شي جينپيڭ موڭعۇليا زۇڭتۇڭىمەن، وزبەكستان زۇڭتۇڭىمەن، تۇركمەنستان زۇڭتۇڭىمەن، يران زۇڭتۇڭىمەن، تاجىكستان زۇڭتۇڭىمەن، پاكيستان زۇڭليىمەن، مالايزيا زۇڭليىمەن جەكە ـ جەكە كەزدەستى

شينحۋا اگەنتتىگىنىڭ 9 ـ ايدىڭ 2 ـ كۇنى بەيجيڭنەن بەرگەن حابارى (تىلشىلەر ۋىن شين، حۋاڭ ياڭ). 9 ـ ايدىڭ 2 ـ كۇنى تۇستەن بۇرىن مەملەكەت ءتوراعاسى شي جينپيڭ بەيجيڭ حالىق سارايىندا 2025 ـ جىلعى شاڭحاي سەلبەستىك ۇيىمى باسشىلار ماجىلىسىنە جانە جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ قيمىلىنا قاتىناسۋ ءۇشىن جۇڭگوعا كەلگەن موڭعۇليا زۇڭتۇڭى كۇرۇلسۇكپەن كەزدەستى.

شي جينپيڭ بىلاي دەپ اتاپ كورسەتتى: جۇڭگو مەن موڭعۇليا تاۋ ـ وزەنى تۇتاسقان دوس كورشى ەلدەر، ەكى ەلدىڭ ءار سالاداعى اۋىس ـ كۇيىسى، سەلبەستىگى ۇزدىكسىز تەرەڭدەپ، كوپتەگەن ءتۇيىندى نىساندا بەلسەندى ىلگەرىلەۋشىلىككە قول جەتكىزىلدى. ەكى جاق جۇڭگو - موڭعۇليا تاعدىرلاس ورتاق تۇلعا قۇرىلىسىن جەتەكشى ەتىپ، ستراتەگيالىق ءوزارا سەنىمدىلىكتى بەكەمدەپ، دامۋدى، توعىسۋدى تەرەڭدەتىپ، حالىق تىلەگىنىڭ توعىسۋىن جەبەپ، ەكى ەلدىڭ جالپى بەتتىك ستراتەگيالىق سەرىكتەستىك قارىم ـ قاتىناسىنا ۇزدىكسىز العا باسۋ قوزعاۋشى كۇشىن ۇستەۋى كەرەك.

شي جينپيڭ بىلاي دەپ باسا دارىپتەدى: حالىقارالىق جاعداي قالاي وزگەرسە دە، جۇڭگو جاق ۇزدىكسىز موڭعۇليا جاقتىڭ سەنىم ارتۋعا جانە قادىرلەۋگە تاتيتىن سەرىگى بولادى. ەكى جاق ەكى ەل قارىم ـ قاتىناسىنىڭ ساياسي نەگىزىن بار پەيىلىمەن قورعاپ، دامۋ ستراتەگيالارىن ءتۇيىلىستىرۋدى تەرەڭدەتىپ، وزدەرىنىڭ وسىزامانداندىرۋ قۇرىلىسىن جۇزەگە اسىرۋ جولىندا قول ۇستاسا قاتار ىلگەرىلەۋى كەرەك. جۇڭگو جاقتىڭ الەمدىك باسقارۋ باستاماسىن العا قويۋى الەمدىك سىن ـ سايىستارعا اناعۇرلىم ويداعىداي توتەپ بەرۋ ءۇشىن، موڭعۇليا جاقپەن وسى باستامانى بىرگە تياناقتاندىرىپ، باسقارۋ قىزىل سيفرى قيىن ماسەلەسىن شەشۋدى قالايدى.

كۇرۇلسۇك مىنالاردى ءبىلدىردى: جۇڭگومەن ماڭگىلىك تاتۋ كورشى، دوس بولۋ، ۇزاق ۋاقىت ءوزارا پايدا جەتكىزۋ سەلبەستىگىن ورىستەتۋ موڭعۇليا ديپلوماتياسىنىڭ الدىمەن ويلاستىراتىن باعىتى. موڭعۇليا جاق جۇڭگونىڭ تاتۋ، ادال، قايىرىمدى، كەڭ پەيىل بولۋ سىندى توڭىرەكتىك ديپلوماتيا ۇستانىمىنا تاباندى بولعانىن ايرىقشا القايدى، ءبىر جۇڭگو پرينسيبىن ۇزدىكسىز اتقارادى، تايۋانعا ساياتىن، شيزاڭعا ساياتىن، شينجياڭعا ساياتىن، شياڭگاڭعا ساياتىن سياقتى ماسەلەلەردە جۇڭگو جاقتىڭ تۇرعىسىن باتىل قولدايدى. موڭعۇليا جاق ەكى ەلدىڭ ەكونوميكا ـ ساۋدا سەلبەستىگىنىڭ كومەسكى كۇشىن اشىپ، ۇلاستىرۋدى ـ تۇتاستىرۋدى كۇشەيتىپ، ءوزارا پايدا جەتكىزۋ سەلبەستىگىن جەبەپ، ەكى جاقتى قارىم ـ قاتىناستىڭ دامۋىن ىلگەرىلەتۋدە اناعۇرلىم كوپ جەتىستىككە قول جەتكىزۋدى كۇتەدى. ءتوراعا شي جينپيڭ الەمدىك باسقارۋ باستاماسىن العا قويىپ، بىرلەسكەن مەملەكەتتەر ۇيىمىن وزەك ەتكەن، وركەندەپ كەلە جاتقان ەلدەر تۇگەل تەپە ـ تەڭ تۇرعىدا قاتىناساتىن حالىقارالىق باسقارۋ جۇيەسىن قۇرۋدى دارىپتەدى، موڭعۇليا جاق مۇنى ايرىقشا القايدى، جۇڭگو جاقپەن حالىقارالىق ساحنادا ءوزارا قولداپ، سەلبەستىكتى نىعايتىپ، وركەندەپ كەلە جاتقان ەلدەردىڭ ورتاق مۇددەسىن قورعاۋدى قالايدى.

