«شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەردىڭ» وزبەكشە باسىلىمىنىڭ تۇڭعىش تاراتىلۋ سالتى تاشكەنتتە وتكىزىلدى

شينحۋا اگەنتتىگى، 8 - ايدىڭ 19 - كۇنى، تاشكەنت (ءتىلشى لي اۋ). «شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەردىڭ» وزبەكشە باسىلىمىنىڭ تۇڭعىش تاراتىلۋ سالتى جانە اۋىس - كۇيىس، زەرتتەۋ - تالقى ءماجىلىسى 8 - ايدىڭ 19 - كۇنى وزبەكستاننىڭ استاناسى تاشكەنتتە وتكىزىلدى.

مەملەكەتتىك ساياسي كەڭەسىنىڭ تۇراقتى مۇشەسى، ۇلت جانە ءدىن ىستەرى كوميتەتى مەڭگەرۋشىسىنىڭ ورىنباسارى، جۇڭگو ادامدىق ۇقىقتى زەرتتەۋ قوعامى باستىعىنىڭ ۇنەمىلىك ىستەرگە جاۋاپتى ورىنباسارى جياڭ جيانگو، وزبەكستان مەملەكەتتىك ادامدىق ۇقىق ورتالىعىنىڭ مەڭگەرۋشىسى اكمار سايدوۆ، جۇڭگونىڭ وزبەكستاندا تۇراتىن باس ەلشىسى يۇ جۇن قاتارلىلار قيمىلعا قاتىناستى ءارى ارناۋ ءسوز سويلەدى، جۇڭگو مەن وزبەكستاننىڭ ساياسي سالاسىنىڭ، پاراسات قامباسىنىڭ، جوعارى مەكتەپتەرىنىڭ، اقپارات قۇرالدارىنىڭ، وزبەكستاندا تۇراتىن ەلشىلەر ۇيىرمەسىنىڭ ۋاكىلدەرى، حالىقارالىق ۇيىمداردىڭ ۋاكىلدەرى جانە وزبەكستاندا تۇراتىن جۇڭگو قارجىلاندىرعان كاسىپورىنداردىڭ ۋاكىلدەرى قاتارلىلار بولىپ 300 گە جۋىق ادام قاتىناستى.

جياڭ جيانگو ارناۋ سوزىندە مىنالاردى ءبىلدىردى: «شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەر» − تەرەڭ حالىقتىق سۇيىسپەنشىلىكتى ۇيىستىرعان، جونگە سالۋ اقىل - پاراساتىن قامتىعان، دۇنيە جۇزىلىك ادامدىق ۇقىقتى جونگە سالۋعا كوڭىل بولگەن بەدەلدى شىعارما، ول حالىقتى وزەك ەتكەن ادامدىق ۇقىق ۇستانىمىمەن ساباقتاسىپ، حالىقتى بارىنەن جوعارى قويۋ قۇن بەتالىسىن، تەڭ تۇرعىدا ورتاق يگىلىكتەنۋ تۇزىمدىك ورنالاستىرۋىن، سونداي - اق ادىلدىك پەن ادىلەتتىلىكتىڭ حالىقارالىق جاۋاپكەرشىلىگىن ايگىلەدى. بۇل كىتاپتىڭ وزبەكستاندا اۋدارىلىپ باسپادان شىعۋى جۇڭگو مەن وزبەكستاننىڭ تاريحى توعىسقان، امالياتتىق تۇرمىسى ۇشتاسقان، ۇستانىمى تۇتاسقان توپىراقتا جۇرگىزىلگەن ادامدىق ۇقىق جونىندەگى تىلدەسۋى جانە ءوزارا ۇلگى الۋى، وزبەكستان حالقىنىڭ جۇڭگونىڭ ادامدىق ۇقىق جاعدايىن بايقاپ كورۋىنە جانە سەزىنۋىنە جاڭا تەرەزە اشىپ، جۇڭگو مەن وزبەكستاننىڭ ءبىلىم سالاسى مەن حالىق بۇقاراسى اراسىنداعى ءوزارا ءتۇسىنىسۋ كوپىرىن سالۋدى ءۇمىت ەتەمىز.

