عىلىم ـ تەحنيكادا قۋاتتى ەل قۇرۋ ۇلى نىساناسىنا قاراي ەرلىكپەن العا باسۋ كەرەك

شينحۋا اگەنتتىگى، 3 ـ ايدىڭ 31 ـ كۇنى، بەيجيڭ. 4 ـ ايدىڭ 1 ـ كۇنى باسپادان شىعاتىن «ىزدەنۋ» جۋرنالىنىڭ 7 ـ سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «عىلىم ـ تەحنيكادا قۋاتتى ەل قۇرۋ ۇلى نىساناسىنا قاراي ەرلىكپەن العا باسۋ كەرەك» اتتى ماڭىزدى ماقالاسى جاريالانادى.

ماقالادا مىنالار باسا دارىپتەلدى: عىلىم - تەحنيكا گۇلدەنسە، ۇلت گۇلدەنەدى، عىلىم - تەحنيكا قۇدىرەتتەنسە، مەملەكەت قۇدىرەتتەنەدى. پارتيا 18 - قۇرىلتايىنان بەرى پارتيا ورتالىق كوميتەتى جاڭالىق اشۋ ارقىلى دامۋعا دەم بەرۋ ستراتەگياسىن اتقارۋدى ىشكەرىلەي ىلگەرىلەتىپ، جاڭاشىل مەملەكەت قۇرۋدى جەدەلدەتۋ ستراتەگيالىق مىندەتىن العا قويىپ، 2035 - جىلى عىلىم - تەحنيكادا قۋاتتى ەل قۇرۋ كۇرەس نىساناسىن بەلگىلەپ، عىلىم - تەحنيكا ءتۇزىلىسى رەفورماسىن ۇزدىكسىز تەرەڭدەتىپ، عىلىم - تەحنيكا قىزمەتكەرلەرىنىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، عىلىم - تەحنيكادا ءوزىن الۋەتتەندىرۋدى پارمەندى ىلگەرىلەتىپ، ەلىمىزدىڭ عىلىم - تەحنيكا ىستەرىندە تاريحي تابىستارعا قول جەتتى، تاريحي وزگەرىستەر تۋىلدى.

ماقالادا مىنالار اتاپ كورسەتىلدى: جاڭا داۋىردەگى عىلىم ـ تەحنيكا ىستەرىنىڭ دامۋ امالياتى بارىسىندا ءبىز زاڭدىلىق تانىمىن ۇزدىكسىز تەرەڭدەتىپ، كوپتەگەن ماڭىزدى تاجىريبە توپتادىق. باستىلارى مىنالار: پارتيانىڭ جاپپاي باسشىلىعىنا تاباندى بولۋ، جۇڭگوشا دەربەس جاڭالىق اشۋ جولىمەن جۇرۋگە تاباندى بولۋ، جاڭالىق اشۋ ارقىلى دامۋعا جەتەكشىلىك ەتۋگە تاباندى بولۋ، ”ءتورتتى بەتكە الۋ“ ستراتەگيالىق بەتالىسىنا تاباندى بولۋ، رەفورمانى تەرەڭدەتۋ ارقىلى جاڭالىق اشۋدىڭ ومىرشەڭدىك كۇشىن قاۋلاتۋعا تاباندى بولۋ، وقۋ - اعارتۋ، عىلىم - تەحنيكا دارىندىلارىنىڭ ۇتىمدى اينالىمىن ىلگەرىلەتۋگە تاباندى بولۋ، جاڭالىق اشۋ مادەنيەتىن جەتىلدىرۋگە تاباندى بولۋ، عىلىم - تەحنيكالىق اشىق سەلبەستىك ورىستەتىپ، ادامزاتقا باقىت جاراتۋعا تاباندى بولۋ. بۇل تاجىريبەلەر توتەنشە باعالى، وعان، ءسوز جوق، ۇزاق ۋاقىت تاباندى بولۋ ءارى اماليات بارىسىندا ۇزدىكسىز بايىتۋ، دامىتۋ كەرەك.