ەكى جاق كەدەن، ولشەم، مەديا سياقتى سالالاردا كوپتەگەن ەكى جاقتى سەلبەستىك حۇجاتىنا قول قويدى.

ۋاڭ ي كەزدەسۋگە قاتىناستى.

شينحۋا اگەنتتىگىنىڭ 9 ـ ايدىڭ 2 ـ كۇنى بەيجيڭنەن بەرگەن حابارى (تىلشىلەر ساۋ جيايۋە، باي شينيۇي). 9 ـ ايدىڭ 2 ـ كۇنى تۇستەن بۇرىن مەملەكەت ءتوراعاسى شي جينپيڭ بەيجيڭ حالىق سارايىندا 2025 ـ جىلعى شاڭحاي سەلبەستىك ۇيىمى باسشىلار ماجىلىسىنە جانە جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ قيمىلىنا قاتىناسۋ ءۇشىن جۇڭگوعا كەلگەن وزبەكستان زۇڭتۇڭى مىرزيويەۆپەن كەزدەستى.

شي جينپيڭ بىلاي دەپ اتاپ كورسەتتى: جۇڭگو مەن وزبەكستان دوس، جاقىن كورشى، جاڭا داۋىردەگى بارلىق جاعدايدا بىردەي جالپى بەتتىك ستراتەگيالىق سەرىكتەر. جۇڭگو جاق وزبەكستان جاقتىڭ يەلىك ۇقىقتى، حاۋىپسىزدىكتى، دامۋ مۇددەسىن قورعاۋىن قولدايدى، وزبەكستان جاقپەن بىرگە دامۋ ستراتەگيالارىن ءتۇيىلىستىرۋدى جەدەلدەتىپ، جۇڭگو - قىرعىزستان - وزبەكستان تەمىر جول نىسانى قۇرىلىسىن تىڭعىلىقتى ىلگەرىلەتىپ، بىرلەسىپ عىلمي زەرتتەۋ جۇرگىزۋ، جاسىل ەنەرگيا، ەمدەۋ ـ دەنساۋلىق ساقتاۋ، شۇعىل جاعدايعا توتەپ بەرۋدى باسقارۋ، جاساندى زەردە، كەدەيلىكتى ازايتۋ سياقتى سالالاردا سەلبەستىكتى كۇشەيتىپ، مادەنيەت، وقۋ ـ اعارتۋ، ساياحات، جەرگىلىكتى ورىندار جاقتارىندا اۋىس ـ كۇيىستى كەڭەيتۋدى قالايدى. ەكى جاق جۇڭگو مەن وزبەكستاننىڭ زاڭ اتقارۋ حاۋىپسىزدىگى سەلبەستىك مەحانيزمىنەن ويداعىداي پايدالانىپ، ”ءۇش ءتۇرلى كۇشكە“ كۇش بىرىكتىرە سوققى بەرىپ، حاۋىپسىزدىك جاعىنداعى حاۋىپ ـ قاتەر، سىن ـ سايىسقا بىرگە توتەپ بەرۋى كەرەك.

شي جينپيڭ بىلاي دەپ باسا دارىپتەدى: قازىر حالىقارالىق جاعدايدا وزگەرىس پەن بىلىقپالىق قاباتتاسىپ وتىر، شاڭحاي سەلبەستىك ۇيىمىن نىعايتۋ، كۇشەيتۋ ءار ەلدىڭ ورتاق مۇددەنى قورعاۋىنا، وزدەرىنىڭ دامۋىنا دەم بەرۋىنە پايدالى. جۇڭگو، وزبەكستان ەكى جاق بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى باتىل قورعاپ، ناعىز كوپ جاقتىلىقتى امالياتتا ايگىلەپ، الەمدىك باسقارۋ باستاماسىن بىرگە تياناقتاندىرىپ، دۇنيە جۇزىلىك 2 ـ سوعىستىڭ جەڭىس جەتىستىگىن قورعاپ، وڭاي ـ وسپاق قول جەتپەگەن بەيبىتشىلىكتى، تىنىشتىقتى قورعاۋى كەرەك.

مىرزيويەۆ مىنالاردى ءبىلدىردى: جۇڭگو دۇنيە جۇزىلىك فاشيزمگە قارسى سوعىس جەڭىسى ءۇشىن ەلەۋلى ۇلەس قوستى، جاپون شاپقىنشىلارىنا قارسى سوعىس جەڭىسىنىڭ 80 جىلدىعىن ەسكە ءتۇسىرۋ قيمىلىن وتكىزۋ جۇڭگو جاقتىڭ دۇنيە ءجۇزىنىڭ باياندى بەيبىتشىلىگىن قورعاۋداعى قايسارلىعىن، جاۋاپكەرشىلىگىن ايگىلەدى. وزبەكستان جاق جۇڭگومەن قارىم ـ قاتىناسىنا ايرىقشا ءمان بەرەدى، جۇڭگو جاقتىڭ ۇزاق ۋاقىتتان بەرى، وزبەكستاننىڭ ەكونوميكالىق، قوعامدىق دامۋىنا، حالىق تۇرمىسىن جاقسارتۋىنا كورسەتكەن قىمباتتى قولداۋىنا العىس ايتادى، جۇڭگو جاقپەن بىرگە ءوزارا قۇرمەت ەتىپ، ءوزارا قولداپ، ءار سالاداعى سەلبەستىكتى تەرەڭدەتىپ، ەكى ەلدىڭ جاڭا داۋىردەگى بارلىق جاعدايدا بىردەي جالپى بەتتىك ستراتەگيالىق سەرىكتەستىك قارىم ـ قاتىناسىنىڭ دامۋىن ىشكەرىلەي ىلگەرىلەتۋدى قالايدى. جۇڭگو جاقتىڭ شاڭحاي سەلبەستىك ۇيىمى تيانجين باسشىلار ءماجىلىسىن ءساتتى وتكىزگەندىگىن قۇتتىقتايمىن، جۇڭگونىڭ كەزەكتى ءتوراعا ەل بولۋ قىزمەتى اسا ناتيجەلى بولىپ، شاڭحاي سەلبەستىك ۇيىمىنىڭ حالىقارالىق ىقپال كۇشىن پارمەندى جوعارىلاتتى. وزبەكستان جاق ءتوراعا شي جينپيڭ العا قويعان الەمدىك باسقارۋ باستاماسىن بۇكىلدەي قولدايدى. بۇل باستاما الەمدىك باسقارۋ قاجەتىنە ۇيلەسىپ، تەرەڭ ستراتەگيالىق كورەگەندىكتى ايگىلەدى، وزبەكستان جاق جۇڭگو جاقپەن بىرگە وسى باستامانى تياناقتاندىرىپ، حالىقارالىق ءتارتىپتىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتۋدى قالايدى.

