بايلىق ۇلگىسىندەگى ەكونوميكانىڭ تيپ جاڭالاپ دامۋدا جاڭا قادام تاستاۋىن ىلگەرىلەتۋگە قۇلشىنىپ، سانشي دالاسىندا جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا تاراۋىن قۇلشىنا جازۋ كەرەك

7 - ايدىڭ 7 - كۇنىنەن 8 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ سانشيدە قىزمەت تەكسەردى. سۋرەتتە: 7 - ايدىڭ 7 - كۇنى تۇستەن كەيىن شي جينپيڭ ياڭچۋان قالاسى شىناۋشان تاۋىنداعى 100 تۋان شايقاسى ەسكەرتكىش سارايىندا قىزمەت تەكسەرگەندە ەكسكۋرسيالاۋعا كەلگەن جاس ءوسپىرىم وقۋشىلارمەن، ەسكەرتكىش سارايى قىزمەتكەرلەرىمەن ىقىلاسپەن اڭگىمەلەسۋدە.

□ سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن

7 - ايدىڭ 7 - كۇنىنەن 8 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ سانشيدە قىزمەت تەكسەردى. سۋرەتتە: 7 - ايدىڭ 7 - كۇنى تۇستەن كەيىن شي جينپيڭ ياڭچۋان قاقپاقشا جارنا شەكتى سەرىكتەستىگىندە قىزمەت تەكسەرگەندە كاسىپورىن جۇمىسشى - قىزمەتكەرلەرىمەن ىقىلاسپەن اڭگىمەلەسۋدە.

□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

شينحۋا اگەنتتىگىنىڭ 7 ـ ايدىڭ 8 ـ كۇنى تاييۋاننان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جاقىندا سانشيدە قىزمەت تەكسەرگەندە بىلاي دەپ باسا دارىپتەدى: سانشي پارتيا ورتالىق كوميتەتىنىڭ ورتا بولىك وڭىرلەردىڭ جەدەل ەڭسە كوتەرۋىن جەبەۋ، حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋىن ىلگەرىلەتۋ سياقتىلار جونىندەگى ستراتەگيالىق ورنالاستىرۋلارىن مۇقيات تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىن تولىق، دالمە ـ ءدال، جاپپاي دايەكتىلەندىرىپ، دامۋ مەن حاۋىپسىزدىكتى ويداعىداي ءبىر تۇتاس جوسپارلاپ، بايلىق ۇلگىسىندەگى ەكونوميكانىڭ تيپ جاڭالاپ دامۋدا جاڭا قادام تاستاۋىن ىلگەرىلەتۋگە قۇلشىنىپ، سانشي دالاسىندا جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا تاراۋىن قۇلشىنا جازۋى كەرەك.

7 ـ ايدىڭ 7 ـ كۇنىنەن 8 ـ كۇنىنە دەيىن شي جينپيڭ سانشي ولكەلىك پارتكومنىڭ شۋجيى تاڭ دىڭجيەنىڭ جانە ولكە باستىعى لۋ دۇڭلياڭنىڭ سەرىك بولۋىندا ىلگەرىندى ـ كەيىندى ياڭچۋانعا، تاييۋانعا بارىپ قىزمەت تەكسەردى، تەكسەرۋ ـ زەرتتەۋ جۇرگىزدى.

100 تۋان شايقاسى — جاپون شاپقىنشىلارىنا قارسى سوعىستاعى كەلەلى شايقاس، بۇكىل ەلدەگى ارميا مەن حالىقتىڭ جاپون شاپقىنشىلارىنا قارسى سوعىستى سوڭىنا دەيىن جالعاستىرۋ سەنىمىن بارىنشا سەرپىلتكەن. 7 ـ ايدىڭ 7 ـ كۇنى تۇستەن كەيىن شي جينپيڭ ياڭچۋان قالاسى شىناۋشان تاۋىنداعى 100 تۋان شايقاسى ەسكەرتكىشى الاڭىنا كەلىپ، 8 ـ ارميا قۇرباندارىنا گۇل شارباق قويدى. ونان سوڭ ول 100 تۋان شايقاسى ەسكەرتكىش سارايى كورمەسىن ەكسكۋرسيالادى. ءاربىر پارشا تاريحي سۋرەت، ءاربىر قۇندى ناقتى زات جۇڭگو كوممۋنيستىك پارتياسىنىڭ جاپون شاپقىنشىلارىنا قارسى ارميا مەن حالىققا باسشىلىق ەتىپ جاۋعا قارسى اتتانعان، شەتەل شاپقىنشىلىعىنا باتىلدىقپەن قارسى تۇرعان شۇعىلالى تاريحىن جاندى ايگىلەدى، شي جينپيڭ ءالسىن ـ ءالى كىدىرىپ قاداعالاي قارادى جانە تەرەڭ ويعا باتتى. ول بىلاي دەپ باسا دارىپتەدى: 100 تۋان شايقاسى سىندى تاريحي ۇلى ءىس پارتيامىزدىڭ بۇكىل ۇلتتىڭ جاپون شاپقىنشىلارىنا قارسى سوعىسىنداعى بەرىك تىرەكتىك رولىن تولىق ايگىلەدى، پارتيا باسشىلىق ەتكەن حالىقتىق سوعىستىڭ تەلەگەي كۇشىن تولىق ايگىلەدى. جاپون شاپقىنشىلارىنا قارسى سوعىس حيكاياسىن ويداعىداي بايانداپ، جاپون شاپقىنشىلارىنا قارسى سوعىس ۇلى رۋحىن ۇرپاقتان ـ ۇرپاققا جالعاستىرۋ كەرەك.

