سەنىمدى بەكەمدەپ، گۇلدەنۋ جورىعىندا ارشىندى قادام تاستايىق (باسماقالا)

ۋاقىت حيكىمەتتى ويىپ جازادى، كۇرەس تاريحتى جاراتادى. بۇگىن ءبىز جۇڭگو كوممۋنيستىك پارتياسى قۇرىلعاندىعىنىڭ 104 جىلدىعىن قارسى الىپ وتىرمىز.

گۇلدەنۋ جولىنان قايتا گۇلدەنۋ جولىنا دەيىن، كىشكەنە قىزىل قايىقتان الىپ كەمەگە دەيىن، بوران - شاشىندى باستان كەشكەن، شىڭدالعان ماركسيزمدىك بيلىكتى پارتيانىڭ اۋەلگى ماقساتى بەرىك، سەنىمى اناعۇرلىم مىعىم بولىپ، حالىقتى باستاپ مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋ نىساناسىنىڭ جەڭىس جىرىنا قاراي ىلگەرىلەپ، جان تەبىرەنتەرلىك ءداۋىردىڭ جاڭا داستانىن جازدى.

وسى جاڭا داستاندا داعدارىستى شەشۋ، قامال الۋ، جاعدايعا توتەپ بەرۋدىڭ بايسالدىعى جانە قايسارلىعى بار. تەرەڭ وزگەرىستىڭ ىشكى شارت - جاعدايى الدىندا، ءبىز جالپىلىق شارا قولدانۋ بارىسىندا وراي جاراتتىق، ىرىقتىلىققا قول جەتكىزدىك. قىم - قۋىت، كۇردەلى سىرتقى ورتا الدىندا، ءبىز جوعارى ساپالى دامۋدىڭ تۇراقتىلىعىمەن ءتۇرلى تۇراقسىزدىققا توتەپ بەردىك.

وسى جاڭا داستاندا ءارقانداي داۋىلدان قورىقپايتىن سەنىم مەن جىگەر بار. پارتيا مەن حالىق باستان - اياق بىرگە تۇرىپ، بىرگە ويلاپ، بىرگە ىستەدى، قانشاما اساۋ اعىس، قاتەرلى قايراڭ، قانشاما تار جول، تايعاق كەشۋلەرگە تاپ بولساق تا، ءبىزدىڭ باقىتتى، تاماشا تۇرمىس جاراتۋداعى قۇرىشتاي جىگەرىمىزدى شايقالتا المادى، ءبىزدىڭ جۇڭگو ۇلگىسىندەگى وسىزامانداندىرۋدى ىلگەرىلەتۋدەگى نىق قادامىمىزدى توسا المادى.

اماليات − ەڭ جاقسى سىنتاس. باس شۋجي شي جينپيڭ بىلاي دەپ اتاپ كورسەتتى: ”ءبىز تەك سەنىمدى بەكەمدەپ، بەكىمنەن اۋىتقىماي، قايشىلىقتار مەن ماسەلەلەرگە بەتپە - بەت كەلىپ، حاۋىپ - قاتەر مەن سىن - سايىسقا توتەپ بەرۋدە شەگىنشەكتەمەسەك بولعانى، ءسوز جوق، رەفورما مەن دامۋدىڭ تىڭ ءورىسىن اشا الامىز!“

اۋمالى - توكپەلى دۇنيە ءجۇزى الدىندا، ءمالىم شەتەلدىك ساياسي قايراتكەر: ”جۇڭگو ورنىقتىلىق اكەلىپ قانا قالماستان، بولاشاقتىڭ دا باياندى ءۇمىتىن اكەلەدى“ دەپ قارادى. حالىقارالىق قوعامدا: ”جۇڭگودان بولاشاقتى كوردىك، سەنىمدى كوردىك“ دەگەن ورتاق تانىم كۇن سايىن قالىپتاسىپ كەلەدى.

100 نەشە جىلدان بەرگى ماشاقاتتى دا شۇعىلالى تابىستار، جاڭا داۋىردەن بەرگى ۇدەرە العا تارتۋ، بيىل جىل باسىنان بەرگى وزگەرىسكە توتەپ بەرىپ، وزگەرىسكە تالپىنۋ بىزگە تەرەڭ وي سالدى: پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعى − ءبىزدىڭ ۇزدىكسىز جەڭىسكە جەتۋىمىزدىڭ ءتۇبىرلى تياناعى، ”ەكىنى تۇراقتاندىرۋ“ ءبىزدىڭ ءتۇرلى حاۋىپ - قاتەر مەن سىن - سايىسقا توتەپ بەرۋىمىزدە، جۇڭگو ۇلگىسىندەگى وسىزامانداندىرۋ دى ىلگەرىلەتۋىمىزدە شەشۋشى مانگە يە، ءبىر ميلليارد 400 ميلليوننان استام حالىق ءبىر باعىتتا ويلاپ، ءبىر باعىتتا كۇش سالسا، قولدان كەلمەيتىن ءىس بولمايدى.

