پارتيا ورتالىق كوميتەتىنىڭ ورنالاستىرۋلارىن، تالاپتارىن دايەكتىلەندىرىپ، زاڭدا بەلگىلەنگەن ۇقىق شەگى مەن ءتارتىپ بويىنشا حالىق قۇرىلتايى قىزمەتىن جوعارى ساپامەن ويداعىداي ىستەۋ كەرەك

شينحۋا اگەنتتىگى، 7 - ايدىڭ 9 ـ كۇنى، شينيڭ. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 7 - ايدىڭ 6 ـ كۇنىنەن 8 ـ كۇنىنە دەيىن چيڭحايدا تەكسەرۋ ـ زەرتتەۋ جۇرگىزدى. ول بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ ورنالاستىرۋلارىن، تالاپتارىن جانە 14 ـ كەزەكتى مەملەكەتتىك حالىق قۇرىلتايى 3 ـ ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، حالىق قۇرىلتايىنىڭ زاڭ شىعارۋ، باقىلاۋ، ۋاكىلدەر سياقتى قىزمەتتەرىن جوعارى ساپامەن ويداعىداي ىستەپ، ”14 ـ بەسجىلدىق“ جوبانىڭ تابىسپەن اياقتالۋىنا ۇلەس قوسۋ كەرەك.

جاۋ لىجي ىلگەرىندى ـ كەيىندى شينيڭ، حايدۇڭعا بارىپ، حالىق قۇرىلتايى ۋاكىلدەرىنىڭ بايلانىس كەڭسەسى، كاسىپورىن، اۋىل ـ قىستاق سياقتى جەرلەردى ارالاپ، حالىق قۇرىلتايى ۋاكىلدەرىمەن جانە بۇقارامەن پىكىر اۋىستىرىپ، حالىق قۇرىلتايى قىزمەتىنىڭ جوعارى ساپالى دامۋىن ىلگەرىلەتۋ جونىندەگى ۇسىنىس ـ پىكىرلەردى تىڭدادى؛ ولكەلىك حالىق قۇرىلتايى تۇراقتى كوميتەتى ورگانىندا تەكسەرۋ ـ زەرتتەۋ جۇرگىزىپ، ورگان كادرلارىنان حال سۇرادى ءارى اڭگىمە ءماجىلىسىن باسقارىپ اشتى.

جاۋ لىجي بىلاي دەپ باسا دارىپتەدى: پارتيانىڭ جاپپاي باسشىلىعىنا تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ كەلەلى باعىت ـ ساياساتتارى مەن شەشىمدەرىنىڭ، ورنالاستىرۋلارىنىڭ حالىق قۇرىلتايى قىزمەتىندە جاپپاي دايەكتىلەنۋىنە كەپىلدىك ەتۋ كەرەك. چيڭحايداعى ءار دارەجەلى حالىق قۇرىلتايلارى دارەجەلەس پارتكومنىڭ باسشىلىعىندا، نازاردى چيڭحايدىڭ ەكولوگيالىق ورتاسىن ويداعىداي قورعاۋ سىندى مەملەكەتتىڭ زور ىسىنە شوعىرلاندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ سىندى نەگىزگى جەلىنى ارقاۋ ەتىپ، زاڭمەن جونگە سالۋ ءتاسىلى ارقىلى ءۇش وزەن قاينارى سىندى ”جۇڭحۋا سۋ مۇناراسىن“ ويداعىداي قورعاۋى كەرەك.

