شي جينپيڭ شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 25 - رەتكى ءماجىلىسىن باسقاردى ءارى ماڭىزدى ءسوز سويلەدى

شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 25 - رەتكى ءماجىلىسى 9 - ايدىڭ 1 - كۇنى تۇستەن بۇرىن تيانجين مەيجياڭ ءماجىلىس - كورمە ورتالىعىندا وتكىزىلدى. جۇڭگونىڭ مەملەكەت ءتوراعاسى شي جينپيڭ ءماجىلىستى باسقاردى ءارى «اۋەلگى ماقساتتى، بورىشتى ەستە بەرىك ساقتاپ، كوركەم بولاشاق اشايىق» دەگەن تاقىرىپتا ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 25 - رەتكى ءماجىلىسى 9 - ايدىڭ 1 - كۇنى تۇستەن بۇرىن تيانجين مەيجياڭ ءماجىلىس - كورمە ورتالىعىندا وتكىزىلدى. جۇڭگونىڭ مەملەكەت ءتوراعاسى شي جينپيڭ ءماجىلىستى باسقاردى ءارى «اۋەلگى ماقساتتى، بورىشتى ەستە بەرىك ساقتاپ، كوركەم بولاشاق اشايىق» دەگەن تاقىرىپتا ماڭىزدى ءسوز سويلەدى. سۋرەتتە: شي جينپيڭ ماجىلىسكە قاتىناسقان شاڭحاي سەلبەستىك ۇيىمىنا مۇشە ەلدەردىڭ باسشىلارىمەن، تۇراقتى قۇرىلىمداردىڭ جاۋاپتىلارىمەن توپتىق سۋرەتكە تۇسۋدە.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

«حالىق گازەتى»، 9 - ايدىڭ 1 - كۇنى، تيانجين (تىلشىلەر ۋ ۋەيجىڭ، حۋ زىشي). شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 25 - رەتكى ءماجىلىسى 9 - ايدىڭ 1 - كۇنى تۇستەن بۇرىن تيانجين مەيجياڭ ءماجىلىس - كورمە ورتالىعىندا وتكىزىلدى. جۇڭگونىڭ مەملەكەت ءتوراعاسى شي جينپيڭ ءماجىلىستى باسقاردى ءارى «اۋەلگى ماقساتتى، بورىشتى ەستە بەرىك ساقتاپ، كوركەم بولاشاق اشايىق» دەگەن تاقىرىپتا ماڭىزدى ءسوز سويلەدى.

9 - ايداعى تيانجيندە كۇز لەبى ەسەدى. مەيجياڭ ءماجىلىس - كورمە ورتالىعىنىڭ سىرتىندا ماجىلىسكە قاتىناسقان ءار ەلدىڭ مەملەكەت تۋلارى، شاڭحاي سەلبەستىك ۇيىمىنىڭ تۋى جەلبىرەپ تۇر. شاڭحاي سەلبەستىك ۇيىمىنىڭ 2024 - جىلدان 2025 - جىلعا دەيىنگى كەزەكتى ءتوراعا ەل بەلگىسى ەرەكشە كوز تارتادى.

شي جينپيڭ ماجىلىسكە قاتىناسقان شاڭحاي سەلبەستىك ۇيىمىنا مۇشە ەلدەردىڭ باسشىلارىمەن، تۇراقتى قۇرىلىمداردىڭ جاۋاپتىلارىمەن ىقىلاسپەن قول الىستى ءارى توپتىق سۋرەتكە ءتۇستى، ونان سوڭ مەملەكەت باسشىلارى القالار كەڭەسىنىڭ ءماجىلىسىن باسقاردى.

