ەلىمىز بويىنشا وقىتۋشىلاردى باسقارۋ ينفورماتسيا جۇيەسىنىڭ دارەجەسى جوعارىلاتىلىپ ينتەرنەتكە شىعارىلدى 

حالىق گازەتىنىڭ ءتىلشىسى 12 – ايدىڭ 18 – كۇنى بەيجيڭنەن حابارلايدى. ءتىلشىنىڭ وقۋ – اعارتۋ مينيسترلىگىنەن ۇعىسۋىنشا، 12 – ايدىڭ 17 – كۇنى مەملەكەتتىك وقىتۋشىلاردى باسقارۋ ينفورماتسيا جۇيەسىنىڭ دارەجەسى جوعارىلاتىلىپ ينتەرنەتكە شىعارىلعان. وقىتۋشىلار جۇيەسىنە ”ءبىر تۇتاس ورنالاستىرۋ، كوپ دارەجە بويىنشا پايدالانۋ“ فورماسى قولدانىلىپ، مەملەكەتتىك وقۋ – اعارتۋدى باسقارۋ الەۋمەتتىك قىزمەت وتەۋ تەكشەسى قاتارلى تەكشەلەردىڭ ساندى مالىمەت قاينارىمەن ىشكەرىلەي ۇشتاستىرىلعان، ءار دارەجەلى وقۋ – اعارتۋدى اكىمشىلىك جاقتان باسقارۋ تاراۋلارى مەن مەكتەپتەرگە ءبىر تۇتاس ولشەمدەگى، ساندى مالىمەت شوعىرلاندىرىلعان، قىزمەتى سايكەستىرىلگەن، قىزمەت وتەۋى قولايلى بولعان وقىتۋشىلاردى باسقارۋ جاعىنداعى سيفرلى – زەردەلى قىزمەت تەكشەسىن ازىرلەپ، وقىتۋشىلاردى باسقارۋ مەن ءتۇرلى ارناۋلى قىزمەتتەرگە پايدالانۋ تۇرلەرىن تولىق قامتىعان، وقىتۋشىلار قوسىنى قۇرىلىسىن شىنايى كۇشەيتەدى.

وقىتۋشىلار جۇيەسىنىڭ دارەجەسى جوعارىلاتىلعان سوڭ، وقىتۋشىلاردى باسقارۋ، وقىتۋشىلارعا قىزمەت وتەۋ، ارناۋلى قىزمەت تۇرلەرى جانە ساندى مالىمەتتەرگە تالداۋ جاساۋ قاتارلىلاردى باستى ءتۇيىن ەتكەن فۋنكتسيالىق جۇلگە جاساقتالىپ، جاساندى زەردە جانە ءىرى ساندى مالىمەت تەحنيكاسى جاسامپازدىقپەن توعىستىرىلعان، وقىتۋشىلار قوسىنىن دامىتۋ جاعدايىنا تالداۋ جاساۋ ورىستەتىلىپ، عىلىمي شەشىم قابىلداۋعا پارمەندى تىرەك ازىرلەيدى ءارى ”جۇڭگو وقىتۋشىلارى“ شاعىن پروگرامماسىنداعى وقىتۋشىلارعا ءتيىمدى قىزمەت وتەۋ ايدارشاسى مەن جەرگىلىكتى ورىندارداعى وقىتۋشىلارعا ءتيىمدى قىزمەت وتەۋ ارناۋلى ايدارشا قۇرىلىسىنا دەم بەرىپ، وقىتۋشىلارعا تيىمدىلىك جەتكىزۋ ينفورماتسيالارىن دالمە – ءدال جەتكىزىپ، تىكەلەي يگىلىكتەنۋىنە شارت – جاعداي جاراتادى.

كەلۋ قاينارى: حالىق تورابى