«جۇڭگو ۇلگىسىندەگى وسىزامانداندىرۋ − جالپى حالىق بىرگە اۋقاتتاناتىن وسىزامانداندىرۋ» (باس شۋجيدىڭ حالىقشىلدىق سۇيىسپەنشىلىگى)

فۋجياننىڭ دۇڭشان اۋدانى، اۋجياۋ قىستاعىنىڭ ءۇش جاعى تەڭىزگە ءتيىپ تۇر. 2001 - جىلى شي جينپيڭ جولداس وسىندا كەلگەن بولاتىن؛ 23 جىلدان كەيىن قىستاققا قايتا كەلىپ، قىستاقتا زور وزگەرىستەردىڭ بولعانىن كورگەندە باس شۋجي شي جينپيڭ ەرەكشە ءسۇيىنىپ، كوپشىلىكتى ”اۋىل - قىستاقتى گۇلدەندىرۋ، بىرگە بايۋ جولىندا العان بەتىنەن قايتپاي العا باسۋعا“ شابىتتاندىردى.

پارتيا 20 - قۇرىلتايىنىڭ بايانداماسىندا: ”جۇڭگو ۇلگىسىندەگى وسىزامانداندىرۋ − جالپى حالىق بىرگە اۋقاتتاناتىن وسىزامانداندىرۋ“ دەپ ورتاعا قويىلدى.

ۋاقىت وزەگىن بويلاپ وي جۇگىرتسەك، باس شۋجي شي جينپيڭ بىرگە بايۋدى ەسىنەن شىعارمادى.

جەرگىلىكتى ورىندا قىزمەت ىستەگەن كەزدە ”الدىمەن اۋقاتتانعاندار سوڭىنان اۋقاتتانعانداردى جەتەكتەۋ“، ”پارىقتاردى ازايتۋ“ دەگەندى ورتاعا قويدى؛

جۇڭگو كوممۋنيستىك پارتياسى 18 - كەزەكتى ورتالىق كوميتەتى ساياسي بيۋروسىنىڭ تۇراقتى مۇشەلەرى جۇڭگولىق، شەتەلدىك تىلشىلەرمەن كەزدەسكەندە، ”بىرگە اۋقاتتانۋ جولىمەن بۇلجىماي ءجۇرۋدى“ باسا دارىپتەدى؛

پارتيا 19 - قۇرىلتايىنىڭ بايانداماسىندا: ”جالپى حالىقتىڭ بىرگە بايۋىن ىسكە اسىرۋعا قاراي ۇزدىكسىز قادام تاستادىق“ دەپ اتاپ كورسەتىلدى؛

پارتيا 20 - قۇرىلتايىنىڭ بايانداماسىندا: ”جالپى حالىقتىڭ بىرگە بايۋىن كۇش سالا جەبەۋ كەرەك“ دەپ باسا دارىپتەلدى؛

...

”جالپى حالىقتىڭ بىرگە بايۋى“ دەگەن ءسوز نە ءۇشىن اسا سالماقتى بولادى؟ باس شۋجي ءبىر سوزىندە: ”بۇكىل پارتياداعىلار ادام ماسەلەسىنىڭ نەلىكتەن ءبىر ساياسي پارتيانىڭ، ءبىر اكىمياتتىڭ سيپاتىن سىنايتىن سىنتاس ەكەنىن ەستە بەرىك ساقتاۋى كەرەك. حالىقتى تاماشا تۇرمىس جاراتۋعا باستاۋ − پارتيامىزدىڭ باستان - اياق بۇلجىماي كەلە جاتقان كۇرەس نىساناسى“ دەيدى.

جالپى حالىقتىڭ بىرگە اۋقاتتانۋىن جۇزەگە اسىرۋ _ جۇڭگو كوممۋنيستىك پارتياسىنىڭ بۇلجىماس قۇن تالپىنىسى، جۇڭگوشا سوتسياليزمنىڭ ماندىك تالابى، سونداي - اق ءبىر ميلليارد 400 ميلليوننان استام جۇڭگو حالقىنىڭ وسىزاماندانۋعا قادام تاستاۋىنىڭ تابيعي تالعامى.

”جالپى حالىقتىڭ بىرگە اۋقاتتانۋى“ قالاي جۇزەگە اسادى؟ باس شۋجيدىڭ ءسوزى ايقىن بولدى: ”قالا مەن اۋىلدىڭ پارقىن، وڭىرلەردىڭ پارقىن، كىرىس پارقىن ازايتۋدى نەگىزگى قامال الۋ باعىتى ەتۋ كەرەك“.

