مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى جولىندا ۇزدىكسىز كۇرەس جۇرگىزۋگە قاي - قاشان دا دايىن تۇرايىق (باسماقالا)

”1 - ماۋسىم“ حالىقارالىق بالالار مەرەكەسى قارساڭىندا جۇڭگو پيونەرلەر وتريادىنىڭ مەملەكەتتىك 9 – قۇرىلتايى بۇگىن بەيجيڭدە سالتاناتپەن اشىلدى. ءبىز قۇرىلتايدىڭ اشىلعاندىعىن قىزۋ قۇتتىقتايمىز، بۇكىل ەلدەگى ءار ۇلت پيونەرلەرىنە، پيونەرلەر وتريادى جەتەكشىلەرىنە، پيونەرلەر وتريادى قىزمەتكەرلەرىنە شىنايى سالەم جولدايمىز!

ورەندەر قۇدىرەتتەنسە، مەملەكەت قۇدىرەتتەنەدى. ورەندەر مەن بالالار − وتاننىڭ بولاشاعى، جۇڭحۋا ۇلتىنىڭ ءۇمىتى. پارتيانىڭ 18 - قۇرىلتايىنان بەرى باس شۋجي شي جينپيڭ پارتيا ىستەرىنىڭ ءىزباسارلارىنىڭ بولۋىنا كەپىلدىك ەتۋ، قىزىل بيلىكتىڭ ماڭگى وزگەرمەۋىنە كەپىلدىك ەتۋ ستراتەگيالىق تۇرعىسىندا تۇرىپ، ورەندەر مەن بالالاردىڭ ەسەيىپ - ەرجەتۋىنە كوڭىل ءبولىپ، ورەندەر مەن بالالار جانە پيونەرلەر وتريادى قىزمەتىنە ءمان بەرىپ، ءبىرسىپىرا ماڭىزدى نۇسقاۋ بەرىپ، بەكىتۋ جازىپ، جاڭا داۋىردەگى پارتيانىڭ ورەندەر مەن بالالار ىستەرىنىڭ كەلەلى تابىستارعا قول جەتكىزۋىنە جەتەكشىلىك ەتتى. اسىرەسە، 8 - رەتكى مەملەكەتتىك پيونەرلەر قۇرىلتايىنان بەرى پيونەرلەر وتريادى كوممۋنيزم ءىزباسارلارىن تاربيەلەۋ ءتۇبىرلى مىندەتىنە نازار اۋدارىپ، يدەيالىق - ساياسي جەتەكشىلىكتى بارىنشا كۇشەيتىپ، پيونەرلەر وتريادىنىڭ ەرەكشەلىككە يە قيمىلىن كەڭ كولەمدە ورىستەتىپ، پارتيا ءۇشىن ادام تاربيەلەپ، مەملەكەت ءۇشىن دارىندى تاربيەلەپ، قالىڭ پيونەرلەردىڭ پارتيانى، وتاندى ءسۇيۋ، ءوز كۇشىنە سۇيەنىپ ءوزىن الۋەتتەندىرۋ، قايراتتانا العا ۇمتىلۋ سىندى اسقاق بەينەسىن ايگىلەدى.

ۇلى داۋىردە ەسەيىپ - ەرجەتىپ، پارتيانىڭ شۋاعىنا شومعان پيونەرلەر − باقىتتى ۇرپاق ءارى اۋىر مىندەت ارقالاعان ۇرپاق. قازىر جۇڭگو ۇلگىسىندەگى وسىزامانداندىرۋدا شەكسىز نۇرلى بولاشاق جارىققا شىقتى، جۇڭگو كوممۋنيستىك پارتياسىنىڭ باسشىلىعى مەن سوتسياليستىك ءتۇزىمنىڭ ابزالدىعى بار، جۇڭحۋا ۇلتى ۇلى شاڭىراعىندا جاساپ جاتقان ءار ۇلت بالالارى، ءسوز جوق، بارعان سايىن باقىتتى بولادى، ءسوز جوق، اناعۇرلىم كوركەم بولاشاققا يە بولادى. بۇگىنگى ورەندەر مەن بالالار − مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋ ۇلى ءىسىنىڭ ءىزباسارلارى جانە بولاشاق نەگىزگى كۇشى. داڭقتى ارماندى جۇزەگە اسىرۋدا، ۇلى ىستەردى ىلگەرىلەتۋدە بولاشاقتا ورەندەر مەن بالالاردىڭ ۇزدىكسىز كۇرەس جاساۋىنا سۇيەنۋ كەرەك. كىشكەنتايىنان پارتيانىڭ سوزىنە قۇلاق اسىپ، پارتياعا ىلەسىپ، كىشكەنتايىنان ۇلى مۇرات ورناتىپ، تاماشا ساتتەردى قاستەرلەپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن جاقسى بالا بولسا عانا، ەسەيگەندە ۇلكەن مىندەت ارقالاي الاتىن تىرەكتى دارىندى بولىپ جەتىلە الادى.