شي جينپيڭ بىلاي دەپ اتاپ كورسەتتى: حۋاڭپۋ وزەنىنىڭ جاعاسىنان حايحى وزەنىنىڭ جاعاسىنا دەيىن شاڭحاي سەلبەستىك ۇيىمى وزگەشە دامۋ بارىسىن باسىپ ءوتتى. شاڭحاي سەلبەستىك ۇيىمى قۇرىلعان 24 جىلدان بەرى مۇشە ەلدەر ءوزارا سەنۋ، ءوزارا پايدا جەتكىزۋ، تەپە - تەڭ بولۋ، كەڭەسۋ، الۋان ءتۇرلى وركەنيەتكە قۇرمەت ەتۋ، بىرگە دامۋعا ۇمتىلۋ سىندى ”شاڭحاي رۋحىن“ ۇستانىپ، ورايدان بىرگە يگىلىكتەنىپ، دامۋدى بىرگە جوسپارلاپ، ءبىرقىدىرۋ جاسامپازدىق جەتىستىكتەرگە، تاريحي جەتىستىكتەرگە قول جەتكىزىپ، جاڭاشا حالىقارالىق قارىم - قاتىناستىڭ ۇلگىسىن ورناتتى. شاڭحاي سەلبەستىك ۇيىمى شەكارا وڭىردەگى اسكەري ىستەر سالاسىنداعى سەنىمدىلىك مەحانيزمىن الدىمەن ورناتىپ، ”ءۇش ءتۇرلى كۇشكە“ سوققى بەرۋدىڭ كوپ جاقتى ارەكەتىن ەڭ ەرتە قولدانىپ، ءوڭىردىڭ بەيبىتشىلىگىن، تىنىشتىعىن قورعادى؛ ”ءبىر بەلدەۋ، ءبىر جولدى“ بىرگە قۇرۋ سەلبەستىگىن الدىمەن باستاپ، ءوڭىردىڭ دامۋىنىڭ، گۇلدەنۋىنىڭ قوزعاۋشى كۇشىن اناعۇرلىم بەكەمدەپ، ستەرەولدى ۇلاستىرۋ - تۇتاستىرۋ تورىن اناعۇرلىم كەمەلدەندىردى؛ ۇزاق ۋاقىتتىق تاتۋ كورشىلىك، دوستىق سەلبەستىك شارتىن الدىمەن جاساسىپ، ۇرپاقتان - ۇرپاققا جالعاسقان دوستىقتى، ماڭگى جاۋلاسپاۋدى جاريالاپ، مۇشە ەلدەر حالقىنىڭ ەتەنە بولۋىن، حالىق تىلەگىنىڭ توعىسۋىن جەبەدى؛ بىرگە اقىلداسۋ، بىرگە قۇرۋ، بىرگە يگىلىكتەنۋ سىندى دۇنيە جۇزىلىك جونگە سالۋ كوزقاراسىن الدىمەن العا قويىپ، ناعىز كوپ جاقتىلىقتى امالياتتا ايگىلەپ، دۇنيە ءجۇزىنىڭ بەيبىتشىلىگى مەن دامۋىن جەبەۋدە بەلسەندى رول اتقاردى.

شي جينپيڭ بىلاي دەپ باسا دارىپتەدى: شاڭحاي سەلبەستىك ۇيىمى دۇنيە جۇزىندەگى ەڭ ۇلكەن وڭىرلىك ۇيىمعا اينالىپ، حالىقارالىق ىقپال كۇشى مەن باۋراۋ قۋاتى كۇن سايىن كۇشەيدى. بولاشاققا كوز جىبەرسەك، ءارقايسى مۇشە ەل ءالى دە ”شاڭحاي رۋحىنا“ بويسۇنىپ، تاباندىلىقپەن ۇدەرە العا تارتىپ، ۇيىمدىق يقۋاتىن اناعۇرلىم ويداعىداي ساۋلەلەندىرۋى كەرەك.

ءبىرىنشى، پارىقتاردى ساقتاپ، ورتاقتىققا ۇمتىلۋعا تاباندى بولۋ. ءبىر - ءبىرىنىڭ پارقىنا قۇرمەت ەتىپ، ستراتەگيالىق قارىم - قاتىناستى ساقتاپ، كوللەكتيۆ ورتاق تانىمدى ۇيىستىرىپ، ىنتىماقتى، سەلبەستىكتى كۇشەيتىپ، سەلبەستىك نەگىزگى جاعدايىن نىعايتىپ، ءار ەلدىڭ وزگەشەلىگىنەن ويداعىداي پايدالانىپ، وسى ءوڭىردىڭ بەيبىتشىلىگىن، ورنىقتىلىعىن جانە دامۋىن، گۇلدەنۋىن جەبەۋ جاۋاپكەرشىلىگىن بىرگە ارقالاۋ كەرەك.

