شوفەرلەر كوڭىل بولىڭىزدەر! وڭدەلگەن مۇنايدىڭ باعاسى بيىل 8 – رەت ارزانداتىلۋى مۇمكىن 

جۇڭگو اقپارات اگەنتتىگى ەكونوميكا ارناسى 10 – ايدىڭ 13 – كۇنى حابارلايدى (فۋ جيانچيڭ) 10 – ايدىڭ 13 – كۇنى ساعات 24 تە، ەل ىشىندەگى وڭدەلگەن مۇنايدىڭ باعاسىن رەتتەۋ تەرەزەسى اشىلادى. قۇرىلىمداردىڭ كوزقاراسىنا ساراپتاۋ جاساۋعا قاراعاندا، وڭدەلگەن مۇناي باعاسىن رەتتەۋ بارىسىندا بيىل 8 – رەت ارزانداتۋ جاعدايى جارىققا شىعۋى ىقتيمال.

جينليانچۋاڭ سەرىكتەستىگىنىڭ ەسەپتەۋىنشە، 10 – ايدىڭ 11 – كۇنىنە دەيىنگى 9 قىزمەت كۇنى ىشىندەگى وزگەرىس مولشەرى %1.37- بولعان، مۇناي ونىمدەرى تۇرلەرىنىڭ ورتاشا باعاسى ءار باررەلىنە 64.30 دوللارى بولعانىن ەسكەرسەك، ەل ىشىندەگى بەنزين مەن ديزەل مايىنىڭ باعاسى تونناسىنا 75 يۋان ارزانداتىلۋى ءتيىس. قازىرگى شيكىزاتتىق مۇنايدىڭ وزگەرىس مولشەرى بويىنشا ەل ىشىندەگى بەنزين مەن ديزەل مايىنىڭ باعاسى تونناسىنا 75 يۋان ارزانداتىلادى دەپ ەسەپتەسەك، ليترىنە سىندىرعاندا ءار ليترى 0.06 – 0.07 يۋان ارزانداتىلادى. بولشەك ساتۋ باعاسىن تومەندەتۋ اتقارىلعان سوڭ، تۇرعىنداردىڭ ءجۇرىس – تۇرىسىنىڭ وزىندىك قۇنى ءبىرشاما تومەندەيدى. بەنزين جونىنەن ايتقاندا، ماي ساندىقشاسىنىڭ سيىمدىلىعى 50 ليترلىك شاعىن اۆتوموبيلدى مىسالعا الىپ ەسەپتەسەك، ساندىقشانى تولتىرا ماي قويۋعا كەتەتىن قاراجاتتان 3 يۋان ۇنەمدەۋگە بولادى؛ ديزەل مايى جونىنەن ايتقاندا، ماي ساندىقشاسى 140 ليترلىك ۇلكەن جۇك اۆتوموبيلىن مىسالعا الىپ ەسەپتەسەك، ساندىقشانى تولتىرا ماي قويۋعا كەتەتىن قاراجاتتان 8.3 يۋاندى ۇنەمدەپ قالۋعا بولادى.

كەلۋ قاينارى: حالىق تورابى