پيونەرلەر وتريادى پارتيا قۇرعان جانە باسشىلىق ەتكەن جۇڭگو ورەندەرى مەن بالالارىنىڭ بۇقارالىق ۇيىمى، سوتسياليزم مەن كوممۋنيزم قۇرۋدىڭ زاپاس قوسىنى، جاڭا ءداۋىردىڭ قۇرىلىسشىلارى مەن ءىزباسارلارىن تاربيەلەۋ ماڭىزدى جاۋاپكەرشىلىگىن ارقالاپ وتىر. جاڭا جورىقتا باس شۋجي شي جينپيڭنىڭ ورەندەر مەن بالالار جانە پيونەرلەر وتريادى قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، پيونەرلەر وتريادى تۋىن بيىك ۇستاپ پارتياعا ىلەسىپ، اۋەلگى ماقساتتى، بورىشتى امالياتتا ايگىلەپ، دۇرىس جولدان جازباي، جاڭالىق اشۋعا تاباندى بولىپ، قىزىل گالستۋك ىستەرىنىڭ تىڭ ومىرشەڭدىك كۇشىن ۇزدىكسىز تاسقىنداتۋ كەرەك. پارتيانىڭ پيونەرلەر وتريادى قىزمەتىنە باسشىلىعىن جاپپاي كۇشەيتىپ، پارتكوم باسشىلىق ەتەتىن، ۇكىمەت قولدايتىن، كوممۋنيستىك جاستار وداعى باستاماشى بولاتىن، ۇيىم تاربيە سالاسىندا سەلبەسەتىن، قوعام سايكەسەتىن پيونەرلەر وتريادى قىزمەتىنىڭ ءتۇزىلىس، مەحانيزمىن اقاۋسىزداندىرىپ، كوممۋنيستىك جاستار وداعى بۇكىل وداق بويىنشا پيونەرلەردى جەتەكتەۋ ساياسي جاۋاپكەرشىلىگىن شىن مانىندە ويداعىداي اتقارىپ، پيونەرلەردىڭ جەتەكشىلەرى بالالاردىڭ اقاۋسىز ەسەيىپ - ەرجەتۋىنىڭ جول باستاۋشىسى بولسا، جاڭا داۋىردەگى ورەندەر مەن بالالاردىڭ اقاۋسىز ەسەيىپ - ەرجەتۋىنە ءتيىمدى شارت - جاعداي ازىرلەپ، قۇدىرەتتى بىرىككەن كۇش توپتاي الامىز.

ورەندەر جىگەرلى بولسا، مەملەكەتتەن ءۇمىت كۇتۋگە بولادى؛ ورەندەر العا باسسا، مەملەكەت العا باسادى. ۇلى ارمان سىزدەردى قايراتتانا قۇلشىنۋعا شاقىرادى، پارتيا مەن حالىق سىزدەردىڭ اقاۋسىز ەسەيىپ - ەرجەتۋلەرىڭىزدى شىنايى ءۇمىت ەتەدى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، مەملەكەتتى قۇدىرەتتەندىرۋ قۇرىلىسى، ۇلتتىڭ گۇلدەنۋى سىندى ۇلى ءىس ءۇشىن ۇزدىكسىز كۇرەس جۇرگىزۋگە قاي - قاشان دا دايىن تۇرساق، ورەندەر مەن بالالار، ءسوز جوق، ءۇمىتتى اقتاپ، جاستىق ورالدارىن جايناتىپ، قىزىل گالستۋككە جاڭا ءداۋىردىڭ داڭقىن قوساتىن بولادى.

كەلۋ قاينارى: حالىق تورابى