كەزدەسۋدەن كەيىن ەكى ەلدىڭ مەملەكەت باسشىلارى دامۋ ستراتەگيالارىن ءتۇيىلىستىرۋ، ءوزارا مادەنيەت ورتالىعىن قۇرۋ، ەمدەۋ قىزمەت وتەۋى سياقتى سالالاردا كوپتەگەن ەكى جاقتى سەلبەستىك حۇجاتتارىن اۋىستىرۋعا بىرگە كۋا بولدى. ەكى جاق تاعى ەكونوميكالىق، تەحنولوگيالىق سەلبەستىك، سيفرلى ەكونوميكا، بازاردى باقىلاۋ ـ باسقارۋ، عارىش، كەدەن سياقتى سالالاردا ەكى جاقتى سەلبەستىك حۇجاتتارىنا قول قويدى.

ۋاڭ ي جوعارىداعى قيمىلدارعا قاتىناستى.

شينحۋا اگەنتتىگىنىڭ 9 ـ ايدىڭ 2 ـ كۇنى بەيجيڭنەن بەرگەن حابارى (تىلشىلەر شاۋ يبو، لۋ جۇنيۇي). 9 ـ ايدىڭ 2 ـ كۇنى تۇستەن كەيىن مەملەكەت ءتوراعاسى شي جينپيڭ بەيجيڭ حالىق سارايىندا 2025 ـ جىلعى شاڭحاي سەلبەستىك ۇيىمى باسشىلار ماجىلىسىنە جانە جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ قيمىلىنا قاتىناسۋ ءۇشىن جۇڭگوعا كەلگەن تۇركمەنستان زۇڭتۇڭى بەردىمۇحامەدوۆپەن كەزدەستى.

شي جينپيڭ بىلاي دەپ اتاپ كورسەتتى: جۇڭگو مەن تۇركمەنستان ءوزارا سەنىم ارتقان جاقسى سەرىكتەر. ەكى ەل سەلبەستىگى ءوزارا قۇرمەت ەتۋ، ءوزارا پايدا جەتكىزىپ تەڭ يگىلىككە كەنەلۋ نەگىزىندە قۇرىلعان، باسىمدىقتارى ارقىلى ءوزارا تولىقتاي الادى. جۇڭگو جاق تۇركمەنستان جاقپەن سەلبەستىكتى، اۋىس ـ كۇيىستى تەرەڭدەتىپ، جۇڭگو - تۇركمەنستان تاعدىرلاس ورتاق تۇلعاسىن قۇرۋدى قالايدى.

شي جينپيڭ بىلاي دەپ باسا دارىپتەدى: جۇڭگو جاق تۇركمەنستان جاقتىڭ ماڭگى بەيتاراپ تۇرۋ ساياساتىن اتقارىپ، مەملەكەتتىڭ تاۋەلسىزدىگىن، يەلىك ۇقىعىن جانە تەرريتوريا تۇتاستىعىن قورعاۋىن قولدايدى. ەكى جاق تابيعي گاز سەلبەستىگى كولەمىن ۇلعايتىپ، بايلىققا جاتپايتىن سالالارداعى سەلبەستىكتى ۇزدىكسىز كەڭەيتىپ، ۇلاستىرۋدى ـ تۇتاستىرۋدى كۇشەيتىپ، لۋبان شەبەرحاناسى، ءوزارا مادەنيەت ورتالىعىن قۇرۋ سياقتى قىزمەتتەردى جەدەل ىلگەرىلەتىپ، شاڭحاي سەلبەستىك ۇيىمى، جۇڭگو - ورتا ازيا مەحانيزمى اياسىنداعى سايكەسۋ مەن سەلبەسۋدى قويۋلاتىپ، ەكى ەل سەلبەستىگىنىڭ اناعۇرلىم كوپ جەتىستىككە قول جەتكىزۋىن ىلگەرىلەتۋى كەرەك. جۇڭگو - تۇركمەنستان ەكى ەل دە دۇنيە جۇزىلىك 2 ـ سوعىس جەڭىسى ءۇشىن اسا زور قۇرباندىق بەردى، ەكى جاق دۇنيە جۇزىلىك 2 ـ سوعىستىڭ جەڭىس جەتىستىگىن باتىل قورعاۋى، دۇنيە ءجۇزى بەيبىتشىلىگىن بىرگە قورعاۋى كەرەك.

