ەلىمىز بويىنشا اپاتقا ۇشىراعان جۇرتشىلىقتىڭ قىس پەن كوكتەمنەن وتۋىنە كومەكتەسۋ قىزمەتى ورىستەتىلەدى 

حالىق گازەتىنىڭ ءتىلشىسى ليۋ ۋىنشين 10 – ايدىڭ 12 – كۇنى بەيجيڭنەن حابارلايدى. جىل باسىنان بەرى، ەلىمىزدە تۋىلعان جاراتىلىستىق اپاتتاردىڭ قامتۋ كولەمى كەڭ، اپاتقا ۇشىراعان ولكەلەر كوپ، ىقپال ەتۋ دارەجەسى جوعارى بولىپ، ءبىر ءبولىم جەرلەردە اپاتتىڭ سالعان زيانى اۋىر بولدى. جۋىردا شۇعىل جاعدايلارعا توتەپ بەرۋدى باسقارۋ مينيسترلىگى مەن قازىنا مينيسترلىگى «2025 — 2026 – جىلدارى ەلىمىز بويىنشا اپاتقا ۇشىراعان جۇرتشىلىقتىڭ قىس پەن كوكتەمنەن وتۋىنە كومەكتەسۋ قىزمەتى جونىندەگى ۇقتىرۋدى» باسىپ تاراتىپ، جەر – جەردى كومەكتەسۋدى قاجەت ەتەتىن وبيەكتىلەردى ىشكەرىلەي، تىڭعىلىقتى، ءبىر – بىرلەپ تەكسەرۋگە ءارى تۇراقتاندىرۋعا، اپاتقا ۇشىراعان جۇرتشىلىقتىڭ نەگىزدىك تۇرمىسىن شىنايى قامتاماسىزداندىرۋعا ۇيىمداستىردى.

ۇقتىرۋدا مىنالار باسا دارىپتەلگەن: ەرتەرەك جوسپارلاپ، جەدەل ارەكەتتەنىپ، بيىلعى قىس پەن كوكتەمدە كومەكتەسۋ قىزمەتى جونىندە الدىن الا ورنالاستىرۋ جاساۋ جانە ورىستەتۋ، نەگىزگى ساتىلاردىڭ سيفرلاندىرىلعان تەكشەلەردەن پايدالانىپ قىزمەتتى ورىستەتۋىنە جەتەكشىلىك ەتۋ ءارى قاراجاتتى تاراتۋدى جەدەلدەتۋگە قۋزاۋ، ۇزدىكسىز وكشەلەي رەتتەۋ جۇرگىزىپ، كوكتەم مەرەكەسىنەن بۇرىن بارلىق قاراجاتتى اپاتقا ۇشىراعان جۇرتشىلىقتىڭ قولىنا تيگىزۋ كەرەك. كۇشتەردى ۇيىمداستىرىپ، اپات تۋىلعان جەرلەرگە ىشكەرىلەي بارىپ، اپاتقا ۇشىراعان ادامداردىڭ سانىن جالپى بەتتىك، ءبىر – بىرلەپ تەكسەرىپ، قىس پەن كوكتەمدەگى كومەكتەسۋ ساياساتىن جان – جاقتى، دۇرىس تياناقتاندىرىپ، كومەكتەسۋگە تيىستىلەرىنە تۇگەلدەي كومەكتەسۋگە كەپىلدىك ەتۋ كەرەك. كومەكتەسۋ ءتارتىبىن جۇيەلى اتقارىپ، كومەكتەسۋدى قاجەت ەتەتىن وبيەكتىلەردى تەكسەرۋ، ساناققا الۋ، تۇراقتاندىرۋ قاتارلى قىزمەتتەردى ويداعىداي ىستەۋ كەرەك. ”تۇرگە ءبولىپ كومەكتەسۋ، ءتۇيىندى تۇردە كومەكتەسۋ، دالمە – ءدال كومەكتەسۋ“ پرينسيبى بويىنشا، كومەكتەسۋدى قاجەت ەتەتىن وبيەكتىلەردى ۇيلەسىمدى تۇرگە ءبولىپ، تۇرگە، دارەجەگە ءبولىپ كومەكتەسۋ ولشەمىن جىنتىكتەي كەمەلدەندىرىپ، قىس پەن كوكتەمدەگى كومەكتەسۋدىڭ ساپاسى مەن ونىمدىلىگىنە كەپىلدىك ەتۋ كەرەك. اپاتقا ۇشىراعان ەرەكشە قيىنشىلىعى بار ادامدارعا ءتۇيىندى تۇردە نازار اۋدارىپ، ايرىقشا قامقورلىق جاساۋ ءارى ءتۇيىندى تۇردە كومەكتەسۋ، قىس پەن كوكتەمدەگى كومەكتەسۋ مەن ەڭ تومەنگى تۇرمىس دەڭگەيىن قامتاماسىزداندىرۋ، ۋاقىتتىق كومەكتەسۋ، قيىنشىلىعى بارلاردى سۇيەمەلدەۋ قاتارلى مەحانيزمدەردى تارتىپپەن ۇشتاستىرۋدى ويداعىداي ورىستەتۋ كەرەك.

ۇقتىرۋدا مىنالار تالاپ ەتىلگەن: اپاتقا ۇشىراعاندارعا كومەكتەسۋ جاعىنداعى نەگىزگى تۇلعالىق جاۋاپكەرشىلىگتى شىنايى تياناقتاندىرىپ، ورتالىق پەن جەرگىلىكتى ورىن بەرگەن كومەكتەسۋ قاراجاتتارى مەن بۇيىمدارىن ۇيلەسىمدى تۇردە ءبىر تۇتاس جوسپارلاۋ كەرەك. قىس پەن كوكتەمدە كومەكتەسۋگە ارنالعان قاراجاتتار مەن زاتتاردى باسقارۋ – پايدالانۋ ءتارتىبىن قاتاڭداستىرىپ، قاراجاتتى جول ورتادان پايدالانىپ كەتۋ، باسقا ماقساتتا پايدالانۋ، تاراتۋدى كەشىكتىرۋ نەمەسە پايدالانباي باسىپ قويۋ قاتارلى ارەكەتتەردى قاتاڭ تيۋ كەرەك.

كەلۋ قاينارى: حالىق تورابى