سىچۋان ولكەسى يا – ان قالاس لۋشان اۋدانىندا 4.7 بال جەر سىلكىندى 

جۇڭگو اقپارات تورابىنىڭ 10 – ايدىڭ 12 – كۇنى چىڭدۋدان بەرگەن حابارى (يۋە يتۇڭ، ليۋ گاڭ) جۇڭگو جەر سىلكىنىسى ستانسياسى تورابىنىڭ تەكسەرىپ تۇراقتاندىرۋىنشا، 10 – ايدىڭ 12 – كۇنى ساعات 15 دەن 21 مينۋت وتكەندە، سىچۋان ولكەسى يا – ان قالاسى لۋشان اۋدانىندا 4.7 بال جەر سىلكىندى. قازىرشە ادامداردىڭ جارالانۋى، قازا بولۋى جانە مال – مۇلىكتىڭ زياندالۋى جونىندە مالىمەت بەرىلمەگەن.

وسى رەتكى جەر سىلكىنىسىنىڭ سىلكىنىس قاينارى 10 كيلومەتر تەرەڭدىكتە. سىلكىنىس ورتالىعى سولتۇستىك ەندىك 30.48 گرادۋس، شىعىس بويلىق 103.09 گرادۋستا، يا – ان قالاسىنىڭ قالا رايونىنان 53 كيلومەتر قاشىقتىقتا، چىڭدۋ قالاسىنان 96 كيلومەتر قاشىقتىقتا. سىلكىنىس ورتالىعىنىڭ ماڭىنداعى وڭىرلەردە جان سانى تىعىز ورنالاسقان. سىچۋان ولكەسىنىڭ لىشان، شيچاڭ، چىڭدۋ قاتارلى جەرلەرىندە تۇرعىنداردىڭ ينتەرنەتتەگى الەۋمەتتىك جەلىلەردە ايتۋىنشا، ولار سىلكىنىس ءدۇمپۋىن انىق سەزىنگەن.

كەلۋ قاينارى: حالىق تورابى