جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسى بەيجيڭدە وتكىزىلدى

جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسى بەيجيڭدە وتكىزىلدى

ورتالىق كوميتەتتىڭ ساياسي بيۋروسى جالپى ءماجىلىستى باسقاردى، ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى

جالپى ءماجىلىس شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى، «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 15 - بەسجىلدىق جوباسىن جاساۋ جونىندەگى ۇسىنىسىن» قاراپ ماقۇلدادى. شي جينپيڭ «ۇسىنىس (تالقى نۇسقاسى)» جونىندە جالپى ماجىلىسكە تۇسىنىك جاسادى

جالپى ءماجىلىس جاڭ شىڭميندى جۇڭگو كوممۋنيستىك پارتياسى ورتالىق اسكەري ىستەر كوميتەتى ءتوراعاسىنىڭ ورىنباسارلىعىنا تولىقتاۋدى ۇيعاردى

جالپى ءماجىلىس بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، سوتسياليستىك وسىزامانداندىرۋدى نەگىزىنەن جۇزەگە اسىرۋ جولىندا بىرگە كۇرەس جۇرگىزىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ جاڭا جاعدايىن ۇزدىكسىز اشۋعا ۇندەدى

جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسى 2025 - جىلى 10 - ايدىڭ 20 - كۇنىنەن 23 - كۇنىنە دەيىن بەيجيڭدە وتكىزىلدى. ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسى 2025 - جىلى 10 - ايدىڭ 20 - كۇنىنەن 23 - كۇنىنە دەيىن بەيجيڭدە وتكىزىلدى. ءماجىلىستى ورتالىق كوميتەتتىڭ ساياسي بيۋروسى باسقاردى.

سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن

شينحۋا اگەنتتىگى، 10 - ايدىڭ 23 - كۇنى، بەيجيڭ. جۇڭگو كوممۋنيستىك پارتياسى 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ مازمۇنداماسى

(جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە 2025 - جىلى 10 - ايدىڭ 23 - كۇنى ماقۇلداندى)

جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسى 2025 - جىلى 10 - ايدىڭ 20 - كۇنىنەن 23 - كۇنىنە دەيىن بەيجيڭدە وتكىزىلدى.

بۇل رەتكى جالپى ماجىلىسكە ورتالىق كوميتەتتىڭ مۇشەلەرىنەن 168 ادام، ورتالىق كوميتەتتىڭ كانديدات مۇشەلەرىنەن 147 ادام قاتىناستى. ورتالىق ءتارتىپ تەكسەرۋ كوميتەتى تۇراقتى كوميتەتىنىڭ مۇشەلەرى مەن قاتىستى جاقتارداعى جاۋاپتى جولداستار ماجىلىسكە سىرتتاي قاتىناستى. پارتيا 20 - قۇرىلتايىنىڭ ۋاكىلدەرى اراسىنداعى ءبىر ءبولىم نەگىزگى ساتىداعى جولداستار مەن مامان - وقىمىستىلار دا ماجىلىسكە سىرتتاي قاتىناستى.

جالپى ءماجىلىستى جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى باسقاردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ماڭىزدى ءسوز سويلەدى.

جالپى ءماجىلىس شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى، «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 15 - بەسجىلدىق جوباسىن جاساۋ جونىندەگى ۇسىنىسىن» قاراپ ماقۇلدادى. شي جينپيڭ «ۇسىنىستىڭ تالقى نۇسقاسى» جونىندە جالپى ماجىلىسكە تۇسىنىك جاسادى.

جالپى ءماجىلىس پارتيا 20 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ قىزمەتىن تولىق تۇراقتاندىردى. ءبىر اۋىزدان بىلاي دەپ قارادى: جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى پارتيا 20 - قۇرىلتايى مەن پارتيا 20 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن مۇقيات تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، جاڭا دامۋ تانىمىن تولىق، دۇرىس، جاپپاي دايەكتىلەندىرىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، ەل ءىشى جانە حالىقارا سىندى ەكى جالپى جاعدايدى، دامۋ مەن حاۋىپسىزدىكتى ءبىر تۇتاس جوسپارلاپ، رەفورمانى ونان ارى جاپپاي تەرەڭدەتىپ، جوعارى ساپالى دامۋدى تىڭعىلىقتى ىلگەرىلەتىپ، سوتسياليستىك دەموكراتيا، زاڭمەن باسقارۋ قۇرىلىسىن ىلگەرىلەتىپ، ۇگىت، يدەيا، مادەنيەت قىزمەتىن كۇشەيتىپ، حالىق تۇرمىسىن قامتاماسىز ەتۋدى جانە ەكولوگيالىق ورتانى قورعاۋدى شىن مانىندە ويداعىداي يگەرىپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىن قورعاپ، ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي ۇيرەنۋ تاربيەسىن ورىستەتىپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، مەملەكەت قورعانىسى مەن ارميانى وسىزامانداندىرۋ قۇرىلىسىن كۇشەيتىپ، شياڭگاڭ، اۋمىن قىزمەتىن جانە تايۋانعا قاراتىلعان قىزمەتتى ويداعىداي ىستەپ، جۇڭگوشا ءىرى ەلدىك ديپلوماتيانى ىشكەرىلەي ىلگەرىلەتىپ، ەكونوميكانىڭ ۇزدىكسىز قايتا ورلەۋىن، جاقسارۋىن جەبەدى، ”14 - بەسجىلدىقتاعى“ باستى نىسانا - مىندەتتەر جەڭىسپەن ورىندالۋ الدىندا تۇر. جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن سالتاناتپەن ەسكە ءتۇسىرۋ ۇلت رۋحىن بارىنشا سەرپىلتىپ، وتانشىلدىق ىنتانى تاسقىنداتىپ، كۇرەسكەرلىك كۇش - قۋات ۇيىستىردى.

