مەملەكەتتىك قايراڭ ۆاليبول اينالمالى جارىسىندا ”شيا - ۋاڭ قۇراماسى“ تاعى دا اعا جۇلدەگەر بولدى

8 ـ ايدىڭ 24 ـ كۇنى تۇستەن كەيىن 2025 ـ جىلعى مەملەكەتتىك قايراڭ ۆاليبول اينالمالى جارىسىنىڭ سىچۋان شىحۇڭ جارىسى مەن مەملەكەتتىك 15 ـ كەزەكتى سپورت جارىسىنىڭ قايراڭ ۆاليبول تولىمدىلىق جارىسى اياقتادى. شينجياڭ 1 ـ كومانداسىنداعى شيا شين ـ ي مەن ۋاڭ جيڭجى ايەلدەر گرۋپپاسىنىڭ شەشۋشى جارىسىندا كونە قارسىلاسى فۋجيان 1 ـ كومانداسىنداعى شۋە چىن مەن زىڭ جينجيندى تاعى ءبىر رەت جەڭىپ، اعا جۇلدەگەر بولدى، شينجياڭ 2 ـ كومانداسىنداعى قادىليە حالەت پەن اقيدان مۇساجان جۇلدەگەر بولدى.

2025 - جىلعى مەملەكەتتىك قايراڭ ۆاليبول اينالمالى جارىسى 8 جەردە وتەدى، سىچۋان شىحۇڭداعى جارىس اتالعان جارىستىڭ 6 – بەكەتى. 5 كۇندىك جارىستا بۇكىل ەلدەن كەلگەن 74 ۋاكىلدەر ۇيىرمەسى جارىسقا قاتىناستى.

كەلۋ قاينارى: حالىق تورابى