بەردىمۇحامەدوۆ مىنالاردى ءبىلدىردى: جۇڭگوعا كەلىپ شاڭحاي سەلبەستىك ۇيىمىنىڭ تيانجين باسشىلار ماجىلىسىنە قاتىناسقانىما وتە قۋانىشتىمىن، جۇڭگو حالقىنىڭ جاپون شاپقىنشىلارىنا قارسى سوعىسى جەڭىسىنىڭ 80 جىلدىعىن قۇتتىقتايمىن. جۇڭگو تۇركمەنستاننىڭ سەنىمدى دوسى جانە سەرىگى، ەكى ەلدىڭ ءوزارا سەنىمدىلىگى تەرەڭ، سەلبەستىك سالاسى كەڭ بولىپ، ەكى ەل حالقىنا قۇت ـ ىرىس اكەلدى. تۇركمەنستاننىڭ ”جىبەك جولىن گۇلدەندىرۋ“ ستراتەگياسى ”ءبىر بەلدەۋ، ءبىر جول“ باستاماسىنا ساي كەلەدى، تۇركمەنستان جاق جۇڭگو جاقپەن ەنەرگيا، نەگىزدىك قۇرىلعى قۇرىلىسى، وقۋ ـ اعارتۋ، مادەنيەت سياقتى سالالارداعى سەلبەستىكتى، اۋىس ـ كۇيىستى كۇشەيتىپ، ەكى ەل قارىم ـ قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋدى قالايدى. شاڭحاي سەلبەستىك ۇيىمىنىڭ كومەسكى كۇشى اسا زور، ساۋدا، قارجى قوسۋ، حاۋىپسىزدىك، گۋمانيتارلىق ىستەر سياقتى سالالارداعى سەلبەستىكتى تىڭعىلىقتى ىلگەرىلەتىپ، اناعۇرلىم ءادىل، تەپە ـ تەڭ دۇنيە ءجۇزى ارناسىن قالىپتاستىرۋدى ىلگەرىلەتۋگە بەلسەندى ۇلەس قوستى، تۇركمەنستان جاق قاتىستى سەلبەستىكتەرگە بەلسەنە قاتىناسۋدى قالايدى. ءتوراعا شي جينپيڭ العا قويعان ادامزاتتىڭ تاعدىرلاس ورتاق تۇلعاسىن قۇرۋ ۇستانىمى مەن الەمدىك باسقارۋ باستاماسى حالىقارالىق قارىم ـ قاتىناس جۇيەسىن كەمەلدەندىرۋگە پايدالى، تۇركمەنستان جاق بۇكىلدەي قولدايدى، تياناقتاندىرۋدى بىرگە ىلگەرىلەتۋدى قالايدى.

ەكى جاق ءبىلىم مەنشىك ۇقىعى، اقپارات مەدياسى، وقۋ ـ اعارتۋ سياقتى سالالارداعى كوپتەگەن ەكى جاقتى سەلبەستىك حۇجاتىنا قول قويدى.

ۋاڭ ي كەزدەسۋگە قاتىناستى.

شينحۋا اگەنتتىگىنىڭ 9 ـ ايدىڭ 2 ـ كۇنى بەيجيڭنەن بەرگەن حابارى (تىلشىلەر شاۋ يبو، يۋان رۇي). 9 ـ ايدىڭ 2 ـ كۇنى تۇستەن كەيىن مەملەكەت ءتوراعاسى شي جينپيڭ بەيجيڭ حالىق سارايىندا 2025 ـ جىلعى شاڭحاي سەلبەستىك ۇيىمى باسشىلار ماجىلىسىنە جانە جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ قيمىلىنا قاتىناسۋ ءۇشىن جۇڭگوعا كەلگەن يران زۇڭتۇڭى پەزەشكيانمەن كەزدەستى.

شي جينپيڭ بىلاي دەپ اتاپ كورسەتتى: جۇڭگو - يران قارىم ـ قاتىناسى حالىقارالىق اۋمالى ـ توكپەلى جاعدايدىڭ سىنىنان سۇرىنبەي ءوتىپ، ورنىقتى، اقاۋسىز دامۋدى ساقتادى. بىلتىر ءبىز قازاندا ديدارلاسقاننان كەيىن، ەكى ەلدىڭ ءارقايسى تاراۋلارى ەكى جاق كەلىسكەن ماڭىزدى ورتاق تانىمدى بەلسەنە تياناقتاندىرىپ، جۇڭگو مەن يراننىڭ ءار سالاداعى سەلبەستىگىندە ءبىرتالاي جاڭا جەتىستىكتەرگە قول جەتكىزدى. جۇڭگو جاق يرانمەن قارىم ـ قاتىناستى دامىتۋدى باستان ـ اياق جۇڭگونىڭ ورتا شىعىس ديپلوماتياسىندا ماڭىزدى ورىنعا قويىپ كەلەدى، يران جاقپەن دوستىقتى جالعاستىرىپ، ءوزارا سەنىمدىلىكتى تەرەڭدەتىپ، ساۋدا، قارجى قوسۋ، تازا ەنەرگيا، ۇلاستىرۋ ـ تۇتاستىرۋ سياقتى سالالارداعى سەلبەستىكتى كۇشەيتىپ، گۋمانيتارلىق بارىس ـ كەلىستى كۇشەيتىپ، جۇڭگو مەن يراننىڭ جالپى بەتتىك ستراتەگيالىق سەرىكتەستىك قارىم ـ قاتىناسىنىڭ ورنىقتى قاداممەن الىسقا جەتۋىن قول ۇستاسا ىلگەرىلەتۋدى قالايدى. جۇڭگو جاق الەمدىك باسقارۋ باستاماسىن العا قويىپ، يراندى قامتىعان حالىقارالىق قوعاممەن بىرگە اناعۇرلىم ءادىل، ۇيلەسىمدى الەمدىك باسقارۋ جۇيەسىن قۇرۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرۋدى قالايدى.