جالپى ءماجىلىس ”14 - بەسجىلدىق“ مەزگىلىندەگى ەلىمىزدىڭ دامۋدا قول جەتكىزگەن كەلەلى جەتىستىكتەرىن جوعارى باعالادى. ”14 - بەسجىلدىق“ مەزگىلىندەگى ەلىمىزدىڭ دامۋ بارىسى ايتاقالسىن ەرەكشە بولدى. كۇردەلى حالىقارالىق جاعدايدا جانە ەل ىشىندەگى جاپالى دا اۋىر رەفورما، دامۋ، ورنىقتىلىق مىندەتى الدىندا، شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قيىندىقتان تايسالماي العا ۇمتىلىپ، ۇدەرە العا تارتىپ، عاسىرلىق ىندەتتىڭ اۋىر سوققىسىنا توتەپ بەرىپ، ءبىرقىدىرۋ اۋىر حاۋىپ - قاتەرلەر مەن سىن - سايىستارعا ءونىمدى توتەپ بەرىپ، پارتيا مەن مەملەكەت ىستەرىندە كەلەلى تىڭ تابىستارعا قول جەتكىزۋدى ىلگەرىلەتتى. ەلىمىزدىڭ ەكونوميكالىق قۋاتى، عىلىم - تەحنيكالىق قۋاتى، جالپىلىق مەملەكەت قۋاتى تىڭ ساتىعا كوتەرىلىپ، جۇڭگو ۇلگىسىندەگى وسىزامانداندىرۋدا تىڭ دا نىق قادام تاستالدى، ەكىنشى 100 جىلدىق كۇرەس نىساناسىنىڭ جاڭا جورىعىندا تاماشا باستاما جارىققا شىقتى.

جالپى ءماجىلىس بىلاي دەپ اتاپ كورسەتتى: سوتسياليستىك وسىزامانداندىرۋدى جۇزەگە اسىرۋ − ساتىلى ىلگەرىلەيتىن، ۇزدىكسىز دامىپ، العا باساتىن تاريحي بارىس، قاجىماي - تالماي قۇلشىنىپ، ۇزدىكسىز كۇرەس جۇرگىزۋدى قاجەت ەتەدى. ”15 - بەسجىلدىق“ مەزگىلى − سوتسياليستىك وسىزامانداندىرۋدى نەگىزىنەن جۇزەگە اسىرۋعا بەرىك نەگىز قالايتىن، جاپپاي كۇش سالاتىن شەشۋشى مەزگىل. سوتسياليستىك وسىزامانداندىرۋدى نەگىزىنەن جۇزەگە اسىرۋ بارىسىندا بۇرىنعىعا مۇراگەر بولىپ، كەيىنگىگە جول اشاتىن ماڭىزدى ورىنعا يە. ”15 - بەسجىلدىق“ كەزىندە ەلىمىزدىڭ دامۋ ورتاسى تەرەڭ دە كۇردەلى وزگەرىستەرگە ءدوپ كەلەدى، ەلىمىزدىڭ دامۋى ستراتەگيالىق وراي مەن حاۋىپ - قاتەر جانە سىن - سايىس قاتار ءومىر سۇرگەن، تۇراقسىز، مەجەلەۋ قيىن فاكتورلار كوبەيگەن مەزگىلدە تۇر. ەلىمىزدىڭ ەكونوميكالىق نەگىزى ورنىقتى، ابزالدىعى كوپ، سەرپىمدىلىگى كۇشتى، كومەسكى قۋاتى زور، ۇزاق ۋاقىت جاقسارۋدىڭ تىرەكتىك شارت - جاعدايى جانە نەگىزگى بەتالىسى وزگەرگەن جوق، جۇڭگوشا سوتسياليستىك ءتۇزىم ابزالدىعى، ەرەكشە كەڭ كولەمدى بازار ابزالدىىعى، كەمەلدى كاسىپ سالاسى جۇيەسى ابزالدىعى، مول دارىندىلار بايلىعى ابزالدىعى اناعۇرلىم كورنەكتىلەندى. بۇكىل پارتيا ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ستراتەگيالىق كۇش مىعىمدىعىلىن ساقتاپ، ءسوزسىز، جەڭىسكە جەتۋ سەنىمىن كۇشەيتىپ، وزگەرىستى بەلسەنە تانىپ، وزگەرىسكە توتەپ بەرىپ، وزگەرىسكە تالپىنىپ، باتىلدىقپەن كۇرەس جۇرگىزىپ، شەبەرلىكپەن كۇرەس جۇرگىزىپ، اساۋ تولقىنداردىڭ، ءتىپتى، سۇراپىل تولقىنداردىڭ زور سىناعىنا باتىلدىقپەن توتەپ بەرىپ، تاريحي ىرىقتىلىق رۋحىمەن قيىن وتكەلدەن ءوتىپ، حاۋىپ - قاتەرگە، سىن - سايىستارعا توتەپ بەرىپ، كۇشتى شوعىرلاندىرا وتىرىپ ءوز ءىسىمىزدى ويداعىداي ىستەپ، ەكونوميكانىڭ تەز قارقىنمەن دامۋى مەن قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتىڭ تىڭ داستانىن ۇزدىكسىز جازىپ، جۇڭگو ۇلگىسىندەگى وسىزامانداندىرۋ قۇرىلىسىندا قۇلشىنا جاڭا جاعداي جاراتۋ كەرەك.

