ورتالىق ساياسي - زاڭ كوميتەتى ۇقتىرۋ باسىپ تاراتىپ لوساڭ زاشي جولداستىڭ ىزگى ىستەرىنەن ۇيرەنۋدى، ۇگىتتەۋدى تالاپ ەتتى

«حالىق گازەتى»، 10 - ايدىڭ 20 - كۇنى، بەيجيڭ. (ءتىلشى يۇي كۇن). تاياۋدا ورتالىق ساياسي - زاڭ كوميتەتى ۇقتىرۋ باسىپ تاراتىپ، بۇكىل ەلدەگى ساياسي - زاڭ ورگاندارى مەن بارلىق ساياسي - زاڭ كادر - ساقشىلارىن لوساڭ زاشي جولداستىڭ ىزگى ىستەرى مەن تاڭداۋلى قاسيەتىنەن مۇقيات ۇيرەنىپ، ادالدىقپەن ۇلەس قوسىپ، ناقتى ءىس ىستەپ، جاۋاپكەرشىلىك ارقالاۋعا، پارتيا مەن حالىق جۇكتەگەن مىندەت پەن بورىشتى ادالدىقپەن اتقارىپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىن باتىل قورعاپ، ادال، كىرشىكسىز، جاۋاپكەرشىلىك ارقالايتىن جاڭا داۋىردەگى ساياسي - زاڭ قۇرىش قوسىنىن قۇلشىنا سومداۋ كەرەكتىگىن ۇندەدى.

لوساڭ زاشي جولداس قازىر يۇننان ولكەسى ديچيڭ زاڭزۋ اۆتونوميالى وبلىسى مەملەكەت حاۋىپسىزدىگى مەكەمەسى 2 - تارماق اترەتىنىڭ باستىعى، ءبىر رەت جەكە 2 - دارەجەلى، ءبىر رەت 3 - دارەجەلى ەڭبەك ءسىڭىرىپ، ”مەملەكەتتىك وزات قىزمەتكەر“، ”مەملەكەتتىك مەملەكەت حاۋىپسىزدىگى جۇيەسىنىڭ 2 - دارەجەلى قاھارمان ۇلگىسى“، ”يۇننان ولكەسىنىڭ تاڭداۋلى پارتيا مۇشەسى“ سياقتى اتاقتارعا يە بولعان. ۇقتىرۋدا مىنالار كورسەتىلدى: لوساڭ زاشي جولداس ۇزاق مەرزىم وتانىمىزدىڭ باتىس وڭتۇستىكتەگى ءۇستىرتتى، سۋىق شەكارا رايونىنا تامىر تارتىپ، مىندەتىن ادالدىقپەن اتقارىپ، جاۋاپكەرشىلىك ارقالاپ، ۇلەس قوسىپ، اتويلاپ الدا ءجۇرىپ، باتىلدىقپەن كۇرەس جۇرگىزىپ، مەملەكەتتىڭ حاۋىپسىزدىگىن، شەكارا ءوڭىردىڭ ورنىقتىلىعىن قورعاۋعا كورنەكتى ۇلەس قوستى.

ۇقتىرۋدا مىنالار تالاپ ەتىلدى: لوساڭ زاشي جولداستىڭ پارتيا، مەملەكەت ءۇشىن، سەنىمگە ادال بولۋداي ساياسي احىلاعىنان، قۇرىشتاي مۇرات - سەنىمىنەن ۇيرەنۋىمىز، ونىڭ جاڭالىققا ۇمتىلۋداي، باتىر جانە جول اشۋداي ەكپىندەي ىلگەرلەۋ بەينەسىنەن، قۇرىشتاي جاۋاپكەرشىلىك ارقالاۋىنان ۇيرەنۋىمىز، كۇرەسكەرلىك رۋحىنان، اتوي سالۋداي رۋحي ساپاسىنان، قۇرىش قورعاندبق قابىلەتىنەن ۇيرەنۋىمىز، اتسىز-اتاقسىز بولۋ، ۇلەس قوسۋعا پەيىل بولۋداي وسكەلەڭ ورەسىنەن ۇيرەنۋىمىز، تەمىردەي شىڭدالعان تارتىپشەڭ رۋحىنان ۇيرەنۋىمىز كەرەك.