جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ جينالىسى بەيجيڭدە سالتاناتپەن وتكىزىلدى

شي جينپيڭ بىلاي دەپ باسا دارىپتەدى: جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن سالتاناتپەن ەسكە ءتۇسىرۋدىڭ ماقساتى − تاريحتى ەستە بەرىك ساقتاپ، قۇربانداردى ساعىنا ەسكە الىپ، بەيبىتشىلىكتى قاستەرلەپ، بولاشاققا جول اشۋ. جۇڭحۋا ۇلتى − زورلىق - زومبىلىقتان قورىقپايتىن، ءوز كۇشىنە سۇيەنىپ ءوزىن الۋەتتەندىرەتىن ۇلى ۇلت. جۇڭگو حالىق ازاتتىق ارمياسى باستان - اياق پارتيا مەن حالىق بۇكىلدەي سەنىم ارتاتىن قاھارمان قوسىن. جۇڭگوشا سوتسياليزم جولىمەن بۇلجىماي ءجۇرىپ، جاپون شاپقىنشىلارىنا قارسى سوعىس ۇلى رۋحىنا مۇراگەرلىك ەتىپ جانە ونى ساۋلەلەندىرىپ، ەرلىكپەن العا باسۋ كەرەك. جۇڭحۋا ۇلتىنىڭ ۇلى گۇلدەنۋى بوگەۋ بەرمەيدى! ادامزاتتىڭ بەيبىتشىلىگى مەن دامۋى سىندى وسكەلەڭ ءىس، ءسوز جوق، جەڭىسكە جەتەدى!

لي چياڭ باسقاردى، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتىناستى

شەتەلدىڭ مەملەكەت باسشىلارىنان جانە قاتىستى ەلدەردىڭ جوعارى دارەجەلى ۋاكىلدەرىنەن، حالىقارالىق ۇيىمداردىڭ جاۋاپتىلارىنان، بۇرىنعى ساياسي قايراتكەرلەرىنەن 61 ادام ۇسىنىس بويىنشا جينالىسقا قاتىناستى

9 - ايدىڭ 3 - كۇنى جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ جينالىسى بەيجيڭدەگى تيان - انمىن الاڭىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

9 - ايدىڭ 3 - كۇنى جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ جينالىسى بەيجيڭدەگى تيان - انمىن الاڭىندا سالتاناتپەن وتكىزىلدى. سۋرەتتە: جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ پاراتتان وتكەن اسكەري بولىمدەردى كوزدەن كەشىرۋدە.

سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

9 - ايدىڭ 3 - كۇنى جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ جينالىسى بەيجيڭدەگى تيان - انمىن الاڭىندا سالتاناتپەن وتكىزىلدى. سۋرەتتە: جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلىلار تيان - انمىن مىنبەسىندە.

سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

9 - ايدىڭ 3 - كۇنى جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ جينالىسى بەيجيڭدەگى تيان - انمىن الاڭىندا سالتاناتپەن وتكىزىلدى. جينالىس باستالاردان بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەن حانىمى پىڭ لييۋان قاقپانىڭ سىرتىنداعى الاڭدا جينالىسقا قاتىناسقان شەتەل ۋاكىلدەر ۇيىرمەلەرىنىڭ باستىقتارىن جانە ولاردىڭ جۇبايلارىن قارسى الدى ءارى ولارمەن توپتىق ەستەلىك سۋرەتكە ءتۇستى.

سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

9 - ايدىڭ 3 - كۇنى جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ جينالىسى بەيجيڭدە سالتاناتپەن وتكىزىلدى. سۋرەتتە: جاياۋ اسكەرلەر شارشى اترەتىنىڭ كوزدەن كەشىرۋدى قابىلداۋدا.

سۋرەتتى شينحۋا اگەنتتىگىنىڭ ءتىلشىسى سۇن فەي تۇسىرگەن

«حالىق گازەتى»، 9 - ايدىڭ 3 - كۇنى، بەيجيڭ. ۇلى تاريحي جەڭىستى ەستە بەرىك ساقتاپ، ادىلدىك، بەيبىتشىلىك كۇشتەرىن ۇيىستىردى. 9 - ايدىڭ 3 - كۇنى تۇستەن بۇرىن جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ جينالىسى بەيجيڭدەگى تيان - انمىن الاڭىندا سالتاناتپەن وتكىزىلدى، سالتاناتتى اسكەري پارات سالتى دۇنيە ءجۇزى حالقىمەن بىرگە وسى ۇلى كۇندى ەسكە ءتۇسىرىپ، اناعۇرلىم نۇرلى بولاشاقتى بىرگە جاراتتى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى ءارى پاراتتان وتكەن اسكەري بولىمدەردى كوزدەن كەشىردى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى لي چياڭ جينالىستى باسقاردى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، مەملەكەت ءتوراعاسىنىڭ ورىنباسارى حان جىڭ جينالىسقا قاتىناستى. شەتەلدىڭ مەملەكەت باسشىلارىنان جانە قاتىستى ەلدەردىڭ جوعارى دارەجەلى ۋاكىلدەرىنەن، حالىقارالىق ۇيىمداردىڭ جاۋاپتىلارىنان، بۇرىنعى ساياسي قايراتكەرلەرىنەن 61 ادام جينالىسقا قاتىناستى.