جالپى ءماجىلىس بىلاي دەپ باسا دارىپتەدى: ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدا، ءسوزسىز، ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، جاپپاي سوتسياليستىك وسىزاماندانعان قۇدىرەتتى ەل قۇرۋدى، ەكىنشى 100 جىلدىق كۇرەس نىساناسىن جۇزەگە اسىرۋدى ارقاۋ ەتىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، ەل ءىشى جانە حالىقارا سىندى ەكى جالپى جاعدايدى ءبىر تۇتاس جوسپارلاپ، جاڭا دامۋ تانىمىن تولىق، دۇرىس، جان - جاقتى دايەكتىلەندىرىپ، جاڭا دامۋ جاعدايىن جەدەل قالىپتاستىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ەكونوميكالىق قۇرىلىستى وزەك ەتۋگە تاباندى بولىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، رەفورما جاساپ، جاڭالىق اشۋدى ءتۇبىرلى قوزعاۋشى كۇش، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى ءتۇبىرلى ماقسات، پارتيانى جاپپاي قاتاڭ باسقارۋدى ءتۇبىرلى كەپىل ەتىپ، ەكونوميكانىڭ ساپاسىنىڭ ءونىمدى جوعارىلاۋى مەن مولشەرىنىڭ ۇيلەسىمدى ارتۋىن ىلگەرىلەتىپ، ادامنىڭ جان - جاقتىلى دامۋىن، جالپى حالىقتىڭ بىرگە اۋقاتتانۋىن ىلگەرىلەتۋدە نىق قادام تاستاپ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە كەپىلدىك ەتۋ كەرەك.

جالپى ءماجىلىس بىلاي دەپ اتاپ كورسەتتى: ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدا، ءسوز جوق، مىناداي پرينسيپتەرگە بويسۇنۋ كەرەك: پارتيانىڭ جاپپاي باسشىلىعىنا، حالىقتى بارىنەن جوعارى قويۋعا، جوعارى ساپالى دامۋعا، رەفورمانى جاپپاي تەرەڭدەتۋگە، ءونىمدى بازار مەن ناتيجەلى ۇكىمەتتى ۇشتاستىرۋعا، دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولۋ.

جالپى ءماجىلىس ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ باستى نىسانالارىن العا قويدى: جوعارى ساپالى دامۋدا ونىمدىلىككە قول جەتكىزىپ، عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋ دەڭگەيىن بارىنشا جوعارىلاتىپ، رەفورمانى ونان ارى جاپپاي تەرەڭدەتۋدە تىڭ تابىستارعا قول جەتكىزىپ، قوعامنىڭ وركەنيەت دەڭگەيىن كورنەكتى جوعارىلاتىپ، حالىقتىڭ تۇرمىس ساپاسىن ۇزدىكسىز ارتتىرىپ، كورىكتى جۇڭگو قۇرىلىسىندا تىڭ دا كەلەلى ىلگەرىلەۋشىلىككە قول جەتكىزىپ، مەملەكەت حاۋىپسىزدىگى قالىتقىسىن اناعۇرلىم بەكەمدەۋ كەرەك. وسى نەگىزدە تاعى دا 5 جىل كۇرەس جاساپ، 2035 - جىلعا بارعاندا ەلىمىزدىڭ ەكونوميكالىق قۋاتىن، عىلىم - تەحنيكالىق قۋاتىن، مەملەكەت قورعانىسى قۋاتىن، جالپىلىق مەملەكەت قۋاتىن جانە حالىقارالىق ىقپالىن بارىنشا جوعارىلاتىپ، جان باسىندىق ىشكى ءوندىرىستىڭ جالپى ءونىم قۇنىن ورتاشا دامىعان ەلدەردىڭ ورەسىنە جەتكىزىپ، حالىق تۇرمىسىن اناعۇرلىم باقىتتى، تاماشا ەتىپ، سوتسياليستىك وسىزامانداندىرۋدى نەگىزىنەن جۇزەگە اسىرۋ.

جالپى ءماجىلىس مىنالاردى العا قويدى: وسىزاماندانعان كاسىپ سالاسى جۇيەسىن ورناتىپ، ناقتى ەكونوميكانىڭ نەگىزىن بەكەمدەۋ، زورايتۋ كەرەك. ەكونوميكانى دامىتۋدىڭ كۇش سالۋ ءتۇيىنىن ناقتى ەكونوميكاعا ويىستىرۋعا تاباندى بولىپ، زەردەلىلەندىرۋ، جاسىلداندىرۋ، توعىستىرۋ بەتالىسىنا تاباندى بولىپ، جاساۋ كاسىبىندە قۋاتتى ەل، ءونىم ساپاسىندا قۋاتتى ەل، عارىش ىستەرىندە قۋاتتى ەل، قاتىناس ىستەرىندە قۋاتتى ەل، ينتەرنەتتە قۋاتتى ەل قۇرۋدى جەدەلدەتىپ، جاساۋ كاسىبىنىڭ ۇيلەسىمدى سالىستىرماسىن ساقتاپ، وزىق جاساۋ كاسىبىن تىرەك ەتكەن وسىزاماندانعان كاسىپ سالاسى جۇيەسىن ورناتۋ كەرەك. ءداستۇرلى كاسىپ سالالارىن ساپالاندىرىپ، دارەجەسىن جوعارىلاتىپ، جاڭادان گۇلدەنگەن كاسىپ سالالارى مەن بولاشاق كاسىپ سالالارىن جەتىلدىرىپ، زورايتىپ، قىزمەت وتەۋ كاسىبىنىڭ ساپالى، جوعارى ءونىمدى دامۋىن جەبەپ، وسىزاماندانعان نەگىزدىك قۇرىلعى جۇيەسىن ورناتۋ كەرەك.

