يۇننان، سانشي، شينجياڭ قاتارلى جەرلەردەگى كوپتەگەن وزەندەردە ساقتىق سىزىعىنان جوعارى تاسقىن اپاتى تۋىلدى

ءتىلشىنىڭ سۋ يگىلىگى مينيسترلىگىنەن ۇعىسۋىنشا، 8 – ايدىڭ 23 – كۇنى ساعات 8 دەن 8 –ايدىڭ 24 – كۇنى ساعات 8 گە دەيىن سىچۋاننىڭ لۋجوۋ قالاسى ميشان يا ـ ان نىيجياڭ لىشان، شانشي ولكەسى شاڭلو انكاڭ، حىنان ولكەسى جييۋان قالاسى جىڭجوۋ لوياڭ، يۇننان ليجياڭ قاتارلى جەرلەردىڭ ءىشىنارا وڭىرلەرىندە نوسەر جاۋعان. جاۋىن - شاشىننىڭ ىقپالىنان يۇنناننىڭ جينشاجياڭ وزەنىنىڭ تارماق اعارى شينجۋاڭ وزەنى، سانشيدىڭ فىنحى وزەنىنىڭ تارماق اعارى حۋدۋ شاتقالى قاتارلى 2 ورتاشا، شاعىن وزەندە ساقتىق سىزىعىنان جوعارى تاسقىن اپاتى تۋىلدى. بۇدان سىرت، جوعارى تەمپەراتۋرا، قار ەرۋدىڭ ىقپالىنان تارىم وزەنىنىڭ نەگىزگى اعارىنداعى جاڭا توعاننىڭ وزەن بولەگىندەگى اعىن مولشەرى ساقتىق سىزىعىنان ءبىراز استى.

قازىر سۋ يگىلىگى مينيسترلىگى لياۋنيڭ، سىچۋان، گۇيجوۋ، يۇننان قاتارلى 4 ولكەگە باعىتتالعان تاسقىن اپاتىنان ساقتانۋدىڭ 4 - دارەجەلى شۇعىل جاعدايعا توتەپ بەرۋ ۇندەۋىن ساقتادى.

كەلۋ قاينارى: حالىق تورابى