استانا بەيجيڭدە گۇلدەر جايناپ، جالاۋلار جەلبىرەپ تۇر. تيان - انمىن مىنبەسىنىڭ ايبىنى اسقاقتاپ، تيان - انمىن الاڭى جالىندى دا ايبىندى بەينەگە ەندى. حالىق قاھارماندارى ەسكەرتكىشىنىڭ الدىندا ”قۇرىش قورعان“ تاقىرىپتىق كورىنىسى اسقاق بوي كوتەرىپ، 14 ورتەڭگە ”1945“، ”2025“ دەگەن جازۋلار ىلىنگەن، 14 ”بەيبىتشىلىك كوگارشىنى“ قاناتىن جايىپ سامعاۋ بەينەسىندە تۇر. كەڭىستىكتەن قاراعاندا، الاڭداعى ”众“ ءارىبى فورماسىنداعى تاماشالاۋ تۇعىرى ايبىندى كورىنىپ، جۇڭگو كوممۋنيستىك پارتياسىنىڭ باسشىلىعىندا جۇڭگو حالقىنىڭ جۇدىرىقتاي جۇمىلىپ، ەل بىرلىگىنەن بەرىك قامال تۇرعىزىپ، جۇڭحۋا ۇلتىنىڭ ۇلى گۇلدەنۋىنە قاراي ارشىندى قادام تاستاعاندىعىنىڭ سيمۆولى بولۋدا.

تۇستەن بۇرىن ساعات 8 دەن 35 مينۋت وتكەندە شي جينپيڭ جينالىسقا قاتىناسقان شەتەل ۋاكىلدەر ۇيىرمەلەرىنىڭ باستىقتارىمەن بىرگە باسپالداقپەن جوعارى كوتەرىلىپ، تيان - انمىن مىنبەسىنە شىقتى. شي جينپيڭ جاپون شاپقىنشىلارىنا قارسى سوعىستاعى ساقا جاۋىنگەرلەردىڭ، ساقا جولداستاردىڭ ۋاكىلدەرىمەن ىقىلاسپەن قول الىسىپ، ولارعا وسكەلەڭ قۇرمەت ءبىلدىردى.

«سۇڭحۋاجياڭ وزەنىندە»، «تايحاڭشان تاۋىندا»، «حۋاڭحى وزەنىن قورعاۋ»، «كوممۋنيستىك پارتيا بولماسا، جاڭا جۇڭگو بولماق ەمەس»، جاپون شاپقىنشىلارىنا قارسى سوعىس ورتىندە دۇنيەگە كەلگەن كلاسسيكالىق اندەر كوپشىلىككە جۇڭحۋا ۇلتىنىڭ سول ءبىر ماشاقاتتى دا اسقاق، ايبىندى شۇعىلالى ساتتەرىن قايتا ەسكە ءتۇسىردى.

ساعات 8 دەن 55 مينۋت وتكەندە شي جينپيڭ قاتارلى جۇڭگولىق، شەتەلدىك باسشىلار تيان - انمىن مىنبەسىنىڭ ءتوراعالار مىنبەسىنە كەلگەندە، تۇتاس الاڭنان شاتىرلاعان شاپالاق ءۇنى كوتەرىلدى

ەلەكتروندىق ەكراندا ماياتنيك كورىنىسى پايدا بولدى. ماياتنيككە ىلەسىپ 1945، 1955، 1965... 2025 - جىلعا دەيىنگى ساندار رەتى بويىنشا جارىققا شىقتى. ساعات ءدال 9 دا ساعات قوڭىراۋى شالىنىپ، ەسكە ءتۇسىرۋ جينالىسى باستالدى.

بارلىق ادام ءۇنسىز تۇرىپ، 80 رەت قۇرمەت ساليۋتى اتىلىپ، مەملەكەت تۋىن قورعاۋ اترەتىنىڭ كوماندير - جاۋىنگەرلەرى بەس جۇلدىزدى قىزىل تۋدى قورعاپ، نىق قادام تاستاپ، حالىق قاھارماندارى ەسكەرتكىشىنەن الاڭنىڭ سولتۇستىك جاعىنداعى تۋ شىعارۋ رايونىنا باردى. جۇڭگو حالىق ازاتتىق ارمياسىنىڭ بىرلەسكەن اسكەري وركەسترى ايبىندى «ەرىكتىلەر مارشىن» ورىندادى، بۇكىل الاڭداعىلار بىركەلكى داۋىسپەن جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى، كوزدىڭ جاۋىن الاتىن بەس جۇلدىزدى نارت قىزىل تۋ باياۋ كوتەرىلىپ، تيان - انمىن الاڭىنىڭ اسپانىندا جەلبىرەدى.

دۋ قول شاپالاق ءۇنى ىشىندە شي جينپيڭ ماڭىزدى ءسوز سويلەدى. ول مىنانى ءبىلدىردى: بۇگىن ءبىز سالتاناتتى جينالىس وتكىزىپ، جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرىپ وتىرمىز، مۇنداعى ماقسات − تاريحتى ەستە بەرىك ساقتاپ، قۇربانداردى ساعىنا ەسكە الىپ، بەيبىتشىلىكتى قاستەرلەپ، بولاشاققا جول اشۋ.

شي جينپيڭ جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى اتىنان بۇكىل ەلدەگى جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەرگە، ساقا جولداستارعا، وتانشىل قايراتكەرلەرگە جانە جاپون شاپقىنشىلارىنا قارسى سوعىس قولباسشىلارىنا، جۇڭگو حالقىنىڭ جاپون شاپقىنشىلارىنا سوققى بەرۋ سوعىسىنىڭ جەڭىسىنە ەلەۋلى ۇلەس قوسقان ەل ءىشى - سىرتىنداعى جۇڭحۋا ۇلاندارىنا وسكەلەڭ قۇرمەت ءبىلدىردى، جۇڭگو حالقىنىڭ شاپقىنشىلىققا قارسى تۇرۋىنا كومەكتەسكەن جانە قولداۋ كورسەتكەن شەتەل ۇكىمەتتەرىنە جانە حالىقاراداعى دوستارعا شىن جۇرەكتەن العىس ايتتى، بۇگىنگى جينالىسقا قاتىناسقان ءار ەلدەن كەلگەن قوناقتاردى قىزۋ قارسى الاتىندىعىن ءبىلدىردى.