اكمار سايدوۆ ارناۋ سوزىندە مىنالاردى ءبىلدىردى: «شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەردىڭ» وزبەكشە باسىلىمىنىڭ تۇڭعىش تاراتىلۋى − وزبەكستان مەن جۇڭگونىڭ گۋمانيتارلىق اۋىس - كۇيىس جانە ادامدىق ۇقىقتى قورعاۋ سالاسىنىڭ سەلبەستىك تاريحىنداعى ماڭىزدى وقيعا، وسىنداي سەلبەستىكتىڭ جاڭا پاراعى اشىلعاندىعىن كورسەتەدى. ءتوراعا شي جينپيڭ العا قويعان حالىقتى باقىتقا كەنەلتۋ، دامۋ ارقىلى ادامدىق ۇقىقتى جەبەۋ، دۇنيە ءجۇزىنىڭ وڭتۇستىگىنىڭ ىنتىماقتاسىپ سەلبەسۋىن دارىپتەۋ سياقتى ۇستانىمدارى وزبەكستان مەن جۇڭگونىڭ كەڭ سەلبەستىك بولاشاعىن اشادى. جۇڭگو حالىققا شىنايى قامقورلىق جاساۋعا كۇش سالىپ، قالىڭ ازاماتتاردىڭ قوعامدىق تۇرمىسقا كەڭ كولەمدە ات سالىسۋىنا كەپىلدىك ەتتى، بۇل وزبەكستاننىڭ دامۋ نىساناسىمەن جانە ۇستانىمىمەن قارايلاس، وزبەكستان جاق جۇڭگو جاقپەن ادامدىق ۇقىقتى قامتاماسىزداندىرۋ جاعىندا ورىستەتىلگەن سەلبەستىك جانە قۇلشىنىستى جوعارى باعالايدى.

يۇي جۇن ارناۋ سوزىندە مىنانى ءبىلدىردى: جۇڭگو مەن وزبەكستان ءوز ەلىنىڭ مەملەكەت جاعدايىنا ۇيلەسەتىن وسىزاماندانعان دامۋ جولىمەن تاباندىلىقپەن العا باسىپ كەلەدى، كوپتەگەن ۇندەستىگى بار. ەكى جاقتىڭ ادامدىق ۇقىق سالاسىنداعى اۋىس - كۇيىسى مەن سەلبەستىگىنىڭ تەرەڭدەۋى جۇڭگو مەن وزبەكستاننىڭ جاڭا داۋىردەگى جالپى بەتتىك ستراتەگيالىق سەرىكتەستىك قارىم - قاتىناسى مەن تاعدىرلاس ورتاق تۇلعاسىنىڭ مازمۇنىن ونان ارى تولىقتايدى.

تۇڭعىش تاراتىلۋ سالتىندا جۇڭگو مەن وزبەكستاننىڭ سيلى قوناقتارى جاڭا كىتاپتىڭ جامىلشىسىن بىرگە اشتى. جياڭ جيانگو قاتارلىلار وزبەكستان جاقتىڭ نەگىزگى سيلى قوناقتارىنا جاڭا كىتاپتى ۇسىندى.

تۇڭعىش تاراتىلۋ سالتىنان كەيىن جۇڭگو مەن وزبەكستاننىڭ ادامدىق ۇقىق، زاڭ سياقتى سالالارىنان كەلگەن ايگىلى مامان، وقىمىستىلار ادامدىق ۇقىق جانە دامۋ، ادامدىق ۇقىق جانە زاڭمەن جونگە سالۋ، ادامدىق ۇقىق جولىنىڭ الۋان تۇرلىلىگىنە قۇرمەت ەتۋ، سونداي - اق جۇڭگو - وزبەكستان، جۇڭگو - ورتا ازيا ادامدىق ۇقىق سەلبەستىگى سياقتى نەگىزگى تاقىرىپتار توڭىرەگىندە پىكىر اۋىستىرىپ، تالقى جۇرگىزدى.

«شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەردىڭ» وزبەكشە نۇسقاسى − وسى كىتاپتىڭ 13 - شەتەل تىلىندەگى ءتۇرى، ونى جۇڭگو شەتەل تىلدەرى مەكەمەسىنە قاراستى شەتەل تىلدەرى باسپاسى وزبەكستان باسپا قوعامىمەن سەلبەسىپ اۋدارىپ باسپادان شىعاردى. وزبەكشە نۇسقاسىن تۇڭعىش تاراتۋ قيمىلىن جۇڭگو ادامدىق ۇقىق زەرتتەۋ قوعامى، جۇڭگو شەتەل تىلدەرى مەكەمەسى، جۇڭگونىڭ وزبەكستاندا تۇراتىن باس ەلشىحاناسى، وزبەكستان مەملەكەتتىك ادامدىق ۇقىق ورتالىعى بىرگە وتكىزدى.