نيڭبو دۇنيە جۇزىندەگى وزىق جاساۋ كاسىبى بازاسىن جەدەل قۇردى (ەرلىكپەن العا ۇمتىلىپ، ”14 - بەسجىلدىقتىڭ“ شەشۋشى جەڭىسىنە قول جەتكىزەيىك)

بۇكىل دۇنيە جۇزىندەگى اندرويد جۇيەسى ورناتىلعان 3 قول تەلەفوننىڭ بىرەۋى جىجياڭنىڭ نيڭبو قالاسىنان شىعادى؛ بۇكىل دۇنيە جۇزىندەگى %90 تەن استام تىگىن ماشيناسى زاۆودى نيڭبو وندىرگەن اينالمالى ۇرشىقتان پايدالانادى؛ دۇنيە جۇزىندەگى جوعارى دالدىكتەگى ستانوكتان جاسالعان نازىك قالىپ پەن نازىك ۇساق بولشەكتەرگە ىستەتىلەتىن كەسكىشتىڭ %40 ى نيڭبودا شىعارىلادى ... ارنايىلانۋ مەن سۇرىپتالۋدى كوزدەگەن نيڭبوداعى ءبىر توپ كاسىپورىن دۇنيە جۇزىلىك كاسىپ تىزبەگىندە تابان تىرەپ تۇردى.

2023 - جىلى 9 - ايدا باس شۋجي شي جينپيڭ جىجياڭدا قىزمەت تەكسەرگەندە بىلاي دەپ اتاپ كورسەتتى: ”ناقتى ەكونوميكانى وسىزاماندانعان كاسىپ سالاسى جۇيەسىن ورناتۋدىڭ نەگىزى ەتىپ، ءداستۇرلى كاسىپ سالاسىنىڭ وزىق، قولدانىلمالى تەحنيكالاردى جەدەل قولدانۋىنا جەتەكشىلىك ەتىپ جانە قولداۋ كورسەتىپ، جاساۋ كاسىبىنىڭ جوعارى دەڭگەيدە، زەردەلىلەنگەن، جاسىلدانعان دامۋىن ىلگەرىلەتۋ كەرەك“. بيىل 7 - ايدىڭ 30 - كۇنى اشىلعان جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ماجىلىسىندە: ”عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسا دامۋىن ىلگەرىلەتۋ كەرەك“ دەپ باسا دارىپتەلدى.

باس شۋجي شي جينپيڭنىڭ ماڭىزدى ءسوزىنىڭ رۋحىن جانە پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ىشكەرىلەي دايەكتىلەندىرىپ، تياناقتاندىرعان نيڭبو دۇنيە جۇزىندەگى وزىق جاساۋ كاسىبى بازاسىن جەدەل قۇرىپ، كاسىپ سالاسىنىڭ قۋات دەڭگەيىن ۇزدىكسىز جوعارىلاتتى.

”جەكە تۇردەگى اعا جۇلدەگەرلىكتى“ سومداپ، جارىس جولىندا تىڭعىلىقتى ىستەپ، جىنتىكتەي ءبولدى.

”تاپسىرىس 2027 - جىلعا دەيىن قابىلدانىپ بولدى“. جۇزدەسكەننەن كەيىن نيڭبو جۇڭكى شياڭلۇڭ جەڭىل شامالاۋ عىلىم ـ تەحنيكا شەكتى سەرىكتەستىگىنىڭ بىرلەسىپ قۇرۋشىسى جۋ مىڭشيڭ ناتيجەنى كورسەتتى: بيىل الدىڭعى جارتى جىلدا تيجارات كىرىسى بىلتىرعى سول تۇستاعىدان %100 ارتتى، مەجەمەن تۇتاس جىلدا %220 ارتپاق.