شي جينپيڭ بىلاي دەپ اتاپ كورسەتتى: جۇڭگو حالقىنىڭ جاپون شاپقىنشىلارىنا قارسى سوعىسى − اسا ماشاقاتتى ۇلى سوعىس. جۇڭگو كوممۋنيستىك پارتياسىنىڭ باستاماسىمەن قۇرىلعان جاپون شاپقىنشىلارىنا قارسى ۇلتتىق بىرلىكساپ تۋى استىندا، جۇڭگو حالقى قايسارلىقپەن كۇشتى جاۋمەن شايقاسىپ، جان - تانىمەن ۇلى قورعان سوعىپ، تاياۋ زاماننان بەرگى سىرتقى جاۋدىڭ شاپقىنشىلىعىنا قارسى تۇرۋدىڭ تۇڭعىش رەتكى تولىق جەڭىسىنە قول جەتكىزدى. جۇڭگو حالقىنىڭ جاپون شاپقىنشىلارىنا قارسى سوعىسى − دۇنيە جۇزىلىك فاشيزمگە قارسى سوعىستىڭ ماڭىزدى قۇرامداس بولەگى، جۇڭگو حالقى وراسان زور ۇلتتىق قۇرباندىقتار بەرىپ، ادامزات وركەنيەتىن قۇتقارۋعا، دۇنيە ءجۇزى بەيبىتشىلىگىن قورعاۋعا كەلەلى ۇلەس قوستى. تاريح بىزگە مىنانى ەسكەرتەدى: ادامزات − بەينەت پەن زەينەتتى بىرگە وتكەرەتىن تاعدىرلاس تۇلعا، ءارقايسى ەل، ءارقايسى ۇلت تەڭ تۇرعىدا مامىلە جاساپ، تاتۋ - ءتاتتى ءوتىپ، ءبىر - بىرىنە قارايلاسقاندا عانا، ورتاق حاۋىپسىزدىكتى قورعاپ، سوعىستىڭ قاينارىن جويىپ، تاريحي تراگەديانىڭ قايتالانۋىنا جول بەرمەيتىن بولامىز.

شي جينپيڭ بىلاي دەپ باسا دارىپتەدى: جۇڭحۋا ۇلتى − زورلىق - زومبىلىقتان قورىقپايتىن، ءوز كۇشىنە سۇيەنىپ ءوزىن الۋەتتەندىرەتىن ۇلى ۇلت. سول جىلدارى ادىلەت پەن سۇرقيالىقتىڭ، جارىق پەن قاراڭعىلىقتىڭ، العا باسۋ مەن كەرتارتپالىقتىڭ ءومىر - ءولىم بەلدەسۋى الدىندا جۇڭگو حالقى جاۋعا بىرگە كەكتەنىپ، ەرلىكپەن قارسىلىق كورسەتىپ، مەملەكەتتىڭ ءومىر ءسۇرۋى ءۇشىن، ۇلتتىڭ گۇلدەنۋى ءۇشىن، ادامزاتتىڭ ادىلدىگى ءۇشىن شايقاس جاسادى. بۇگىنگى تاڭدا ادامزات تاعى دا بەيبىت ءوتۋ كەرەك پە، الدە سوعىسۋ كەرەك پە، پىكىرلەسۋ كەرەك پە، الدە قارسىلاسۋ كەرەك پە، تەڭ يگىلىككە كەنەلۋ كەرەك پە، الدە ىمىراسىز كۇيدە قالۋ كەرەك پە دەگەن تالعامعا ءدوپ كەلىپ وتىر. جۇڭگو حالقى تاريحتىڭ دۇرىس جاعىندا، ادامزات وركەنيەتىنىڭ العا باسۋ جاعىندا باتىل تۇرىپ، بەيبىت دامۋ جولىمەن جۇرۋگە تاباندى بولىپ، ءار ەل حالقىمەن قول ۇستاسا وتىرىپ ادامزاتتىڭ تاعدىرلاس ورتاق تۇلعاسىن قۇرادى.

شي جينپيڭ بىلاي دەپ اتاپ كورسەتتى: جۇڭگو حالىق ازاتتىق ارمياسى باستان - اياق پارتيا مەن حالىق بۇكىلدەي سەنىم ارتاتىن قاھارمان قوسىن. بۇكىل ارمياداعى ساردارلار مەن ساربازدار قاسيەتتى بورىشىن ادالدىقپەن اتقارىپ، دۇنيە جۇزىندەگى بىرەگەي ارميا قۇرۋدى جەدەلدەتىپ، مەملەكەتتىڭ يەلىك ۇقىعىن، بىرلىگىن، تەرريتوريا تۇتاستىعىن باتىل قورعاپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا ستراتەگيالىق تىرەك ازىرلەپ، دۇنيە ءجۇزىنىڭ بەيبىتشىلىگى مەن دامۋىنا اناعۇرلىم زور ۇلەس قوسۋى كەرەك.

شي جينپيڭ مىنالاردى باسا دارىپتەدى: جاڭا ءداۋىردىڭ جاڭا جورىعىندا بۇكىل ەلدەگى ءار ۇلت حالقى جۇڭگو كوممۋنيستىك پارتياسىنىڭ پارمەندى باسشىلىعىندا، ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، جاڭا داۋىردەگى جۇڭگوشا سوتسياليزم يدەياسىن جاپپاي دايەكتىلەندىرىپ، جۇڭگوشا سوتسياليزم جولىمەن بۇلجىماي ءجۇرىپ، جاپون شاپقىنشىلارىنا قارسى سوعىستىڭ ۇلى رۋحىنا مۇراگەرلىك ەتىپ جانە ونى ساۋلەلەندىرىپ، ەرلىكپەن العا ۇمتىلىپ، ەرلىكپەن العا باسىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزەيىك.

