وقۋ – اعارتۋ مينيسترلىگى كۇندەلىكتى ەمتيحان، سىناۋ الۋ رەت سانىن ازايتۋدى تالاپ ەتتى

حالىق گازەتىنىڭ 12 – ايدىڭ 17 – كۇنى بەيجيڭنەن بەرگەن حابارى. تاياۋدا وقۋ - اعارتۋ مينيسترلىگى «ورتا، باستاۋىش مەكتەپتەردىڭ كۇندەلىكتى ەمتيحانىن باسقارۋدى اناعۇرلىم كۇشەيتۋ جونىندەگى ۇقتىرۋدى» باسىپ تاراتىپ، كۇندەلىكتى ەمتيحان، سىناۋ الۋ رەت سانىنىن ازايتىپ، كۇندەلىكتى ەمتيحان ساپاسىن جوعارىلاتىپ، ەمتيحان حاۋىپسىزدىگى حاۋىپ – قاتەرىنەن ساقتانۋدى كۇشەيتۋدى، وقۋشىلاردىڭ وقۋ اۋىرتپالىعىن جەڭىلدەتىپ، وقۋشىلاردىڭ جان - جاقتى، اقاۋسىز دامۋىن جەبەۋدى تالاپ ەتتى.

ۇقتىرۋدا ورتا، باستاۋىش مەكتەپتەردىڭ كۇندەلىكتى ەمتيحان كولەمى جونىندە ايقىن بەلگىلەمە جاسالدى، ورتا، باستاۋىش مەكتەپتەردىڭ كۇندەلىكتى ەمتيحانى دەگەنىمىز جەرگىلىكتى ورىندار مەن مەكتەپتەردىڭ كۇندەلىكتى وقىتۋ بارىسىندا وقۋشىلاردىڭ كەزەڭدىك ۇيرەنۋ ونىمدىلىگىن سىننان وتكىزۋ ءۇشىن، وقىتۋدى جاقسارتۋعا قىزمەت وتەۋ ءۇشىن جىلدىقتاعى بارلىق وقۋشىلارعا باعىتتاپ الىناتىن ەمتيحان، مۇندا ورتالاۋ، ورتا مەكتەپتەردىڭ وقۋ ورەسى ەمتيحانى مەن ادەتتەگى جوعارى مەكتەپتەرگە وقۋشى قابىلداۋدىڭ مەملەكەتتىك ءبىرتۇتاس ەمتيحانى قامتىلمايدى.

ۇقتىرۋدا مىنالار ورتاعا قويىلدى: ەمتيحان رەت سانىن اناعۇرلىم ازايتىپ، باستاۋىش مەكتەپ، ورتالاۋ مەكتەپ، ورتا مەكتەپ سىندى تۇرلىشە وقۋ ساتىسىنا قاراتا تۇرگە ءبولىپ ەمتيحان رەت سانىن مەڭگەرۋ تالابىن ورتاعا قويدى. باستاۋىش مەكتەپتىڭ 1 -، 2 - جىلدىقتارىندا جازباشا ەمتيحان الىنبايدى، مىندەتتى وقۋ - اعارتۋدىڭ باسقا جىلدىقتارىندا مەكتەپ ءار وقۋ ماۋسىمىندا ءبىر رەت ماۋسىمدىق ەمتيحان ۇيىمداستىرادى. سۇراۋدى باسقارۋدى ونان ارى قاتايتىپ، ساباق ولشەمى مەن وقىتۋدىڭ ءىس جۇزىندىك جاعدايىنا قاتاڭ نەگىزدەلىپ، ساپا بەتالىسىن كۇشەيتۋ كەرەك.

كەلۋ قاينارى: حالىق تورابى