۋ، جالپىلىق مەنشىككە جاتاتىن، تۇرعىن ۇيگە ارنالماعان قۇرىلىستىڭ مەنشىك ۇقىعىن ساتىپ الا الماۋ سياقتى ماسەلەلەرگە ءدوپ كەلدى.

حۇڭچياۋ رايوندىق مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتى تۇرعىن ءۇي قۇرىلىسى، جوبالاۋ، قوعام حاۋىپسىزدىگى سياقتى كوپتەگەن تاراۋلارمەن تىزە قوسا سەلبەسىپ، تاريحي ماتەريالداردى رەتتەپ، قيىن ماسەلەلەردى كۇش سالا شەشتى. حۇڭچياۋ رايوندىق مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتى پارتكومىنىڭ شۋجيى، مەڭگەرۋشىسى سۇڭ ۋىنليان بىلاي دەپ تانىستىردى: بۇل نىسان تيانجيندەگى تۇڭعىش جالپىلىق مەنشىككە جاتاتىن، تۇرعىن ۇيگە ارنالماعان قۇرىلىستىڭ مەنشىك ۇقىعىن ساتىپ بەرۋدى جۇزەگە اسىرۋداعى تيپتىك مىسالعا اينالدى.

”قازىر سىرتىن اشەكەيلەپ جاتىرمىز، تەز ارادا ىرگە تەبۋ شارتىن ازىرلەيمىز، بۇل ارا كاسىپورىننىڭ زەردەلى دە جاسىل، جوعارى دەڭگەيدەگى تيپكە بۇرىلىس جاساۋىنىڭ دانەكەرىنە اينالادى“ دەدى جۇڭگو كومىر عىلىم ـ ونەركاسىپ توبى بەيجيڭ حۋايۇي ينجەنەريا شەكتى سەرىكتەستىگى تيانجين زەرتتەۋ ـ اشۋ بازاسى قۇرىلىسىن باسقارۋ نىسانىنىڭ جاۋاپتىسى يۋە سايكۇن ۇمىتپەن.

بيىلعى «ۇكىمەت قىزمەتىنەن باياندامادا» بىلاي دەپ ورتاعا قويىلدى: ”ءونىمدى قارجى قوسۋدى بەلسەنە كەڭەيتۋ كەرەك. مەملەكەتتىڭ دامۋ ستراتەگياسى مەن حالىق تۇرمىسى قاجەتىن تىعىز ارقاۋ ەتىپ، ۇكىمەتتىڭ قارجى قوسۋداعى ءتۇرلى قۇرالدارىنىڭ رولىن ويداعىداي ساۋلەلەندىرىپ، قازىنا مەن فينانستىڭ سايكەسۋىن كۇشەيتىپ، نىسان زاپاسى مەن فاكتورلاردى قامتاماسىز ەتۋدى كۇشەيتىپ، ءبىر توپ ءتۇيىندى نىسانداردى جەدەل اتقارىپ، ”14 ـ بەسجىلدىق“ جوباداعى كەلەلى ينجەنەريالاردىڭ ءساتتى اياقتالۋىن ىلگەرىلەتۋ كەرەك“.

تانىستىرۋعا قاراعاندا، بيىل تيانجين قالاسى ءبىر مىڭ 129 ءتۇيىندى نىسانعا جالپى 2 تريلليون 20 ميلليارد يۋان قارجى قوسادى ەكەن. مۇنىڭ ىشىندە ءبىر ميلليارد يۋان جانە ودان جوعارى قارجى قوسىلعان نىسان 333، جالپى قوسىلعان قارجى ءبىر تريلليون 770 ميلليارد يۋان بولىپ، قوعامدىق كاپيتالدى نەگىز ەتكەن ءتۇيىندى قۇرىلىس نىساندارىنا قوسىلعان قارجىنىڭ سالىستىرماسى %80 تەن اسقان.

2 – ايدىڭ 8 ـ كۇنى تۇستەن بۇرىن جيىنى ءبىر ميلليارد 153 ميلليون يۋان قارجى قوسىلعان چاڭچىڭ اۆتوموبيل توبى تيانجين ماندى نىسانىندا ەكونوميكالىق ـ تەحنيكالىق اشۋ رايونىندا قۇرىلىس باستالدى. ”نىسان سالىنىپ بولعاننان كەيىن، تيانجين تۇتاس اۆتوموبيل ءوندىرىس بازاسىمەن ءوندىرىستى ءتىپتى دە جاقسى سايكەستىرىپ، قامبادا باسىلىپ قالۋ مەن تاسىمالدىڭ وزىندىك قۇنىن زور مولشەردە تومەندەتەدى“ دەدى ماندى ەلەكترون - ەلەكتر جابدىقتارى شەكتى سەرىكتەستىگى باس ديرەكتورىنىڭ ورىنباسارى جاڭ گوحۋا.

قازىر تيانجين ەكونوميكالىق - تەحنيكالىق اشۋ رايونىنداعى 1 - اۆتوموبيل توبى فىڭتيان، 1 - اۆتوموبيل توبى داجۇڭ، چاڭچىڭ اۆتوموبيل توبى سىندى 3 ءتۇيىندى تۇتاس اۆتوموبيل كاسىپورنى جوعارى، تومەنگى اعارداعى ءبىرشاما كەمەلدى 200 دەن استام ۇساق بولشەكتەر سايكەستى كاسىپورىندارىنىڭ بىرلەسىپ دامۋىنا جەتەكشىلىك ەتتى.

شارالاردى جاڭالاپ، جالپى جاعدايمەن توعىسقان تيانجين قالاسى كەلەلى نىسانداردىڭ تياناقتانىپ، ءونىم بەرۋىن ۇزدىكسىز ىلگەرىلەتىپ، ەكونوميكانىڭ جوعارى ساپالى دامۋىن جەبەۋ، وڭىرلىك سايكەستى دامۋ جولىندا ارشىندى قاداممەن العا باستى.

كەلۋ قاينارى: حالىق تورابى