مەملەكەتتىك كەڭەس، ورتالىق اسكەري ىستەر كوميتەتى «ماڭىزدى اسكەري ونەركاسىپ قۇرىلعىلارىن قورعاۋ ەرەجەسىن» جاريالادى

شينحۋا اگەنتتىگى، 5 - ايدىڭ 26 - كۇنى، بەيجيڭ. مەملەكەتتىك كەڭەس، ورتالىق اسكەري ىستەر كوميتەتى بىرنەشە كۇننىڭ الدىندا «ماڭىزدى اسكەري ونەركاسىپ قۇرىلعىلارىن قورعاۋ ەرەجەسىن» (تومەندە قىسقاشا «ەرەجە» دەلىنەدى) جاريالادى، بۇل ەرەجە 2025 – جىلى 9 - ايدىڭ 15 – كۇنىنەن باستاپ اتقارىلادى. «ەرەجەدە» ماڭىزدى اسكەري ونەركاسىپ قۇرىلعىلارىنىڭ حاۋىپسىزدىگىن قورعاۋ، ماڭىزدى اسكەري ونەركاسىپ قۇرىلعىلارىنىڭ پايدالانىلۋ ونىمدىلىگىن جانە اسكەري ونەركاسىپ عىلمي زەرتتەۋى، ءوندىرىسى سياقتى قيمىلداردىڭ قالىپتى جۇرگىزىلۋىن قامتاماسىزداندىرۋ، مەملەكەت قورعانىسىن وسىزامانداندىرۋ قۇرىلىسىن كۇشەيتۋ ماقسات ەتىلدى. «ەرەجە» جالپى 7 تاراۋ، 51 تارماقتان قۇرالعان، وندا نەگىزىنەن مىناداي مازمۇندار بەلگىلەنگەن.

ءبىرىنشى، ماڭىزدى اسكەري ونەركاسىپ قۇرىلعىلارىنىڭ كولەمى مەن ءار جاقتىڭ جاۋاپكەرشىلىگى ايقىندالدى. زاڭ بويىنشا قورعالاتىن ماڭىزدى اسكەري ونەركاسىپ قۇرىلعىلارىنىڭ كولەمى بەلگىلەنىپ، مەملەكەتتىك كەڭەستىڭ قاتىستى تاراۋلارىنىڭ، جەرگىلىكتى حالىق ۇكىمەتتەرىنىڭ، قاتىستى اسكەري ورگانداردىڭ جانە ماڭىزدى اسكەري ونەركاسىپ قۇرىلعىلارىن باسقارۋ ورىندارىنىڭ مىندەتى ايقىندالدى.

ەكىنشى، ماڭىزدى اسكەري ونەركاسىپ قۇرىلعىلارىن قورعاۋ رايونىن بەلگىلەۋ ارناعا ءتۇسىرىلدى. ماڭىزدى اسكەري ونەركاسىپ قۇرىلعىلارىن قورعاۋ رايونىن بەلگىلەۋ ارقىلى قورعاۋ ايقىندالىپ، ماڭىزدى اسكەري ونەركاسىپ قۇرىلعىلارىن قورعاۋ رايونىنىڭ كولەمىن بەلگىلەۋ، رەتتەۋ ءتارتىبى مەن تالابى بەلگىلەندى.

ءۇشىنشى، ماڭىزدى اسكەري ونەركاسىپ قۇرىلعىلارىن قورعاۋ شارالارى ايقىندالدى. ماڭىزدى اسكەري ونەركاسىپ قۇرىلعىلارىن قورعاۋ رايونىندا باسقارۋ، مەڭگەرۋ، كىرۋ سياقتى حاۋىپسىزدىكتى قورعاۋ شارالارىن قولدانىپ، ماڭىزدى اسكەري ونەركاسىپ قۇرىلعىلارىن قورعاۋ رايونىنىڭ سىرتىنداعى حاۋىپسىزدىكتى تىزگىندەۋ كولەمىنە قاتىستى قورعاۋ تالاپتارىن ايقىنداۋ ءارى ماڭىزدى اسكەري ونەركاسىپ قۇرىلعىلارىنان پايدالانىپ كەلەلى عىلمي زەرتتەۋ، سىناق قيمىلدارىن ورىستەتۋ سياقتى ەرەكشە جاعدايلارداعى قورعاۋ جونىندە بەلگىلەمە شىعارىلدى.

ءتورتىنشى، ماڭىزدى اسكەري ونەركاسىپ قۇرىلعىلارىن باسقارۋ ورىندارىنىڭ جاۋاپكەرشىلىگى مەن بورىشى كۇشەيتىلدى. قورعاۋ جاۋاپكەرشىلىك ءتۇزىمىن ورناتۋ جانە كەمەلدەندىرۋ، تۇتاس بارىستاعى حاۋىپسىزدىكتى باسقارۋ، شۇعىل جاعدايعا توتەپ بەرۋ جوباسىن جاساۋ، حاۋىپسىزدىكتى قورعاۋ حاۋىپ - قاتەرىن باعالاۋ سياقتى مىندەتتەر ايقىندالدى ءارى ىشكى اماندىقتى قورعاۋ سياقتى جاقتارداعى تالاپتار ايقىندالدى.

بەسىنشى، ءار جاقتىڭ قامتاماسىز ەتۋى، باقىلاۋى كۇشەيتىلدى. حالىق شارۋاشىلىعى مەن الەۋمەتتىك دامۋ پلانىن جاساۋ سياقتىلاردا ماڭىزدى اسكەري ونەركاسىپ قۇرىلعىلارىن قورعاۋ قاجەتى ءبىر تۇتاس جوسپارلانىپ، كاسىپتىك باسقارۋشى تاراۋلار مەن جەرگىلىكتى حالىق ۇكىمەتتەرىنىڭ باقىلاۋ - تەكسەرۋ، جان - جاقتى جونگە سالۋ جاۋاپكەرشىلىگى كۇشەيتىلدى.

كەلۋ قاينارى: حالىق تورابى