ەكىنشى، ءوزارا پايدا جەتكىزىپ، تەڭ يگىلىككە كەنەلۋگە تاباندى بولۋ. دامۋ ستراتەگياسىن ۇشتاستىرۋدى تەرەڭدەتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرىپ، ساۋدا مەن قارجى قوسۋدىڭ قولايلىلانۋ دەڭگەيىن جوعارىلاتىپ، ەنەرگيا، نەگىزدىك قۇرىلعى، جاسىل كاسىپ سالاسى، سيفرلى ەكونوميكا، عىلىم - تەحنيكادا جاڭالىق اشۋ، جاساندى زەردە سياقتى سالالارداعى سەلبەستىكتى كۇشەيتىپ، ءوزارا تابىسقا جەتۋ، بولاشاقتى بىرگە جاراتۋ بارىسىندا وسىزاماندانۋعا بىرگە قادام تاستاۋ كەرەك.

ءۇشىنشى، اشىق، سيىسىمدى بولۋعا تاباندى بولۋ. گۋمانيتارلىق اۋىس - كۇيىس بارىسىندا ءبىرىن - ءبىرى ءبىلىپ، ءبىر - بىرىنە جاقىنداسىپ، ەكونوميكالىق سەلبەستىك بارىسىندا بار كۇشپەن قولداۋ كورسەتىپ، قول ۇستاسا وتىرىپ وزگەنى كوڭىل تۇكپىرىنە قوياتىن، ءوز كوركەمدىگى مەن باسقالاردىڭ كوركەمدىگىن توعىستىراتىن، جاراسىمدى قاتار ءومىر سۇرەتىن وركەنيەت باقشاسىن قۇرۋ كەرەك.

ءتورتىنشى، ادىلدىك پەن ادىلەتتىلىككە تاباندى بولۋ. دۇنيە جۇزىلىك ەكىنشى سوعىس جونىندەگى دۇرىس تاريحي كوزقاراستى ساۋلەلەندىرىپ، قىرعي قاباقتىق وي جەلىسىنە، توپ قۇرىپ قارسىلاسۋعا جانە زورەكەرلىك ارەكەتىنە قارسى تۇرىپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى قورعاپ، دۇنيە جۇزىلىك ساۋدا ۇيىمىن وزەك ەتكەن كوپ جاقتى ساۋدا ءتۇزىلىسىن قولداپ، اناعۇرلىم ءادىل، ۇيلەسىمدى دۇنيە جۇزىلىك جونگە سالۋ جۇيەسىن قۇرۋدى ىلگەرىلەتۋ كەرەك.

بەسىنشى، ناقتى، جوعارى ءونىمدى بولۋعا تاباندى بولۋ. شاڭحاي سەلبەستىك ۇيىمى رەفورماسىن ۇزدىكسىز ىلگەرىلەتىپ، بايلىق ۇسىنىلىمى مەن قابىلەت قۇرىلىسىن كۇشەيتىپ، ۇيىمدىق مەحانيزمنىڭ اناعۇرلىم كەمەلدى، شەشىمنىڭ اناعۇرلىم عىلمي، ارەكەتتىڭ اناعۇرلىم ءونىمدى بولۋىنا مۇمكىندىك جاساپ، مۇشە ەلدەردىڭ حاۋىپسىزدىگى مەن ەكونوميكالىق سەلبەستىگىنە اناعۇرلىم پارمەندى تىرەك ازىرلەۋ كەرەك.