ەسكەرتكىش سارايىنىڭ زالىندا شي جينپيڭ ەكسكۋرسيالاۋعا كەلگەن جاس ءوسپىرىم وقۋشىلارمەن، ەسكەرتكىش سارايى قىزمەتكەرلەرىمەن ىقىلاسپەن اڭگىمەلەستى. ول بىلاي دەدى: 88 جىلدىڭ الدىنداعى بۇگىنگى كۇنى تۋىلعان ”7 ـ شىلدە وقيعاسى“ — جۇڭحۋا ۇلتىنىڭ جاپون شاپقىنشىلارىنا جاپپاي قارسى اتتانۋىنىڭ باستاماسى، بۇرىنعىنى ۇمىتپاي، كەيىنگىگە عيبىرات ەتۋىمىز كەرەك، بۇل اراعا كەلۋىمىزدىڭ ءوزى رۋحاني شىڭدالۋ بولماق. قالىڭ جاستار مەن ورەندەر تاماشا داۋىردە جاساپ جاتىرسىزدار، قىزىل قان تامىردى جالعاستىرىپ، مەملەكەتتى قۇدىرەتتەندىرۋدە مەن بارمىن دەيتىن ۇلى مۇرات ورناتىپ، سالاۋاتتى، داڭقتى، ماقتان تۇتارلىق جۇڭگولىق بولىپ، ۇلتتى گۇلدەندىرۋ سىندى ءداۋىردىڭ كەلەلى مىندەتىن باتىلدىقپەن ارقالاۋلارىڭىز كەرەك.

سول كۇنى تۇستەن كەيىن شي جينپيڭ ياڭچۋان قاقپاقشا جارنا شەكتى سەرىكتەستىگىنە بارىپ قىزمەت تەكسەردى. جۋىق جىلداردان بەرگى سانشي ولكەسىنىڭ كاسىپ سالاسىنىڭ تيپ جاڭالاپ دارەجەسىن جوعارىلاتۋ جاعدايى جونىندەگى مالىمەتتى تىڭداعان سوڭ، ول كاسىپورىننىڭ ءوندىرىس سەحىنا كىرىپ، كومىر گازى قاقپاقشاسى، ەلەكترمەن اينالاتىن قاقپاقشا سياقتى ونىمدەردىڭ ءوندىرىلۋ جانە ساتىلۋ جاعدايىن ەگجەي ـ تەگجەيلى ۇعىستى. ول بىلاي دەپ اتاپ كورسەتتى: ءداستۇرلى جاساۋ كاسىبى — ناقتى تۇلعالىق ەكونوميكانىڭ ماڭىزدى قۇرامداس بولىگى، بازار قاجەتىن يگەرىپ، عىلىم ـ تەحنولوگيادا جاڭالىق اشۋدى كۇشەيتىپ، ءداستۇرلى كاسىپ سالاسىنىڭ جاڭا ومىرشەڭدىگىن تاسقىنداتۋ كەرەك. ول كاسىپورىن جۇمىسشى ـ قىزمەتكەرلەرىنە بىلاي دەدى: ەلىمىزدىڭ ونەركاسىبىنىڭ دامۋى وتكەندە قوس قولمەن ىستەۋگە سۇيەنگەن، قازىر وزىق تەحنولوگيا جانە جابدىققا سۇيەنىپ دەڭگەيىن جوعارىلاتۋعا تۋرا كەلەدى. ناقتى شارۋاشىلىق مەملەكەتتى گۇلدەندىرەدى، ىسكەرلىك ەلدى كوركەيتەدى. سىزدەردىڭ كۇش ۇستىنە كۇش قوسىپ، تاعى دا تىڭ بەلەسكە كوتەرىلىپ، جاساۋ كاسىبىندە قۋاتتى ەل قۇرۋعا كوبىرەك ۇلەس قوسۋلارىڭىزدى ءۇمىت ەتەمىن.

