4 – ايدا تاعى دا كۇشتى سۋىق اعىس بولا ما؟ اۋا رايى ماماندارىنىڭ تۇسىندىرمەسىنە نازار اۋدارىڭىزدار

جۇڭگو اقپارات تورابىنىڭ 4 – ايدىڭ 1 – كۇنى بەيجيڭنەن بەرگەن حابارى. تاياۋدا بۇكىل ەل بويىنشا اۋا رايى وزگەرىسى ءبىرشاما كۇردەلى بولدى، 3 - ايدىڭ سوڭىندا كۇشتى سۋىق اعىس بولىپ، كوپ جەردە بوران سوعىپ، تەمپەراتۋرا تومەندەدى، مۇنداي اۋا رايى قالىپتى ما، جوق پا؟ 4 – ايدىڭ 1 – كۇنى جۇڭگو اۋا رايى مەكەمەسى اقپار جاريالاۋ ءماجىلىسىن اشتى، مەملەكەتتىك كليمات ورتالىعىنىڭ ورىنباسار مەڭگەرۋشىسى جيا شياۋلۇڭ جۇڭگو اقپارات تورابىنىڭ سۇراۋىنا جاۋاپ بەرگەندە بىلاي دەدى: 3 – ايدا جيىنى 3 رەت سۋىق اعىس بولدى، بۇل بۇرىنعى جىلدارداعى ۇقساس مەزگىلدەگىدەن ءسال از، كۇشەمەلىلىگى بۇرىنعى جىلدارداعى ۇقساس مەزگىلدەگىگە تايادى.

جيا شياۋلۇڭ بىلاي دەپ اتاپ كورسەتتى: كوكتەم ماۋسىمى قىس ماۋسىمىنداعى جەل باعىتىنىڭ جاز ماۋسىمىنداعى جەلگە الماساتىن مەزگىلى، ورتا، جوعارى ەندىك جانە قوسالقى ىستىق بەلدەۋ اتموسفەراسىنىڭ اينالما اعىس جۇيەسىنىڭ ىقپالىنا ۇشىرايدى، ماۋسىم ىشىندەگى سۋىق، جىلۋ وزگەرىسىنىڭ مولشەرى زور، سۋىق اعىس، بوران وڭاي پايدا بولادى.

4 – ايدا قاتتى سۋىق اعىس بولا ما؟ جيا شياۋلۇڭ بىلاي دەدى: مەجەمەن 4 - ايدا ەلىمىزگە ىقپال جاسايتىن سۋىق اۋا بارىسى نەگىزىنەن 4 رەت بولىپ، بۇرىنعى جىلدارداعى ۇقساس مەزگىلدەگىندەن (3.1 رەت) كوپ بولادى، مۇنىڭ ىشىندە ءبىر رەتكى ورتاشا كۇشەمەلىلىكتەگى سۋىق اعىس ەلىمىزدىڭ سولتۇستىك رايوندارىنا ىقپال جاسايدى.

ول بىلاي دەدى: مەجەمەن 4 – ايدا ەلىمىزدىڭ سولتۇستىك رايوندارىندا 5 تە 6 رەت قۇمدى بوران سوعادى، كۇشەمەلىلىگى ءسال كۇشتى بولادى. سولتۇستىك رايونداردا قۇمدى بوراندى اۋا رايىنىڭ كۇن سانى 2.5 تە 3 كۇن بولىپ، بۇرىنعى جىلدارداعى ۇقساس مەزگىلدەگىمەن سالىستىرعاندا (2.5 كۇن) ءسال كوبىرەك بولادى، مۇنىڭ ىشىندە شىعىس سولتۇستىك رايوندا (بۇرىنعى جىلدارى 1.6 كۇن)، سولتۇستىك جۇڭگودا (بۇرىنعى جىلدارى 1.1 كۇن) 1 دە 2 كۇن كوبىرەك بولادى.

”4 – اي قۇمدى بوران كوپ سوعاتىن مەزگىل، سۋىق اۋا جاندانعان مەزگىل، سولتۇستىك وڭىردە قۇمدى بوراننىڭ قاتەرى ءبىرشاما جوعارى بولادى، قاتىستى تاراۋلاردىڭ بوران سوعۋدىڭ، اۋا تەمپەراتۋراسىنىڭ تومەندەۋىنىڭ، قومدى بوران سوعۋدىڭ اۋىل شارۋاشىلىق ءوندىرىسى، دالادا قۇرىلىس جۇرگىزۋ، اتموسفەرا ورتاسى، ادام دەنساۋلىعى جانە ءجۇرىس ـ تۇرىس حاۋىپسىزدىگى سياقتىلارعا ىقپال جاساۋىنان ساقتانۋ شارالارىن ويداعىداي ىستەۋىن ۇسىنىس ەتەمىز“دەدى جيا شياۋلۇڭ.

كەلۋ قاينارى: حالىق تورابى