شي جينپيڭ بىلاي دەپ اتاپ كورسەتتى: جۇڭگو ءوزىنىڭ دامۋىن باستان - اياق شاڭحاي سەلبەستىك ۇيىمىنىڭ دامۋىمەن بايلانىستىرادى، مۇشە ەلدەر حالقىنىڭ تاماشا تۇرمىسقا دەگەن تالپىنىسىمەن بايلانىستىردى. جۇڭگو جاق ءار جاقپەن بىرگە اۋەلگى ماقساتتى، بورىشتى ەستە بەرىك ساقتاپ، بەلسەنە جاۋاپكەرشىلىك ارقالاپ، ىسكەرلىك كورسەتىپ، شاڭحاي سەلبەستىك ۇيىمىنىڭ ورنىقتى، باياندى دامۋىن ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدىڭ كوركەم بولاشاعىنا قاراي تاباندىلىقپەن العا باسۋدى قالايدى (ءسوزدىڭ تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).

شاڭحاي سەلبەستىك ۇيىمىنا مۇشە ەلدەر بەلورۋسسيانىڭ زۇڭتۇڭى لۋكاشەنكو، ءۇندىستاننىڭ زۇڭليى مودي، يراننىڭ زۇڭتۇڭى پەيزەشكيان، قازاقستاننىڭ زۇڭتۇڭى توقايەۆ، قىرعىزستاننىڭ زۇڭتۇڭى جاپاروۆ، پاكيستاننىڭ زۇڭليى شاھباز، رەسەيدىڭ زۇڭتۇڭى پۋتين، تاجىكستاننىڭ زۇڭتۇڭى راحمون، وزبەكستاننىڭ زۇڭتۇڭى ميرزيويەۆ، شاڭحاي سەلبەستىك ۇيىمىنىڭ باس حاتشىسى ەرمەكبايەۆ، وڭىرلىك لاڭكەستىككە قارسى تۇرۋ قۇرىلىمى اتقارۋ كوميتەتىنىڭ مەڭگەرۋشىسى سارشەيەۆ ىلگەرىندى - كەيىندى ءسوز سويلەدى. ءارقايسى جاق جۇڭگونىڭ شاڭحاي سەلبەستىك ۇيىمىنىڭ دامۋىن ىلگەرىلەتۋگە قوسقان ۇلەسىن جانە كەزەكتى ءتوراعا ەل مىندەتىن وتەگەن كەزدەگى ءونىمدى قىزمەتتەرىن جوعارى باعالادى، شاڭحاي سەلبەستىك ۇيىمىنىڭ قول جەتكىزگەن دامۋ جەتىستىكتەرىن بەلسەندى باعالادى ءارى كەلەسى ساتىداعى سەلبەستىك جونىندە ۇسىنىس قويدى. ءارقايسى جاق ءبىر اۋىزدان بىلاي دەپ قارادى: جۇڭگومەن ”ءبىر بەلدەۋ، ءبىر جولدى“ بىرگە قۇرۋ ءار ەلدى جۇڭگونىڭ دامۋ جاڭا ورايىنان بىرگە يگىلىكتەندىردى، جۇڭگو جاق العا قويعان 3 ءىرى دۇنيە جۇزىلىك باستاما اۋمالى - توكپەلى دۇنيە جۇزىنە تۇراقتىلىق، ورنىقتىلىق الا كەلدى. ءارقايسى جاق ”شاڭحاي رۋحىن“ ۇزدىكسىز امالياتتا ايگىلەپ، ورتاق تانىمدى ۇيىستىرىپ، ءبىر نيەتپەن ىنتىماقتاسىپ، قول ۇستاسا العا باسىپ، ساياسي، حاۋىپسىزدىك، ەكونوميكا - ساۋدا، عىلىم - تەحنيكا، گۋمانيتارلىق سياقتى سالالارداعى سەلبەستىكتى كۇشەيتىپ، ءداستۇرلى جانە بەي ءداستۇرلى حاۋىپسىزدىك قاتەرىنە ءبىر تۇتاس توتەپ بەرىپ، ”ءۇش ءتۇرلى كۇشكە“ باتىل سوققى بەرىپ، شاڭحاي سەلبەستىك ۇيىمىنىڭ اناعۇرلىم جوعارى دەڭگەيدەگى سەلبەستىك بارىسىندا اناعۇرلىم جوعارى ساپالى دامۋدى جۇزەگە اسىرۋىن ىلگەرىلەتىپ، ءوڭىردىڭ جانە دۇنيە ءجۇزىنىڭ ورنىقتىلىعى مەن گۇلدەنۋىنە اناعۇرلىم زور ۇلەس قوسۋعا ءبىر اۋىزدان ماقۇل بولدى. ءارقايسى جاق ءبىر اۋىزدان مىنانى ءبىلدىردى: قىم - قۋىت حالىقارالىق جاعداي الدىندا، شاڭحاي سەلبەستىك ۇيىمىنا مۇشە ەلدەر ستراتەگيالىق سەلبەستىكتى كۇشەيتىپ، دۇنيە جۇزىلىك ەكىنشى سوعىستىڭ جەڭىس جەتىستىكتەرىن قورعاپ، بىرلەسكەن مەملەكەتتەر ۇيىمى ەرەجەسىنىڭ ماقساتى مەن پرينسيبىن قورعاپ، سىڭار جاقتى زورەكەرلىككە، قورعانىمپازدىققا قارسى تۇرىپ، دۇنيە جۇزىلىك جونگە سالۋ جۇيەسىن كەمەلدەندىرىپ، حالىقارالىق ادىلدىك پەن ادىلەتتىلىكتى قورعاۋى كەرەك. جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسى − جۇڭگونىڭ ادامزاتتىڭ بەيبىتشىلىگىنە قوسقان كەلەلى ۇلەسى، ول جۇڭگو حالقىنىڭ ەرجۇرەكتىگى مەن قايسارلىعىن ايگىلەدى، ماڭگى ەستە ساقتاۋعا تاتيدى.

