سىرتقى ىستەر مينيسترلىگى: جۇڭگونىڭ قاتىستى بىرلەسكەن جاتتىعۋى ‐ مەملەكەتتىڭ يەلىك ۇقىعىن قورعاۋداعى، مەملەكەتتىڭ تۇتاستىعىن قورعاۋداعى ورىندى، قاجەتتى ارەكەت

شينحۋا اگەنتتىگىنىڭ 4 – ايدىڭ 1 – كۇنى بەيجيڭنەن بەرگەن حابارى. 4 – ايدىڭ 1 – كۇنىنەن باستاپ جۇڭگو حالىق ازاتتىق ارمياسىنىڭ شىعىس بولىك سوعىس رايونى قۇرلىق، تەڭىز، اۋە، زىمىران قاتارلى اسكەري كۇشتەردى تايۋان ارالىنىڭ توڭىرەگىنە جىبەرىپ، بىرلەسكەن مانەۆر وتكىزدى، سىرتقى ىستەر مينيسترلىگىنىڭ مالىمدەمەشىسى گو جياكۇن سول كۇنگى كەزەكتى تىلشىلەر جينالىسىندا سۇراۋلارعا جاۋاپ بەرگەندە بىلاي دەدى: جۇڭگونىڭ بىرلەسكەن مانەۆرى ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەرگە قاتاڭ ەسكەرتۋ بەرۋ جانە ونى پارمەندى تەجەۋ بولىپ تابىلادى، مەملەكەتتىڭ يەلىك ۇقىعىن قورعاۋداعى، مەملەكەتتىڭ تۇتاستىعىن قورعاۋداعى ورىندى، قاجەتتى ارەكەتى.

ول بىلاي دەدى: تايۋان ‐ جۇڭگو تەرريتورياسىنىڭ ايرىلماس ءبىر بولەگى. تايۋان ماسەلەسى بۇكىلدەي جۇڭگونىڭ ىشكى ماسەلەسى، ءارقانداي سىرتتىڭ كيلىگۋىنە جول بەرىلمەيدى. دەموكراتيالىق العاباسارلىق پارتياسىنىڭ بيلەۋشىلەرى ”تايۋاندى دەربەستەندىرۋ“ مايدانىندا توڭمويىندىقپەن قاسارىسىپ، ”سىرتقا سۇيەنىپ دەربەستەندىرۋگە“ ۇرىنىپ، مەملەكەتتى بولشەكتەۋگە ۇرىندى، بۇل ءالىن بىلمەي الەك بولعاندىق، ءسوز جوق، جەڭىلىسكە ۇشىرايدى. جۇڭگو تۇبىندە بىرلىككە كەلەتىن بولادى، بىرلىككە كەلەتىن تاريحي اۋقىمدى ەشىكىم دە توسا المايدى.

كەلۋ قاينارى: حالىق تورابى