شي جينپيڭ سوڭىندا بىلاي دەپ باسا دارىپتەدى: جۇڭحۋا ۇلتىنىڭ ۇلى گۇلدەنۋى بوگەۋ بەرمەيدى! ادامزاتتىڭ بەيبىتشىلىگى مەن دامۋى سىندى وسكەلەڭ ءىس، ءسوز جوق، جەڭىسكە جەتەدى! (ءسوزدىڭ تولىق مازمۇنىن «حالىق گازەتىنىڭ» 3 - بەتىنەن وقي الاسىزدار)

شي جينپيڭنىڭ ءسوزى اياقتاعان كەزدە تۇتاس الاڭنان ۇزاققا سوزىلعان قىزۋ شاپالاق ءۇنى كوتەرىلدى.

ساعات 9 دان 15 مينۋت وتكەندە اسكەري پارات سالتى باستالىپ، ۇلگىلەر ورىندارىنا جايعاسىپ، اسكەري وركەستر اسكەري پارات دابىلىن قاقتى. شي جينپيڭ قىزىلتۋ ماركالى كوزدەن كەشىرۋ اۆتوموبيلىنە وتىرىپ، جينشۇي كوپىرىنەن ءوتىپ، چاڭ - ان كوشەسىنە شىقتى. اسكەري پاراتتىڭ باس قولباسشىسى حان شىڭيان پاراتتان وتەتىن اسكەري بولىمدەردىڭ ساپ تۇزەپ بولعانىن مالىمدەدى، شي جينپيڭ پاراتتى باستاۋ بۇيرىعىن ءتۇسىردى. جۇڭگو كوممۋنيستىك پارتياسىنىڭ پارتيا تۋى، جۇڭحۋا حالىق رەسپۋبليكاسىنىڭ مەملەكەت تۋى، جۇڭگو حالىق ازاتتىق ارمياسىنىڭ ارميا تۋى پاراتتان وتەتىن اسكەري بولىمدەردىڭ ەڭ الدىندا تۇر، شي جينپيڭ اۆتوكولىكپەن پارتيا تۋىنىڭ، مەملەكەت تۋىنىڭ، ارميا تۋىنىڭ الدىنا بارىپ، تۋعا قاراپ قۇرمەت ءبىلدىردى.

ايبىندى اسكەري مۋزىكا ءۇنى ىشىندە شي جينپيڭ اۆتوكولىكپەن كەڭ چاڭ - ان كوشەسىن بويلاپ، 13 جاياۋلار شارشى شەبىن، ءبىر سوعىس تۋى شارشى شەبىن، 22 جابدىق شارشى شەبىن رەتىمەن كوزدەن كەشىردى. پاراتتان وتەتىن اسكەري بولىمدەردىڭ اسكەري كەلبەتى قاتاڭ دا رەتتى، جىگەرى تاسقىنداپ، تەمىر ساۋىتتى سوعىس اۆتوموبيلدەرى رەتتى ساپ تۇزەپ، ايبارلى كورىندى. بۇل − حالىق ارمياسىنىڭ ارميا قۇرىلعاندىعىنىڭ 100 جىلدىعىنا ەكپىندەي ىلگەرىلەگەن شىت جاڭا بەينەسى، بۇل − جۇڭحۋا ۇلتىنىڭ دۇنيە ءجۇزى بەيبىتشىلىگىن قورعاۋداعى بەرىك جارناماسى.

”جولداستار، سالەمەتسىزدەر مە!“ ”جولداستار، جاپا شەكتىڭىزدەر!“ شي جينپيڭنىڭ ىقىلاستى سالەمى ارميانى جىگەرلەندىردى. ”ءتوراعا، سالەمەتسىز بە!“ ”حالىق ءۇشىن قىزمەت ىستەيمىز!“ پاراتتان وتكەن كوماندير - جاۋىنگەرلەردىڭ جىگەرى تاسقىنداپ، اسقاق جاۋاپ ءۇنى اسپاندى جاڭعىرتتى. شي جينپيڭ اۆتوكولىكپەن تيان - انمىن الاڭىنا قايتىپ بارا جاتقان جولىندا پاراتتان وتكەن كوماندير - جاۋىنگەرلەر: ”پارتيانىڭ قولباسشىلىعىنا قۇلاق اسامىز! جەڭىستى شايقاس جۇرگىزە الامىز! تاماشا ستيلدى ساقتايمىز!“ ”ادىلەت ءسوزسىز جەڭەدى! بەيبىتشىلىك ءسوزسىز جەڭەدى! حالىق، ءسوز جوق، جەڭىسكە جەتەدى!“ دەپ ءور داۋىسپەن ۇراندادى.

كوزدەن كەشىرۋ اياقتاعان سوڭ شي جينپيڭ تيان - انمىن مىنبەسىنە شىقتى.

ساعات 9 دان 44 مينۋت وتكەندە كەڭىستىكتەگى تۋ قورعاۋشىلار تىركەسپەلى اترەتى الدىمەن بوي كورسەتىپ، اسكەري پاراتتىڭ سالتانات قاتارىنىڭ بەتاشارىن اشتى − 3 تىك ۇشاققا جەكە - جەكە جۇڭگو كوممۋنيستىك پارتياسىنىڭ تۋى، جۇڭحۋا حالىق رەسپۋبليكاسىنىڭ مەملەكەت تۋى، جۇڭگو حالىق ازاتتىق ارمياسىنىڭ ارميا تۋى ءىلىنىپ، 26 تىك ۇشاقتان الىپ ”80“ دەگەن جازۋ قالىپتاستى، 3 تىك ۇشاق ”ادىلەت، ءسوزسىز، جەڭەدى“، ”بەيبىتشىلىك، ءسوزسىز، جەڭەدى“، ”حالىق، ءسوزسىز، جەڭەدى“ دەگەن كەرمە تۋلاردى ءىلىپ تيان - انمىن الاڭىنان ۇشىپ ءوتتى.