شي جينپيڭ بىلاي دەپ باسا دارىپتەدى: قارۋ كۇشى الاۋىزدىقتى شەشۋدىڭ دۇرىس ءتاسىلى ەمەس، بايلانىس جاساۋ، تىلدەسۋ عانا باياندى بەيبىتشىلىكتى جۇزەگە اسىرۋدىڭ دۇرىس جولى. جۇڭگو جاق يران جاقتىڭ يادرولىق قارۋلاردى دامىتۋعا ۇمتىلماۋ جونىندەگى ۋادەسىن تالاي رەت قايتالاي دارىپتەگەندىگىنە ءمان بەرەدى، يران جاقتىڭ يادرو ەنەرگياسىنان بەيبىت پايدالانۋ ۇقىعىنا قۇرمەت ەتەدى، يران جاقتىڭ مەملەكەتتىڭ يەلىك ۇقىعىن، تەرريتوريا تۇتاستىعىن، ۇلت نامىسىن قورعاۋىن، ساياسي كەلىسسوز ارقىلى ءوزىنىڭ زاڭدى ۇقىق ـ مۇددەسىن قورعاۋىن قولدايدى. جۇڭگو جاق ۇزدىكسىز ادىلدىكتى جاقتاپ، ءار جاقتىڭ ۇيلەسىمدى ءجىتى قاداعالاپ وتىرعان ماسەلەلەرىنە تەڭ ءمان بەرىلەتىن يراننىڭ يادرو ماسەلەسىن شەشۋ جوباسىن جاساۋدى ىلگەرىلەتىپ، ورتا شىعىستىڭ باياندى بەيبىتشىلىگىن جۇزەگە اسىرۋ جولىندا قاجىماي ـ تالماي قۇلشىنىس جاسايدى.

پەزەشكيان مىنالاردى ءبىلدىردى: جۇڭگونىڭ شاڭحاي سەلبەستىك ۇيىمى تيانجين باسشىلار ءماجىلىسىن ءساتتى وتكىزگەندىگىن قۇتتىقتايمىن. جۇڭگو كەزەكتى ءتوراعا ەل مىندەتىن وتەگەن مەزگىلدە مۇشە ەلدەردىڭ ساياسي جاقتان ءوزارا سەنىمدىلىگى كۇشەيىپ، ءار سالاداعى سەلبەستىگى بەلسەندى ىلگەرىلەۋشىلىككە قول جەتكىزدى، يران جاق جۇڭگو جاقپەن بىرگە شاڭحاي سەلبەستىك ۇيىمى جۇلگەسىندە سەلبەستىكتى كۇشەيتۋدى قالايدى. جۇڭگو يراننىڭ جالپى بەتتىك ستراتەگيالىق سەرىگى، يران جاق ەكى ەلدىڭ قارىم ـ قاتىناسىنا ايرىقشا ءمان بەرەدى، مەيلى حالىقارالىق جاعداي قالاي وزگەرسە دە، جۇڭگومەن دوستىققا تاباندى بولىپ، جۇڭگومەن سەلبەستىكتى تەرەڭدەتەدى. ءتوراعا شي جينپيڭ ورتاعا قويعان الەمدىك باسقارۋ باستاماسى حالىقارالىق ءتارتىپتىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتۋدە ماڭىزدى مانگە يە. يران جاق بۇكىلدەي قولدايدى، جۇڭگو جاقپەن تىعىز سايكەسىپ، سىڭار جاقتىلىققا جانە وكتەمدىك ساياسيعا بىرگە قارسى تۇرىپ، ورتا شىعىس ءوڭىرىنىڭ بەيبىتشىلىگىن، ورنىقتىلىعىن قورعاپ، الەمدىك باسقارۋ باستاماسىنىڭ تياناقتانۋىن، ناقتىلانۋىن ىلگەرىلەتۋدى قالايدى.

ۋاڭ ي كەزدەسۋگە قاتىناستى.

شينحۋا اگەنتتىگىنىڭ 9 ـ ايدىڭ 2 ـ كۇنى بەيجيڭنەن بەرگەن حابارى (تىلشىلەر ۋىن شين، باي شينيۇي). 9 ـ ايدىڭ 2 ـ كۇنى كەشتە مەملەكەت ءتوراعاسى شي جينپيڭ بەيجيڭ حالىق سارايىندا 2025 ـ جىلعى شاڭحاي سەلبەستىك ۇيىمى باسشىلار ماجىلىسىنە جانە جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ قيمىلىنا قاتىناسۋ ءۇشىن جۇڭگوعا كەلگەن تاجىكستان زۇڭتۇڭى راحمونمەن كەزدەستى.

شي جينپيڭ بىلاي دەپ اتاپ كورسەتتى: راحمون زۇڭتۇڭ ەكەۋىمىزدىڭ ستراتەگيالىق جەتەكشىلىگىمىزدە، جۇڭگو - تاجىكستان سەلبەستىگى ءۇرتىس جاڭا جەتىستىكتەرگە قول جەتكىزدى. جۇڭگو الدەقاشان تاجىكستاننىڭ ءبىرىنشى ۇلكەن ساۋدا سەرىگىنە اينالىپ، ءبىر قىدىرۋ سەلبەستىك نىساندارىندا تىڭ ىلگەرىلەۋشىلىككە قول جەتكىزىلدى. جالپى بەتتىك ستراتەگيالىق سەلبەستىك سەرىك رەتىندە، جۇڭگو جاق تاجىكستان جاقپەن ءبىر نيەتتە قول ۇستاسىپ، جۇڭگو - تاجىكستان تاعدىرلاس ورتاق تۇلعاسىن قۇرۋدى قالايدى.