ماقالادا مىنالار اتاپ كورسەتىلدى: جۇڭگو ۇلگىسىندەگى وسىزامانداندىرۋ عىلىم ـ تەحنيكانى وسىزامانداندىرۋعا سۇيەنەدى، جوعارى ساپالى دامۋدى جۇزەگە اسىرۋ عىلىم ـ تەحنيكادا جاڭالىق اشىپ، جاڭا قوزعاۋشى كۇش جەتىلدىرۋگە سۇيەنەدى. عىلىم - تەحنيكانىڭ ستراتەگيالىق جەتەكشىلىك ورنى مەن ءتۇبىرلى تىرەكتىك رولىن، ءسوز جوق، جەتە تانىپ، 2035 - جىلى عىلىم - تەحنيكادا قۋاتتى ەل قۇرۋ ستراتەگيالىق نىساناسىن كوزدەپ، جوعارى دەڭگەيدە جوبالاۋ مەن ءبىر تۇتاس جوسپارلاۋدى كۇشەيتىپ، جوعارى دەڭگەيدەگى عىلىم - تەحنيكادا ءوز كۇشىنە سۇيەنۋدى جەدەل جۇزەگە اسىرۋ كەرەك. ءبىز قۇراتىن عىلىم ـ تەحنيكادا قۋاتتى ەل، ءسوز جوق، مىناداي نەگىزگى فاكتورلاردى ازىرلەۋى كەرەك: ءبىرىنشى، قۋاتتى نەگىزدىك زەرتتەۋ جانە العاشقى جاڭالىق اشۋ قابىلەتى بولۋ، كەلەلى ءتول جاسامپازدىق، توڭكەرىستىك عىلىم ـ تەحنيكا جەتىستىكتەرىن ۇزدىكسىز ءوندىرۋ كەرەك. ەكىنشى، كۇشتى شەشۋشى قامال الۋ قۋاتىنا يە بولىپ، جوعارى ساپالى دامۋ مەن جوعارى دەڭگەيدەگى حاۋىپسىزدىككە پارمەندى تىرەك بولۋ كەرەك. ءۇشىنشى، قۋاتتى حالىقارالىق ىقپال كۇشكە جانە جەتەكشىلىك كۇشكە يە بولىپ، دۇنيە جۇزىندەگى ماڭىزدى عىلىم ورتالىعىنا جانە جاڭالىق جاراتۋ بيىگىنە اينالۋ كەرەك. ءتورتىنشى، جوعارى دەڭگەيلى عىلىم ـ تەحنيكا دارىندىلارىن جەتىلدىرۋ جانە شوعىرلاندىرۋ قۋاتىنا يە بولىپ، حالىقارالىق وزىق عىلىم ـ تەحنيكا دارىندىلار قوسىنى مەن مەملەكەتتىڭ ستراتەگيالىق عىلىم ـ تەحنيكالىق كۇشتەرىن ۇزدىكسىز زورايتۋ كەرەك. بەسىنشى، قۋاتتى عىلىم - تەحنيكالىق جونگە سالۋ جۇيەسى مەن جونگە سالۋ قابىلەتىنە يە بولىپ، دۇنيە ءجۇزى بويىنشا ماڭداي الدى جاڭالىق اشۋ ەكولوگياسى مەن عىلمي زەرتتەۋ ورتاسىن قالىپتاستىرۋ كەرەك.