وسى رەتكى اسكەري پاراتتا جيىنى 45 شارشى (ساتىلى) اترەت پاراتتان ءوتتى، كوپ ساندى قارۋ - جاراق تۇڭعىش رەت بوي كورسەتىپ، جاپون شاپقىنشىلارىنا قارسى سوعىس قاھارماندارى قوسىنىنىڭ قان تامىرىنا مۇراگەرلىك ەتكەندىگىن تولىق ايگىلەدى، جاڭا داۋىردەگى حالىق ارمياسىنىڭ ساياسي ارميا قۇرۋداعى جاڭا بەت - بەينەسىن، كۇش قۇرىلىمىنداعى جاڭا ورنالاستىرۋىن، وسىزامانداندىرۋ قۇرىلىسىنداعى جاڭا ىلگەرىلەۋشىلىكتەرىن، سوعىسقا دايىندالۋداعى، سوعىس جۇرگىزۋدەگى جاڭا ناتيجەلەرىن تولىق ايگىلەدى.

ايبىندى قوسىن ساپ تۇزەپ، ايبىنى اسقاق بولدى. قۇرمەت قاراۋىلى شارشى شەبى پارتيا تۋىن، مەملەكەت تۋىن، ارميا تۋىن بيىك ۇستاپ، شىعىس چاڭ - ان كوشەسىن بويلاپ ارشىندى قادام تاستادى. جۇڭگو كوممۋنيستىك پارتياسى باسشىلىق ەتكەن حالىق ارمياسى − ماڭگى مەملەكەتتىڭ قورعاۋشىسى، ماڭگى سوتسياليزمنىڭ قورعاۋشىسى، ماڭگى حالىق مۇددەسىنىڭ قورعاۋشىسى. حالىق ارمياسى رەفورمانى جاپپاي تەرەڭدەتكەننەن كەيىن جاڭاشا ارميا، اسكەر تۇرلەرى قۇرىلىمىن قالىپتاستىردى، 4 ارميا ءتۇرى، 4 اسكەر ءتۇرى جانە قارۋلى ساقشى اسكەري بولىمدەرىنىڭ شارشى شەبى تۇڭعىش رەت ارميا ءتۇرى، ارميا تۋى جانە قارۋلى ساقشى اسكەري بولىمدەرىنىڭ تۋىن شوعىرلى تۇردە كورسەتتى. قۇرلىق ارميا شارشى شەبى، تەڭىز ارميا شارشى شەبى، اۋە ارميا شارشى شەبى، راكەتا ارميا شارشى شەبى ايبىندى دا ايباتتى بولىپ، قۇرىش قورعاننىڭ داۋىرلىك كەلبەتىن ايگىلەدى؛ اسكەري ىستەر عارىش ءبولىمىنىڭ شارشى شەبى، ينتەرنەت كەڭىستىگى اسكەري ءبولىمىنىڭ شارشى شەبى، ينفورماتسيالىق كومەك اسكەري ءبولىمىنىڭ شارشى شەبى، بىرلەسكەن ارتقى شەپ قامتاماسىزداندىرۋ اسكەري ءبولىمىنىڭ شارشى شەبى كوتەرىڭكى رۋحپەن رەفورما جاساپ، ارميانى قۇدىرەتتەندىرۋدىڭ شىت جاڭا بەينەسىن ايگىلەدى؛ قارۋلى ساقشى اسكەري ءبولىمىنىڭ شارشى شەبى ايبىندى بەينەگە ەنىپ، ادال قورعاۋشىلاردىڭ بورىشى مەن جاۋاپكەرشىلىگىن ايگىلەدى؛ زاپاس اسكەري ءبولىم شارشى شەبى، حالىق جاساقتارى شارشى شەبى اسقاق ايبىنىمەن مەملەكەت قورعانىسى زاپاس كۇشتەرى قۇرىلىسىنىڭ داۋىرلىك كەلبەتىن ايگىلەدى؛ بەيبىتشىلىكتى قورعاۋ اسكەري ءبولىمى شارشى قوسىنىنىڭ اياق الىسى ەكپىندى بولىپ، جۇڭگو ارمياسىنىڭ ءىس - ارەكەتى ارقىلى ءىرى ەلدىڭ جاۋاپكەرشىلىگىن ارقالاپ، ادامزاتتىڭ تاعدىرلاس ورتاق تۇلعاسىن قۇرۋعا قوسقان ماڭىزدى ۇلەسىن ايگىلەدى.

سوعىس تۋى جەلبىرەپ، قۇرىش تولقىن جوڭكىلدى. جاپون شاپقىنشىلارىنا قارسى سوعىستاعى قاھارمان ۇلگىلى اسكەري بولىمدەردىڭ 80 داڭق تۋىنان قۇرالعان سوعىس تۋى شارشى قوسىنى تاريحتىڭ داڭقىن ارقالاپ كەلەدى. وسى قاھارماندار تۋى، جەڭىس تۋى، وشپەس تۋلار حالىق ارمياسىن ەرلىكپەن العا باسۋعا جىگەرلەندىردى. قارۋ - جاراق شارشى شەبىندەگى قۇرلىقتاعى سوعىس جۇرگىزۋ توبى، تەڭىزدەگى سوعىس جۇرگىزۋ توبى، اۋە شابۋىلىنا قارسى باسقارىلمالى بومبى توبى، ينفورماتسيالىق سوعىس توبى، ۇشقىشسىز سوعىس جۇرگىزۋ توبى، ارتقى شەپ قامتاماسىزداندىرۋ توبى، ستراتەگيالىق سوققى بەرۋ توبى ارت - ارتىنان زەڭگىر كوكتەن سامعاپ ءوتىپ كوزدەن كەشىرۋدى قابىلدادى. جاڭا تۇرپاتتى تانكى، ۇشقىشسىز زەيىندەندىرىلگەن جابدىق، توراپ جانە ەلەكتروندىق سوعىس، دىبىستان تەز ۇشۋ جابدىعى، اۋە شابۋىلىنان قورعانۋ باسقارىلمالى بومبىسى، ستراتەگيالىق باسقارىلمالى بومبىدان تارتىپ جاپون شاپقىنشىلارىنا قارسى سوعىس داۋىرىندەگى كونە مىلتىق، زەڭبىرەكتەن بۇگىنگى جاڭا تۇرپاتتى وزىق سوعىس كۇشتەرىنە دەيىن، ەلىمىزدە وندىرىلگەن نەگىزگى سوعىس جابدىقتارى مەن ستراتەگيالىق اۋىر قارۋ - جاراق تيان - انمىن مىنبەسىنىڭ الدىنان ءبىر - بىرلەپ ءوتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعايتىن، دۇنيە ءجۇزىنىڭ بەيبىتشىلىگىن باتىل قورعايتىن قۇرىشتاي مىعىم جىگەرى مەن قۇدىرەتتى قۋاتتى ايگىلەدى.