شي جينپيڭ بىلاي دەپ باسا دارىپتەدى: جۇڭگو مەن تاجىكستان دامۋ ستراتەگيالارىن ءتۇيىلىستىرۋدى كۇشەيتىپ، ءار سالاداعى سەلبەستىكتى ىلگەرىلەتۋى كەرەك. جۇڭگو جاق ءتىپتى دە كوپ جۇڭگو كاسىپورىندارىنىڭ تاجىكستانعا بارىپ قارجى قوسۋىنا شابىت بەرىپ، ەكى جاقتىڭ جاڭا ەنەرگيالى اۆتوكولىك، سيفرلى ەكونوميكا، نەگىزدىك قۇرىلعىلار قۇرىلىسى سياقتى سالالارداعى سەلبەستىگىن كەڭەيتۋدى قولداپ، اپاتتان ساقتانۋ، اپات زيانىن ازايتۋ، ەمدەۋ، مادەنيەت، وقۋ ـ اعارتۋ اۋىس ـ كۇيىسىن تەرەڭدەتۋدى قالايدى. ەكى جاق لاڭكەستىككە قارسى تۇرۋ سەلبەستىگىن ۇزدىكسىز ىلگەرىلەتىپ، ”ءۇش ءتۇرلى كۇشكە“ بىرگە سوققى بەرىپ، ورتاق ستراتەگيالىق مۇددەنى ويداعىداي قورعاۋى كەرەك. كوپ جاقتى ىستەردەگى ىستەستىكتى كۇشەيتىپ، الەمدىك باسقارۋ باستاماسىن بىرگە تياناقتاندىرىپ، اناعۇرلىم ءادىل، ۇيلەسىمدى الەمدىك باسقارۋ جۇيەسىن قۇرۋدى ىلگەرىلەتۋى كەرەك. جۇڭگو، تاجىكستان ەكى ەل دە دۇنيە جۇزىلىك 2 ـ سوعىس جەڭىسى ءۇشىن وراسان زور قۇرباندىق بەردى، دۇنيە جۇزىلىك 2 ـ سوعىس جەڭىسى جەتىستىگىن باتىل قورعاپ، دۇنيە ءجۇزىنىڭ بەيبىتشىلىگى مەن دامۋى سىندى ۇلى ءىستى قول ۇستاسا ىلگەرىلەتۋى كەرەك.

راحمون مىنالاردى ءبىلدىردى: تاجىكستان جاق تاجىكستان - جۇڭگو قارىم ـ قاتىناسىنا ايرىقشا ءمان بەرەدى، تاجىكستان - جۇڭگو سەلبەستىگىن كۇشەيتۋ ەكى ەلدىڭ ورتاق مۇددەسىنە ۇيلەسەدى. تاجىكستان جاق ءبىر جۇڭگو پرينسيبىن باتىل اتقارىپ، ماڭگى جۇڭگونىڭ سەنىمدى سەلبەستىك سەرىگى بولادى. تاجىكستان جاق ەكونوميكا ـ ساۋدا، جاسىل ەكونوميكا، سيفرلى ەكونوميكا، نەگىزدىك قۇرىلعىلار قۇرىلىسى سياقتى كەڭ كولەمدى سالالاردا جۇڭگو جاقپەن سەلبەستىكتى كۇشەيتۋدى قالايدى، جۇڭگو كاسىپورىندارىنىڭ تاجىكستانعا بارىپ قارجى قوسىپ شارۋاشىلىقتارىن گۇلدەندىرۋىن قارسى الادى. جۇڭگو شاڭحاي سەلبەستىك ۇيىمىنىڭ كەزەكتى ءتوراعا ەلى بولۋ رولىن بەلسەنە ساۋلەلەندىرىپ، شاڭحاي سەلبەستىك ۇيىمىنىڭ دامۋ جاڭا ساتىسىنا قادام تاستاۋىن ىلگەرىلەتىپ، ءوڭىردىڭ بەيبىتشىلىگىنە، ورنىقتىلىعىنا ماڭىزدى ۇلەس قوستى. جۇڭگو حالقىنىڭ جاپون شاپقىنشىلارىنا قارسى سوعىسى جەڭىسىنىڭ 80 جىلدىعىن قۇتتىقتايمىن، ادامزات تاريحتى ەستە بەرىك ساقتاۋى، تاماشا بولاشاق اشۋى قاجەت. ءتوراعا شي جينپيڭ ورتاعا قويعان الەمدىك باسقارۋ باستاماسى دۇنيە جۇزىلىك دەڭگەيدەگى كوسەمنىڭ كوز اياسىن جانە جاۋاپكەرشىلىك ارقالاۋىن ايگىلەدى، تاجىكستان جاق بۇكىلدەي قولدايدى، جۇڭگو جاقپەن تياناقتاندىرۋدى بىرگە ىلگەرىلەتىپ، حالىقارالىق باسقارۋدىڭ ءتىپتى دە ۇيلەسىمدى، ءتىپتى دە ءونىمدى بولۋىنا مۇمكىندىك جاساۋدى قالايدى.

ەكى جاق ۇلاستىرۋ ـ تۇتاستىرۋ، جاسىل، تومەن كومىر قىشقىل گازدى بولۋ، سيفرلى ەكونوميكا سياقتى سالالاردا كوپتەگەن ەكى جاقتى سەلبەستىك حۇجاتىنا قول قويدى.

ۋاڭ ي كەزدەسۋگە قاتىناستى.

شينحۋا اگەنتتىگىنىڭ 9 ـ ايدىڭ 2 ـ كۇنى بەيجيڭنەن بەرگەن حابارى (تىلشىلەر جۋ چاۋ، دۇڭ شۋە). 9 ـ ايدىڭ 2 ـ كۇنى تۇستەن بۇرىن مەملەكەت ءتوراعاسى شي جينپيڭ بەيجيڭ حالىق سارايىندا 2025 ـ جىلعى شاڭحاي سەلبەستىك ۇيىمى باسشىلار ماجىلىسىنە جانە جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ قيمىلىنا قاتىناسۋ ءۇشىن جۇڭگوعا كەلگەن پاكيستان زۇڭليى شاھبازبەن كەزدەستى.

