شي جينپيڭ موڭعۇليانىڭ زۇڭتۇڭى حورەلسۋحپەن كەزدەستى

9 - ايدىڭ 2 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا 2025 - جىلعى شاڭحاي سەلبەستىك ۇيىمى باسشىلار ماجىلىسىنە جانە جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ قيمىلىنا قاتىناسۋ ءۇشىن جۇڭگوعا كەلگەن موڭعۇليانىڭ زۇڭتۇڭى حورەلسۋحپەن كەزدەستى.

سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن

«حالىق گازەتى»، 9 - ايدىڭ 2 - كۇنى، بەيجيڭ (ءتىلشى حۋ زىشي) 9 - ايدىڭ 2 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا 2025 - جىلعى شاڭحاي سەلبەستىك ۇيىمى باسشىلار ماجىلىسىنە جانە جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ قيمىلىنا قاتىناسۋ ءۇشىن جۇڭگوعا كەلگەن موڭعۇليانىڭ زۇڭتۇڭى حورەلسۋحپەن كەزدەستى.

شي جينپيڭ بىلاي دەپ اتاپ كورسەتتى: جۇڭگو مەن موڭعۇليا − تاۋ - وزەنى جالعاسقان دوس كورشىلەر، ەكى ەلدىڭ ءار سالاداعى اۋىس - كۇيىسى مەن سەلبەستىگى ۇزدىكسىز تەرەڭدەپ، كوپتەگەن ءتۇيىندى نىساندا بەلسەندى ىلگەرىلەۋشىلىككە قول جەتتى. ەكى جاق جۇڭگو - موڭعۇليا تاعدىرلاس ورتاق تۇلعاسى قۇرىلىسىن جەتەكشى ەتىپ، ستراتەگيالىق ءوزارا سەنىمدىلىكتى بەكەمدەپ، دامۋدى، توعىسۋدى تەرەڭدەتىپ، حالىق تىلەگىنىڭ توعىسۋىن جەبەپ، ەكى ەلدىڭ جان - جاقتى ستراتەگيالىق سەرىكتەستىك قارىم - قاتىناسىنا ۇزدىكسىز العا باسۋ قوزعاۋشى كۇشىن قوسۋى كەرەك.

شي جينپيڭ بىلاي دەپ باسا دارىپتەدى: حالىقارالىق جاعداي قالاي وزگەرسە دە، جۇڭگو جاق موڭعۇليا جاقتىڭ سەنىم ارتاتىن جانە قادىرلەيتىن سەرىگى بولا بەرەدى. ەكى جاق ەكى ەل قارىم - قاتىناسىنىڭ ساياسي نەگىزىن دەن قويا قورعاپ، دامۋ ستراتەگياسىن ۇشتاستىرۋدى تەرەڭدەتىپ، وزدەرىنىڭ وسىزامانداندىرۋ قۇرىلىسىن جۇزەگە اسىرۋ جولىندا قول ۇستاسا العا باسۋى كەرەك. جۇڭگو جاقتىڭ دۇنيە جۇزىلىك جونگە سالۋ باستاماسىن العا قويۋى دۇنيە جۇزىلىك سايىستارعا اناعۇرلىم ويداعىداي توتەپ بەرۋ ءۇشىن، موڭعۇليامەن بىرگە وسى باستامانى تياناقتاندىرىپ، جونگە سالۋ قىزىل سيفرى قيىن ماسەلەلەرىن شەشۋدى قالايدى.

حورەلسۋح مىنالاردى ءبىلدىردى: جۇڭگومەن ماڭگىلىك تاتۋ كورشىلىك، دوستىق، باياندى، ءوزارا ءتيىمدى سەلبەستىك ورىستەتۋ − موڭعۇليا ديپلوماتياسىنىڭ الدىمەن ەسكەرەتىن بەتالىسى. موڭعۇليا جاق جۇڭگونىڭ جاقىن، ادال، ءتيىمدى، كەشىرىمشىل توڭىرەكتىك ديپلوماتيا ۇستانىمىنا تاباندى بولعاندىعىن ايرىقشا القايدى، ءبىر جۇڭگو پرينسيبىن ۇزدىكسىز اتقارىپ، تايۋانعا، شيزاڭعا، شينجياڭعا، شياڭگاڭعا ساياتىن ماسەلەلەردە جۇڭگو جاقتىڭ تۇرعىسىن باتىل قولدايدى. موڭعۇليا جاق ەكى ەلدىڭ ەكونوميكا - ساۋدا سەلبەستىگىنىڭ كومەسكى كۇشىن اشىپ، ۇلاستىرۋ - تۇتاستىرۋدى كۇشەيتىپ، ءوزارا ءتيىمدى سەلبەستىكتى جەبەپ، ەكى جاقتى قارىم - قاتىناستىڭ دامۋىن ىلگەرىلەتۋدە اناعۇرلىم كوپ تابىستقا قول جەتكىزۋدى ءۇمىت ەتەدى. ءتوراعا شي جينپيڭ دۇنيە جۇزىلىك جونگە سالۋ باستاماسىن العا قويىپ، بىرلەسكەن مەملەكەتتەر ۇيىمىن وزەك ەتكەن، وركەندەپ كەلە جاتقان ەلدەردىڭ بارلىعى تەڭ تۇرعىدا ات سالىساتىن حالىقارالىق جونگە سالۋ جۇيەسىن ورناتۋدى دارىپتەدى، موڭعۇليا جاق مۇنى ايرىقشا القايدى، جۇڭگو جاقپەن حالىقارالىق ساحنادا ءوزارا قولداۋ كورسەتىپ، تىعىز سەلبەسىپ، وركەندەپ كەلە جاتقان ەلدەردىڭ ورتاق مۇددەسىن قورعاۋدى قالايدى

ەكى جاق كەدەن، ولشەم، اقپارات قۇرالدارى سياقتى سالالارداعى كوپتەگەن ەكى جاقتى سەلبەستىك قۇجاتىنا قول قويدى.

ۋاڭ ي كەزدەسۋدە بىرگە بولدى.