جالپى ءماجىلىس مىنالاردى العا قويدى: جوعارى دەڭگەيلى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدى جەدەلدەتىپ، جاڭاشا وندىرگىش كۇشتەردى دامىتۋعا جەتەكشىلىك ەتۋ كەرەك. جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسىنىڭ تاريحي ورايىن مىقتى يگەرىپ، وقۋ - اعارتۋدا قۋاتتى ەل، عىلىم - تەحنيكادا قۋاتتى ەل، دارىندىلاردا قۋاتتى ەل قۇرۋدى ءبىر تۇتاس جوسپارلاپ، مەملەكەتتىڭ جاڭالىق اشۋ جۇيەسىنىڭ جالپى تۇلعالىق ونىمدىلىگىن جوعارىلاتىپ، دەربەس جاڭالىق اشۋ قابىلەتىن جاپپاي كۇشەيتىپ، عىلىم - تەحنيكا دامۋىنىڭ بيىك تۇرعىسىن يەلەپ، جاڭاشا وندىرگىش كۇشتەردى ۇزدىكسىز تۋىنداتۋ كەرەك. العاشقى جاڭالىق اشۋدى جانە شەشۋشى، وزەكتى تەحنيكالاردان قامال الۋدى كۇشەيتىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن ىلگەرىلەتىپ، وقۋ - اعارتۋ، عىلىم - تەحنيكا دارىندىلارىنىڭ دامۋىن ءبىر تۇتاس جەبەپ، سيفرلى جۇڭگو قۇرىلىسىن ىشكەرىلەي ىلگەرىلەتۋ كەرەك.

جالپى ءماجىلىس مىنالاردى العا قويدى: مىعىم ەل ءىشى بازارىن قۇرىپ، جاڭا دامۋ جاعدايىن جەدەل قالىپتاستىرۋ كەرەك. ىشكى سۇرانىمدى ۇلعايتۋ سىندى ستراتەگيالىق نەگىزگى تۇيىنگە تاباندى بولىپ، حالىق تۇرمىسىنا تيىمدىلىك جاساۋ مەن تۇتىنۋدى جەبەۋدى، زاتقا قارجى قوسۋ مەن ادامعا قارجى قوسۋدى تىعىز ۇشتاستىرۋعا تاباندى بولىپ، جاڭا قاجەتسىنۋ ارقىلى جاڭا قامداۋعا جەتەكشىلىك ەتىپ، جاڭا قامداۋ ارقىلى جاڭا قاجەتسىنۋ جاراتىپ، تۇتىنۋ مەن قارجى قوسۋدىڭ، قامداۋ مەن قاجەتسىنۋدىڭ ءتيىمدى ىقپالداستىعىن جەبەپ، ەل ىشىندەگى ۇلكەن اينالىمنىڭ ىشكى قوزعاۋشى كۇشى مەن سەنىمدىلىگىن نىعايتۋ كەرەك. تۇتىنۋدى بارىنشا سەرپىلتىپ، ءونىمدى قارجى قوسۋدى كەڭەيتىپ، بۇكىل ەل بويىنشا ءبىر تۇتاس ءىرى بازار قۇرىلىسىنا تۇساۋ بولاتىن بوگەتتەر مەن كەدەرگىلەردى باتىل الاستاۋ كەرەك.

جالپى ءماجىلىس مىنالاردى العا قويدى: جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن جەدەل ورناتىپ، جوعارى ساپالى دامۋدىڭ قوزعاۋشى كۇشىن ارتتىرۋ كەرەك. سوتسياليستىك نەگىزگى ەكونوميكالىق تۇزىمگە تاباندى بولىپ جانە ونى كەمەلدەندىرىپ، ەكونوميكالىق ءتۇزىلىس رەفورماسىنىڭ جەتەكشىلىك رولىن اناعۇرلىم ويداعىداي ساۋلەلەندىرىپ، ماكرولىق ەكونوميكانى باسقارۋ جۇيەسىن كەمەلدەندىرىپ، جوعارى ساپالى دامۋدىڭ ورنىقتى، باياندى دامۋىنا كەپىلدىك ەتۋ كەرەك. ءتۇرلى تيجارات تۇلعالارىنىڭ ومىرشەڭدىك كۇشىن تولىق قاۋلاتىپ، ماڭىزدى فاكتورلاردى بازارلاندىرىپ ورنالاستىرۋ ءتۇزىلىس، مەحانيزمىن جەدەل كەمەلدەندىرىپ، ماكرولىق ەكونوميكانى باسقارۋ ونىمدىلىگىن جوعارىلاتۋ كەرەك.

جالپى ءماجىلىس مىنالاردى العا قويدى: جوعارى دەڭگەيدە سىرتقا ەسىك اشۋدى كەڭەيتىپ، سەلبەسىپ تەڭ يگىلىككە كەنەلۋدىڭ جاڭا جاعدايىن اشۋ كەرەك. تۇزىمدىك ەسىك اشۋدى ورنىقتى كەڭەيتىپ، كوپ جاقتى ساۋدا ءتۇزىلىسىن قورعاپ، حالىقارالىق اينالىمدى كەڭەيتىپ، ەسىك اشۋ ارقىلى رەفورمانى، دامۋدى جەبەپ، دۇنيە جۇزىندەگى ءار ەلمەن ورايدان بىرگە يگىلىكتەنىپ، بىرگە دامۋ كەرەك. دەربەس ەسىك اشۋدى بەلسەنە كەڭەيتىپ، ساۋدادا جاڭالىق اشا دامۋدى ىلگەرىلەتىپ، قوس باعىتتا قارجى قوسۋ سەلبەستىك ءورىسىن كەڭەيتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ كەرەك.

جالپى ءماجىلىس مىنالاردى العا قويدى: اۋىل شارۋاشىلىعىن، اۋىل - قىستاقتى وسىزامانداندىرۋدى جەدەلدەتىپ، اۋىل - قىستاقتى جاپپاي گۇلدەندىرۋدى تىڭعىلىقتى ىلگەرىلەتۋ كەرەك. اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىندەگى ەڭ ماڭىزدى ورىنعا قويۋعا تاباندى بولىپ، قالا مەن اۋىلدىڭ توعىسپالى دامۋىن جەبەپ، كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەپ جانە كەڭەيتىپ، اۋىل - قىستاقتىڭ وسىزامانعى تۇرمىس شارت - جاعدايىن نەگىزىنەن ازىرلەپ، اۋىل شارۋاشىلىعىندا قۋاتتى ەل قۇرۋدى جەدەلدەتۋ كەرەك. اۋىل شارۋاشىلىعىنىڭ جالپىلىق ءوندىرىس قۋاتى مەن ساپا ونىمدىلىگىن جوعارىلاتىپ، قونىستانۋعا، كاسىپكە قولايلى جانە كورىكتى اۋىل - قىستاق قۇرىلىسىن ىلگەرىلەتىپ، اۋىل شارۋاشىلىعىن كۇشەيتۋ، اۋىل - قىستاققا تيىمدىلىك جاساۋ، شارۋالاردى اۋقاتتاندىرۋ ساياساتىنىڭ ونىمدىلىگىن جوعارىلاتۋ كەرەك.

