الدىڭعى 3 توقساندا ەلىمىزدەگى ىشكى ءوندىرىستىڭ جالپى ءونىم قۇنى سايكەس مەزگىلدەگىدەن %5.2 ارتىپ، ەكونوميكالىق اينالىم ورنىقتىلىق بارىسىندا ىلگەرىلەۋ جاعدايىن ساقتادى

«حالىق گازەتى»، 10 - ايدىڭ 20 - كۇنى، بەيجيڭ. (ءتىلشى ليۋ جىچياڭ). 10 - ايدىڭ 20 - كۇنى مەملەكەتتىك ساناق مەكەمەسى جاريالاعان ساندى مالىمەتتە كورسەتىلۋىنشە: العاشقى ساناققا قاراعاندا، الدىڭعى 3 توقساندا ەلىمىزدەگى ىشكى ءوندىرىستىڭ جالپى ءونىم قۇنى 101 تريلليون 503 ميلليارد 600 ميلليون يۋان بولىپ، تۇراقتى باعا بويىنشا ەسەپتەگەندە، وتكەن جىلدىڭ ۇقساس مەزگىلىندەگىدەن %5.2 ارتقان. ەكونوميكالىق اينالىم ورنىقتىلىق بارىسىندا ىلگەرىلەۋ جاعدايىن ساقتاپ، جوعارى ساپالى دامۋدا بەلسەندى ونىمدىلىككە قول جەتكىزدى.

اۋىل شارۋاشىلىق ءوندىرىسىنىڭ جاعدايى ءبىرشاما جاقسى. الدىڭعى 3 توقساندا اۋىل شارۋاشىلىعىنىڭ (ەگىمشىلىك) ارتقان قۇنى سايكەس مەزگىلدەگىدەن %3.6 ارتىپ، جازعى استىق ەرتە پىساتىن كۇرىشتىڭ ءونىم مولشەرى وتكەن جىلداعىدان 190 مىڭ توننا ارتتى، كۇزگى استىق ءوندىرىسى جالپى جاقتان ورنىقتى بولىپ، تۇتاس جىلدا استىقتان تاعى دا مول ءونىم الۋدان ءۇمىت بار.

ونەركاسىپ ءوندىرىسى ءبىرشاما تەز ارتقان. الدىڭعى 3 توقساندا بۇكىل ەل بويىنشا كولەمدەنگەن ونەركاسىپتىڭ ارتقان قۇنى وتكەن جىلدىڭ ۇقساس مەزگىلىندەگىدەن % 6.2 ارتتى. مۇنىڭ ىشىندە، كولەمدەنگەن جابدىق جاساۋ كاسىبىنىڭ، جوعارى تەحنيكالى جاساۋ كاسىبىنىڭ ارتقان قۇنى سايكەس مەزگىلدەگىدەن جەكە - جەكە %9.7، %9.6 ارتقان.

قىزمەت وتەۋ كاسىبى ورنىقتى ارتتى. الدىڭعى 3 توقساندا قىزمەت وتەۋ كاسىبىنىڭ ارتقان قۇنى سايكەس مەزگىلدەگىدەن %5.4 ارتتى. مۇنىڭ ىشىندە، ينفورماتسيا جەتكىزۋ، جۇمساق بولشەك جانە ينفورماتسيا تەحنيكاسى قىزمەت وتەۋ كاسىبى، مايعا بەرۋ جانە ساۋدا ىستەرىنە قىزمەت وتەۋ كاسىبى، قاتىناس - تاسىمال، قامبادا ساقتاۋ جانە پوچتا كاسىبىنىڭ ارتقان قۇنى سايكەس مەزگىلدەگىدەن جەكە - جەكە %11.2، %9.2، %5.8 ارتقان.

الدىڭعى 3 توقساندا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 36 تريلليون 658 ميلليارد 700 ميلليون يۋان بولىپ، سايكەس مەزگىلدەگىدەن %4.5 ارتقان؛ جاساۋ كاسىبىنە قوسىلعان قارجى سايكەس مەزگىلدەگىدەن %4.0 ارتقان. الدىڭعى 3 توقساندا بۇكىل ەلدەگى تۇرعىنداردىڭ كىسى باسىنا تۋرا كەلەتىن يگەرىلمەلى كىرىسى 32509 يۋان بولىپ، سايكەس مەزگىلدەگىدەن %5.1 ارتقان، باعا فاكتورىن شىعارىپ تاستاعاندا ءىس جۇزىندە %5.2 ارتقان.

كەلۋ قاينارى: حالىق تورابى