10 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى اشىلدى

«حالىق گازەتى»، 7 - ايدىڭ 9 ـ كۇنى، شينجياڭ حوتان (ءتىلشى لي چاڭيۇي). 10 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى 7 - ايدىڭ 7 ـ كۇنىنەن 9 ـ كۇنىنە دەيىن شينجياڭنىڭ حوتانىندا اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ماجىلىسكە قاتىناستى ءارى ءسوز سويلەدى. ول مىنالاردى ءبىلدىردى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دۇرىس، جان ـ جاقتى دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمى نەگىزگى جەلىسىن مىقتاپ ارقاۋ ەتىپ، ۇزاق ۋاقىت ۇلەس قوسىپ، شينجياڭعا باعىتتامالى كومەكتەسۋ قىزمەتىن ويداعىداي ىستەپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا تىڭ ۇلەس قوسۋ كەرەك.

ۋاڭ حۋنيڭ مىنالاردى ءبىلدىردى: ”14 ـ بەسجىلدىق“ كەزىندە شينجياڭعا باعىتتامالى كومەكتەسۋ قىزمەتى شينجياڭ قىزمەتىنىڭ باس نىساناسىنا قىزمەت وتەۋدە ماڭىزدى رول اتقاردى. ورتالىقتاعى قاتىستى تاراۋلار، شينجياڭعا كومەكتەسەتىن ولكە، قالالار جانە ورتالىق كاسىپورىندارى شينجياڭمەن سايكەسۋدى، سەلبەسۋدى كۇشەيتىپ، شينجياڭعا باعىتتامالى كومەكتەسۋ قىزمەتىنىڭ سەرپىنىن ارتتىرۋدى، ءتۇيىندى كورنەكتىلەندىرۋدى، بىرىككەن كۇشتى نىعايتۋدى ىلگەرىلەتىپ، شينجياڭنىڭ قوعام ورنىقتىلىعىن، ۇلتتار ىنتىماعىن جانە جوعارى ساپالى دامۋىن جەبەپ، پارتيانىڭ باسشىلىعى مەن سوتسياليستىك ءتۇزىمنىڭ وزگەشە باسىمدىعىن ايگىلەدى.

ۋاڭ حۋنيڭ مىنالاردى ءبىلدىردى: شينجياڭعا باعىتتامالى كومەكتەسۋ − مەملەكەتتىك ستراتەگيا، وعان، ءسوز جوق، ۇزاق ۋاقىت تاباندى بولۋ كەرەك. وڭتۇستىك شينجياڭداعى كورنەكتى ماسەلەلەردى شەشۋگە نازاردى شوعىرلاندىرىپ، كۇش سالۋعا اناعۇرلىم ءمان بەرىپ، وڭتۇستىك شينجياڭنىڭ كەدەيلىكتەن ارىلتۋدان قامال الۋ جەتىستىكتەرىن بەكەمدەپ جانە كەڭەيتىپ، وڭتۇستىك شينجياڭنىڭ ەكونوميكالىق، قوعامدىق دامۋى مەن باياندى تىنىشتىعىن ىلگەرىلەتۋ كەرەك. شينجياڭنىڭ جاڭاشا ونەركاسىپتەنۋىن، قالا ـ قالاشىقتانۋىن ىلگەرىلەتۋگە نازاردى شوعىرلاندىرۋعا، كۇش سالۋعا اناعۇرلىم ءمان بەرىپ، حالىق تۇرمىسىنا تىعىز جاناسىپ، شينجياڭنىڭ جوعارى ساپالى دامۋىن ىلگەرىلەتۋ كەرەك. ۇلتتاردىڭ ارالاسۋىن، ىشتەسۋىن، توعىسۋىن جەبەۋگە نازاردى شوعىرلاندىرۋعا، كۇش سالۋعا اناعۇرلىم ءمان بەرىپ، ۇلتتاردىڭ اناردىڭ دانىندەي تىعىز ۇيىسۋىنا مۇمكىندىك جاساۋ كەرەك. شينجياڭدى مادەنيەتپەن نارلەندىرۋدى ناقتى، جاندى، ءونىمدى ورىستەتۋگە نازاردى شوعىرلاندىرىپ، كۇش سالۋعا اناعۇرلىم ءمان بەرىپ، ءار ۇلت بۇقاراسىنىڭ ”بەستى شىنايى مويىنداۋىن“ ۇزدىكسىز كۇشەيتۋ كەرەك. وقۋ ـ اعارتۋ ارقىلى شينجياڭعا كومەكتەسۋدىڭ ونىمدىلىگىن جوعارىلاتۋعا نازاردى شوعىرلاندىرۋعا، كۇش سالۋعا اناعۇرلىم ءمان بەرىپ، شينجياڭنىڭ جوعارى ساپالى وقۋ ـ اعارتۋ جۇيەسىن جەدەل قۇرۋىن ىلگەرىلەتۋ كەرەك. شينجياڭعا باعىتتامالى كومەكتەسۋ مىندەتىن تياناقتاندىرۋدى مىقتى يگەرىپ، شينجياڭعا باعىتتامالى كومەكتەسۋ قىزمەت مەحانيزمىن كەمەلدەندىرىپ، كومەك بەرۋشى مەن كومەك الۋشى ەكى جاقتىڭ بەلسەندىلىگىن ساۋلەلەندىرىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن جوعارىلاتۋ كەرەك.