بۇگىنگى تاڭدا تاريحقا قايىرىلا قاراساق، جۇڭگونىڭ بەت - بەينەسىندە، جۇڭحۋا ۇلتىنىڭ بەت - بەينەسىندە، جۇڭگو حالقىنىڭ بەت - بەينەسىندە، جۇڭگو كوممۋنيستىك پارتياسىنىڭ بەت - بەينەسىندە بۇرىن بولماعان وزگەرىستەر تۋىلدى؛ بولاشاققا كوز جىبەرسەك، ”14 - بەسجىلدىقتىڭ“ شەشۋشى جەڭىسىنە قول جەتكىزىپ، جاڭا ساپارعا ارشىندى قادام تاستايمىز، ءبىزدىڭ ۇزاق ۋاقىت ورنىقتى دامۋدى جۇزەگە اسىرۋعا، ۇلى گۇلدەنۋگە قادام تاستاۋعا سەنىمىمىز كامىل، قابىلەتىمىز قاپتال جەتەدى.

بۇكىل پارتيا جوعارىدان تومەنگە دەيىن پارتيانىڭ تۋعان كۇنىن قۇتتىقتايتىن وسىنداي سالتاناتتى ساتتە، دۇنيە جۇزىندە 100 جىلدىق وزگەرىس جەدەل قۇبىلىپ، العا باسۋ جولىمىزدا ءالى دە كوپتەگەن حاۋىپ - قاتەر مەن سىن - سايىسقا ءدوپ كەلىپ وتىرعان ساتتە، اۋەلگى ماقسات جونىندە تولعانىپ، رۋحتى سەرپىلتىپ، پارتيانىڭ كۇرەس تاريحى مەن جۇڭگو كوممۋنيستىك پارتياسىنىڭ رۋحاني شەجىرەسىنەن سارقىلماس كۇش - قۋات الىپ، تاڭداۋلى ستيل ارقىلى زەيىن - زەردەنى، كۇش - قۋاتتى شوعىرلاندىرىپ، ءىس تىندىرىپ، شارۋاشىلىق قۇرىپ، اسقاق جىگەرمەن جاڭا ءداۋىردىڭ ۇزاق جورىعىن ويداعىداي باسۋىمىز كەرەك.

مۇرات - سەنىم − پارتيا قۇرۋدىڭ، پارتيانى گۇلدەندىرۋدىڭ نەگىزى ءارى پارتيالى كادرلاردىڭ تابان تىرەپ تۇرۋىنىڭ نەگىزى. ”توڭكەرىستىك مۇراتتى بارىنەن جوعارى قويعان“قىزىل ارميا قولباسشىلارى مەن جاۋىنگەرلەرىنەن ”ەكى بومبى، ءبىر جاساندى سەرىك“ رۋحىن ساۋلەلەندىرگەن عىلىم - تەحنيكا قىزمەتكەرلەرىنە دەيىن، ونان ”پارتيا الاڭسىز بولسىن، مەملەكەتتى قۇدىرەتتەندىرۋدە مەن بارمىن“ دەيتىن جاڭا ءداۋىر جاستارىنا دەيىن بەرىك مۇرات - سەنىم، قايتپاس اقيقاتتىق تالپىنىس ءبىزدىڭ بارلىق قيىندىقتى، حاۋىپ - قاتەردى، كەدەرگىلەردى جەڭۋىمىزدىڭ قۇپيا سيفرى سانالادى.

جاڭا جورىقتا مۇرات - سەنىمدى بەكەمدەۋدى ومىرلىك تاقىرىپ ەتىپ، مەيلى ءداۋىر قالاي وزگەرسىن، مەيلى شارت - جاعداي قالاي وزگەرسىن، سانالى تۇردە شي جينپيڭ جاڭا ءداۋىر جۇڭگوشا سوتسياليزم يدەياسىنىڭ مىزعىماس سەنۋشىلەرى جانە ادال اتقارۋشىلارى بولىپ، حالىقتىڭ ءۇمىتىن اقتايتىن وتانشىلدىق سۇيىسپەنشىلىك ورناتىپ، وسكەلەڭ يدەيالىق دەڭگەيگە تالپىنىپ، ىسىلعان جاۋاپكەرشىلىك ارقالاۋ قابىلەتىن كۇشەيتىپ، قيىندىقتان تايسالماي العا ۇمتىلىپ، باتىلدىقپەن كۇرەس جۇرگىزسەك، سوندا عانا تولقىن جارا العا باسۋدىڭ سىنىنان ءوتىپ، تاريح پەن حالىقتىڭ سىنىنان وتە الاتىن ناتيجە جاراتا الامىز.