شي جينپيڭ بىلاي دەپ اتاپ كورسەتتى: جۇڭگو، پاكيستان ەكى ەل تار جول، تايعاق كەشۋلەردى بىرگە وتكەرەتىن دوستار، باۋىرلاستاي وتەتىن دوستار، اسىرەسە، سەنىمدى دوستار، ادامگەرشىلىكتى جاقتايتىن دوستار، قۇرىشتاي بەرىك دوستىعى ۋاقىت وتكەن سايىن بەكەمدەلدى، بۇل تاريحتىڭ قات ـ قابات سىندارىندا شىڭدالىپ شىققان. دۇنيە جۇزىندە 100 جىلدىق وزگەرىس جەدەل قۇبىلسا دا، توتەنشە كۇشتى جۇڭگو - پاكيستان قارىم ـ قاتىناسى ءوڭىردىڭ بەيبىتشىلىگىن جانە دامۋىن قورعاۋعا پايدالى بولدى. ەكى جاق جاڭا داۋىردەگى ءتىپتى دە بەرىك جۇڭگو - پاكيستان تاعدىرلاس ورتاق تۇلعاسىن قۇرۋدى جەدەلدەتىپ، ەكى ەل حالقىن اناعۇرلىم ويداعىداي باقىتقا كەنەلتىپ، توڭىرەكتىك تاعدىرلاس ورتاق تۇلعا قۇرۋعا ۇلگى بولۋى كەرەك.

شي جينپيڭ بىلاي دەپ باسا دارىپتەدى: جۇڭگو جاق پاكيستاننىڭ ىنتىماقتى ساقتاۋىن، نازاردى دامۋعا شوعىرلاندىرۋىن، مەملەكەت قۋاتىن كۇشەيتۋىن قولدايدى، پاكيستان جاقپەن بىرگە قۇلشىنىپ، جۇڭگو - پاكيستان ەكونوميكالىق ءدالىزىنىڭ ”دارەجەسى جوعارىلاتىلعان 2.0 نۇسقاسىن“ جانە جۇڭگو - پاكيستان ەركىن ساۋدا كەلىسىمىنىڭ دارەجەسى جوعارىلاتىلعان نۇسقاسىن تۇلعالاپ، كاسىپ سالاسى، اۋىل شارۋاشىلىعى، كەن كاسىبى سياقتى سالالارداعى سەلبەستىكتى كۇشەيتىپ، پاكيستان جاقتىڭ دەربەس دامۋ قابىلەتىن جوعارىلاتۋىنا دەم بەرۋدى قالايدى. جۇڭگو جاق پاكيستان جاقتىڭ لاڭكەستىككە سوققى بەرۋىن قولدايدى، پاكيستان جاقتىڭ شىنايى، ءونىمدى شارالار قولدانىپ جۇڭگو جاقتىڭ پاكيستاندا تۇراتىن ادامدارىنىڭ، نىساندارىنىڭ جانە قۇرىلىمدارىنىڭ حاۋىپسىزدىگىن قامتاماسىز ەتىپ، ەكى ەلدىڭ سەلبەستىگىنە حاۋىپسىز ورتا قالىپتاستىرۋىن ءۇمىت ەتەدى. ەكى جاق ستراتەگيالىق بايلانىستى كۇشەيتىپ، الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن، الەمدىك باسقارۋ باستاماسىن ويداعىداي تياناقتاندىرىپ، ورتاق سىن ـ سايىستارعا توتەپ بەرىپ، حالىقارالىق ادىلدىكتى، تۋراشىلدىقتى قورعاۋى كەرەك.

شاھباز مىنالاردى ءبىلدىردى: جۇڭگو حالقىنىڭ جاپون شاپقىنشىلارىنا قارسى سوعىسى جەڭىسىنىڭ 80 جىلدىعىن قۇتتىقتايمىن، جۇڭگو كوممۋنيستىك پارتياسى دۇنيە جۇزىلىك فاشيزمگە قارسى سوعىستا شەشۋشى رول اتقارىپ، جۇڭگونى قۇتقاردى ءارى دۇنيە ءجۇزىن وزگەرتتى. پاكيستان مەن جۇڭگونىڭ قۇرىشتاي بەرىك دوستىعى 200 ميلليوننان استام پاكيستان حالقىنىڭ جۇرەگىنە تامىر تارتقان، ءار ۇرپاق ادامدار جۇڭگونىڭ قالتقىسىز كومەگىن ەستە بەرىك ساقتايدى، ەشقانداي كۇش پاكيستان مەن جۇڭگونىڭ مىزعىماس دوستىعىن شايقالتا المايدى. ءتوراعا شي جينپيڭنىڭ پارمەندى باسشىلىعىندا، جۇڭگو ەكونوميكالىق، قوعامدىق دامۋدا وراسان زور تابىستارعا قول جەتكىزىپ، كەدەيلىكتەن ارىلتۋدان قامال الۋدى ورىنداپ، جۇڭگو حالقىن باقىتقا كەنەلتتى ءارى ”ءبىر بەلدەۋ، ءبىر جولدى“ بىرگە قۇرۋ سەلبەستىگى ارقىلى وركەندەپ كەلە جاتقان ەلدەرمەن ورايدان بىرگە يگىلىكتەنىپ، دۇنيە ءجۇزىنىڭ القاۋىنا بولەندى جانە جۇرت تىلەگىنەن شىقتى. پاكيستان جاق ءبىر جۇڭگو پرينسيبىن باتىل اتقارادى، ەكى ەلدىڭ دوستىق دانەكەرىن ۇزدىكسىز كۇشەيتىپ، ءار سالاداعى سەلبەستىكتى ىلگەرىلەتىپ، پاكيستان - جۇڭگو قارىم ـ قاتىناسىن ءۇرتىس العا قاراي دامىتۋدى ءۇمىت ەتەدى. پاكيستان جاق بار كۇشىن جۇمساپ جۇڭگونىڭ پاكيستانداعى ادامدارىنىڭ، نىساندارىنىڭ جانە قۇرىلىمدارىنىڭ حاۋىپسىزدىگىن قورعايدى. ءتوراعا شي جينپيڭ ورتاعا قويعان الەمدىك باسقارۋ باستاماسى دۇنيە ءجۇزىنىڭ بەيبىتشىلىگى، دامۋى، ورنىقتىلىعى جونىنەن كەلەلى ءمان الادى، پاكيستان جاق بار كۇشپەن قولدايدى ءارى بەلسەنە تياناقتاندىرادى.

ۋاڭ ي كەزدەسۋگە قاتىناستى.