ۇلكەن ولشەمدەگى ۇشاق موتورىنىڭ بولشەكتەرىنەن حالىقتىق عارىش موتورىنىڭ بولشەكتەرىنە دەيىن، ونان عارىشتىڭ شەشۋشى قۇرىلىمدىق بولشەكتەرىنىڭ سالماعىن %42 ازايتۋعا دەيىن... جۇڭكى شياڭلۇڭ جەڭىل شامالاۋ عىلىم ـ تەحنيكا شەكتى سەرىكتەستىگى جاڭالىق اشۋعا تاباندى بولىپ، ساۋدا، عارىش ىستەرىندەگى جەڭىل شامالاپ جاساۋدى تىڭعىلىقتى ىستەدى. 2024 - جىلدىڭ وزىندە جۇڭكى شياڭلۇڭ توبى 27 ءتۇرلى ساۋدا، عارىش نىسانىن ۇستىنە الىپ، بازار يەلەۋ شاماسى بۇكىل ەل بويىنشا الدىڭعى قاتارعا ءوتتى.

كومەسكى كۇشى بار كاسىپورىندار، ءتۇيىندى كاسىپورىندار، ارنايىلانعان، كەمەلدەنگەن، ەرەكشەلەنگەن، جاڭاشالانعان شاعىن قۋاتتى كاسىپورىندار، جاساۋ كاسىبىنىڭ جەكە تۇردەگى اعا جۇلدەگەر كاسىپورىندارى... نيڭبو ساتىلى جەتىلدىرۋ جۇيەسىن ورناتىپ، ءىرى، ورتا، شاعىن كاسىپورىنداردىڭ سايكەستى دامۋىن جەبەپ، تەحنيكادان ونىمگە، ونان كاسىپ سالاسى تىزبەگىنە دەيىن جاپپاي دارەجەسىن جوعارىلاتۋدى ىلگەرىلەتتى. قازىر نيڭبودا مەملەكەت دارەجەلى 104 جاساۋ كاسىبىنىڭ جەكە تۇردەگى اعا جۇلدەگەر كاسىپورنى بار.

بيىل الدىڭعى جارتى جىلدا نيڭبو قالاسىنىڭ جاڭادان گۇلدەنگەن كاسىپ سالاسىنىڭ دامۋ بەتالىسى جاقسى بولدى، جوعارى تەحنيكالى جاساۋ كاسىبى، سيفرلى ەكونوميكالىق جاساۋ كاسىبى، جابدىق جاساۋ كاسىبىنىڭ ارتقان قۇنى وتكەن جىلدىڭ ۇقساس مەزگىلىندەگىدەن جەكە ـ جەكە %13.1، %7.7 جانە %6.5 ارتتى.

تىزبەك شوعىرىندا ساپانى سايكەسە جوعارىلاتىپ، كاسىپ سالاسىنىڭ قۋات دارەجەسىن جوعارىلاتتى.

نيڭبو جوۋشان پورتىندا جاڭا ەنەرگيالى اۆتوموبيلدەر ساقاداي ساي تۇر. نيڭبو كەدەنىنىڭ ساناعىنا قاراعاندا، بيىل الدىڭعى جارتى جىلدا نيڭبو شەكارا وتكەلىنەن جيىنى 107 مىڭ جاڭا ەنەرگيالى اۆتوموبيل ەكسپورت ەتىلىپ، وتكەن جىلدىڭ ۇقساس مەزگىلىندەگىدەن %275 ارتقان.

جوعارى قارقىنمەن ارتۋدىڭ استارىندا نيڭبوداعى 5000 اۆتوموبيل بولشەكتەرى كاسىپورنى جوعارى ونىمدىلىكپەن سەلبەسىپ، راديۋسى 50 كيلومەترلىك قامداۋ تىزبەگىن قۇردى. بييادي شىعىس جۇڭگو ءوندىرىس بازاسى نيڭبوعا ىرگە تەپكەننەن كەيىن، جەرگىلىكتى ورىننىڭ تۇلعالاندىرۋ مولشەرى جارتى جىل ىشىندە %35 تەن %68 كە جوعارىلاپ، ”تۇستەن بۇرىن بولشەك كەمشىل بولسا، تۇستەن كەيىن جەتكىزۋدى“ جۇزەگە اسىردى.

قازىرگە دەيىن نيڭبوداعى جوعارى، جاڭا تەحنيكا كاسىپورىندارى 8800 دەن اسىپ، جوعارى، جاڭا تەحنيكا كاسىبىنىڭ ارتقان قۇنىنىڭ كولەمدەنگەن ونەركاسىپتىڭ ارتقان قۇنىنداعى سالىستىرماسى %60 تەن اسىپ، مەملەكەتتىڭ وزىق جاساۋ كاسىبى شوعىرى مەن مەملەكەت دارەجەلى ورتا، شاعىن كاسىپورىنداردىڭ ەرەكشەلىككە يە كاسىپ سالاسى شوعىرىن ءساتتى قۇردى.

