ەلىمىز 2025 – جىلعى ەڭبەكاقىنى كەشەۋىلدەتۋدى جونگە سالۋ تۋرالى قىس مەزگىلىندەگى ارەكەتتى ورىستەتۋ جونىندە ورنالاستىرۋ جاسادى 

شينحۋا اگەنتتىگىنىڭ ءتىلشىسى جاڭ شياۋجيە 11 – ايدىڭ 5 – كۇنى بەيجيڭنەن حابارلايدى. ءتىلشىنىڭ 11 – ايدىڭ 5 – كۇنى ۇعىسۋىنشا، مەملەكەتتىك كەڭەستىڭ جۇمىستانۋدى ىلگەرىلەتۋ جانە ەڭبەكشىلەردى قورعاۋ قىزمەتىنە باسشىلىق ەتۋ گرۋپپاسىنىڭ كەڭسەسى جۋىردا ۇقتىرۋ باسىپ تاراتقان، 2025 – جىلى 11 – ايدىڭ 1 – كۇنىنەن 2026 – جىلعى كوكتەم مەرەكەسىنىڭ الدىنا دەيىن، ەلىمىز بويىنشا ەڭبەكاقىنى كەشەۋىلدەتۋدى جونگە سالۋ تۋرالى قىس مەزگىلىندەگى ارەكەتتى ورىستەتىپ، ءتۇيىندى كاسىپ سالالارىنا نازاردى شوعىرلاندىرىپ، كومەسكى قاتەرلەردى ءبىر – بىرلەپ تەكسەرۋ، قايشىلىقتاردى شەشىم ەتۋ، شۇعىل جاعدايلاردى ءبىر جاقتى ەتۋ جانە قوسالقى جاعى مەن نەگىزگى جاعىن بىردەي جونگە سالۋ جاعىنداعى قىزمەتتەردى مىقتى يگەرىپ، ەڭبەكاقىنى كەشەۋىلدەتۋ ارەكەتىن جالپى بەتتىك تۇزەتىپ جونگە سالىپ، شارۋا جۇمىسكەرلەردىڭ زاڭدى ۇقىق – مۇددەسىن شىنايى قامتاماسىزداندىرادى.

ۇقتىرۋعا ساي، جەر – جەر، تاراۋلار ەڭبەكاقىنى كەشەۋىلدەتۋگە ساياتىن حاۋىپ – قاتەرلەردى جالپى بەتتىك اداقتاپ، اشكەرەلەۋ، شاعىمدانۋ ارنالارىن ىرىقتىلىقپەن جاريالاپ، تاراۋلار ارا بىرلەسىپ ارىز – ارمان قابىلداۋدى ورىستەتەدى ءارى ناقتى دەلو جاعدايىمەن ۇشتاستىرىپ، تۇرگە ءبولىپ شارا قولدانىپ، ەڭبەكاقىنى كەشەۋىلدەتۋگە ساياتىن ماسەلەلەردى ناقتى شەشىم ەتۋدى ىلگەرىلەتەدى. سونىمەن بىرگە، ەڭبەكاقى تاراتۋعا كەپىلدىك ەتۋ جاعىنداعى تۇزىمدەردى ىشكەرىلەي تياناقتاندىرىپ، نەگىزگى ساتىداعى قايشىلىقتار مەن داۋ – شارلاردىڭ الدىن الۋ، ەكى جاقتى تاتۋلاستىرۋ، ماسەلەنى شەشىم ەتۋ ءتۇزىلىسىن كۇشەيتىپ، قايشىلىقتاردى شەشىم ەتۋ مەن قيىنشىلىققا ۇشىراعاندارعا كومەكتەسۋدى ويداعىداي يگەرەدى.

كەلۋ قاينارى: حالىق تورابى