اۋىل - قىستاق فۋتبولى ەرەكشە بىرلەسكەن جارىسىن تياناق ەتىپ، ەرەكشەلىككە يە كاسىپ سالالارىن نىعايتتى (ءتورتىنشى جالپى ءماجىلىستىڭ رۋحىن دايەكتىلەندىرۋدىڭ ءبىرىنشى شەبىنەن كورگەندەرىمىز)

قىس كۇنى بولعانىمەن، گۇيجوۋ ولكەسى چياندۇڭنان مياۋزۋ - دۇڭزۋ اۆتونوميالى وبلىسى رۇڭجياڭ اۋدانىندا وزگەشە قاربالاستىق بايقالادى. اۋىل - قىستاقتاعى زات جيناۋ تۇيىندەرىندە جاڭادان ءۇزىپ الىنعان لوحان جەمىسى شارباقتارعا سالىنىپ، قىستاق تۇرعىندارى سۇرىپتاۋمەن، قوراپتاۋمەن، جونەلتۋمەن قاربالاس بولۋدا؛ اۋدان ورتالىعىنداعى ءوندىرىس لەنياسىندا ماشينا گۇرىلدەپ، شىلاۋ، ايىرۋ سياقتى جۇمىس تارتىپتەرى ارقىلى لوحان جەمىسىنىڭ قۇنى دا كوپ ارتتى.

رۇڭجياڭ اۋدانى كەزىندە بۇكىل ەلدەگى ەڭ سوڭعى توپتا كەدەيلىكتەن ارىلعان اۋدانداردىڭ ءبىرى ەدى نەگىزى ءالسىز بولاتىن. سالىستىرمالى ابزالدىقتى ساۋلەلەندىرىپ، جەرگىلىكتى جاعدايعا قاراي اۋدان ءوڭىرى ەكونوميكاسىن دامىتۋ حالىقتى اۋقاتتاندىرىپ، كىرىستى ارتتىرۋدىڭ شەشۋشى تۇيىنىنە اينالدى.

باس شۋجي شي جينپيڭ بىلاي دەپ باسا دارىپتەدى: ”وزىندىك ەرەكشەلىككە يە اۋدان ءوڭىرى ەكونوميكاسىن دامىتىپ، اۋىل شارۋاشىلىعىنداعى قۋاتتى اۋدانداردان، ونەركاسىپتەگى ءىرى اۋدانداردان، ساياحاتتاعى ايگىلى اۋدانداردان ءبىر توبىن جەتىلدىرىپ، شارۋالار بۇقاراسىنىڭ جاقىن ماڭدا جۇمىستانىپ، كىرىسىن ارتتىرۋىن جەبەۋ كەرەك“.

”وزىندىك ەرەكشەلىككە يە اۋدان ءوڭىرى ەكونوميكاسىن دامىتۋ“، ”اۋىل - قىستاقتىڭ ەرەكشەلىككە يە كاسىپ سالاسىن جەتىلدىرۋ، زورايتۋ“ پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ «ۇسىنىسىنا» جازىلدى.

رۇڭجياڭنىڭ ەرەكشەلىگى اۋىل - قىستاق فۋتبولى ەرەكشە بىرلەسكەن جارىسىمەن تىعىز بايلانىستى.

2023 - جىلى 5 - ايدان قازىرگە دەيىن رۇڭجياڭ اۋىل - قىستاق فۋتبولى ەرەكشە بىرلەسكەن جارىسىن ۇزدىكسىز دابىرالى وتكىزىپ، 2 مىڭ 700 مايدان ءتۇرلى جارىس وتكىزىپ، جالپى 26 ميلليون ادام - رەتتەن استام ساياحاتشى قابىلداپ، ساياحاتتىڭ جالپىلىق كىرىسىن 29 ميلليارد 600 ميلليون يۋاننان اسىردى.

جارىس ەكونوميكاسى بۇقاراعا تىكەلەي تيىمدىلىك جاسادى. اۋىل - قىستاق فۋتبولى ەرەكشە بىرلەسكەن جارىسى دوپ الاڭىنان 50 مەتر قاشىقتىقتاعى ءدامدى تاعامدار كوشەسىندە ياڭ لي ءبىر شيراتپا كۇرىش ۇنى كەسپەسى دۇكەنىن اشتى، فۋتبول جارىسىنىڭ ىقپالىمەن ساۋداسى كۇسەت بولىپ، جاقسى كەزدە كۇنىنە نەشە مىڭ شىنى كەسپە ساتتى. قاربالاستىقتان تىزە بۇگىپ وتىرا الماعانىمەن، جىلدىق كىرىسى ەكى ەسەلەندى، ياڭ لي جاعدايعا قاراي دۇكەندى كەڭەيتىپ اشتى، بولاشاققا سەنىمى نىعايدى.

اۋىل - قىستاق فۋتبولى ەرەكشە بىرلەسكەن جارىسىن تياناق ەتتى، ءتىپتى ونىمەن شەكتەلىپ قالمادى.

