جۇڭگو ەلشىحاناسى فيليپپيندەگى جانە فيليپپينگە باراتىن جۇڭگو ازاماتتارىنا حاۋىپسىزدىك ساقتىعىن كۇشەيتۋدى ەسكەرتتى

شينحۋا اگەنتتىگىنىڭ 4 ـ ايدىڭ 1 ـ كۇنى مانيلادان بەرگەن حابارى. جۇڭگونىڭ فيليپپيندە تۇراتىن باس ەلشىحاناسى 4 ـ ايدىڭ 1 ـ كۇنى حابارلاندىرۋ شىعارىپ، فيليپپيندەگى جانە فيليپپينگە باراتىن جۇڭگو ازاماتتارىنا جەرگىلىكتى ورىننىڭ قوعام اماندىعى جاعدايىنا قاداعالاي نازار اۋدارىپ، حاۋىپسىزدىك ساقتىعى مەن شۇعىل جاعدايعا توتەپ بەرۋ دايىندىعىن شىنايى كۇشەيتۋدى ەسكەرتتى.

حابارلاندىرۋدا بىلاي دەلىندى: تاياۋ مەزگىلدەن بەرى فيليپپيننىڭ قوعام اماندىعى تىنىش ەمەس، فيليپپيننىڭ زاڭ اتقارۋ تاراۋلارى جۇڭگو ازاماتتارى مەن كاسىپورىندارىن تەكسەرىپ مازالاۋ وقيعاسى ءجيى تۋىلۋدا، جەر – جەردە ساياسي جينالىس وتكىزۋ، ەرەۋىل جاساۋ، قىر كورسەتۋ كورنەكتى كوبەيدى، فيليپپيندەگى جۇڭگو ازاماتتارى مەن قۇرىلىمدارى ءدوپ كەلگەن حاۋىپسىزدىك قاتەرى جوعارىلادى.

حابارلاندىرۋدا فيليپپيندەگى جۇڭگو ازاماتتارىنا قاجەتسىز سىرتقا شىعۋدى ازايتىپ، ساياسي جينالىس پەن ادامدار شوعىرلانعان ورىنداردان اۋلاق بولۋدى، جەرگىلىكتى ورىننىڭ زاڭ ـ ەرەجەلەرىنە بويسۇنىپ، حاۋىپسىزدىك تۇزاعى مەن الدام قالتاعا تۇسۋدەن ساقتانۋدى ەسكەرتتى. فيليپپينگە بارۋشىلاردىڭ حاۋىپ - قاتەردى ويداعىداي ويلاستىرۋ ارقىلى بارۋ – بارماۋ جونىندە شەشىم جاساۋدى ۇسىنىس ەتتى. ەگەر شۇعىل جاعدايعا تاپ بولساڭىزدار، دەر كەزىندە ساقشىعا مالىمدەڭىز ءارى فيليپپيندە تۇراتىن ەلشىحانالارمەن، كونسۋلحانالارمەن بايلانىس جاساپ كومەك سۇراڭىزدار.

كەلۋ قاينارى: حالىق تورابى