بىرگە اۋقاتتانۋدى جەبەۋدىڭ ەڭ جاپالى، ەڭ اۋىر مىندەتى ءالى دە اۋىل - قىستاقتا. قالىڭ اۋىل - قىستاق ءوڭىرىنىڭ وسىزاماندانۋىن باس شۋجي شي جينپيڭ تەرەڭ سۇيىسپەنشىلىكپەن ەسكە الىپ، ستراتەگيالىق ورنالاستىرۋ جاسادى: ”جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوز جوق، اۋىل - قىستاقتى گۇلدەندىرۋدى جاپپاي ىلگەرىلەتىپ، قالا، اۋىلدىڭ وڭىرلىك دامۋىنداعى بىركەلكىسىزدىك ماسەلەسىن ويداعىداي شەشۋ كەرەك“، ”اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەل ىلگەرىلەتۋ كەرەك“، ”كاسىپ سالاسىن گۇلدەندىرۋدى، اۋداندى نىعايتۋدى، حالىقتى بايىتۋدى ءبىر تۇلعالاندىرىپ دامىتۋدى ىلگەرىلەتۋ كەرەك“...

قالا مەن اۋىلدىڭ پارقىن ازايتۋدىڭ تەتىگى توعىسپالى دامۋدا. پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ «قارارىندا»: ”قالا مەن اۋىلدىڭ توعىسپالى دامۋى − جۇڭگو ۇلگىسىندەگى وسىزامانداندىرۋدىڭ تابيعي تالابى“ دەپ اتاپ كورسەتىلدى.

اۋدان ورتالىعىن ماڭىزدى دانەكەر ەتكەن جاڭاشا قالا - قالاشىقتاندىرۋ قۇرىلىسىن ىلگەرىلەتىپ، قايتا كەدەيلەسۋدەن ساقتانۋدى باقىلاۋ - ولشەۋدى ويداعىداي يگەردى... پارتيا ورتالىق كوميتەتى اۋىل شارۋاشىلىعىنىڭ ونىمدىلىگىن ارتتىرۋدى، شارۋالاردىڭ كىرىسىن ارتتىرۋدى، اۋىل - قىستاقتىڭ ومىرشەڭدىك قۋاتىن ارتتىرۋدى ۇزدىكسىز ىلگەرىلەتتى.

رايونداردىڭ پارقىن كىشىرەيتىپ، رايونداردىڭ سايكەستى دامۋىن جۇزەگە اسىرۋ — بىرگە اۋقاتتانۋدا ءسوزسىز باسىپ وتەتىن جول. پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىرقىدىرۋ وڭىرلىك سايكەستى دامۋ ستراتەگياسى، وڭىرلىك كەلەلى ستراتەگيا ىركەس - تىركەس اتقارىلىپ، وڭىرلەر ەكونوميكالىق جاقتا اناعۇرلىم تىعىز بايلانىسىپ، ءبىر تۇلعالاندى.

2024 - جىلى 12 - ايدا باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 18 - رەتكى توپتىق ۇيرەنۋىن باسقارعاندا بىلاي دەپ باسا دارىپتەدى: ”جۇڭگو ۇلگىسىندەگى وسىزامانداندىرۋدى ىلگەرىلەتۋدە شەكارا وڭىرلەردىڭ بىردە - بىرەۋىنىڭ قاعىس قالۋىنا بولمايدى“.

”جالپى حالىقتىڭ بىرگە بايۋىن ىلگەرىلەتۋ − ەڭ جاپالى مىندەت“، ”بايىرعى رايونداعى حالىقتىڭ رەفورمانىڭ، دامۋدىڭ جەتىستىكتەرىنەن بىرگە يگىلىكتەنۋىنە، باقىتتى تۇرمىس كەشىرۋىنە كەپىلدىك ەتۋ − جالپى حالىقتىڭ بىرگە بايۋىن ىلگەرىلەتۋدەگى تومەنگى شەكتەگى مىندەت“... باس شۋجي سۇيەمەلدەۋدى ەڭ قاجەت ەتەتىن رايونداردى باستان - اياق ەستەن شىعارمادى.

1997 - جىلى ”جۇپىنى كۇيدە قالعان“ نيڭشيانىڭ شيحايگۋىنە كەلگەندە، شي جينپيڭ جولداس باعىتتامالى كومەكتەسۋ - سۇيەمەلدەۋدى ىلگەرىلەتۋگە بەل بايلادى، فۋجيان مەن نيڭشيانىڭ سەلبەستىگى گۇل اشىپ، جەمىس بەردى. ”شىعىس، باتىس بولىكتەردىڭ سەلبەسۋىن جانە تۇيىندە تۇرىپ كومەكتەسۋ - سۇيەمەلدەۋدى ورىستەتۋ _ پارتيا ورتالىق كوميتەتىنىڭ وڭىرلەردىڭ سايكەستى دامۋىن ىلگەرىلەتۋدى كوزدەي وتىرىپ جاساعان كەلەلى شەشىمى“. باس شۋجي شي جينپيڭ بولاشاقتى كوزدەدى.