رۇڭجياڭ اۋدانى اۋىل - قىستاق فۋتبولى ەرەكشە بىرلەسكەن جارىسىنىڭ ماركا ىقپالىن ساۋلەلەندىرىپ، جالاڭ جارىستان كوپ نەگىزدى كاسىپ كۇيىنە قاراي شارىقتاۋدى ىلگەرىلەتىپ، قارجى، دارىندى، تەحنيكا سياقتى فاكتورلاردىڭ قالا مەن اۋىل اراسىندا اۋىسۋىن جەدەلدەتىپ، ورىن اۋىستىرىپ داميتىن، تىزبەكتەلگەن ەرەكشە اۋدان ءوڭىرى ەكونوميكاسىن قالىپتاستىردى.

ساۋداگەر شاقىرىپ، قارجى ەنگىزۋدەگى وزگەرىس ەڭ كورنەكتى بولدى. ”بۇرىن سىرتقا شىعىپ ساۋداگەر شاقىرۋ قيىن بولاتىن، كوپتەگەن كاسىپورى ءتىپتى رۇڭجياڭنىڭ قايدا ەكەنىن دە بىلمەيتىن“. رۇڭجياڭ اۋداندىق قارجى قوسۋدى جەبەۋ مەكەمەسى باستىعىنىڭ ورىنباسارى چىن شيفىن بىلاي دەدى: اۋىل - قىستاق فۋتبولى ەرەكشە بىرلەسكەن جارىسىمەن اتى شىققاننان كەيىن، كوپتەگەن كاسىپورىن ىرىقتىلىقپەن ىزدەپ كەلىپ سەلبەستىك جاسادى، ”اۋداندا ۇزدىكتەردىڭ ىشىنەن ۇزدىكتەرىن تاڭدادىق، بۇل كاسىپ سالاسى جوباسىنا ۇيلەسكەنىن عانا تياناقتاندىرىپ وتىردىق“.

لوحان جەمىسى رۇڭجياڭنىڭ ەرەكشە ءونىمى. ”بۇرىن بازار جالاڭ، مانەرلەۋ جەتەرسىز بولاتىن، باعا تولقىپ تۇرادى، كەيدە ءونىمدى ارتتىرعانىمىزبەن، كىرىستى ارتتىرا المايتىنبىز“ دەدى لىلي قالاشىعى دالۇي قىستاعىنداعى ەگىمشىلىك ءىرى وتباسىنىڭ مۇشەسى لين زىحى.

” ءبىز اۋىل - قىستاق فۋتبولى ەرەكشە بىرلەسكەن جارىسى ماركاسىنىڭ استارىنداعى ساۋدا ورايىن كورىپ، ىرىقتىلىقپەن رۇڭجياڭعا كەلىپ قارجى قوسىپ زاۆود قۇردىق“. گۇيجوۋ حۋاچىڭ لۇيكى بيو عىلىم - تەحنيكا شەكتى سەرىكتەستىگىنىڭ باستىعى ۋ گولياڭ بىلاي دەدى: نىسانعا جالپى 300 ميلليون يۋان قارجى قوسىلدى، لوحان جەمىسىن الۋ جەلىسى، لوحان جەمىس قاعى ءوندىرىس جەلىسى سياقتىلار سالىندى، 1 - مەرزىمدىك ينجەنەريا وندىرىسكە قوسىلعاننان كەيىن، 8 مىڭ توننادان استام جاس جەمىس - جيدەك ساتتىق، ءونىم قۇنى 100 ميلليون يۋاننان استى.

قىستاق ماركاسى حالىقتى بايىتۋعا تۇرتكى بولدى. رۇڭجياڭ اۋدانىندا 9 مىڭ 270 تيجارات تۇلعاسى تىڭنان قوسىلىپ، ازىق - تۇلىك مانەرلەۋ، ەلەكتروندىق جاساۋ سياقتى 10 نەشە ساپالى كاسىپورىن ىرگە تەۋىپ، 50 نەشە كاسىپورىنمەن اۋىل - قىستاق فۋتبولى ەرەكشە بىرلەسكەن جارىسى ماركاسىنا قول قويۋ سەلبەستىگى جاسالىپ، ونىمدەر بۇكىل ەل كولەمىندە ساتىلدى. اۋدان بويىنشا وڭىرلىك ءوندىرىس جالپى ءونىم قۇنى 10 ميلليارد يۋاننان استى.

”ءبىز پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، ۇزدىكسىز جەرگىلىكتى جاعدايعا قاراي ىستەپ، ەرەكشە ابزالدىققا يە كاسىپ سالالارىن جەتىلدىرىپ، زورايتىپ، شارۋاشىلىقتى گۇلدەندىرۋدى، اۋداندى نىعايتۋدى، حالىقتى اۋقاتتاندىرۋدى ءبىر تۇلعالاندىرا ىلگەرىلەتەمىز“ دەدى رۇڭجياڭ اۋداندىق پارتكومنىڭ شۋجيى شۇي بو.