سوعىس ۇشاقتارى گۇرىلدەپ، قاناتىن جايىپ اسپانعا كوتەرىلدى. الدىن الا ساقتاندىرۋ، قولباسشىلىق ەتۋ ۇشاعى، ەرەكشە ۇشاق، تاسىمال ۇشاعى، بومبىلاۋشى ۇشاق، ماي قۇياتىن ۇشاق، جويعىش ۇشاق، كەمەلىك ۇشاق سياقتى اۋە تىركەسپەلى اترەتتەرى رەتى بويىنشا تومەن كەڭىستىكتە تيان - انمىن الاڭىنان ۇشىپ ءوتتى، پاراتتان وتكەن الدىن الا ساقتاندىرۋ، بارلاۋ، الىس ارالىقتان سوققى بەرۋ، اۋەدە سوعىس جۇرگىزۋ، ستراتەگيالىق جەتكىزۋ، كومەكتەسۋ، قامتاماسىزداندىرۋ سياقتى ۇشاقتار ارميامىزدىڭ تەز قارقىنمەن جوعارىلاعان اۋەدەن سوعىس جۇرگىزۋ قابىلەتىن ايگىلەدى. جاتتىقتىرۋشىلار ساتىلى ۇشاق كومانداسى 14 ءتۇستى ءتۇتىن شىعارىپ، جۇڭحۋا ۇلتىنىڭ 14 جىلدىق جان تەبىرەنتەرلىك جاپون شاپقىنشىلارىنا قارسى سوعىس بارىسىن بەينەلەپ، ءبىر ميلليارد 400 ميلليوننان استام جۇڭگو حالقىنىڭ مەملەكەتتى قۇدىرەتتەندىرۋدىڭ، گۇلدەندىرۋدىڭ نۇرلى بولاشاعىنا بەت العاندىعىنىڭ سيمۆولى بولدى.

شي جينپيڭ قاتارلىلار جۇڭگولىق، شەتەلدىك باسشىلارمەن بىرگە ءالسىن - ءالى شاپالاق سوقتى، زالدان دۋ قول شاپالاق ءۇنى مەن شاتتىق ءۇنى كوتەرىلدى.

80 مىڭ بەيبىتشىلىك كوگارشىنى قاناتىن جايىپ سامعادى، 80 مىڭ شار كوككە كوتەرىلدى، «وتاندى جىرلايمىز» اتتى اسقاق مۋزىكا بۇكىل الاڭدى جاڭعىرتتى. شي جينپيڭ قاتارلىلار ءار سالا بۇقاراسىنا ءالسىن - ءالى قۇرمەت ءبىلدىردى، الاڭ ءىشى - سىرتى توعىسىپ شاتتىق تەڭىزىنە اينالدى.

جينالىس ءبىر ساعات 26 مينۋتقا جالعاسىپ، ساعات 10 نان 26 مينۋت وتكەندە تابىسپەن اياقتادى.

جينالىس باستالاردان بۇرىن شي جينپيڭ مەن حانىمى پىڭ لييۋان دۋانمىن قاقپاسىنىڭ سىرتىنداعى الاڭدا جينالىسقا قاتىناسقان شەتەل ۋاكىلدەر ۇيىرمەلەرىنىڭ باستىقتارىن جانە ولاردىڭ جۇبايلارىن قارسى الدى ءارى ولارمەن توپتىق ەستەلىك سۋرەتكە ءتۇستى.