كىرىس پارقىن ازايتىپ، حالىق تۇرمىسىنىڭ ىرىس - قۇتىن ارتتىرۋ − ادامنىڭ جان - جاقتى دامۋىن، جالپى حالىقتىڭ بىرگە بايۋىن جۇزەگە اسىرۋدا، ءسوزسىز، جاۋاپ بەرۋگە ءتيىستى ماسەلە. ”پارتيا ورتالىق كوميتەتىنىڭ جالپى حالىقتىڭ بىرگە بايۋىن بىرتىندەپ جۇزەگە اسىرۋ جونىندەگى تالابىن تياناقتاندىرىپ، بۇقارانى قاجىرلىلىقپەن كۇرەس جۇرگىزۋگە، ەڭبەكشىلدىكپەن بايۋعا باستاپ، كىرىس، جۇمىستانۋ، وقۋ - اعارتۋ، قوعامدىق قامتاماسىزداندىرۋ، ەمدەۋ قامسىزداندىرۋى، ەمدەۋ، ءدارى - دارمەك، دەنساۋلىق ساقتاۋ، تۇرعىن ءۇي سياقتى جاقتاردا ناقتى جەتىستىكتەرگە ۇزدىكسىز قول جەتكىزۋ كەرەك“. باس شۋجي وسىلاي دەپ ىقىلاستى تاپسىرما بەردى.

7 - ايدىڭ 30 - كۇنى اشىلعان جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ماجىلىسىندە: ”حالىق تۇرمىسىن قامتاماسىز ەتۋ قىزمەتىن تىڭعىلىقتى ويداعىداي ىستەۋ كەرەك“، ”جوعارى مەكتەپ بىتىرگەن وقۋشىلار، قوسىننان شەگىنگەن اسكەريلەر، شارۋا جۇمىسكەرلەر سياقتى ءتۇيىندى قاۋىمدى جۇمىستاندىرۋدى جەبەۋ كەرەك“، ”ساتىعا، تۇرگە بولىنگەن قوعامدىق قۇتقارۋ - كومەكتەسۋ جۇيەسىن اقاۋسىزداندىرۋ كەرەك“، ”كولەمدى قايتا كەدەيلەسۋدىڭ، كەدەيلەسۋدىڭ تۋىلماۋىنا شىنايى كەپىلدىك ەتۋ كەرەك“ دەپ باسا دارىپتەدى.

جانىنداعى ىستەر، كوڭىل اۋدارعان ىستەر، ناقتى ىستەر مەملەكەتتىڭ دامۋ جوعارى دەڭگەيلى جوباسىمەن توعىسىپ، بۇقارانىڭ تابىس سەزىمىنە، باقىت سەزىمىنە، حاۋىپسىزدىك سەزىمىنە اينالدى: 2024 - جىلى ولكە اتتاپ باسقا جەردە ەمدەلۋدە تىكەلەي ەسەپ جابۋدان 238 ميلليون ادام - رەت يگىلىكتەندى؛ قامتاماسىزداندىرۋ سيپاتتى تۇرعىن ءۇي، قامتاماسىزداندىرۋ سيپاتتى جالعا بەرىلەتىن تۇرعىن ءۇي جانە الەۋمەتتىك جالعا بەرىلەتىن ءۇي سياقتى ءبىر ميلليون 800 مىڭ ءۇي (بولمە) سالىنا باستادى جانە وعان قارجى توپتالدى، ءبىر توپ جاڭا قالا تۇرعىندارىنىڭ، جاستاردىڭ، شارۋا جۇمىسكەرلەردىڭ تۇرعىن ءۇي ماسەلەسى شەشىلدى...

باس شۋجي شي جينپيڭ بىلاي دەپ باسا دارىپتەدى: ”بىرگە بايۋدى جۇزەگە اسىرۋ ەكونوميكالىق ماسەلە عانا ەمەس، ونىڭ ۇستىنە پارتيانىڭ بيلىك جۇرگىزۋ نەگىزىنە ساياتىن كەلەلى ساياسي ماسەلە.

قاجەت پەن مۇمكىندىكتى ءبىر تۇتاس ويلاستىرىپ، ەكونوميكالىق، قوعامدىق دامۋ زاڭدىلىعى بويىنشا بىرتىندەپ ىلگەرىلەتىپ، وڭىرلەردىڭ پارقى، قالا مەن اۋىلدىڭ پارقى، كىرىس پارقى سياقتى ماسەلەلەردى سانالىلىقپەن، ىرىقتىلىقپەن شەشۋ كەرەك“.

تىڭعىلىقتى ىستەپ، ۇزاق ۋاقىت ۇلەس قوسىپ، ناقتى ءىس ىستەپ، ءىستى ءبىر - بىرلەپ ويداعىداي ىستەۋ كەرەك. جۇڭگوشا سوتسياليزم جولىمەن بۇلجىماي جۇرسەك بولعانى، ءسوز جوق، حالىقتىڭ تاماشا تۇرمىسقا دەگەن تالپىنىسىن ۇزدىكسىز جۇزەگە اسىرىپ، جالپى حالىقتىڭ بىرگە اۋقاتتانۋىن ۇزدىكسىز ىلگەرىلەتە الامىز.

كەلۋ قاينارى: حالىق تورابى