”15 – بەسجىلدىق“ جوبانى جاساۋ قىزمەتىنە بايلانىستى ينتەرنەت ارقىلى پىكىر قابىلداۋ قيمىلى ورىستەتىلدى 

شينحۋا اگەنتتىگىنىڭ 5 – ايدىڭ 20 – كۇنى بەيجيڭنەن بەرگەن حابارى. باس شۋجي شي جينپيڭ جۋىردا ”15 – بەسجىلدىق“ جوبانى جاساۋ قىزمەتى جونىندە ماڭىزدى نۇسقاۋ بەرگەندە، عىلىمي شەشىم جاساۋعا، دەموكراتيالىق شەشىم جاساۋعا، زاڭ بويىنشا شەشىم جاساۋعا تاباندى بولىپ، جوبا جاساۋ قىزمەتىن جوعارى ساپالى ورىنداۋ كەرەك ەكەنىن باسا دارىپتەگەن. باس شۋجي شي جينپيڭنىڭ ماڭىزدى نۇسقاۋىنىڭ رۋحىن دايەكتى تياناقتاندىرۋ ءۇشىن، 5 – ايدىڭ 20 – كۇنىنەن باستاپ، ”15 – بەسجىلدىق“ جوبانى جاساۋ قىزمەتىنە بايلانىستى ينتەرنەت ارقىلى پىكىر قابىلداۋ قيمىلى باستالعان.

تانىستىرۋعا قاراعاندا، وسى رەتكى ينتەرنەت ارقىلى پىكىر قابىلداۋ قيمىلى بارىسىندا حالىق گازەتىنە، شينحۋا اگەنتتىگىنە، ورتالىق راديو – تەلەۆيزيا باس ستانسياسىنا قاراستى توراپتاردا، اقپارات كليەنتتەرىندە، سونداي – اق، ”ۇيرەنگىش قۋاتتى ەل“ (学习强国) ۇيرەنۋ تەكشەسىندە ”15 – بەسجىلدىق“ جوبا تۋرالى ۇسىنىس بەرۋ ارناۋلى ايدارشاسى اشىلادى، بارشا ينتەرنەتتەن پايدالانۋشىلاردىڭ قاتىستى ينتەرنەت پاراقشالارىنا كىرىپ كەڭەس ايتىپ، ۇسىنىس بەرۋىنە بولادى. ينتەرنەت ارقىلى پىكىر قابىلداۋ قيمىلىنىڭ ۋاقىتى ءبىر اي، قاتىستى ۇسىنىس – پىكىرلەر جيناقتالىپ رەتتەلگەن سوڭ ورتالىقتىڭ ساياساتتىق شەشىم جاساۋىنا بەرىلەدى.

كەلۋ قاينارى: حالىق تورابى