جينالىسقا قاتىناسقان حالىقارالىق سيلى قوناقتار مىنالار: رەسەيدىڭ زۇڭتۇڭى پۋتين، چاۋشيان ەڭبەك پارتياسىنىڭ باس شۋجيى، مەملەكەت ىستەرى كوميتەتىنىڭ باستىعى جين جىڭىن، كامبودجانىڭ پاتشاسى سيحاموني، ۆيەتنامنىڭ مەملەكەت ءتوراعاسى لياڭ چياڭ، لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇن، يندونەزيانىڭ زۇڭتۇڭى پرابوۆو، مالايزيانىڭ زۇڭليى ءانۋار، موڭعۇليانىڭ زۇڭتۇڭى حورەلسۋح، پاكيستاننىڭ زۇڭليى شاھباز، نەپالدىڭ زۇڭليى ولي، مالديۆتىڭ زۇڭتۇڭى مۋيز، قازاقستاننىڭ زۇڭتۇڭى توقايەۆ، وزبەكستاننىڭ زۇڭتۇڭى ميرزيويەۆ، تاجىكستاننىڭ زۇڭتۇڭى راحمون، قىرعىزستاننىڭ زۇڭتۇڭى جاپاروۆ، تۇركىمەنستاننىڭ زۇڭتۇڭى بەردىمۇحامەتوۆ، بەلورۋسسيانىڭ زۇڭتۇڭى لۋكاشەنكو، ازەربايجاننىڭ زۇڭتۇڭى اليەۆ، ارمەنيانىڭ زۇڭليى پاشينيان، يراننىڭ زۇڭتۇڭى پيزشكيان، كونگونىڭ (براززاۆيل) زۇڭتۇڭى ساسۋ، زيمبابۆەنىڭ زۇڭتۇڭى منانگاگۋا، سەربيانىڭ زۇڭتۇڭى ۆۋچيچ، سلوۆاكيانىڭ زۇڭليى فيزو، كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى، مەملەكەت ءتوراعاسى دياس - كانەل، بيرمانىڭ ۋاقىتتىق زۇڭتۇڭى مين اڭلاي، كورەيا پارلامەنتىنىڭ باستىعى يۇي يۋانجى، شىعىس تيمور ۇلتتىق پارلامەنتىنىڭ باستعى فەرناندا، ۆەنەسۋەلا مەملەكەتتىك قۇرىلتايىنىڭ ءتوراعاسى رودريگس، سينگاپۋر زۇڭليىنىڭ ورىنباسارى يان جينيۇڭ، ەگيپەت زۇڭتۇڭىنىڭ ەرەكشە ەلشىسى، زۇڭليىنىڭ ورىنباسارى ۋاشىر، بۇلعاريا ۇكىمەتى زۇڭليىنىڭ ورىنباسارى، سوتسيال پارتياسىنىڭ ءتوراعاسى زافيروۆ، تۇركيا زۇڭتۇڭى ەردوعاننىڭ ۋاكىلى، سىرتقى ىستەر مينيسترى فيدان، تۇركيا زۇڭتۇڭى ەردوعاننىڭ ۋاكىلى، ەنەرگيا جانە جاراتىلىستىق بايلىق مينيسترى بايراكتار، برازيليا زۇڭتۇڭىنىڭ باس ەرەكشە اقىلشىسى امورين، برازيليا ۇكىمەتىنىڭ ۋاكىلى، برازيليانىڭ جۇڭگودا تۇراتىن باس ەلشىسى گاۋ ۋاڭ، نيكاراگۋا ۇكىمەتىنىڭ ۋاكىلى، زۇڭتۇڭنىڭ اقىلشىسى لاۋرەيانو، ۆەنگريا ۇكىمەتىنىڭ ۋاكىلى، سىرتقى ىستەر جانە سىرتپەن ەكونوميكالىق بايلانىس جاساۋ مينيسترى سياردو، برۋنەي پاتشالىعى قارۋلى قوسىنىنىڭ قولباسشىسى حازايمي، بانگلادەش ۋاقىتتىق ۇكىمەتىنىڭ ۋاكىلى، مەملەكەت حاۋىپسىزدىگى اقىلشىسى راحمان، ەۆروپا پارلامەنتىنىڭ مۇشەسى دوستال، بىرلەسكەن مەملەكەتتەر ۇيىمى باس حاتشىسىنىڭ ورىنباسارى لي جۇنحۋا، بىرلەسكەن مەملەكەتتەر ۇيىمى استىق، اۋىل شارۋاشىلىق ۇيىمىنىڭ باس القاسى چۇي دۇڭيۇي، جاڭا كوركەيتۋ بانكەسىنىڭ باستىعى روسسەۆ، ازيا نەگىزدىك قۇرىلعىلارعا قارجى قوسۋ بانكەسىنىڭ باستىعى جين ليچۇن، شاڭحاي سەلبەستىك ۇيىمىنىڭ باس حاتشىسى ەرمەكبايەۆ، شاڭحاي سەلبەستىك ۇيىمى وڭىرلىك لاڭكەستىككە قارسى تۇرۋ قۇرىلىمى اتقارۋ كوميتەتىنىڭ مەڭگەرۋشىسى شارشەيەۆ، ازيا ءوزارا سەلبەستىك جانە سەنىمدىلىك شارالارى كەڭەسىنىڭ باس حاتشىسى سارىباي، تاۋەلسىز ەلدەر بىرلەستىگىنىڭ باس حاتشىسى لەبەجەۆ، ۇجىمدىق حاۋىپسىزدىك شارت ۇيىمىنىڭ باس حاتشىسى تاسماعامبەتوۆ، ەۆروپا - ازيا ەكونوميكا كوميتەتى اتقارۋ كوميتەتىنىڭ ءتوراعاسى ساعىنتايەۆ، جاپونيانىڭ بۇرىنعى باس ءۋازىرى جيۋشان - يوۋجيفۋ، شۆەتساريانىڭ بۇرىنعى فەدەراتسيالىق ءتوراعاسى، قازىنا مينيسترى ماۋلەر، بەلگيانىڭ بۇرىنعى باس ءۋازىرى ليتەرممە، گرەتسيانىڭ بۇرىنعى زۇڭليى پاپاندريو، يتاليانىڭ بۇرىنعى زۇڭليى دىلايما، رۋمينيانىڭ بۇرىنعى زۇڭليلەرى ناستاسە، دەنچيللە، جاڭا زەلانديانىڭ بۇرىنعى زۇڭليلەرى كلارك، جون كي، اۆستراليا ۆيكتوريا شتاتىنىڭ بۇرىنعى باستىعى اندرۋس.

جينالىسقا قاتىناسقانداردان تاعى مىنالار بار: ما شيڭرۇي، ۋاڭ ي، يىن لي، شى تايفىڭ، ليۋ گوجۇڭ، لي گانجيە، لي شۋلەي، لي حۇڭجۇڭ، حى ليفىڭ، جاڭ يوۋشيا، جاڭ گوچيڭ، چىن جينيڭ، چىن مين - ىر، يۋان جياجۇن، حۋاڭ كۇنميڭ، لي رۇيحۋان، ۋىن جياباۋ، جيا چيڭلين، جاڭ دىجياڭ، يۇي جىڭشىڭ، لي جانشۋ، ۋاڭ ياڭ، لي لانچيڭ، زىڭ چيڭحۇڭ، ۋ گۋانجىڭ، لي چاڭچۇن، حى گوچياڭ، ليۋ يۇنشان، ۋاڭ چيشان، جاڭ گاۋلي، جۇڭگو كوممۋنيستىك پارتياسى ورتالىق كوميتەتى شۋجيچۋىنداعى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى باسشى جولداستار جانە باسشىلىق مىندەتىنەن بوساعان جولداستار، شياڭگاڭ ەرەكشە اكىمشىلىك رايونىنىڭ اكىمى لي جياچاۋ، اۋمىن ەرەكشە اكىمشىلىك رايونىنىڭ اكىمى سىن حاۋحۇي.