جاۋ لىجي بىلاي دەپ اتاپ كورسەتتى: حالىق مايدانىندا بەرىك تۇرىپ، جالپى بارىستىق حالىق دەموكراتياسىن سانالى تۇردە امالياتتا ايگىلەپ، بارلىق ىستە حالىق ءۇشىن ىستەۋگە، بارلىق ىستە حالىققا سۇيەنۋگە تاباندى بولىپ، زاڭمەن جونگە سالۋ ارقىلى حالىقتىڭ ۇقىق ـ مۇددەسىن قورعاپ، حالىقتىڭ ىرىس - قۇتىن ارتتىرۋ كەرەك. تەكسەرۋ - زەرتتەۋدى ىشكەرىلەي ورىستەتىپ، ءار جاقتىڭ ۇسىنىس - پىكىرلەرىن كەڭ كولەمدە تىڭداپ، حالىق قۇرىلتايى قىزمەتىن بەرىك حالىق تىلەگى نەگىزىندە قۇرۋ كەرەك. جاڭادان وزگەرىس ەنگىزىلگەن ۋاكىلدەر زاڭىن ۇيرەنۋدى، ۇگىتتەۋدى جانە دايەكتى اتقارۋدى كۇشەيتىپ، ۋاكىلدەردىڭ مىندەتىن زاڭ بويىنشا، ءتارتىپتى، جۇيەلى اتقارۋىن قولداۋ جانە قامتاماسىزداندىرۋ كەرەك. ءار دارەجەلى حالىق قۇرىلتايى ۋاكىلدەرى حالىققا تامىر تارتىپ، بۇقارامەن تىعىز بايلانىس جاساۋى كەرەك، بۇل _ حالىق قۇرىلتايى قىزمەتىنىڭ ومىرشەڭدىك كۇشىنىڭ قاينارى جانە ۋاكىلدەردىڭ مىندەت وتەۋىنىڭ نەگىزى.

جاۋ لىجي بىلاي دەپ اتاپ كورسەتتى: زاڭدا بەلگىلەنگەن ۇقىق شەگى بويىنشا، زاڭدا بەلگىلەنگەن تارتىپكە بويسۇنىپ، نەگىزگى زاڭ مەن زاڭداردا جۇكتەلگەن قىزمەت جاۋاپكەرشىلىگىن مۇقيات اتقارۋ كەرەك. عىلمي جولمەن زاڭ شىعارۋدى، دەموكراتيالىق جولمەن زاڭ شىعارۋدى، زاڭ بويىنشا زاڭ شىعارۋدى ىشكەرىلەي ىلگەرىلەتىپ، زاڭ شىعارۋدىڭ ساپا وتكەلىن شىنايى ويداعىداي يگەرۋ كەرەك. جەرگىلىكتى زاڭ شىعارۋدا قايشى كەلمەۋ، ەرەكشەلىككە يە بولۋ، مەڭگەرىمدى بولۋ پرينسيبىنە تاباندى بولىپ، زاڭ شىعارۋدىڭ باعىتتامالىلىعىن، ونىمدىلىگىن كۇش سالا جوعارىلاتىپ، ءىس جۇزىندىك ماسەلەلەردى كۇش سالا شەشۋ كەرەك. حالىق قۇرىلتايىنىڭ باقىلاۋ قىزمەتىن ويداعىداي ىستەۋدىڭ تەتىگى − دۇرىس باقىلاۋعا، ءونىمدى باقىلاۋعا، زاڭ بويىنشا باقىلاۋعا تاباندى بولىپ، باقىلاۋدىڭ ناقتى ونىمدىلىگىن كۇشەيتۋگە كۇش سالۋ. جاڭادان وزگەرىس ەنگىزىلگەن باقىلاۋ زاڭىن دايەكتى اتقارىپ، زاڭدا بەلگىلەنگەن باقىلاۋ فورماسىن جان - جاقتى قولدانىپ، قىزمەت مەحانيزمىن اقاۋسىزداندىرىپ جانە كەمەلدەندىرىپ، ماسەلەنى شەشۋدى، قىزمەتتى جاقسارتۋدى، ءتۇزىمدى كەمەلدەندىرۋدى شىنايى ىلگەرىلەتۋ كەرەك.

جاۋ لىجي بىلاي دەپ باسا دارىپتەدى: ”ءتورت ورگاننىڭ“ ورىن تۇراقتاندىرۋ تالابىنا ساي، حالىق قۇرىلتايىنىڭ وزىندىك قۇرىلىسىن كۇشەيتىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ جونىندەگى ۇيرەنۋ تاربيەسىن تىڭعىلىقتى، ءونىمدى ورىستەتىپ، ستيلى پاك، سالتى دۇرىس، ءىس تىندىرىپ، شارۋاشىلىق قۇراتىن تاماشا راي قالىپتاستىرىپ، مىندەتىن زاڭ بويىنشا اتقارۋ قابىلەتى مەن ورەسىن ۇزدىكسىز جوعارىلاتۋ كەرەك.

كەلۋ قاينارى: حالىق تورابى