جالپى ءماجىلىس مىنالاردى العا قويدى: وڭىرلىك ەكونوميكانىڭ ورنالاسۋىن ساپالىلاندىرىپ، وڭىرلەردىڭ سايكەستى دامۋىن جەبەۋ كەرەك. وڭىرلىك سايكەستى دامۋ ستراتەگياسىنىڭ، وڭىرلىك كەلەلى ستراتەگيانىڭ، نەگىزگى تۇلعالىق فۋنكتسيالىق رايون ستراتەگياسىنىڭ، جاڭاشا قالا - قالاشىقتاندىرۋ ستراتەگياسىنىڭ قاباتتاسۋ اسەرىن ساۋلەلەندىرىپ، كەلەلى وندىرگىش كۇشتەردىڭ ورنالاسۋىن ساپالىلاندىرىپ، ءتۇيىندى وڭىرلەردىڭ ارتۋ رولىن ساۋلەلەندىرىپ، ابزالدىقتارىمەن ءبىرىن - ءبىرى تولىقتايتىن، جوعارى ساپالى داميتىن وڭىرلىك ەكونوميكالىق ورنالاسىم مەن مەملەكەت جەرى كەڭىستىك جۇيەسىن ورناتۋ كەرەك. وڭىرلىك دامۋدىڭ سايكەسىمدىلىگىن كۇشەيتىپ، وڭىرلەردىڭ ىقپالداسىپ دامۋىن جەبەپ، مەملەكەت جەرى كەڭىستىگىنىڭ دامۋ جاعدايىن ساپالىلاندىرىپ، ادامدى نەگىز ەتكەن جاڭاشا قالا - قالاشىقتاندىرۋدى ىشكەرىلەي ىلگەرىلەتىپ، تەڭىز - مۇحيتتى اشۋدى، پايدالانۋدى، قورعاۋدى كۇشەيتۋ كەرەك.

جالپى ءماجىلىس مىنالاردى العا قويدى: بۇكىل ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىك كۇشىن قاۋلاتىپ، سوتسياليستىك مادەنيەتتى گۇلدەندىرۋ، دامىتۋ كەرەك. ماركسيزمنىڭ يدەولوگيا سالاسىنداعى جەتەكشىلىك ورنىنا تاباندى بولىپ، باي مازمۇندى جۇڭحۋا وركەنيەتىنە تامىر تارتىپ، ينفورماتسيا تەحنيكاسىنىڭ دامۋ اعىمىنا سايكەسىپ، مىعىم يدەيالىق جەتەكشىلىك قۋاتىنا، رۋحاني ۇيىستىرۋ قۋاتىنا، قۇن جاعىندا باۋراۋ قۋاتىنا، حالىقارالىق ىقپال قۋاتىنا يە جاڭا داۋىردەگى جۇڭگوشا سوتسياليستىك مادەنيەتتى دامىتىپ، مادەنيەتتە قۋاتتى ەل قۇرۋدى تىڭعىلىقتى ىلگەرىلەتۋ كەرەك. سوتسياليستىك وزەكتى قۇن كوزقاراسىن ساۋلەلەندىرىپ جانە امالياتتا ايگىلەپ، مادەنيەت ىستەرىن كۇش سالا گۇلدەندىرىپ، مادەنيەت كاسىپ سالاسىن جەدەل دامىتىپ، جۇڭحۋا وركەنيەتىنىڭ تارالۋ قۋاتىن، ىقپال قۋاتىن جوعارىلاتۋ كەرەك.

جالپى ءماجىلىس مىنالاردى العا قويدى: حالىق تۇرمىسىن قامتاماسىز ەتۋ جانە جاقسارتۋ سەرپىنىن ارتتىرىپ، جالپى حالىقتىڭ بىرگە بايۋىن تىڭعىلىقتى ىلگەرىلەتۋ كەرەك. بار كۇشىن سالۋعا، شاماعا قاراي ىستەۋگە تاباندى بولىپ، جالپىعا ءتيىمدى، نەگىزدىك، ەڭ تومەنگى شەكتەن تۇسىرمەۋ سيپاتتى حالىق تۇرمىسى قۇرىلىسىن كۇشەيتىپ، حالىق بۇقاراسىنىڭ مۇڭ - مۇقتاجى ماسەلەسىن ويداعىداي شەشىپ، قوعامدىق اينالىم ارناسىن ىركىلىسسىزدەندىرىپ، حالىقتىڭ تۇرمىس ساپاسىن جوعارىلاتۋ كەرەك. جوعارى ساپالى، تولىق جۇمىستانۋدى جەبەپ، كىرىس ءبولىسى ءتۇزىمىن كەمەلدەندىرىپ، حالىق رازى بولاتىن وقۋ - اعارتۋدى ويداعىداي جۇرگىزىپ، قوعامدىق قامتاماسىزداندىرۋ جۇيەسىن اقاۋسىزداندىرىپ، ءۇي - جاي كاسىبىنىڭ جوعارى ساپالى دامۋىن ىلگەرىلەتىپ، سالاماتتى جۇڭگو قۇرۋدى جەدەلدەتىپ، حالىق سانىنىڭ جوعارى ساپالى دامۋىن جەبەپ، نەگىزگى الەۋمەتتىك قىزمەت وتەۋدىڭ بىركەلكىلەنۋىن ورنىقتى ىلگەرىلەتۋ كەرەك.