7 ـ ايدىڭ 8 ـ كۇنى تۇستەن بۇرىن شي جينپيڭ سانشي ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، سانشيدىڭ ءتۇرلى جاقتاردا قول جەتكىزگەن ناتيجەلەرىن تۇراقتاندىرىپ، كەلەسى قادامداعى قىزمەتتەر جونىندە تالاپ قويدى.

شي جينپيڭ بىلاي دەپ اتاپ كورسەتتى: مەملەكەتتىك بايلىق ۇلگىسىندەگى ەكونوميكانىڭ تيپ جاڭالاۋىنداعى جالپى تۇلعالىق رەفورما سىناق رايونىن قۇرۋ — پارتيا ورتالىق كوميتەتىنىڭ سانشيگە تاپسىرعان ستراتەگيالىق مىندەتى، يدەيانى اناعۇرلىم بىرلىككە كەلتىرىپ، تاباندىلىقتى ساقتاپ، تيپ جاڭالاپ دامۋدى تاباندىلىقپەن، تارتىپپەن ىلگەرىلەتۋ كەرەك. ەنەرگيانىڭ تيپ جاڭالاۋىن، كاسىپ سالاسىنىڭ دارەجەسىن جوعارىلاتۋدى جانە ۇيلەسىمدى كوپ نەگىزدى دامۋدى ءتۇيىندى تۇردە ويداعىداي يگەرۋ كەرەك. مەملەكەتتى كومىر، ەلەكترمەن قامداۋ جاۋاپكەرشىلىگىن مىقتاپ يگەرۋ العى شارتىندا، كومىر كاسىبىنىڭ تومەن دەڭگەيدەن جوعارى دەڭگەيگە، كومىر ونىمدەرىنىڭ باستاپقى جانار زاتتان جوعارى قۇندى ونىمگە كوتەرىلۋىن ىلگەرىلەتۋ كەرەك، سونىمەن بىرگە ەلىمىزدىڭ ماڭىزدى ەنەرگيا شيكىزات بازاسىن جوعارى دەڭگەيدە تۇلعالاۋدى كوزدە ۇستاپ، جەل ەلەكتر، فوتوۆولت ارقىلى ەلەكتر تاراتۋ، سۋتەگى ەنەرگياسى سياقتى ەنەرگيالاردى سايكەستى دامىتىپ، جاڭاشا ەنەرگيا جۇيەسىن ورناتۋ كەرەك. ءداستۇرلى كاسىپ سالالارىنىڭ تيبىن جاڭالاپ دارەجەسىن جوعارىلاتۋدى تىڭعىلىقتى ىلگەرىلەتىپ، جاڭاشا وندىرگىش كۇشتى دامىتۋدى ارقاۋ ەتە وتىرىپ جاڭادان گۇلدەنگەن كاسىپ سالالارىن جانە بولاشاق كاسىپ سالالارىن جەرگىلىكتى جاعدايعا قاراي ورنالاستىرىپ، سانشي ەرەكشەلىگىن ايگىلەيتىن، سالىستىرمالى ارتىقشىلىققا يە وسىزاماندانعان كاسىپ سالاسى جۇيەسىن بىرتىندەپ قالىپتاستىرۋ كەرەك. كوپ نەگىزدى دامۋ شارت ـ جاعدايىنان ويداعىداي پايدالانىپ، شارۋاشىلىق ـ ساۋدا ورتاسىن ساپالىلاندىرىپ، تيجارات تۇلعالارىنىڭ ومىرشەڭ كۇشىن قاۋلاتىپ، بايلىق باسىمدىعىن دامۋ باسىمدىعىنا ويداعىداي اينالدىرۋ كەرەك.

