شىنجىن ساقشى جاعى كورىلىمگە يە بولۋ ءۇشىن اپات جاعدايىن جالعاننان قۇراستىرعان ادامدى زاڭ بويىنشا تەكسەرىپ ءبىر جاقتى ەتتى 

ورتالىق تەلەۆيزيا تورابىنىڭ حابارى: شىنجىن قوعام حاۋىپسىزدىگى مەكەمەسىنىڭ ميكروبلوگىنىڭ حابارلاۋىنشا، جوعارى دارەجەلى قوعام حاۋىپسىزدىگى ورگاندارىنىڭ ينتەرنەتتەگى وسەك – اياڭعا سوققى بەرۋ جانە ونى جونگە سالۋ ارناۋلى ارەكەتىن ورىستەتۋ جونىندەگى ءبىر تۇتاس ورنالاستىرۋىنا ساي، شىنجىن قوعام حاۋىپسىزدىگى ورگاندارى ينتەرنەتتەگى وسەك – اياڭعا سوققى بەرۋ جانە ونى جونگە سالۋ تەبىنىن ۇزدىكسىز كۇشەيتىپ، ينتەرنەت كەڭىستىگىنىڭ پاكتىگىن، ءتارتىبىن جانە بارشا قالا جۇرتشىلىعىنىڭ زاڭدى ۇقىق – مۇددەسىن شىنايى قورعاعان.

جۋىردا شىنجىنداعى ينتەرنەتتەگى ساقشى ىستەرى تاراۋلارىنىڭ قىزمەت بارىسىندا بايقاۋىنشا، ۋاڭ XX ەسىمدى ينتەرنەتتەن پايدالانۋشى الەۋمەتتىك جەلىدە گۋاڭدۇڭدا جەر سىلكىنىسى اپاتى تۋىلدى دەگەن مازمۇنداعى اقپاراتتى جاريالاپ، ينتەرنەتتەن پايدالانۋشىلاردىڭ نازارىن اۋدارعان.

قوعام حاۋىپسىزدىگى ورگاندارى قاتىستى جاعدايعا دەرەۋ تەكسەرۋ جۇرگىزىپ، ولكە كولەمىندە جەر سىلكىنىسى اپاتى تۋىلماعانىن، بۇل اقپاراتتىڭ وسەك – اياڭ ەكەنىن تۇراقتاندىرعان، ىلە – شالا ۋاڭ XX تى زاڭ بويىنشا شاقىرىپ تەكسەرۋگە العان. ۋاڭ XX تەكسەرۋگە الىنعان سوڭ ينتەرنەتتە وسەك – اياڭ قۇراستىرۋ سىندى زاڭعا قايشى ارەكەت وتكىزگەنىن، كورىلىمگە يە بولۋ ءۇشىن وسى اقپاراتتى جاساپ ينتەرنەتكە جاريالاعانىن مويىنداعان.

قازىر قوعام حاۋىپسىزدىگى ورگاندارى ۋاڭ XX تى زاڭ بويىنشا تەكسەرىپ ءبىر جاقتى ەتىپ، ونى جالعان اقپارات تاراتپاۋعا ءارى قاتىستى كەسكىندى وشىرۋگە بۇيىرعان.

كەلۋ قاينارى: حالىق تورابى