جالپى ءماجىلىس مىنالاردى العا قويدى: ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن جەدەلدەتىپ، كورىكتى جۇڭگو قۇرۋ كەرەك. تۇنىق سۋ، جاسىل تاۋ − باعالى بايلىق تانىمىن بەرىك ورناتىپ جانە امالياتتا ايگىلەپ، كومىر قىشقىل گازىن شىعارۋدى جوعارى مانگە جەتكىزۋ، كومىر قىشقىل گازىن بەيتاراپتاۋدى جەتەكشى ەتىپ، كومىر قىشقىل گازىنىڭ شىعارىلۋىن تومەندەتۋدى، لاستانۋدى ازايتۋدى، جاسىلدىقتى كەڭەيتۋدى، ارتۋدى سايكەستى ىلگەرىلەتىپ، ەكولوگيالىق حاۋىپسىزدىك قالىتقىسىن بەكەمدەپ، جاسىل دامۋدىڭ قوزعاۋشى كۇشىن ارتتىرۋ كەرەك. لاستانۋدان ساقتانۋ مەن ونى جونگە سالۋدان قامال الۋدى جانە ەكولوگيالىق جۇيەنى ساپالىلاندىرۋدى ۇزدىكسىز ىشكەرىلەي ىلگەرىلەتىپ، جاڭاشا ەنەرگيا جۇيەسىن جەدەل قۇرىپ، كومىر قىشقىل گازىن شىعارۋدى جوعارى مانگە جەتكىزۋدى بەلسەندى، ورنىقتى ىلگەرىلەتىپ جانە جۇزەگە اسىرىپ، جاسىل ءوندىرىس، تۇرمىس ءتاسىلىن جەدەل قالىپتاستىرۋ كەرەك.

جالپى ءماجىلىس مىنالاردى العا قويدى: مەملەكەت حاۋىپسىزدىگى جۇيەسى مەن قۋاتىن وسىزامانداندىرۋدى ىلگەرىلەتىپ، اناعۇرلىم جوعارى دەڭگەيدەگى تىنىش جۇڭگو قۇرۋ كەرەك. جالپى تۇلعالىق مەملەكەت حاۋىپسىزدىگى كوزقاراسىن بۇلجىتپاي دايەكتىلەندىرىپ، قوعامدى باسقارۋدىڭ جۇڭگوشا سوتسياليستىك جولىمەن ءجۇرىپ، قوعامنىڭ ومىرشەڭدىك كۇشكە تولى ءارى ءتارتىپتى بولۋىنا كەپىلدىك ەتۋ كەرەك. مەملەكەت حاۋىپسىزدىگى جۇيەسىن اقاۋسىزداندىرىپ، ءتۇيىندى سالالارداعى مەملەكەت حاۋىپسىزدىگى قۋاتى قۇرىلىسىن كۇشەيتىپ، الەۋمەتتىك حاۋىپسىزدىكتى باسقارۋ دەڭگەيىن جوعارىلاتىپ، قوعامدىق باسقارۋ جۇيەسىن كەمەلدەندىرۋ كەرەك.

جالپى ءماجىلىس مىنالاردى العا قويدى: ارميا قۇرۋدىڭ 100 جىلدىعى كۇرەس نىساناسىن ۋاعىندا جۇزەگە اسىرىپ، مەملەكەت قورعانىسى مەن ارميانى وسىزامانداندىرۋدى جوعارى ساپامەن ىلگەرىلەتۋ كەرەك. شي جينپيڭ ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، پارتيانىڭ حالىق ارمياسىنا شارتسىز باسشىلىعىنا تاباندى بولىپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرىپ، مەملەكەت قورعانىسى مەن ارميانى وسىزامانداندىرۋدىڭ جاڭا ”ءۇش قادامعا ءبولىپ ءجۇرۋ“ ستراتەگياسى بويىنشا، ارميانى ساياسي جولمەن قۇرۋدى، رەفورما ارقىلى قۇدىرەتتەندىرۋدى، عىلىم - تەحنيكا ارقىلى قۇدىرەتتەندىرۋدى، دارىندىلار ارقىلى قۇدىرەتتەندىرۋدى، زاڭمەن باسقارۋدى ىلگەرىلەتىپ، ءبىر جاعىنان كۇرەس جۇرگىزىپ، ءبىر جاعىنان سوعىسقا دايىندالىپ، ءبىر جاعىنان قۇرىلىس جۇرگىزىپ، مەحانيكالاندىرۋدىڭ، ينفورماتسيالاندىرۋدىڭ، زەردەلىلەندىرۋدىڭ توعىسپالى دامۋىن جەدەلدەتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ ستراتەگيالىق قۋاتىن ارتتىرۋ كەرەك. وزىق جاۋىنگەرلىك قۋات قۇرىلىسىن جەدەلدەتىپ، اسكەري ىستەردى باسقارۋدىڭ وسىزاماندانۋىن ىلگەرىلەتىپ، مەملەكەتتىڭ ءبىر تۇلعالانعان ستراتەگيالىق جۇيەسى مەن قۋاتىن نىعايتۋ، ارتتىرۋ كەرەك.

