ورتالىق اسكەري ىستەر كوميتەتىنىڭ بەكىتۋىمەن «شي جينپيڭنىڭ ارميانى قۇدىرەتتەندىرۋ، ارميانى گۇلدەندىرۋ جونىندە (4)» بايىمداۋلارى بۇكىل ارمياعا باسىپ تاراتىلدى

شينحۋا اگەنتتىگىنىڭ 8 - ايدىڭ 18 - كۇنى بەيجيڭنەن بەرگەن حابارى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ۇزدىكسىز تەرەڭدەتىپ، بۇكىل ارمياداعى كوماندير-جاۋىنگەرلەردىڭ شي جينپيڭنىڭ ارميانى قۇدىرەتتەندىرۋ يدەياسىن قاز-قالپىندا، جان-جاقتى، جۇيەلى ۇيرەنۋىنە، تۇسىنۋىنە، «ەكىنى تۇراقتاندىرۋدىڭ» شەشۋشى ءمانىن تەرەڭ تۇسىنۋىنە كومەكتەسۋ ءۇشىن، ۇيىتقىنى قورعاۋداعى، قولباسشىلىققا بويسۇنۋداعى ساياسي سانالىلىقتى، يدەيالىق سانالىلىقتى، ارەكەت سانالىلىعىن كۇشەيتۋ ءۇشىن، ورتالىق اسكەري ىستەر كوميتەتىنىڭ بەكىتۋىمەن، اسكەري ىستەر كوميتەتىنىڭ ساياسي قىزمەت ءبولىمى «شي جينپيڭنىڭ ارميانى قۇدىرەتتەندىرۋ، ارميانى گۇلدەندىرۋ جونىندەگى (4) » بايىمداۋلارىن قۇراستىرىپ باسۋعا ۇيىمداستىردى، تاياۋدا رەسمي باسپادان شىعىپ تاراتىلدى.