پارتيانىڭ نەگىزى حالىقتا، قان تامىرى حالىقتا، كۇش - قۋاتى حالىقتا. بيىل − ”14 - بەسجىلدىق“ جوبا اياقتالاتىن جىل، كەدەيلىكتەن ارىلتۋدان قامال الۋدىڭ تابىستارىن بەكەمدەۋدەن، كەڭەيتۋدەن، اۋىل - قىستاقتى جاپپاي گۇلدەندىرۋدى تىڭعىلىقتى ىلگەرىلەتۋدەن دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولۋعا، حالىق تۇرمىسىن قامتاماسىز ەتۋ تورىن بەرىك، تىعىز توقۋعا دەيىن... ”حالىقتى باقىتتى تۇرمىسقا كەنەلتۋ − ماڭداي الدى ءىرى ءىس“ دەگەندى ۇستانعان پارتيامىز باستان - اياق ءىس جۇزىندىك ارەكەتى ارقىلى حالىقتىڭ سەنىمىنە يە بولىپ، حالىققا باقىت جاراتىپ كەلەدى.

جۇڭگو ۇلگىسىندەگى وسىزامانداندىرۋ − ءجۇز ميلليونداعان حالىقتىڭ ءوز ءىسى، سونداي - اق حاۋىپ - قاتەرگە، سىن - سايىسقا تولى، جاپالى قۇلشىنىس جاساۋعا ءتيىستى ۇلى ءىس. حالىقتى قۇن ماقساتى ەتىپ، ”مەملەكەتتىڭ زور ءىسىن“ ەستە بەرىك ساقتاپ، حالىقتىڭ ويلاعانىن ويلاپ، حالىقتىڭ تاپسىرماسىن ورىنداپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن دەن قويا، سۇيىسپەنشىلىكپەن شەشىپ، وسىزامانداندىرۋ قۇرىلىسىنىڭ تابىستارىنان جالپى حالىقتى اناعۇرلىم كوپ، اناعۇرلىم ءادىل يگىلىكتەندىرسەك، جويقىن كۇش ۇيىستىرىپ، قيىندىقتى بىلەك بىرىكتىرە جەڭىپ، تاريحي ۇلى ءىس تىندىرا الاتىندىعىمىز ءشۇباسىز.

ءوزىن سۇراعان ەل سۇرايدى. جاڭا داۋىردەن بەرى پارتيامىزدىڭ ”ەكى تاريحي ىرىقتىلىققا“ قول جەتكىزۋىنىڭ تەتىگى − پارتيانىڭ وزىندىك توڭكەرىسى ارقىلى قوعامدىق توڭكەرىسكە جەتەكشىلىك ەتىپ، پارتيانى رەفورما رۋحىمەن جانە قاتاڭ ولشەممەن باسقارۋعا، جونگە سالۋعا تاباندى بولعاندىعىندا.

ۇزاقتان بەرى ءومىر ءسۇرىپ كەلە جاتقان ”ءتورت ۇلكەن سىناق“، ”ءتورت ءتۇرلى قاتەر“ الدىندا، ”ماڭگى جولدامىز“ دەيتىن توزىمدىلىكپەن جانە قايسارلىقپەن پارتيانى جاپپاي قاتاڭ جونگە سالۋدى ىشكەرىلەي ىلگەرىلەتىپ، ”توڭكەرىسشى، ءسوز جوق، الدىمەن وزىنە توڭكەرىس جاساۋى كەرەك“ دەيتىن بەرىك جىگەرمەن پارتيانىڭ وزىنە توڭكەرىس جاساۋىن سوڭىنا دەيىن جۇرگىزگەندە عانا، پارتيانى اناعۇرلىم پارمەندى، قۋاتتى ەتىپ قۇرىپ شىعىپ، پارتيانى باستان - اياق جۇڭگو حالقىنىڭ ەڭ سەنىمدى، ەڭ بەرىك تىرەگى ەتۋگە بولادى. ءبىز ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي ۇيرەنۋ تاربيەسىن ورىستەتۋدى وراي ەتىپ، ۇيرەنۋدى، تەكسەرۋدى، تۇزەتۋدى ءبىر تۇتاس ىلگەرىلەتۋگە كۇش سالىپ، ستيلدى جاقسارتۋدىڭ ءىس جۇزىندىك ونىمدىلىگى ارقىلى حالىق بۇقاراسىنىڭ قولداۋى مەن قۇپتاۋىنا يە بولۋىمىز كەرەك.

بولاشاققا بەت العاندا، ۋاقىت، اۋقىم، ادىلەت ءبىزدىڭ جاعىمىزدا. حالىقارالىق جاعداي قالاي وزگەرسە دە، سەنىم مەن بەكىمدى نىعايتىپ، ءوز ءىسىمىزدى تاباندىلىقپەن ويداعىداي ىستەپ، سىرتقا ەسىك اشۋدى تاباندىلىقپەن كەڭەيتۋىمىز كەرەك، جۇڭگو − ەڭ ۇلكەن تۇراقتىلىق جانە ورنىقتىلىق فاكتورى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيا قۇرۋ ۇلى رۋحىن بارىنشا ساۋلەلەندىرىپ، جاڭا جورىقتا تىڭ دا اناعۇرلىم ۇزدىك جاۋاپ قايتارايىق.