لي گانجيە ءماجىلىستى باسقاردى ءارى قورىتىندى ءسوز سويلەدى. ول جەر ـ جەردەن، تاراۋلاردان مىنالاردى تالاپ ەتتى: ساياسي دەڭگەيدى اناعۇرلىم جوعارىلاتىپ، شينجياڭعا باعىتتامالى كومەكتەسۋ قىزمەتىنىڭ ماندىك ورنىن، ءتۇبىرلى نىساناسىن جانە كۇش سالۋ بەتالىسىن تولىق تانىپ، شينجياڭعا باعىتتامالى كومەكتەسۋ قىزمەتىن ويداعىداي يگەرۋدىڭ جاۋاپكەرشىلىك سەزىمىن، بورىشتىلىق سەزىمىن شىنايى كۇشەيتۋ كەرەك. مىندەتتى ايقىنداپ، ءتۇيىندى كورنەكتىلەندىرىپ، شينجياڭعا باعىتتامالى كومەكتەسۋ قىزمەتىنىڭ ناقتى ونىمدىلىگىن ۇزدىكسىز جوعارىلاتۋ كەرەك. قامتاماسىز ەتۋدى كۇشەيتىپ، شەبەرلىكپەن ىستەپ، شەبەرلىكپەن تابىسقا جەتىپ، ”15 ـ بەسجىلدىقتاعى“ شينجياڭعا كومەكتەسۋ جوباسىن جوعارى ساپامەن جاساپ، قىزمەتتى باقىلاۋ ـ تەكسەرۋدى، باعالاۋدى كۇشەيتىپ، تىڭعىلىقتى، ىسىلعان ستيلدى شىڭداپ، شينجياڭعا باعىتتامالى كومەكتەسۋ شەشىمدەرىنىڭ، ورنالاستىرۋلارىنىڭ تياناقتانىپ، ناتيجە بەرۋىنە كەپىلدىك ەتۋ كەرەك.

شينجياڭعا باعىتتامالى كومەكتەسەتىن 19 ولكە، قالانىڭ، ورتالىقتاعى قاتىستى تاراۋلار مەن ورىنداردىڭ، شينجياڭ ۇيعۇر اۆتونوميالى رايونىنىڭ، شينجياڭ ءوندىرىس ـ قۇرىلىس بيڭتۋانىنىڭ، سونداي ـ اق ايماق، وبلىس، قالالاردىڭ، ديۆيزيالاردىڭ جانە قاتىستى تاراۋلاردىڭ جاۋاپتى جولداستارى ماجىلىسكە قاتىناستى. مەملەكەتتىك دامۋ جانە رەفورما كوميتەتىنىڭ، وقۋ ـ اعارتۋ مينيسترلىگىنىڭ، مادەنيەت جانە ساياحات مينيسترلىگىنىڭ، مەملەكەتتىك كەڭەستىڭ مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتىنىڭ جانە بەيجيڭ قالاسىنىڭ، تيانجين قالاسىنىڭ، لياۋنيڭ ولكەسىنىڭ، شاڭحاي قالاسىنىڭ، جىجياڭ ولكەسىنىڭ، شاندۇڭ ولكەسىنىڭ، حىنان ولكەسىنىڭ، گۋاڭدۇڭ ولكەسىنىڭ، شينجياڭ ۇيعۇر اۆتونوميالى رايونىنىڭ، شينجياڭ ءوندىرىس ـ قۇرىلىس بيڭتۋانىنىڭ جاۋاپتى جولداستارى ماجىلىستە ءسوز سويلەدى.

شينجياڭداعى كەزىندە ۋاڭ حۋنيڭ اقسۋ، حوتان جانە بيڭتۋان 1 ـ شىسى ارال قالاسى، 14 ـ شىسى كۇنيۇي قالاسى سياقتى جەرلەرگە بارىپ تەكسەرۋ ـ زەرتتەۋ جۇرگىزىپ، كاسىپورىن، اۋىل ـ قىستاق، مەكتەپ، شيپاحانا، مۇراجاي ەسكەرتكىش سارايى سياقتىلاردى ىشكەرىلەي ارالاپ، شينجياڭعا باعىتتامالى كومەكتەسۋ قىزمەتىنىڭ جاعدايىن ۇعىستى، شينجياڭعا كومەككە كەلگەن كادر ـ دارىندىلارعا جانە نەگىزگى ساتىداعى بۇقاراعا امانداستى، اۆتونوميالى رايوندىق ساياسي كەڭەستىڭ اقسۋ ايماقتىق قىزمەت كوميتەتىنە بارىپ ساياسي كەڭەس مۇشەلەرى مەن ورگان كادرلارىنا امانداستى.

كەلۋ قاينارى: حالىق تورابى