قوعام حاۋىپسىزدىگى مينيسترلىگى 2025 – جىلعى چيڭميڭ مەرەكەسىنىڭ دەمالىسىنداعى قاتىناس حاۋىپسىزدىگىن ەسكەرتتى

شينحۋا اگەنتتىگىنىڭ 3 – ايدىڭ 31 – كۇنى بەيجيڭنەن بەرگەن حابارى. چيڭميڭ مەرەكەسى تاياپ قالدى، قوعام حاۋىپسىزدىگى مينيسترلىگى 3 – ايدىڭ 31 – كۇنى 2025 – جىلعى چيڭميڭ مەرەكەسىنىڭ شاعىن دەمالىسىنداعى قاتىناس حاۋىپسىزدىگى ەسكەرتۋىن جاريالادى، ۇزاق جانە قىسقا ارالىقتى كولىك اعىنى مولشەرى قاباتتاسىپ، اۋا تەمپەراتۋراسىنىڭ جوعارىلاۋ – تومەندەۋ الماسۋ حاۋىپ – قاتەر كورنەكتى بولادى، اۆتوكولىكپەن ساپارعا شىققاندا جول قاتىناس حاۋىپسىزدىگىنە ايرىقشا ءمان بەرۋ كەرەك.

قوعام حاۋىپسىزدىگى مينيسترلىگى تاياۋ جىلداردان بەرگى چيڭميڭ مەرەكەسى دەمالىسىنداعى قاتىناس شىرعالاڭىنىڭ ەرەكشەلىگىنە ۇشتاستىرا وتىرىپ مىناداي تۇجىرىم جاسادى، 2025 – جىلعى چيڭميڭ مەرەكەسى دەمالىسىنداعى جول قاتىناس اعىنى ارالاسىپ، قاباتتاسادى، 4 – ايدىڭ باس شەنىندە اۋا تەمپەراتۋراسى جىلىنىپ، تاساتتىق بەرۋ، كوككە شىعۋ، جۇمىس ىستەۋ، اۋىل شارۋاشىلىعىمەن شۇعىلدانۋ اعىنى ارالاسىپ، قاباتتاسىپ، جوعارى قارقىندى تاسجول، قالاعا كىرىپ – شىعاتىن نەگىزگى ارنا، قالا ماڭىنداعى نەگىزگى جانە قوسالقى جولداردىڭ جول قاتىناس ورتاسى ءتىپتى دە كۇردەلى، قاتىناس حاۋىپسىزدىگى قاتەرى زور بولادى. قابىردىڭ توڭىرەگىندەگى جولداردا شىرعالاڭدار كوپ، وڭاي تۋىلادى، قالا ماڭى، تاۋلى وڭىرلەردىڭ جول شارت - جاعدايى ناشار بولادى، ءبىر ءبولىم بۇقارا كەپتەلىستەن ساقتانۋ ءۇشىن تاڭ سارىدە جول جۇرەدى، اۆتوكولىكتەردىڭ سۋعا ءتۇسىپ كەتۋ، قۇلاۋ قاتەرى ساقتالادى. جوعارى قارقىندى تاسجول قاتىناس شىرعالاڭىنىڭ حاۋىپ - قاتەرى جوعارىلايدى، قازىر زات اينالىمى، جۇك تاسىمالى قاربالاس مەزگىل، ءبىر ءبولىم جوعارى قارقىندى تاسجولداردىڭ شىعار اۋزىندا ءجۇرىس اقىرىنداۋى مۇمكىن، سوعىلىسۋ، سۇيكەپ كەتۋ شىرعالاڭىنىڭ تۋىلۋ قاتەرى ارتادى. اۋىل - قىستاقتاردا كوللەكتيۆ جۇمىس ىستەۋ، اۋىل شارۋاشىلىعىمەن شۇعىلدانۋ جاعدايى كورنەكتى بولادى، شاعىن جولاۋشىلار اۆتوكولىگىنىڭ، كىشكەنە اۆتوبۋزدىڭ زاڭعا قايشى ارتىق ادام الۋ جانە جەڭىل جۇك اۆتوكولىگىنىڭ، ءۇش دوڭگەلەكتى اۆتوكولىكتىڭ، تراكتوردىڭ زاڭعا قايشى ادام الىپ شىرعالاڭ تۋدىرۋ قاتەرى كورنەكتى بولادى. ءىشىنارا جەرلەردە جاڭبىرلى كۇندەرى ءجۇرىس - تۇرىس حاۋىپسىزدىگى حاۋىپ - قاتەرى ارتىپ، اۆتوكولىكتەردىڭ ارت - ارتىنان سوعىلۋ، سىرعاناپ كەتۋ، اۋدارىلۋ ۋاقيعاسى وڭاي تۋىلادى.