ورتالىق اسكەري ىستەر كوميتەتى جۋىقتا ۇقتىرۋ شىعارىپ، بۇكىل ارميانىڭ ۇيرەنۋى، پايدالانۋى جونىندە ورنالاستىرۋ جاساپ، ءار دارەجەلى ورىنداردان دەن قويا ۇيىمداستىرىپ، ورنالاستىرۋ جاساپ، «شي جينپيڭنىڭ ارميانى قۇدىرەتتەندىرۋ، ارميانى گۇلدەندىرۋ جونىندەگى (4) » بايىمداۋلارىن ۇيرەنۋدى «شي جينپيڭنىڭ ارميانى قۇدىرەتتەندىرۋ، ارميانى گۇلدەندىرۋ جونىندە (2) »، «شي جينپيڭنىڭ ارميانى قۇدىرەتتەندىرۋ، ارميانى گۇلدەندىرۋ تۋرالى(3)»، «شي جينپيڭ ارميانى قۇدىرەتتەندىرۋ يدەياسىن ۇيرەنۋ باعدارلاماسى (2023-جىلعى باسىلىمى)» سياقتىلارمەن ۇشتاستىرۋدى تالاپ ەتتى. ءتۇپ نۇسقانى تاباندىلىقپەن وقىپ، ءتۇپ نۇسقانى ۇيرەنىپ، قاعيدانى ءتۇسىنىپ، جاڭا داۋىردەگى ارميانى قۇدىرەتتەندىرۋ ىستەرىندە قول جەتكەن تاريحي تابىستارمەن بايلانىستىرۋعا باسا ءمان بەرىپ، اقيقاتتىڭ كۇشى مەن امالياتتىق كۇشىن سەزىنىپ، ونداعى قاعيدا، عىلىم، فيلوسوفيانى اناعۇرلىم ويداعىداي يگەرۋ كەرەكتىگىن تالاپ ەتتى. پارتكومنىڭ نازاريا ۇيرەنۋ وزەكتى گرۋپپاسىنىڭ ۇيرەنۋىندە، كادرلاردى نازاريا بويىنشا كەزەكپەن تاربيەلەۋدە، اسكەري بولىمدەردىڭ يدەيالىق - ساياسي تاربيەسىندە جانە مەكتەپتەردىڭ ساياسي نازاريا وقىتۋىندا «شي جينپيڭنىڭ ارميانى قۇدىرەتتەندىرۋ، ارميانى گۇلدەندىرۋ جونىندەگى (4)» بايىمداۋلارىن ۇيرەنۋدى ماڭىزدى مازمۇن ەتىپ، ۇيرەنۋ جوسپارىنا ەنگىزىپ، جەتە ۇيرەنۋگە، جەتە يگەرۋگە، شىنايى تياناقتاندىرۋعا كۇش سالۋ كەرەك. ساياسي رەتتەۋ - جاتتىعۋدى شوعىرلى ورىستەتۋمەن ۇشتاستىرىپ، يدەيانى ۇيرەنۋ، ءتۇسىنۋ بارىسىندا شىڭدالۋدى، يدەيالىق وزگەرتۋدى كۇشەيتىپ، مۇرات - سەنىم، پارتيالىلىققا باۋلۋ، ءمانساپ ءمورالى، ادامگەرشىلىك سىندى يدەيالىق نەگىز ماسەلەلەرىن اناعۇرلىم ويداعىداي شەشىپ، ساياسي ەكولوگيانى باتىل، پارمەندى كىرشىكسىزدەندىرىپ، حالىق ارميانىڭ كىرشىكسىزدىگىن، داڭقىن بەكەمدەۋ كەرەك. باسشى كادرلار باستاماشىلدىقپەن شىنايى ۇيرەنىپ، شىنايى ءتۇسىنىپ، شىنايى سەنىپ، شىنايى قولدانىپ، وزدەرىنىڭ ۇيرەنۋ جەتىستىكتەرىنەن پايدالانىپ، كوماندير - جاۋىنگەرلەرگە ويداعىداي ۇگىت - لەكسيا جاساپ، جەتەكشىلىك ەتۋگە باسا ءمان بەرۋى، ءار دارەجەلى ساياسي قىزمەت تاراۋلارى ۇيرەنۋگە جەتەكشىلىك ەتۋدى جانە قۋزاۋ - تەكسەرۋدى كۇشەيتۋى، قالىڭ نازاريا قىزمەتكەرلەرى جۇيەلى ۇيرەنۋ - زەرتتەۋدى كۇشەيتىپ، ارميانىڭ اقپارات قۇرالدارى ۇگىت تەبىنىن ارتتىرىپ، اسكەري بولىمدەردىڭ ۇيرەنۋ، دايەكتىلەندىرۋ ونىمدىلىگىن جاندى بەينەلەپ، نازاريامەن قارۋلانۋدىڭ تەرەڭدەۋىن، ناقتىلانۋىن ىلگەرىلەتۋى كەرەك. نازاريانى امالياتپەن ۇشتاستىرۋ سىندى ۇيرەنۋ ستيلىن بارىنشا ساۋلەلەندىرىپ، ۇيرەنۋ جەتىستىكتەرىن ءىس جۇزىندىك ونىمدىلىك ارقىلى سىننان وتكىزۋ بەتالىسىن بەرىك ورناتىپ، ۇيرەنۋ ونىمدىلىگىن قۇلشىنا قامال الۋدىڭ، ارميانى قۇدىرەتتەندىرۋدىڭ جاندى امالياتىنا شىنايى اينالدىرىپ، جاڭا داۋىردەگى بورىش پەن مىندەتتى اتقارۋ قابىلەتىن جاپپاي جوعارىلاتىپ، ارميا قۇرىلعاندىعىنىڭ 100 جىلدىعىن ۇزدىك ناتيجەلەرمەن قارسى الۋىمىز كەرەك.

كەلۋ قاينارى: حالىق تورابى