جالپى ءماجىلىس بىلاي دەپ باسا دارىپتەدى: بۇكىل پارتيا، بۇكىل ەلدەگى ءار ۇلت حالقى ىنتىماقتاسا وتىرىپ، ”15 - بەسجىلدىق“ جوبانى جۇزەگە اسىرۋ جولىندا كۇرەسۋ كەرەك. پارتيانىڭ وزىندىك توڭكەرىسى ارقىلى قوعامدىق توڭكەرىسكە جەتەكشىلىك ەتۋگە تاباندى بولىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، پارتيانىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارانى ۇيىمداستىرۋ قابىلەتىن، قوعامدىق ۇندەۋ قابىلەتىن كۇشەيتىپ، پارتيانىڭ ەكونوميكالىق، قوعامدىق دامۋعا باسشىلىق ەتۋ قابىلەتى مەن ورەسىن جوعارىلاتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە قۇدىرەتتى كۇش توپتاۋ كەرەك. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ جانە ونى كۇشەيتىپ، سوتسياليستىك دەموكراتيالى زاڭمەن باسقارۋ قۇرىلىسىن ىلگەرىلەتىپ، تۇتاس قوعامنىڭ جۇڭگو ۇلگىسىندەگى وسىزامانداندىرۋ قۇرىلىسىنا ات سالىسۋ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرۋ كەرەك. شياڭگاڭ مەن اۋمىننىڭ باياندى گۇلدەنۋى مەن ورنىقتىلىعىن جەبەپ، ەكى جاعالاۋ قارىم - قاتىناسىنىڭ بەيبىت دامۋىن ىلگەرىلەتىپ، وتاندى بىرلىككە كەلتىرۋ ۇلى ءىسىن جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك.

جالپى ءماجىلىس بىلاي دەپ اتاپ كورسەتتى: جالپى ءماجىلىستىڭ رۋحىن ويداعىداي ۇيرەنۋ، ويداعىداي دايەكتىلەندىرۋ − قازىرگى جانە بۇدان بىلايعى ءبىر مەزگىلدەگى بۇكىل پارتيانىڭ، بۇكىل ەلدىڭ كەلەلى ساياسي مىندەتى. ءتۇرلى تاسىلدەر ارقىلى جالپى ءماجىلىستىڭ رۋحىن ۇيرەنۋدى، تانىستىرۋدى، ۇگىتتەۋدى ويداعىداي ۇيىمداستىرىپ، بۇكىل پارتيانىڭ، بۇكىل قوعامنىڭ جالپى ءماجىلىستىڭ رۋحىن ويداعىداي تۇسىنۋىنە مۇمكىندىك جاساۋ كەرەك. جالپى ءماجىلىس رۋحىن دايەكتىلەندىرۋدى، تياناقتاندىرۋدى شىن مانىندە ويداعىداي يگەرىپ، جوعارى ساپالى دامۋدى تاباندىلىقپەن ىلگەرىلەتىپ، جاڭا دامۋ جۇلگەسىن جەدەل قالىپتاستىرىپ، جالپى حالىقتىڭ بىرگە اۋقاتتانۋىندا نىق قادام تاستاۋدى ىلگەرىلەتىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، ەكونوميكالىق قۇرىلىس پەن ءار سالاداعى قىزمەتتەردى ءبىر تۇتاس جوسپارلاپ ىلگەرىلەتىپ، سوتسياليستىك وسىزامانداندىرۋدى نەگىزىنەن جۇزەگە اسىرۋعا بەرىك نەگىز قالاۋ كەرەك.

جالپى ءماجىلىس بىلاي دەپ باسا دارىپتەدى: مەملەكەتتى باسقارۋدا، ءسوز جوق، الدىمەن پارتيانى باسقارۋ كەرەك، پارتيا كوركەيگەندە عانا، مەملەكەتتى قۇدىرەتتەندىرۋگە بولادى. پارتيانى باسقارۋ، پارتيانى جونگە سالۋ نەعۇرلىم ءونىمدى بولعان سايىن، ەكونوميكالىق، قوعامدىق دامۋدى قامتاماسىزداندىرۋ سولعۇرلىم پارمەندى بولادى. ءسوز جوق، ماڭگى جالعاستىراتىن قايسارلىق پەن تاباندىلىق ارقىلى پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، پارتيانىڭ وزىندىك توڭكەرىس تالابىن باتىل تياناقتاندىرىپ، پارتيانىڭ ستيل قۇرىلىسىنىڭ ۇدايىلانۋىن، ۇزاق ۋاقىت ءونىمدى بولۋىن ىلگەرىلەتىپ، شىرىكتەسۋگە قارسى تۇرۋ كۇرەسىن تاباندىلىقپەن ورىستەتىپ، ”15 - بەسجىلدىق“ مەزگىلىندەگى ەكونوميكالىق، قوعامدىق دامۋ نىساناسىن جۇزەگە اسىرۋعا پارمەندى كەپىلدىك ازىرلەۋ كەرەك.

جالپى ءماجىلىس قازىرگى جاعداي مەن مىندەتتەرگە تالداۋ جاساپ، بىلاي دەپ باسا دارىپتەدى: تۇتاس جىلدىق ەكونوميكالىق، قوعامدىق دامۋ نىساناسىن باتىل جۇزەگە اسىرۋ كەرەك. پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ۇزدىكسىز دالمە - ءدال تياناقتاندىرىپ، جۇمىستاندىرۋدى، كاسىپورىندى، بازاردى، مەجەنى كۇش سالا ورنىقتىرىپ، ەكونوميكانىڭ نەگىزگى جاعدايىن ورنىقتىرىپ، ەكونوميكانىڭ قايتا ورلەۋ جاعدايىن بەكەمدەۋ، كەڭەيتۋ كەرەك. ماكرولىق ساياساتتا ۇزدىكسىز كۇش سالىپ، دەر كەزىندە كۇش قوسىپ، كاسىپورىنداردىڭ كومەكتەسۋ - سۇيەمەلدەۋ ساياساتىن ويداعىداي تياناقتاندىرىپ، تۇتىنۋدى سەرپىلتۋ ارناۋلى ارەكەتىن ىشكەرىلەي اتقارىپ، نەگىزگى ساتىنىڭ ”ءۇشتى قامتاماسىز ەتۋ“ تومەنگى شەگىن مىقتاپ يگەرىپ، جەرگىلىكتى ۇكىمەتتەردىڭ قارىز حاۋىپ - قاتەرىن بەلسەندى، ورنىقتى تۇردە شەشۋ كەرەك.