قوعام حاۋىپسىزدىگى مينيسترلىگى مىنانى ەسكەرتتى: دەمالىس كەزىندە جەكەلىك اۆتوكولىگىمەن ساپارعا شىققاندا، جەرگىلىكتى ورىننىڭ اۋا رايى، جول جاعدايى ينفورماتسياسىنا الدىن الا نازار اۋدارىپ، ساپار ۋاقىتى مەن جولىن ۇيلەسىمدى ورنالاستىرىپ، مۇمكىندىكتىڭ بارىنشا قالىڭ اداممەن قاباتتاسۋدان ساقتاۋ كەرەك؛ كولىك جۇرگىزگەندە زەيىن - زەردەنى شوعىرلاندىرىپ، نازاردى باسقاعا بولمەي، ولشەمنەن ارتىق تەز جۇرمەۋ، شارشاپ اۆتوكولىك ايداماۋى كەرەك؛ ”اراق ءىشىپ اۆتوكولىك ايداماۋ، اۆتوكولىك ايداسا اراق ىشپەۋدى“ ەستە بەرىك ساقتاپ، اراق ءىشىپ ماس بولىپ اۆتوكولىك جۇرگىزبەۋ كەرەك. جوعارى قارقىندى تاسجولدا جۇرگەندە قاي - قاشان دا حاۋىپسىز ارالىقتى ساقتاۋ كەرەك، كەپتەلىس بولعاندا، باياۋ جۇرەتىن جول بولەكتەرىنە بارعاندا، الباتى كيمەلەمەۋ، شۇعىل جاعدايعا توتەپ بەرۋ جولىن يەلەمەۋ كەرەك؛ قاتىناس شىرعالاڭى نەمەسە كىنارات تۋىلعاندا، ”اۆتوكولىكتى شەتكە توقتاتۋ، ادام شىعىپ كەتۋ، دەرەۋ ساقشىعا مالىمدەۋ“ كەرەك؛ شىعار اۋىزداردا شۇعىل تورموز بەرۋگە، شۇعىل توسۋعا، كەنەت جولدى وزگەرتۋگە، تاۋەكەلشىلدىكپەن شەگىنۋگە استە بولمايدى. قابىرعا اۆتوكولىكپەن بارعاندا، شۇعىل بۇرىلماعا، تىك بەتكەيگە، ۇزىن بەتكەيگە، سۋعا جاقىن جارتاسقا جولىققاندا، قاي ـ قاشان دا حاۋىپسىز ارالىقتى ساقتاپ، قارقىنىن باياۋلاتۋ كەرەك؛ جۇرگىنشىلەرگە جول بەرۋگە كوڭىل ءبولىپ، اۆتوكولىكتى جۇيەلى توقتاتىپ، ادامداردىڭ كەپتەلۋىنەن ساقتانۋ كەرەك. دەمالىس كەزىندە اۆتوكولىكپەن ساپارعا شىققاندا، بەكەت سىرتىنداعى جولاۋشىلاردىڭ بىرىگىپ مايلاعان زاڭسىز اۆتوكولىگىنە وتىرماۋ كەرەك، ارتىق جولاۋشى العان اۆتوبۋزعا، سونداي – اق ادام وتىرۋعا بولمايتىن اۆتوكولىكتەرگە وتىرۋعا بولمايدى، اۆتوكولىككە وتىرعاندا حاۋىپسىزدىك بەلبەۋىن تاعىپ، زاڭعا قايشى ارەكەتتەردى بايقاعاندا ىرىقتىلىقپەن اشكەرەلەۋ كەرەك.

كەلۋ قاينارى: حالىق تورابى