سيفرلانۋ مەن جاسىلدانۋ ىشكەرىلەي توعىسىپ، دامۋ باسىمدىعىن قايتا سومدادى.

زەردەلى ءوندىرىس جەلىسىندە جاسىل ەنەرگيا قوزعالتقىش مەحانيكالىق بىلەك باياۋ جايىلىپ، زەردەلى مەڭگەرۋ مودۋلى مىقتى يگەرىپ، سىرتقى قورابىنا دالمە ـ ءدال كىرىستىرىلدى. سۋلياۋ قاباتىن قاپتاۋ، قىسىم ءتۇسىرۋ، بۇركۋ ... ءبىر جوعارى قىسىمدى قازان 30 سەكۋندتا قۇراستىرىلىپ بولىپ، قوراپقا تيەلىپ، سىرتقا شىعارۋعا دايىن بولدى.

نيڭبو يۇيياۋ، جىجياڭ بي - ي ەلەكتر جابدىقتارى شەكتى جارنا سەرىكتەستىگى زاۆودىنىڭ توبەسىندە، 5 مەگاۋاتتىق ءۇي توبەسىندەگى تارالمالى فوتوۆولت تاقتاسى كۇن نۇرىندا جارقىراپ تۇر. ”فوتوۆولتتىق جاسىل ەلەكتر، ونىڭ ۇستىنە تاياۋدا ىسكە قوسىلعان ەنەرگيا ونىمدىلىگى 1 - دارەجەلى اۋا سىعىمداۋ پۋنكتىن قوسقاندا، ءبىر جىلدا ءبىر ميلليون 700 مىڭ يۋاننان استام ۇنەمدەۋگە بولادى“ دەدى بي - ي ەلەكتر جابدىقتارى باقىلاۋشىلار القاسىنىڭ ءتوراعاسى پان زايميڭ.

ەلىمىزدىڭ ماڭىزدى وزىق جاساۋ كاسىبى بازاسى رەتىندە، نيڭبو سيفرلاندىرۋ مەن جاسىلداندىرۋدى ىشكەرىلەي توعىستىرۋ بارىسىندا تيپىن وزگەرتۋدىڭ جاڭا جولىن قاراستىردى. ءبىر توقىماشىلىق كاسىپورنى جوعارى كومىرتەگىن، لاستاۋى جوعارى بۋىنداردى پارىقتاۋعا بولاتىن يكەمدى سيفرلاندىرۋ سەحىن قۇردى؛ ءبىر جاڭا ماتەريال كاسىپورنى سيفرلى تەحنيكانىڭ جاسىل جوبالاۋدا قولدانىلۋىن بەلسەنە كەڭەيتتى... 2024 - جىلى نيڭبو قالاسى كولەمدەنگەن ونەركاسىپ كاسىپورىندارىن سيفرلاندىرىپ جاڭالاۋداعى 2700 دەن استام نىساندى اتقارىپ، كولەمدەنگەن ونەركاسىپ كاسىپورىندارىن سيفرلاندىرىپ جاڭالاۋدىڭ جاپپاي قامتۋىن جۇزەگە اسىردى؛ مەملەكەت دارەجەلى ون ءبىر 5G زاۆودى، ولكە دارەجەلى التى بولاشاق زاۆودى تىڭنان قوسىلدى.

”باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاعان نيڭبو جاڭالىق اشۋ ارقىلى جەتەكشىلىك ەتۋدى بۇلجىماستان كۇشەيتىپ، ناقتى ەكونوميكانى كۇشەيتىپ، دۇنيە جۇزىلىك وزىق جاساۋ كاسىبى بازاسىن جەدەل قالىپتاستىرادى“ دەدى جىجياڭ ولكەلىك پارتكومنىڭ تۇراقتى مۇشەسى، نيڭبو قالالىق پارتكومنىڭ شۋجيى پىڭ جياشۋە.

كەلۋ قاينارى: حالىق تورابى