جالپى ءماجىلىس بىلاي دەپ اتاپ كورسەتتى: حالىق تۇرمىسىن قامتاماسىز ەتۋدى شىن مانىندە ويداعىداي يگەرىپ، كومەسكى كۇشتەردى كوپ ارنامەن اشىپ، جۇمىس ورنىن ورنىقتىرىپ، جۇمىستاندىرۋدى جەبەۋ قىزمەتىن كۇشەيتىپ، ءتۇيىندى قاۋىمنىڭ ورنىقتى جۇمىستانۋىن جەبەپ، ەڭبەكاقىنى كەشىكتىرۋدى وڭاۋ تەبىنىن ارتتىرىپ، نەگىزگى الەۋمەتتىك قىزمەت وتەۋدى كۇشەيتىپ، حالىق بۇقاراسىنىڭ مۇڭ - مۇقتاجىن، ارمان - تىلەگىن ويداعىداي شەشۋ كەرەك. اپاتتان كەيىنگى قالپىنا كەلتىرۋ، قايتا قۇرۋ، اپاتقا ۇشىراعان بۇقارانى ورنالاستىرۋ جانە تۇرمىسىن قامتاماسىزداندىرۋ قىزمەتىن شىنايى مىقتى يگەرىپ، اپاتقا ۇشىراعان بۇقارانىڭ قىستان قىسىلماي وتۋىنە كەپىلدىك ەتۋ كەرەك.

جالپى ءماجىلىس بىلاي دەپ باسا دارىپتەدى: ءوندىرىس حاۋىپسىزدىگى مەن ورنىقتىلىقتى قورعاۋ قىزمەتىن ويداعىداي ىستەپ، ءوندىرىس حاۋىپسىزدىگى جاۋاپكەرشىلىگىن قاتايتىپ، ناقتىلاندىرىپ، ءتۇرلى باقىلاۋ - باسقارۋ تۇزىمدەرىن قاتاڭ تياناقتاندىرىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ جانە ونى تەجەۋ كەرەك. ازىق - تۇلىك، ءدارى - دارمەك حاۋىپسىزدىگىن تۇتاس تىزبەك بويىنشا باقىلاۋ - باسقارۋدى كۇشەيتۋ كەرەك. قايشىلىقتار مەن داۋ - شارلاردى ىشكەرىلەي تەكسەرىپ جانە شەشىپ، قوعام اماندىعىن جالپى تۇلعالىق جاقتان تىزگىندەۋدى كۇشەيتىپ، زاڭعا قايشى ءتۇرلى قىلمىستارعا زاڭ بويىنشا سوققى بەرۋ كەرەك. قوعامدىق پىكىرگە جەتەكشىلىك ەتۋدى كۇشەيتىپ، يدەيالوگيا سالاسىنداعى حاۋىپ - قاتەردەن ءونىمدى ساقتانۋ جانە ونى ءبىرجاقتى ەتۋ كەرەك.

جالپى ءماجىلىس جاڭ شىڭميندى جۇڭگو كوممۋنيستىك پارتياسى ورتالىق اسكەري ىستەر كوميتەتى ءتوراعاسىنىڭ ورىنباسارلىعىنا تولىقتاۋدى ۇيعاردى.

جالپى ءماجىلىس پارتيا ۋستاۆىنداعى بەلگىلەمە بويىنشا، ورتالىق كوميتەتتىڭ كانديدات مۇشەلەرىنەن يۇي حۇيۋىن، ما حانچىڭ، ۋاڭ جيان، ۋاڭ شي، ۋاڭ يۇڭحۇڭ، ۋاڭ تيڭكاي، ۋاڭ شين - ۋەي، ۋەي تاۋ، دىڭ ي - ۋ، دىڭ شيۋميڭ، لۋ حۇڭدى ورتالىق كوميتەتتىڭ مۇشەلىگىنە تولىقتاۋدى ۇيعاردى.

جالپى ءماجىلىس جۇڭگو كوممۋنيستىك پارتياسى ورتالىق ءتارتىپ تەكسەرۋ كوميتەتىنىڭ تاڭ رىنجيان، جين شياڭجۇن، لي شىسۇڭ، ياڭ فاسىن، جۋ جىسۇڭنىڭ تارتىپكە، زاڭعا اۋىر قايشىلىق جاساۋ ماسەلەسى جونىندەگى تەكسەرۋ بايانداماسىن قارادى جانە ماقۇلدادى، جۇڭگو كوممۋنيستىك پارتياسى ورتالىق اسكەري ىستەر كوميتەتىنىڭ حى ۋەيدۇڭ، مياۋ حۋا، حى حۇڭجۇن، ۋاڭ شيۋبين، لين شياڭياڭ، چين شۋتۇڭ، يۋان حۋاجى، ۋاڭ چۇننيڭ، جاڭ فىڭجۇڭدەردىڭ تارتىپكە، زاڭعا اۋىر قايشىلىق جاساۋ ماسەلەسى جونىندەگى تەكسەرۋ بايانداماسىن قارادى جانە ماقۇلدادى، ورتالىق ساياسي بيۋروسىنىڭ وسىدان بۇرىنعى حى ۋەيدۇڭ، مياۋ حۋا، تاڭ رىنجيان، جين شياڭجۇن، حى حۇڭجۇن، ۋاڭ شيۋبين، لين شياڭياڭ، چين شۋتۇڭ، يۋان حۋاجى، ۋاڭ چۇننيڭ، لي شىسۇڭ، ياڭ فاسىن، جۋ جىسۇڭ، جاڭ فىڭجۇڭدەردى پارتيادان شىعارۋ تۋرالى جازاسىن تۇراقتاندىردى.

جالپى ءماجىلىس بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، سوتسياليستىك وسىزامانداندىرۋدى نەگىزىنەن جۇزەگە اسىرۋ جولىندا بىرگە كۇرەس جۇرگىزىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ جاڭا جاعدايىن ۇزدىكسىز اشۋعا ۇندەدى.

كەلۋ قاينارى: حالىق تورابى