بەيجيڭدە تۇراتىن ورتالىقتاعى پارتيا، ۇكىمەت، ارميا تاراۋلارىنىڭ، بۇقارالىق تاراۋلاردىڭ جانە بەيجيڭ قالاسىنىڭ جاۋاپتى جولداستارى، جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەردىڭ، ساقا جولداستاردىڭ، الدىڭعى شەپكە كومەك بەرۋ ۇلگىلەرىنىڭ ۋاكىلدەرى، جاپون شاپقىنشىلارىنا قارسى سوعىس قۇرباندارى تۋىس - تۋعاندارىنىڭ ۋاكىلدەرى، گومينداڭ پارتياسىنداعى جاپون شاپقىنشىلارىنا قارسى سوعىسقا قاتىناسقان ساقا اسكەرلەردىڭ ۋاكىلدەرى، ەل ءىشى - سىرتىنداعى وتانشىل قايراتكەرلەردىڭ، جاپون شاپقىنشىلارىنا قارسى سوعىسقا قاتىناسقان قولباسشىلاردىڭ تۋىس - تۋعاندارىنىڭ ۋاكىلدەرى، ساقا جولداستاردىڭ ۋاكىلدەرى، بەيجيڭدەگى ورتالىق باسقاراتىن فينانس قۇرىلىمدارى، كاسىپورىندار، جوعارى مەكتەپتەر سياقتى ورىنداردىڭ نەگىزگى جاۋاپتى جولداستارى، بەيجيڭدەگى ورتالىق كوميتەتتىڭ مۇشەلەرى، ورتالىق كوميتەتتىڭ كانديدات مۇشەلەرى، پارتيا 20 - قۇرىلتايىنىڭ ۋاكىلدەرى، ورتالىق ءتارتىپ تەكسەرۋ كوميتەتىنىڭ مۇشەلەرى، مەملەكەتتىك باقىلاۋ - تەكسەرۋ كوميتەتىنىڭ مۇشەلەرى، مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ بەيجيڭدەگى مۇشەلەرى، مەملەكەتتىك مەملەكەتتىك ساۋدا - ونەركاسىپشىلەر بىرلەستىگىنىڭ بەيجيڭدەگى اتقارۋ كوميتەتىنىڭ جانە پارتيادا، توپتا جوق قايراتكەرلەردىڭ ۋاكىلدەرى، ”رەسپۋبليكا وردەنى“، ”1 - شىلدە وردەنى“، ”1 - تامىز وردەنى“ جانە مەملەكەتتىك داڭق اتاعى يەگەرلەرىنىڭ ۋاكىلدەرى، مەملەكەتتىك وزات ۇلگىلەردىڭ ۋاكىلدەرى، 11 - ۇرپاق بانچان ەردەني چۋەجيجەبۋ، مەملەكەتتىك ءدىني توپتاردىڭ نەگىزگى جاۋاپتىلارى، ەلىمىزدەگى از ۇلتتاردىڭ ۋاكىلدەرى، بەيجيڭدەگى جۇڭگو عىلىم اكادەمياسىنىڭ اكادەميكتەرى جانە جۇڭگو قۇرىلىس اكادەمياسىنىڭ اكادەميكتەرى، توڭكەرىستىك قۇربانداردىڭ جانە قىزمەت بارىسىندا قۇربان بولعانداردىڭ تۋىس - تۋعاندارىنىڭ ۋاكىلدەرى، شەتەلدەن وقىپ وتانعا قايتقان ۇزدىك دارىندىلاردىڭ ۋاكىلدەرى، قايتىس بولعان ءبىر ءبولىم اعا بۋىن جولداستاردىڭ تۋىس - تۋعاندارى، مەملەكەت بويىنشا ءتۇيىندى سۇيەمەلدەنەتىندەردىڭ، شياڭگاڭدىق، اۋمىندىق، تايۋاندىق باۋىرلاستاردىڭ، شەتەلدەردەگى چياۋمين باۋىرلاستاردىڭ ۋاكىلدەرى، استاناداعى ءار سالا بۇقاراسىنىڭ ۋاكىلدەرى، بەيجيڭدە تۇراتىن اسكەري بولىمدەردەگى كوماندير - جاۋىنگەرلەردىڭ ۋاكىلدەرى قاتارلىلار جينالىسقا قاتىناستى.

شەتەل ۋاكىلدەر ۇيىرمەسى مۇشەلەرىنىڭ ۋاكىلدەرى، ءار ەلدىڭ جۇڭگودا تۇراتىن ەلشىلەرى، اسكەري ءمانساپتىلارى جانە حالىقارالىق ۇيىمداردىڭ جۇڭگودا تۇراتىن ۋاكىلدەرى، جۇڭگونىڭ جاپون شاپقىنشىلارىنا قارسى سوعىسىنىڭ جەڭىسىنە ۇلەس قوسقان حالىقارالىق دوستاردىڭ نەمەسە ولاردىڭ تۋىس - تۋعاندارىنىڭ ۋاكىلدەرى، بەيجيڭدەگى شەتەلدىك مامانداردىڭ ۋاكىلدەرى دە ۇسىنىس بويىنشا جينالىسقا قاتىناستى.