شي جينپيڭ بىلاي دەپ باسا دارىپتەدى: تيپ جاڭالاپ دامۋدا، ءسوز جوق، حاۋىپسىزدىك، ورنىقتىلىق تومەنگى شەگىن مىقتاپ ساقتاۋ كەرەك. جۇمىستاندىرۋدى ورنىقتىرۋعا، كاسىپورىنداردى ورنىقتىرۋعا، بازاردى ورنىقتىرۋعا، مەجەنى ورنىقتىرۋعا كۇش سالىپ، ”قارتتار مەن بالالار“ سياقتى ءتۇيىندى حالىق تۇرمىسىن قامتاماسىز ەتۋ بويىنشا قىزمەت وتەۋدى كۇشەيتىپ، قيىنشىلىعى بار بۇقارانىڭ نەگىزگى تۇرمىسىن ەڭ تومەنگى شەكتەن تۇسىرمەۋ كەرەك. پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋدى تەرەڭدەتىپ، قوعام اماندىعى بويىنشا تۇتاس تۇلعالىق ساقتانۋ ـ تىزگىندەۋدى كۇشەيتىپ، قارا كۇشتەردى الاستاۋدى، سۇرقيا كۇشتەردى جويۋدى ۇدايىلاندىرا ورىستەتىپ، ءتۇرلى زاڭعا قايشى قىلمىستىق ارەكەتتەرگە زاڭ بويىنشا سوققى بەرىپ، قوعامدىق كەلەلى جاعدايدىڭ ورنىقتىلىعىنا شىنايى كەپىلدىك ەتۋ كەرەك. تاۋدى وڭاۋدى، سۋدى وڭاۋدى، اتموسفەرانى وڭاۋدى، قالانى باسقارۋدى ءبىر تۇلعالى ىلگەرىلەتىپ، قۇمايتتانۋدان ساقتانۋدى، قۇمدى تىزگىندەۋدى جانە وزەن الابىنداعى سۋدىڭ سارقىلۋىن، توپىراقتىڭ شايىلۋىن وڭاۋدى جاپپاي كۇشەيتىپ، ءتۇيىندى كاسىپ سالالارىندا ەنەرگيا ۇنەمدەپ، كومىر قىشقىل گازىنىڭ شىعارىلۋىن ازايتۋدى ۇزدىكسىز ىلگەرىلەتىپ، كەن ەكولوگياسىن قالپىنا كەلتىرۋدى تىڭعىلىقتى ورىستەتىپ، ەكولوگيالىق حاۋىپسىزدىكتى شىنايى قورعاۋ كەرەك. ءوندىرىس حاۋىپسىزدىگىن كۇشەيتىپ، ءتۇرلى باقىلاۋ ـ باسقارۋ ءتۇزىمىن قاتاڭ تياناقتاندىرىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ جانە ونى تەجەۋ كەرەك. قازىر نەگىزگى تاسقىن مەزگىلى كەلدى، تاسقىننان ساقتانۋ، تاسقىنعا قارسى اتتانۋ دايىندىق جوباسىن جانە اپاتتان ساقتانۋ، اپات شىعىنىن ازايتۋ، اپاتتان قۇتقارۋ دايىندىق قىزمەتىن دەن قويا ويداعىداي ىستەۋ كەرەك.

شي جينپيڭ بىلاي دەپ اتاپ كورسەتتى: ءسوز جوق، ماڭگى جولدامىز دەيتىن قايسارلىق جانە تاباندىلىق ارقىلى پارتيانى جاپپاي قاتاڭ باسقارۋدى ىلگەرىلەتۋ كەرەك. وزىنە ـ ءوزى توڭكەرىس جاساۋ رۋحىن ساۋلەلەندىرىپ، پارتيانى باسقارۋ، پارتيانى جونگە سالۋ جاۋاپكەرشىلىگىن تياناقتاندىرىپ، پارتيالىلىقتى، پارتيا ستيلىن، پارتيا ءتارتىبىن بىرگە يگەرۋگە، ستيلدى دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى ساباقتاستىرۋعا تاباندى بولىپ، قاتاڭ نەگىزگى اۋەنگە، قاتاڭ شاراعا، قاتاڭ رايعا ۇزاق ۋاقىت تاباندى بولىپ، ستيلى پاك، سالتى دۇرىس ساياسي ەكولوگيانى قۇلشىنا قالىپتاستىرۋ كەرەك. ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىنىڭ كەيىنگى قىزمەتتەرىن مىقتاپ يگەرىپ، ەگجەي ـ تەگجەيلى يگەرىپ، ىشكەرىلەي دايەكتىلەندىرۋ، ماسەلەلەردى تەكسەرىپ ورتاعا قويۋدا شىنايى بولۋ، رەتتەۋ ـ تۇزەتۋ شارالارى ناقتى بولۋ، ناقتى ونىمدىلىككە قول جەتكىزۋگە شىنايى كەپىلدىك ەتۋ كەرەك. ۇيرەنۋ تاربيەسىنىڭ ونىمدىلىگىن جانە تاجىريبەلەرىن دەر كەزىندە قورىتىندىلاپ، ستيل قۇرىلىسىنىڭ ۇدايىلانعان، ۇزاق ۋاقىت ءونىمدى ءتۇزىم ـ مەحانيزمىن كەمەلدەندىرۋ كەرەك.

حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.