شينحۋا اگەنتتىگىنىڭ 9 ـ ايدىڭ 2 ـ كۇنى بەيجيڭنەن بەرگەن حابارى (تىلشىلەر ساۋ جيايۋە، شاۋ يبو). 9 ـ ايدىڭ 2 ـ كۇنى كەشتە مەملەكەت ءتوراعاسى شي جينپيڭ بەيجيڭ حالىق سارايىندا جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ قيمىلىنا قاتىناسۋ ءۇشىن جۇڭگوعا كەلگەن مالايزيا زۇڭليى انۋارمەن كەزدەستى.

شي جينپيڭ بىلاي دەپ اتاپ كورسەتتى: جۇڭگو مەن مالايزيا نيەتتەس، مۇراتتاس جاقسى دوستار، ەكى جاق حالىقارالىق اۋمالى ـ توكپەلى جاعداي بارىسىندا ءبىر ـ بىرىنە قارايلاسىپ، وسىزاماندانۋ جولىندا قول ۇستاسا بىرگە ءجۇرىپ، جۇڭگو - مالايزيا قارىم ـ قاتىناسىنىڭ جاڭا ”التىن 50 جىلىن“ ءساتتى باستادى. بيىل 4 ـ ايدا مەن مالايزيادا مەملەكەتتىك ساپاردا بولدىم، ەكى جاق جوعارى دەڭگەيدەگى ستراتەگيالىق جۇڭگو - مالايزيا تاعدىرلاس ورتاق تۇلعاسىن قۇرۋ جونىندە ماڭىزدى ورتاق تانىمعا كەلدى. جۇڭگو جاق مالايزيا جاقپەن بىرگە قۇلشىنىپ، جۇڭگو - مالايزيا تاعدىرلاس ورتاق تۇلعاسى قۇرىلىسىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتىپ، ءوڭىردىڭ جانە دۇنيە ءجۇزىنىڭ بەيبىتشىلىگى مەن دامۋىن ىلگەرىلەتۋگە ۇلەس قوسۋدى قالايدى.

شي جينپيڭ بىلاي دەپ باسا دارىپتەدى: ەكى جاق ەكى جاقتى قارىم ـ قاتىناستىڭ ”جوعارى دەڭگەيدەگى، ستراتەگيالىق سيپاتتى“ جاڭا ورنىن كورنەكتىلەندىرىپ، جان ـ جاقتى ستراتەگيالىق ىستەستىكتى تەرەڭدەتىپ، ءبىر ـ ءبىرىنىڭ وزەكتى مۇددەسىن جانە ءجىتى قاداعالاپ وتىرعان كەلەلى ىستەرىن باتىل قولداۋى كەرەك. وڭىرلىك جوعارى ساپالى دامۋ سەلبەستىگىنىڭ بيىگىن قول ۇستاسا بىرگە قۇرىپ، جاساندى زەردە، جاڭا ەنەرگيا، جارتىلاي وتكىزگىش سياقتى جاڭادان گۇلدەنگەن كاسىپ سالالارىنداعى سەلبەستىك جارقىن تۇيىندەرىن كۇش سالا تۇلعالاپ، ”ەكى ەل، ەكى كاسىپ سالاسى باقشاسى“، شىعىس تەڭىز جاعالاۋى تەمىر جولى سياقتى ءتۇيىندى نىسانداردى جوعارى دەڭگەيدە ويداعىداي قۇرۋى كەرەك. ”رۋجيا - ءىسلام وركەنيەتتەرى تىلدەسۋىن“ ۇزدىكسىز ورىستەتىپ، گۋمانيتارلىق جاقىندىق دانەكەرىن بەكەمدەۋ كەرەك. تىعىز كوپ جاقتىلى سايكەسۋدى، سەلبەسۋدى كۇشەيتىپ، اناعۇرلىم بەرىك جۇڭگو - شىعىس وڭتۇستىك ازيا ەلدەرى وداعى تاعدىرلاس ورتاق تۇلعاسىن قۇرۋدى ىلگەرىلەتىپ، قول ۇستاسا حالىقارالىق ادىلدىكتى، تۋراشىلدىقتى قورعاپ، جەر شارىنىڭ وڭتۇستىگىنىڭ ورتاق مۇددەسىن قورعاۋ كەرەك.

ءانۋار مىنالاردى ءبىلدىردى: ءتوراعا شي جينپيڭنىڭ مالايزياعا مەملەكەتتىك ساپارى توتەنشە تابىستى بولىپ، ەكى ەل قارىم ـ قاتىناسىنىڭ تەز قارقىندى جولعا ءتۇسۋىن پارمەندى ىلگەرىلەتتى، مالايزيانىڭ ءار سالاسىنىڭ اڭىسى قىزعىندى بولدى. جۇڭگوعا كەلىپ، جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ قيمىلىنا قاتىناسقانىمدى داڭق سانايمىن. ءتوراعا شي جينپيڭ جاڭا عانا ورتاعا قويعان الەمدىك باسقارۋ باستاماسى الەمدىك باسقارۋ ءدوپ كەلگەن ماسەلەلەرگە بەتپە ـ بەت كەلدى، وندا وزىق ۇستانىم بولىپ قانا قويماي، جانە ماسەلەنى شەشۋدىڭ ناقتى جوباسى دا بار، الەمدىك باسقارۋ دەڭگەيىن جوعارىلاتۋدا كەلەلى مانگە يە. مالايزيا جاق مالايزيا مەن جۇڭگو اراسىنداعى ەرەكشە ستراتەگيالىق سەرىكتىك قارىم ـ قاتىناستى قاستەرلەيدى، ءار سالاداعى سەلبەستىكتى ۇزدىكسىز تەرەڭدەتىپ، ەكى ەل حالقىنا ءتىپتى دە كوپ قۇت ـ ىرىس اكەلۋدى قالايدى.

ۋاڭ ي كەزدەسۋگە قاتىناستى.