ماقالادا مىنالار اتاپ كورسەتىلدى: ۇزاق بارىستا شىڭدالىپ جەتىلۋ بەرىك بەكىممەن جانە قايسار ەرىك ـ جىگەرمەن ۋاقىتتى ۇتىپ، شوگەلدىكپەن ىستەپ، عىلىم ـ تەحنيكادا قۋاتتى ەل قۇرۋ ستراتەگيالىق نىساناسىن نىق قاداممەن رەالدىققا اينالدىرۋ كەرەك. ءبىرىنشى، جاڭاشا مەملەكەت قۇرۋ ءتۇزىلىسىنىڭ ابزالدىعىن تولىق ساۋلەلەندىرىپ، جوعارى دەڭگەيدەگى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جەدەل ىلگەرىلەتۋ كەرەك. پارتيا ورتالىق كوميتەتىنىڭ عىلىم ـ تەحنيكا قىزمەتىنە ورتالىقتانعان ءبىر تۇتاس باسشىلىق ەتۋ ءتۇزىلىسىن كەمەلدەندىرىپ، بازاردىڭ عىلىم ـ تەحنيكا بايلىعىن ورنالاستىرۋداعى شەشۋشى رولىن تولىق ساۋلەلەندىرىپ، ۇكىمەتتىڭ ءار جاقتى رولىن اناعۇرلىم ويداعىداي ساۋلەلەندىرىپ، مەملەكەتتىڭ ستراتەگيالىق عىلىم ـ تەحنيكا قۋاتى قۇرىلىسىن كۇشەيتىپ، نەگىزدىك زەرتتەۋدىڭ ۇيىمداسۋ دەڭگەيىن جوعارىلاتۋ كەرەك. ەكىنشى، عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن تىڭعىلىقتى ىلگەرىلەتىپ، جاڭاشا وندىرگىش كۇشتەردى دامىتۋعا دەم بەرۋ كەرەك. توعىسۋدىڭ نەگىزى − جوعارى ساپالى عىلىم - تەحنيكالىق قامداۋدى ارتتىرۋ، توعىسۋدىڭ تەتىگى − كاسىپورىنداردىڭ عىلىم - تەحنيكالىق جاڭالىق اشۋداعى تۇلعالىق ورنىن كۇشەيتۋ، توعىسۋدىڭ جولى − عىلىم - تەحنيكا جەتىستىكتەرىن كادەگە جاراتۋدى، قولدانۋدى جەبەۋ. ءۇشىنشى، عىلىم ـ تەحنيكا ءتۇزىلىس، مەحانيزمى رەفورماسىن جاپپاي تەرەڭدەتىپ، جاڭالىق اشۋدىڭ، جاسامپازدىق جاراتۋدىڭ ومىرشەڭدىك كۇشىن تولىق قاۋلاتۋ كەرەك. عىلىم - تەحنيكا باسقارۋ ءتۇزىلىسى رەفورماسىن تەرەڭدەتىپ، ءتۇرلى جاڭالىق اشۋ تۇعىرى قۇرىلىسىن ءبىر تۇتاس جوسپارلاپ، جاڭالىق اشۋ بايلىعىن ءبىر تۇتاس جوسپارلاۋدى جانە كۇش - قۋاتتى ۇيىمداستىرۋدى كۇشەيتۋ كەرەك. وڭىرلىك عىلىم - تەحنيكادا جاڭالىق اشۋ ورنالاستىرۋىن كەمەلدەندىرىپ، عىلىم - تەحنيكا جوسپارىن باسقارۋدى جاقسارتىپ، عىلمي زەرتتەۋ قيمىلدارىنىڭ زاڭدىلىعىنا ۇيلەسەتىن تۇرلەر بويىنشا باعالاۋ جۇيەسى مەن باعالاۋ مەحانيزمىن جەدەل اقاۋسىزداندىرىپ، عىلىم - تەحنيكا سيلىعى، كىرىس ءبولىسى، جەتىستىك ۇقىعى سياقتى ىنتالاندىرۋ تۇزىمدەرىن كەمەلدەندىرۋ كەرەك. ءتورتىنشى، وقۋ - اعارتۋ، عىلىم - تەحنيكا دارىندىلارى ىستەرىنىڭ دامۋىن ءبىر تۇلعالاندىرىپ ىلگەرىلەتىپ، دارىندىلار باسەكەسىنىڭ ابزالدىعىن قالىپتاستىرۋ كەرەك. وقۋ - اعارتۋ، عىلىم - تەحنيكا دارىندىلارىنىڭ ءتۇزىلىس، مەحانيزمىن ءبىر تۇلعالاندىرۋ رەفورماسىن تەرەڭدەتىپ، كولەمى زور، قۇرىلىمى ۇيلەسىمدى، ساپاسى تاماشا جاڭاشىل دارىندىلار قوسىنىن جەدەل جەتىلدىرۋ كەرەك. عىلىم ـ تەحنيكادا جاڭالىق اشۋ قاجەتىن جەتەكشى ەتۋگە تاباندى بولىپ، مەملەكەتتىڭ ستراتەگيالىق دارىندىلار كۇشىن جەدەل قۇرۋدى ەڭ ماڭىزدى ورىنعا قويىپ، جاس عىلىم ـ تەحنيكا دارىندىلارىن تاربيەلەۋدى كورنەكتى كۇشەيتۋ كەرەك. بەسىنشى، ادامزاتتىڭ تاعدىرلاس ورتاق تۇلعاسىن قۇرۋ ۇستانىمىن ىشكەرىلەي امالياتتا ايگىلەپ، عىلىم ـ تەحنيكالىق اشىق سەلبەستىكتى ىلگەرىلەتۋ كەرەك. حالىقارالىق عىلىم ـ تەحنيكا سەلبەستىگى باستاماسىن ىشكەرىلەي امالياتتا ايگىلەپ، دۇنيە جۇزىلىك جاڭالىق اشۋ تورابىمەن بەلسەنە توعىسىپ، كليمات وزگەرىسى، استىق حاۋىپسىزدىگى، ەنەرگيا حاۋىپسىزدىگى سياقتى دۇنيە جۇزىلىك سىن ـ سايىسقا بىرگە توتەپ بەرىپ، عىلىم ـ تەحنيكانىڭ ادامزاتقا ءتىپتى دە جاقسى باقىت جاراتۋىنا مۇمكىندىك جاساۋ كەرەك.

ماقالادا مىنالار اتاپ كورسەتىلدى: عىلىم - تەحنيكادا قۋاتتى ەل قۇرۋ − بۇكىل پارتيانىڭ، بۇكىل ەلدىڭ ورتاق جاۋاپكەرشىلىگى. ۇلى مۇرات، اسقاق جىگەر ورناتىپ، قايراتتى تاسقىنداتىپ، قايراتتانا ۇمتىلىپ، ىنتىماقتاسا كۇرەس جۇرگىزىپ، عىلىم ـ تەحنيكادا قۋاتتى ەل قۇرۋدىڭ ۇلى نىساناسىنا قاراي ەرلىكپەن العا باسۋ كەرەك!

كەلۋ قاينارى: حالىق تورابى