ايلىق جاساۋ كاسىبىن ساتىپ الۋ ديرەكتورىنىڭ كورسەتكىشى %50.5 كە كوتەرىلدى

جياڭسۋدىڭ نانجيڭ قالاسىنداعى ءبىر كەمە جاساۋ زاۆودى بار كۇشپەن ءوندىرىس جۇرگىزىپ، ءىرى تۇرپاتتى كەمە جاساۋدى جەدەلدەتتى.

ياڭ سۋپيڭ فوتوسى (ڧوتو اپپارات كوزىندەگى جۇڭگو)

«حالىق گازەتى»، 3 - ايدىڭ 31 ـ كۇنى، بەيجيڭ (ءتىلشى وۋياڭ جيە). جۇڭگو زات اينالىمى جانە ساتىپ الۋ بىرلەستىگى، مەملەكەتتىك ساناق مەكەمەسىنىڭ قىزمەت وتەۋ كاسىبىن تەكسەرۋ ورتالىعى 3 - ايدىڭ 31 ـ كۇنى مىناداي ساندى مالىمەت جاريالادى: 3 - ايدا ەلىمىزدىڭ جاساۋ كاسىبىنىڭ ساتىپ الۋ ديرەكتورى كورسەتكىشى (PMI) %50.5 بولىپ، الدىڭعى ايداعىدان 0.3 پايىز جوعارىلاپ، جاساۋ كاسىبىنىڭ كورىنىستىك دەڭگەيى ۇزدىكسىز جوعارىلاپ، ءۇرتىس 2 اي بويى كەڭەيۋ ارالىعىندا جۇرگىزىلگەن.

كاسىپورىن كولەمىنەن قاراعاندا، ءىرى كاسىپورىنداردىڭ PMI ءمانى %51.2 بولىپ، ءالى دە كەڭەيۋ ارالىعىن ساقتاپ وتىر؛ ورتاشا كاسىپورىنداردىكى%49.9 بولىپ، الدىڭعى ايداعىدان 0.7 پايىز جوعارىلاعان، شاعىن كاسىپورىنداردىكى %49.6 بولىپ، الدىڭعى ايداعىدان 3.3 پايىز جوعارىلاپ، ورتا، شاعىن كاسىپورىندار ورنىقتى اينالىمعا تۇسكەن.

ساياساتتىڭ ونىمدىلىگى ونان ارى كورنەكتىلەنىپ، بازار سۇرانىمى جەدەل جارىققا شىقتى. 3 - ايدا جاساۋ كاسىبىنىڭ جاڭا تاپسىرىس كورسەتكىشى %51.8 بولىپ، الدىڭعى ايداعىدان 0.7 پايىز جوعارىلاپ، ءۇرتىس 2 اي %51 تەن جوعارى بولدى. جاڭا ەكسپورت تاپسىرىسىنىڭ كورسەتكىشى %49 بولىپ، الدىڭعى ايداعىدان 0.4 پايىز جوعارىلاپ، ءۇرتىس 2 اي جوعارىلادى. قاجەتسىنۋ بولەگىنىڭ ارتۋى كاسىپورىنداردىڭ ءوندىرىس تىلەگىن سەرپىلتتى، ءوندىرىس كورسەتكىشى %52.6 بولىپ، الدىڭعى ايداعىدان 0.1 پايىز جوعارىلاپ، ءۇرتىس 2 اي %52 تەن جوعارى بولدى.

جاڭا قوزعاۋشى كۇش ءبىرشاما تەز ارتىپ، جاڭاشا وندىرگىش كۇش جەدەل دامىدى. 3 - ايدا جابدىق جاساۋ كاسىبىنىڭ PMI ءمانى %52 بولىپ، الدىڭعى ايداعىدان 1.2 پايىز جوعارىلادى، مۇنىڭ ىشىندە ءوندىرىس كورسەتكىشى الدىڭعى ايداعىدان 0.8 پايىز جوعارىلاپ، %55 كە تايادى، جاڭا تاپسىرىس كورسەتكىشى الدىڭعى ايداعىدان 3.7 پايىز جوعارىلاپ، %55 تەن اسىپ، 2023 - جىلى 4 - ايدان بەرگى ەڭ جوعارى ورە جاراتىلدى.