مۇشە ەلدەردىڭ باسشىلارى «شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ تيانجين جارناماسىنا» قول قويدى جانە ونى جاريالادى، «شاڭحاي سەلبەستىك ۇيىمىنىڭ الداعى 10 جىلداعى (2026 − 2035 - جىلدار) دامۋ ستراتەگياسىن» بەكىتتى، دۇنيە جۇزىلىك 2 - سوعىستىڭ جەڭىسى جانە بىرلەسكەن مەملەكەتتەر ۇيىمى قۇرىلعاندىعىنىڭ 80 جىلدىعى جونىندەگى مالىمدەمەنى، كوپ جاقتى ساۋدا ءتۇزىلىسىن قولداۋ جونىندەگى مالىمدەمەنى جاريالادى، حاۋىپسىزدىك، ەكونوميكا، گۋمانيتارلىق سەلبەستىك جانە ۇيىمدىق قۇرىلىستى كۇشەيتۋ سياقتى 24 جەتىستىك قۇجاتىن ماقۇلدادى.

مۇشە ەلدەردىڭ باسشىلارى شاڭحاي سەلبەستىك ۇيىمىنىڭ حاۋىپسىزدىك قاتەرى مەن سىن - سايىسقا توتەپ بەرۋ جالپىلىق ورتالىعىنىڭ، ەل اتتاعان ۇيىمدىق قىلمىسقا سوققى بەرۋ ورتالىعىنىڭ، ينفورماتسيا حاۋىپسىزدىگى ورتالىعىنىڭ، ەسىرتكىگە تيىم سالۋ ورتالىعىنىڭ ماڭدايشالىق اشۋىنا بىرگە كۋا بولدى.

ءماجىلىس لاوستى تىلدەسۋ سەرىگى ەتىپ قابىلداۋعا ءبىر اۋىزدان ماقۇل بولىپ، قىرعىزستاننىڭ 2025 - جىلدان 2026 - جىلعا دەيىنگى شاڭحاي سەلبەستىك ۇيىمىنىڭ كەزەكتى ءتوراعا ەلى بولۋىن ۇيعاردى.

ساي چي، ۋاڭ ي قاتارلىلار جوعارىداعى قيمىلدارعا قاتىناستى.

كەلۋ قاينارى: حالىق تورابى